ᐃᓄᐃᑦ ᑕᐱᕇᑦ ᑲᓇᑕᒥ ᓄᑖᒥᒃ ᐱᓕᕆᐊᒥᒃ ᐋᒻᑭᒃᓱᐃᓵᓚᐅᕐᑐᑦ ᒪᒃᑯᒃᑐᓂᒃ ᐅᑭᐅᓕᖕᓂᒃ 18-ᓂᑦ 30-ᓄᑦ ᐱᓕᒻᒪᒃᓴᐃᓯᒪᓕᕈᑎᒃᓴᓂᒃ ᐊᒻᒪᓗ ᐱᓕᕆᓂᐊᖃᖃᑕᐅᔪᓐᓇᓕᖁᓪᓗᒋᑦ.
ᐃᓄᐃᑦ ᑕᐱᕇᑦ ᑲᓇᑕᒥ ᒪᒃᑯᒃᑐᑦ ᓯᕗᓕᖅᑎᐅᓂᕐᒧᑦ ᐃᖅᑲᓇᐃᔮᖃᓕᕈᓐᓇᕐᓂᖏᑕ ᐱᓕᕆᐊᖓᑦ ᐊᑐᓕᖅᓯᒪᓂᐊᕐᑐᖅ ᓯᑕᒪᓄᑦ (4) ᑕᖅᑭᓄᑦ 2022-ᒥ ᐊᒻᒪ ᓯᕗᓂᑦᑎᓐᓂ ᐅᑭᐅᒃ ᒪᕐᕈᒃᑲᓐᓃᖕᓄᑦ. ᐊᑐᓂ ᐃᓚᒋᔭᐅᖃᑕᐅᓕᖅᑐᓂᒃ ᐱᓕᒻᒪᒃᓴᓂᖃᖃᑦᑕᕐᓂᐊᖅᐳᒍᑦ ᒪᓕᒐᓕᕆᓂᕐᒥ ᓯᕗᒻᒧᒋᐊᖅᑎᑦᓯᕙᓐᓂᕐᓄᑦ, ᑐᓴᐅᒪᖃᑦᑕᐅᑎᓕᕆᓂᕐᒧᑦ ᐊᒻᒪᓗ ᖃᐅᔨᓴᐃᓂᕐᒥ ᐱᓕᕆᓂᐅᔪᓄᑦ ᐃᓄᐃᑦ ᑕᐱᕇᒃᑯᑦ ᑲᓇᑕᒥ ᐊᓪᓚᕝᕕᒡᔪᐊᖓᓂ ᐋᑐᕙᒥ.
“ᒪᒃᑯᒃᑐᖏᑦ ᐃᓄᐃᑦ ᖃᐅᔨᒪᓕᖅᓯᒪᖖᒋᑦᓱᖕᓇᕐᒪᑕ ᓱᓇᓕᕆᔨᐅᓕᕈᒪᓂᕐᒥᓐᓂᒃ. ᑭᓯᐊᓂᓗ ᐃᓄᐃᑦ ᐃᓅᖃᑎᒌᒃᑐᓂᑦ ᐊᔪᖖᒋᓐᓂᕆᔭᑦᑎᓐᓂᒃ ᓯᕗᒻᒧᒃᐸᓪᓕᐊᓯᒪᔭᕆᐊᖃᖅᑎᑕᐅᒐᑦᑕ ᐱᕈᖅᑎᑦᓯᓯᒪᓕᕆᐊᒥᒃ ᐊᒃᖢᐃᑦᑑᓗᑎᒃ ᓯᕗᓂᒃᓴᖃᓕᖅᑎᑕᐅᖁᓪᓗᒋᑦ ᓄᓇᓕᒋᔭᕗᑦ ᐊᒻᒪᓗ ᐃᓅᖃᑎᒋᔭᕗᑦ,” ᐅᖃᖅᓱᓂ ᑐᕇᓯ ᓵᕋᔨᓐ, ᐃᓱᒪᑕᖅ ᐱᓕᕆᕝᕕᓕᕆᔨᒃᑯᖏᓐᓄᑦ ᐃᓄᐃᑦ ᑕᐱᕇᒃᑯᑦ ᑲᓇᑕᒥ.
“ᒪᒃᑯᒃᑐᑦ ᓯᕗᓕᖅᑎᐅᓂᕐᒧᑦ ᐃᖅᑲᓇᔮᖃᓕᕈᓐᓇᕐᓂᖏᑕ ᐱᓕᕆᐊᖓᑦ ᐋᖅᑭᒃᑕᐅᓯᒪᖕᒪᑦ ᐃᑲᔪᕈᑎᒃᓴᐅᓂᐊᖅᓱᓂ ᓯᕗᓪᓕᕐᒥᒃ ᐃᓚᒋᔭᐅᓕᖅᑐᓄᑦ 6-ᖑᓪᓗᑎᒃ ᒪᒃᑯᒃᑐᑦ ᐱᕈᖅᐸᓪᓕᐊᔾᔪᑎᒃᓴᖏᓐᓄᑦ ᐊᒻᒪᓗ ᐱᕚᓪᓕᖃᑎᒌᒃᓯᒪᓕᕈᑎᒋᓗᒋᑦ ᐊᔾᔨᒌᖖᒋᐅᖅᑐᓂᒃ ᓄᑖᓂᒃ ᐱᓕᕆᓂᖃᕐᓂᕐᒥᓐᓂᑦ, ᐃᓕᓐᓂᐊᕈᑎᒋᓗᒋᑦ ᐊᑐᖅᑕᐅᓯᒪᔪᑦ ᐊᒻᒪ ᐊᐅᓪᓚᖅᓯᒪᖃᑎᒌᖕᓂᐅᕙᒃᑐᑎᒍᑦ. ᐱᑕᖃᖅᑎᑦᓯᓯᒪᔪᓐᓇᖅᑐᒍᑦ ᖃᓄᐃᓐᓂᖖᒋᑦᑐᒦᔾᔪᑎᒃᓴᖏᓂᒃ ᐃᓄᖕᓄᑦ ᐆᒃᑐᕋᕈᒪᓂᖃᖅᑐᓄᑦ ᐊᔾᔨᒌᖖᒋᐅᖅᑐᓂᒃ ᐱᓕᕆᔨᐅᓂᕐᒧᑦ ᐊᑐᐃᓐᓇᐅᑎᓯᒪᓂᐊᖅᑕᑦᑎᓐᓂᒃ ᑲᑐᔾᔨᖃᑎᒌᖑᓪᓗᑕ.”
ᑐᒃᓯᕋᐅᑎᖃᖅᑐᑦ ᓇᓂᑐᐃᓐᓇᖅ ᑲᓇᑕᒥ ᓄᓇᓕᖃᖅᑑᔪᖕᓇᖅᐳᑦ. ᓂᕈᐊᑦᖅᑕᐅᓯᒪᓕᖅᑐᑦ ᒪᓕᒃᑎᑕᐅᓪᓗᑎᒃ ᑮᓇᐅᔭᓕᐅᕈᑎᒋᔭᐅᕙᒃᑐᓄᑦ ᐊᓯᖏᓐᓂᑦ ᑮᓇᐅᔭᓕᐅᕈᑎᓂᒃ ᐊᑭᓕᖅᑐᒐᐅᕙᓐᓂᐊᖅᑐᑦ. ᓄᒃᑎᖅᓯᒪᓂᖏᓐᓄᑦ ᐃᑲᔪᕈᑎᒃᓴᓂᒃ ᐊᒻᒪᓗ ᐃᒡᓗᑖᖅᓯᒪᓕᕈᑎᒃᓴᖏᓂᒃ ᐱᓕᕆᐊᒧᑦ ᐃᓚᒋᔭᐅᑎᓪᓗᒋᑦ ᐊᑐᐃᓐᓇᐅᑎᑦᑎᓂᐊᕐᒥᔪᒍᑦ. ᑐᒃᓯᕋᐅᑎᖃᖅᑐᑦ ᐃᓚᒋᔭᐅᔫᔭᕆᐊᖃᖖᒋᑦᑐᑦ ᐃᓕᓐᓂᐊᖅᑐᓄᑦ ᑐᒃᓯᕋᐅᑎᖃᕈᒪᒍᑎᒃ.
ᐱᓇᓱᐊᕈᒪᔪᑦ ᑖᔅᓱᒧᖓ ᐃᓚᔭᐅᓕᕆᐊᒧᑦ ᐊᐱᕆᔭᐅᓯᒪᕗᑦ ᑐᓂᓯᓯᒪᓕᖁᔭᐅᓪᓗᑎᒃ ᐃᓕᓐᓂᐊᕈᑎᒋᓯᒪᔭᒥᓐᓂᒃ ᐃᖅᑲᓇᐃᔮᕆᓯᒪᔭᒥᖕᓂᒃᓗ ᑎᑎᕋᖅᑕᐅᓯᒪᔪᓂᒃ ᐊᒻᒪᓗ ᑎᑎᖅᑲᓂᒃ ᓇᓗᓇᐃᔭᐅᑎᓂᒃ ᐃᓚᖃᕐᓗᒋᑦ ᓯᕗᕐᖓᓂ ᐊᐃᐱᕆ 15, 2022. ᑐᓴᒐᒃᓴᒃᑲᓐᓃᑦ ᐊᑐᐃᓐᓇᐅᕗᑦ ᖃᕆᑕᐅᔭᑎᒍᑦ ᐅᕙᓂ www.itk.ca/youth-leadership-employment-program-multiple-positions
ᐊᐱᖅᓱᖅᑕᐅᕕᒃᓴᕐᓂᒃ ᐋᖅᑮᓯᒪᓕᕈᒪᒍᕕᑦ ᑎᑎᕋᕐᕕᒋᓗᑕ ᐅᕙᓂ: