Skip to main content
ᑐᓴᖅᑎᑦᓯᔾᔪᑏᑦ

ᐃᓄᐃᑦ ᑕᐱᕇᑦ ᑲᓇᑕᒥ ᑲᑎᒪᔨᖏᑦ ᑲᑎᒪᓂᖃᖅᑐᑦ ᐋᑐᕙᒥ, ᐊᑎᓕᐅᕆᕗᑦ ᐃᓄᒋᐊᒃᑐᓂᕐᒥᐅᑦ ᐃᓄᐃᑦ ᑲᑎᒪᔨᖖᒐᓯᐊᕈᓯᓂᒃ ᐱᒋᐊᖅᑎᑦᑎᓯᒪᓕᕆᐊᒥᒃ

By May 31, 2024 No Comments

ᒪᐃ 30 30, 2024 — ᐋᑐᕙ, ᐋᓐᑎᐊᕆᐅ

ᐃᓄᐃᑦ ᑕᐱᕇᑦ ᑲᓇᑕᒥ ᑲᑎᒪᔨᖏ ᓂᕈᐊᖅᖠᓂᖃᓚᐅᖅᐳᑦ ᒪᐃ 29-ᒥ ᐱᒋᐊᖅᑎᑦᑎᓯᒪᓕᕆᐊᒥᒃ ᓄᑖᖑᓪᓗᑎᒃ ᑲᑎᒪᔨᖖᒐᓯᐊᕈᓯᐅᓕᕐᓂᐊᖅᑐᓂᒃ ᑲᑎᒪᔨᓄᑦ ᐱᐅᓂᖅᓴᑎᒍᑦ ᐃᓚᓕᐅᔾᔨᓯᓕᕆᐊᒥᒃ ᐃᓄᐃᑦ ᑕᐱᕇᒃᑯᑦ ᐱᓕᕆᓂᖃᕐᕕᒋᔭᖏᓐᓄᑦ ᐃᓂᒋᔭᖏᓂᒃ ᐃᓄᐃᑦ ᓄᓇᓕᖃᖅᑐᓄᑦ ᐃᓄᐃᑦ ᓄᓇᖓᑦᑕ ᓯᓚᑖᓂ: ᐃᓚᒋᔭᐅᖃᑕᐅᔪᐃᑦ ᑲᑎᒪᔨᖖᒐᓯᐊᕈᓯᐅᔪᓄᑦ ᑕᑯᒃᓴᐅᑎᑦᑎᓯᒪᑎᑕᐅᓗᑎᒃ ᐃᓄᐃᑦ ᑕᐱᕇᑦ ᑲᓇᑕᒥ ᑲᑎᒪᔨᖏᓐᓄᑦ ᐃᓚᒋᔭᐅᓂᖏᓐᓂᒃ; ᐊᑐᓂ ᐃᓄᐃᑦ ᐊᖏᕈᑎᑎᒍᑦ ᑲᑐᔾᔨᖃᑎᒌᖑᔪᐃᑦ ᐊᒻᒪᓗ ᐊᑕᐃᓐᓇᖅᑐᒥᒃ ᐃᓚᒋᔭᐅᖃᑕᐅᔪᐃᑦ ᑎᓕᓯᓯᒪᓕᖃᑦᑕᕐᓂᐊᕐᓗᑎᒃ ᐱᔾᔪᑎᖃᖅᑎᐅᓂᐊᖅᑐᒥᒃ:

ᓈᒻᒪᒃᓴᐃᓯᒪᓕᓚᐅᕐᒥᔪᑦ ᐱᒋᐊᖅᑎᑦᑎᓯᒪᓕᕆᐊᒥᒃ ᑲᓇᑕᒥ ᐃᓄᐃᑦ ᓴᓇᐅᒐᖏᓂᒃ ᓂᐅᕝᕈᑎᖃᖃᑦᑕᕐᓂᓕᕆᓂᕐᒧᑦ ᑲᑎᒪᔨᕋᓛᖑᓂᐊᖅᑐᓂᒃ; ᐃᓄᖕᓄᑦ ᑐᕌᖓᑎᑕᐅᓪᓗᑎᒃ ᐱᓕᕆᓂᖃᕐᕕᒃᓴᒥᒃ ᐋᖅᑭᒃᓱᐃᕙᓐᓂᕐᒥ ᐃᓱᒪᓕᐅᕈᑎᐅᓂᐊᖅᑐᓂᒃ ᐃᓄᐃᑦ ᑕᐱᕇᑦ ᑲᓇᑕᒥ ᑲᑎᒪᔨᖏᓐᓄᑦ ᐱᕙᓪᓕᐊᔪᓕᕆᓂᕐᓄᑦ ᐱᔾᔪᑎᒋᓪᓗᒋᑦ ᐃᓄᐃᑦ ᐃᖅᑲᓇᐃᔭᕐᓂᓕᕆᓂᖏᓐᓄᑦ, ᓴᓇᔨᐅᕙᓐᓂᖏᓐᓄᑦ; ᐊᒻᒪᓗ ᐊᔪᖖᒋᓐᓂᕆᔭᖏᓂᒃ ᐱᕙᓪᓕᐊᑎᑦᑎᕙᓐᓂᕐᓄᑦ.

ᑲᑎᒪᔩᑦ ᓈᒻᒪᒃᓴᐃᓯᒪᓕᓚᐅᕐᒥᔪᑦ ᒐᕙᒪᑐᖃᒃᑯᑦ ᑮᓇᐅᔭᖁᑎᖃᖅᑎᑦᓯᔾᔪᑎᖏᑦ ᓴᓂᕐᕙᖅᑕᐅᓯᒪᓕᖁᓪᓗᒋᑦ ᒪᑯᓄᖓ ᐱᓕᕆᐊᖑᒋᐊᕈᑎᒃᓴᐅᔪᓂᒃ:

  • $285-ᒥᓕᐊᓐᑖᓚᓂᒃ ᑮᓇᐅᔭᖁᑎᖃᖅᑎᑦᑎᓂᐊᕐᓂᕐᒥᒃ ᐅᑭᐅᑦ ᖁᓕᓄᑦ (10) ᓄᓇᖃᖅᑳᖅᓯᒪᔪᐃᑦ ᐋᓐᓂᐊᖅᓯᐅᕐᑎᓕᕆᓂᕐᒥ ᑮᓇᐅᖁᔭᖁᑎᒃᓴᐅᔪᓂᑦ ᑐᓂᔭᐅᓯᒪᓕᕐᓂᐊᕐᓂᖏᓐᓄᑦ ᓇᓗᓇᐃᖅᑕᐅᓯᒪᓕᓚᐅᖅᑐᓂᑦ ᑮᓇᐅᔭᖁᑎᒃᓴᖃᖅᑎᑦᑎᓂᐊᕐᓂᕐᒧᑦ 2023-ᒥ ᐱᓕᕆᐊᖃᕈᑎᒃᓴᓂᒃ ᓇᓕᖅᑲᐅᑎᑦᑎᓗᑎᒃ ᐊᑐᐃᓐᓇᐅᓕᖅᑎᑦᑎᒋᐊᕐᓂᕐᒧᑦ ᐋᓐᓂᐊᖅᓯᐅᕐᑎᓕᕆᔾᔪᑎᒃᓴᐅᔪᓂᒃ
  • $197.5-ᒥᓕᐊᓐᑖᓚᓂᒃ ᑮᓇᐅᔭᖁᑎᖃᖅᑎᑦᑎᓂᐊᕐᓂᕐᒥᒃ 7 ᐅᑭᐅᑦ ᐊᑐᖅᐸᓪᓕᐊᑎᓪᓗᒋᑦ ᐃᓄᒋᐊᒃᑐᓂᕐᒥᐅᑦ; ᐃᓄᒋᐊᖖᒋᑦᑐᓂᕐᒥᐅᑦ; ᐊᒻᒪᓗ ᐅᑭᐅᖅᑕᖅᑐᒥ ᓄᓇᖃᖅᑳᖅᓯᒪᔪᐃᑦ ᐃᒡᓗᓕᕆᓂᕐᒧᑦ ᐸᕐᓇᐅᑎᖏᓐᓂᑦ
  • $1.3-ᒥᓕᐊᓐᑖᓚᓂᒃ ᑲᓇᑕᒥ ᐃᖅᑲᓇᐃᔭᕐᓂᓕᕆᓂᖅ ᐊᒻᒪᓗ ᐃᓅᓯᓕᕆᔨᒃᑯᓐᓂᑦ ᐱᕈᖅᑎᑦᑎᒋᐊᕈᑎᐅᓂᐊᖅᑐᓂᒃ ᐃᖅᑲᓇᐃᔭᖅᑎᓂᒃ ᐱᓕᕆᐊᖃᖅᑎᖃᓕᕆᐊᒥᒃ ᐃᓄᐃᑦ ᐊᕕᒃᑐᖅᓯᒪᓂᖏᓐᓂ ᑐᑭᒧᐊᒃᑎᐅᕙᓐᓂᐊᖅᑐᓂᒃ ᐃᓄᖕᓂᒃ ᓯᕗᓕᖅᑎᖃᕐᓗᑎᒃ ᖃᐅᔨᓴᐃᓂᐅᕙᒃᑐᓄᑦ ᐊᒻᒪᓗ ᐋᖅᑭᒃᓱᐃᓯᒪᓕᕐᓗᑎᒃ ᐃᓄᖕᓄᑦ ᑐᕌᖓᓪᓗᑎᒃ ᐱᓕᒻᒪᒃᓴᐃᓂᓕᕆᓂᕐᒥ ᐱᓕᕆᐊᓂᒃ ᐊᑐᓕᖅᑎᑦᑎᓯᒪᓕᕆᐊᒥᒃ ᓯᕗᓂᕐᒥ ᐃᓄᖕᓂᒃ ᖃᐅᔨᓴᖅᑎᐅᕙᓕᕋᔭᖅᑐᓄᑦ

ᑲᑎᒪᔩᑦ ᑐᓂᔭᐅᓯᒪᓕᓚᐅᖅᐳᑦ ᓯᕗᓪᓕᕐᒥᒃ ᐅᓂᒃᑳᓕᐊᖑᓯᒪᔪᓂᒃ ᓇᓗᓇᐃᔭᐃᓯᒪᓪᓗᑎᒃ ᐃᖏᕐᕋᑦᑎᐊᕐᑎᑕᐅᓯᒪᓂᖏᑕ ᓄᓇᖃᖅᑳᖅᓯᒪᔪᐃᑦ ᓄᓇᓕᐅᔪᓂ ᐊᐅᓚᑦᓯᓂᖃᕐᕕᐅᔪᓄᑦ ᑮᓇᐅᔭᖁᑎᒃᓴᐅᔪᑦ; ᓴᓂᕐᕙᐃᓯᒪᓕᓚᐅᖅᑐᓄᑦ $517.8-ᒥᓕᐊᓐᑖᓚᓂᒃ ᐃᓄᐃᑦ ᐊᖏᕈᑎᑎᒍᑦ ᑲᑐᔾᔨᖃᑎᒌᖏᓐᓄᑦ 2021-ᒥ ᐃᑲᔪᕈᑎᒃᓴᓂᒃ ᒫᓐᓇᑲᐅᑎᒋ ᐊᐅᓚᑦᓯᓂᖃᕐᕕᐅᔪᓂᑦ ᐱᔭᐅᓯᒪᓕᕆᐊᖃᖅᑐᓄᑦ: ᐊᐃᐱᕆ 2024-ᒥ, ᐅᑭᐅᒥᒃ ᐊᑕᐅᓯᕐᒧᑦ ᑮᓇᐅᔭᖁᑎᒃᓴᖏᓂᒃ ᐱᑎᑕᐅᕙᓐᓂᖏᑦ ᐱᑎᑕᐅᓯᒪᔪᓐᓇᓕᖅᑎᓪᓗᒋᑦ; 75 ᐳᕐᓴᓐᑎᖏᑦ ᐃᓄᖕᓄᑦ ᑐᕌᖓᑎᑕᐅᓯᒪᓪᓗᑎᒃ ᑮᓇᐅᔭᖁᑎᒃᓴᐅᔪᑦ ᐊᑐᖅᑕᐅᔪᒃᓴᐅᑎᑕᐅᓪᓗᑎᒃ ᐱᓕᕆᐊᖑᑲᐃᓐᓇᖅᑐᓄᑦ ᐃᓄᐃᑦ ᓄᓇᓕᒋᔭᖏᓐᓂ; ᐊᒻᒪᓗ ᑮᓇᐅᔭᖁᑎᒃᓴᐅᔪᐃᑦ ᑖᒃᑯᐊ ᑐᓂᐅᖅᑲᖅᑕᐅᓯᒪᓕᓚᐅᖅᐳᑦ ᐊᒻᒪᓗ ᐊᐅᓚᑕᐅᓂᖃᖅᓱᑎᒃ ᐃᑲᔪᕈᑎᐅᕙᓐᓂᐊᕐᑎᓪᓗᒋᑦ ᐃᓄᐃᑦ ᓇᖕᒥᓂᖅ ᐃᓱᒪᓕᐅᕈᑎᓕᐅᕈᓐᓇᕐᓂᖏᓐᓄᑦ ᐊᖏᔫᑎᐅᓪᓗᑎᒃ ᐊᐅᓚᑦᓯᓂᕐᓂᐅᔪᓄᑦ ᐱᓕᕆᐊᖑᓕᖅᓯᒪᔪᓂᒃ: ᐅᖓᑖᓄᐊᖅᑐᑦ 120-ᓂᑦ ᐱᓕᕆᐊᖑᑲᐃᓐᓇᖅᑐᑦ ᐃᓄᐃᑦ ᓄᓇᓗᒃᑖᖓᓐᓂ ᑮᓇᐅᔭᖁᑎᒃᓴᖃᖅᑎᑕᐅᓯᒪᕗᑦ ᐅᕝᕙᓘᓐᓃᑦ ᐃᓚᖓᒍᑦ ᑮᓇᐅᔭᖁᑎᒃᓴᖃᖅᑎᑕᐅᓯᒪᓪᓗᑎᒃ ᑖᒃᑯᑎᒎᓇᖅ ᑮᓇᐅᔭᓂᒃ ᕿᑐᕐᖏᐅᖅᑎᑦᑎᓂᖅᑎᒍ; ᐃᓚᖃᖅᑎᓪᓗᒋᑦ ᐊᖅᑯᑎᒥ ᐃᑯᒻᒪᖁᑎᖃᖅᑎᑦᑎᓂᕐᓄᑦ; ᓱᒃᑲᔪᑎᒍᑦ ᖃᕆᑕᐅᔭᒃᑰᕈᑏᑦ ᓄᑕᐅᓕᕆᐊᖅᑎᑕᐅᓂᖏᓐᓄᑦ; ᓯᓚᒥ ᐱᖖᒍᐊᕐᕖᑦ; ᐸᐃᕆᕝᕕᖕᓄᑦ, ᓯᕿᓐᓂᕐᓂᕐᒥᑦ ᐊᒻᒪᓗ ᐊᓄᕆᒥᑦ ᐅᐊᔭᐅᑎᓕᐅᕈᑎᓄᑦ; ᒪᒃᑯᒃᑐᐃᑦ ᑲᑎᑦᑕᕐᕕᖏᓐᓄᑦ; ᐱᖖᒍᐊᕐᕕᖕᓄᑦ; ᐊᒻᒪᓗ ᐊᒥᓱᐃᓂᑦ ᐊᑐᖅᑕᐅᔪᓐᓇᖅᓱᑎᒃ ᖃᓄᐃᓕᐅᕆᐊᕐᕕᒃᓴᐅᔪᓄᑦ.

ᑲᑎᒪᔩᑦ ᐃᑲᔪᖅᑐᐃᓂᕐᒥᓐᓂᒃ ᓄᑕᐅᓕᕆᐊᖅᑎᑦᑎᓚᐅᕐᒥᔪᑦ ᐱᓕᕆᓂᐅᔪᓄᑦ ᐃᓄᐃᑦ ᐱᔪᓐᓇᐅᑎᖃᕐᓂᖏᑕ ᐅᖓᑎᓗᐊᖓᓄᐊᖅᓯᒪᓪᓗᑎᒃ ᐊᒻᒪᓗ ᐊᖏᒡᓕᒋᐊᖅᓯᒪᓪᓗᑎᒃ ᐃᖅᓯᓵᕆᓂᐅᕙᓕᖅᑐᓄᑦ ᓱᓕᖖᒋᑦᑑᓪᓗᑎᒃ ᐃᓄᓪᓚᑦᑖᓄᑦ ᐃᓚᒋᔭᐅᓂᕋᖅᐸᓐᓂᕐᓄᑦ. ᐊᑐᓕᖅᑎᑕᐅᖁᔨᔾᔪᑎᑎᒍᑦ ᓈᒻᒪᒃᓴᐃᓯᒪᓂᕐᓄᑦ ᐃᒡᓗᓕᕆᓂᕐᒥ ᑮᓇᐅᔭᖁᑎᖃᖅᑎᑦᑎᓂᐊᕐᓂᕐᒧᑦ ᐃᓄᒋᐊᒃᑐᓂᕐᒥᐅᑦ, ᐃᓄᒋᐊᖖᒋᑦᑐᓂᕐᒥᐅᑦ, ᐊᒻᒪᓗ ᐅᑭᐅᖅᑕᖅᑐᒥ ᓄᓇᖃᖅᑳᖅᓯᒪᔪᐃᑦ ᐃᒡᓗᓕᕆᓂᕐᒧᑦ ᐸᕐᓇᐅᑎᖏᓐᓂᑦ, ᑲᑎᒪᔩᑦ ᐅᔾᔨᕈᓱᓕᓚᐅᖅᐳᑦ ᐃᑲᔪᖅᑐᐃᓯᒪᖖᒋᓐᓂᕐᒥᓐᓂᒃ ᓴᓂᕐᕙᐃᓯᒪᓕᕆᐊᒧᑦ ᓇᓕᖏᓐᓂᒃᓘᓐᓃᑦ ᑮᓇᐅᔭᖁᑎᒃᓴᓂᒃ ᓄᓇᑐᖃᕗᑦ ᓄᓇᓕᐅᔪᒥ ᑲᑎᒪᔨᐅᔪᓄᑦ ᐊᒻᒪᓗ ᓇᓕᖏᓐᓄᓪᓘᓐᓃᑦ ᐊᓯᖏᓐᓄᑦ ᓱᓕᖖᒋᑦᑑᓪᓗᑎᒃ ᐃᓛᒃᑰᖓᔪᓄᑦ ᐃᓄᖕᓄᑦ ᐊᒻᒪᓗ ᑲᑐᔾᔨᖃᑎᒌᖑᔪᓄᑦ ᓱᓕᖖᒋᑦᓱᑎᒃ ᐃᓄᓪᓚᑦᑖᖑᓂᕋᕈᑎᐅᔪᓄᑦ ᐅᕝᕙᓘᓐᓃᑦ ᐃᓚᒋᔭᐅᓂᕋᕈᑎᐅᓯᒪᔪᓄᑦ.

ᑲᑎᒪᔩᑦ ᐃᑲᔪᖅᑐᐃᓂᖃᓚᐅᕐᒥᔪᑦ ᐃᓄᐃᑦ ᑕᐱᕇᑦ ᑲᓇᑕᒥ ᑲᔪᓯᑎᑦᑎᓯᒪᓪᓗᑎᒃ ᐱᓕᕆᓂᖃᕐᓂᖏᓂᒃ ᐃᑲᔪᖅᑕᐅᓯᒪᓕᖅᑎᑦᑎᒋᐊᕐᓂᕐᓄᑦ ᐃᒃᓯᕋᕐᔪᐊᕐᒥᐅᑦ ᑐᒃᓯᐊᕐᕕᖓᑕ ᐃᓄᖕᓂᒃ ᐋᓐᓂᖅᑎᖅᑕᐅᓯᒪᔪᓄᑦ.