ᐃᓄᐃᑦ ᑕᐱᕇᑦ ᑲᓇᑕᒥ ᐊᖏᔪᒥᒃ ᖁᕕᐊᓱᒍᔾᔨᕗᑦ ᑲᓇᑕᒥ ᐊᖏᔪᖅᑳᕐᔪᐊᖑᔪᑉ ᔭᔅᑎᓐ ᑐᕉᑑ ᐃᒃᐸᒃᓴᖅ ᐅᓐᓄᖓᓂ ᓂᕈᐊᖅᑕᐅᓯᒪᓕᒃᑲᓐᓂᓚᐅᕐᓂᖓᓂᒃ ᐊᒻᒪᓗ ᖁᓚᕈᓱᖖᒋᓐᓂᕐᒥᓂᒃ ᓇᓗᓇᐃᖅᓯᓯᒪᓚᐅᕐᓂᖓᓄᑦ ᓂᕈᐊᖅᖠᓂᖃᖅᑎᓪᓗᒋᑦ ᓴᖖᒋᓂᖃᑦᓯᐊᕐᓗᑎᒃ ᐊᒥᓲᖖᒋᓐᓂᖅᐸᐅᓪᓗᑎᒃ ᒐᕙᒪᖃᖅᑎᑦᓯᔪᓐᓇᕐᓂᕐᒥᓐᓄᑦ ᐊᒻᒪᓗ ᐃᑲᔪᖅᑎᒌᒃᓱᑎᒃ ᐊᒻᒪᓗ ᐱᓕᕆᐊᖃᕈᓐᓇᑦᑎᐊᖅᑑᓪᓗᑎᒃ ᐊᒥᓱᐃᓕᖓᓪᓗᑎᒃ ᒐᕙᒪᒋᔭᐅᔪᓂᑦ ᐱᓕᕆᔾᔪᑎᖃᕈᓐᓇᕐᓂᐊᕐᓂᕐᒥᓐᓄᑦ. ᐃᓄᐃᑦ ᓂᕆᐅᖕᓂᖃᖅᐳᑦ ᓴᖅᑮᓯᒪᓕᕈᓐᓇᖅᑑᓪᓗᑕ ᐱᓕᕆᖃᑎᖃᕈᓐᓇᕐᓂᐊᕐᓂᑦᑎᓐᓂᒃ ᒐᕙᒪᑐᖃᒃᑯᓐᓂᒃ ᐊᒻᒪᓗ ᓯᕗᒻᒧᒋᐊᖅᑎᑕᐅᔪᓐᓇᕐᓂᐊᕐᓂᖏᑕ ᐃᓄᐃᑦ-ᒐᕙᒪᑐᖃᒃᑯᑦ ᐱᓕᕆᐊᖃᖃᑎᒌᓐᓂᖏᓐᓂᒃ, ᐃᓚᖃᖅᑎᓪᓗᒋᑦ ᐊᒥᖅᑲᕈᑎᒋᓪᓗᒋᑦ ᓯᕗᓪᓕᖅᐸᐅᑎᑕᐅᔭᕆᐊᓕᖕᓂᒃ ᓇᓗᓇᐃᔭᖅᑕᐅᓯᒪᔪᓂᑦ ᐃᓄᐃᑦ-ᒐᕙᒪᑐᖃᒃᑯᑦ ᐱᓕᕆᐊᖃᖃᑎᒌᖕᓂᖏᓐᓄᑦ ᑲᑎᒪᔨᕋᓛᓂᑦ. ᒪᓕᒃᖢᒋᑦ ᓯᕗᓪᓕᖅᐸᐅᑎᑕᒃᓴᖁᑎᕗᑦ ᓂᕈᐊᖅᖠᓂᖃᕐᓂᕐᒥᑦ, ᒐᕙᒪᒃᑯᓐᓂᒃ ᑎᓕᐅᕆᕗᒍᑦ ᓯᕗᓪᓕᖅᐸᐅᑎᑕᒃᓴᐅᓕᖅᓯᒪᔪᑦ ᐱᔭᕇᖅᑕᐅᓯᒪᓕᖁᓪᓗᒋᑦ ᐃᓄᐃᑦ ᓄᓇᖓᓐᓂ ᒪᓕᒐᖁᑎᐅᔪᑦ ᐱᓕᕆᐊᖃᖃᑎᖃᕐᓂᕐᒥᓐᓂᒃ ᐃᓄᐃᑦ ᑕᐱᕇᒃᑯᓐᓂᒃ ᑲᓇᑕᒥ, ᐊᒻᒪᓗ ᐱᒋᐊᖅᑎᑦᓯᓯᒪᓕᕐᓗᑎᒃ ᐊᒻᒪᓗ ᐊᑐᓕᖅᑎᑦᓯᓯᒪᓕᕐᓗᑎᒃ ᑖᒃᑯᓂᖓ ᓯᕗᓪᓖᑦ ᐱᖓᓱᑦ ᑕᖅᑮᑦ ᐊᑐᓕᓵᖅᓯᒪᑎᓪᓗᒋᑦ ᐱᓕᕆᐊᒃᓴᕆᔭᖏᓐᓄᑦ ᐱᒋᐊᖅᑎᑦᓯᓯᒪᓕᕐᕕᖓᓐᓂᑦ. ᓂᕆᐅᓐᓂᖃᕆᕗᒍᑦ ᐃᑲᔪᕐᓂᖃᕈᓐᓇᕐᓂᐊᕐᓂᑦᑎᓐᓂᒃ ᐃᓗᐃᒃᑲᐅᔪᒃᑯᑦ ᐃᓚᒋᔭᐅᖃᑕᐅᓂᕐᒧᑦ ᓇᓗᓇᐃᖅᑕᐅᓯᒪᓕᐊᓂᒃᑐᓄᑦ ᓯᕗᓪᓕᕐᒥᒃ ᒥᓂᔅᑕᕆᔭᐅᔪᑦ ᑲᑎᒪᓂᖃᕐᓂᐊᕐᓂᖏᓐᓂ ᑐᕌᖓᑎᑕᐅᔪᓄᑦ ᓄᓇᖃᖅᑳᕐᓯᒪᔪᓂ ᐱᕙᓪᓕᐊᔪᓕᕆᓂᐅᔪᓄᑦ ᐊᒻᒪᓗ ᓴᐃᒻᒪᖃᑎᒌᒃᓯᒪᓕᕐᓂᓕᕆᓂᕐᒥ.
September 21, 2021 – Ottawa, Ontario