ᐅᑭᐅᖑᓵᓚᐅᖅᑐᓂ, ᑲᓇᑕᒥᐅᑦ ᐊᒥᓱᕐᔪᐊᒻᒪᕆᐊᓗᖕᓂᑦ ᓱᓕᖖᒋᑦᓱᑎᒃ ᐃᓚᒋᔭᐅᖃᑕᐅᓂᕋᐅᑎᓂᒃ ᓄᓇᖃᖅᑳᖅᓯᒪᔪᓄᑦ ᓇᓗᓇᐃᖅᓯᕝᕕᐅᖃᑦᑕᖅᓯᒪᓕᖅᐳᑦ. ᑕᒪᒃᑯᐊ ᐱᓕᕆᓂᐅᓯᒪᔪᑦ ᐊᑐᕐᓂᕐᓗᒍᑎᐅᓪᓗᑎᒃ ᐅᖃᖅᑕᐅᖃᑦᑕᖅᓯᒪᒻᒪᑕ ᖃᐅᔨᒪᔭᐅᓪᓚᕆᖖᒋᓐᓂᖏᑎᒍᑦ ᐊᒥᓱᓂᑦ ᑲᓇᑕᒥᐅᓂᑦ ᐱᔾᔪᑎᒋᓪᓗᒋᑦ ᓄᓇᖃᖅᑳᖅᓯᒪᔪᐃᑦ ᑭᒃᑰᓐᓂᖏᓐᓄᑦ. ᓴᒡᓗᔾᔪᑎᖃᖅᓱᑎᒃ ᐃᓚᒋᔭᐅᖃᑕᐅᓯᒪᓂᕋᖅᓯᒪᔪᑦ ᐊᓯᔾᔩᕙᓪᓕᐊᒐᔪᒪᑕ ᐅᓂᒃᑳᕆᓯᒪᔭᒥᓐᓂᒃ ᐊᒻᒪᓗ ᓴᖖᒋᓴᖅᓱᑎᒃ ᓂᓪᓕᐊᑎᑦᑎᑦᑕᐃᓕᓂᖃᓕᖅᐸᒃᓱᑎᒃ ᑕᐃᒃᑯᓂᖓ ᖃᐅᔨᑎᑕᐅᓪᓚᕆᒍᒪᓂᕋᖅᑐᓂᒃ.
ᑖᒃᑯᐊ ᑎᑎᖅᑲᑦ ᑎᑎᕋᖅᑕᐅᓯᒪᒻᒪᑕ ᑐᓴᐅᒪᔭᐅᓕᖁᓪᓗᒋᑦ ᐱᓕᕆᐊᕆᔭᐅᓯᒪᓕᖅᑐᓂᒃ ᓄᓇᑐᖃᕗᑦ ᓄᓇᓕᐅᔪᒥ ᑲᑎᒪᔨᒋᔭᐅᔪᓂᑦ (NCC) ᐱᓕᕆᐊᖑᔪᓄᑦ ᐃᓚᐅᖃᑕᐅᓕᖁᓪᓗᒋᑦ ᒐᕙᒪᑐᖃᒃᑯᓐᓂᑦ ᓯᕗᓕᖅᑎᒋᔭᐅᔪᐃᑦ, ᓯᓚᑦᑐᖅᓴᖅᕕᖕᓂ ᐃᖅᑲᓇᐃᔭᖅᑎᒋᔭᐅᔪᐃᑦ, ᐊᒻᒪᓗ ᑲᓇᑕᒥᐅᑕᐅᔪᐃᑦ ᓯᕗᒻᒧᒋᐊᖅᑎᑕᐅᓯᒪᓕᖁᓪᓗᒋᑦ ᒪᓕᒐᖁᑎᓂᒃ ᓯᖁᒥᑦᑎᓯᒪᓪᓗᑎᒃ ᐃᓚᒋᔭᐅᖃᑕᐅᓂᕋᖅᓱᑎᒃ ᓇᓗᓇᐃᖅᓯᓯᒪᔾᔪᑎᖃᓚᐅᖅᑐᓄᑦ ᐃᓄᐃᑦ ᐱᔪᓐᓇᐅᑎᒋᔭᖏᓐᓄᑦ ᐊᒻᒪᓗ ᐃᓅᖃᑎᒌᖑᔪᓄᑦ. NCC-ᑯᑦ ᕿᓂᓕᖅᓯᒪᔪᑦ ᐱᓯᒪᓕᕆᐊᒃᓴᒥᓐᓄᑦ ᓄᓇᓕᕆᓂᕐᓂᑦ ᐊᒻᒪᓗ ᐱᔪᓐᓇᐅᑎᖃᕐᓂᐅᔪᓄᑦ ᒪᓕᒐᑎᒍᑦ ᐃᓚᒋᔭᐅᓪᓚᑦᑖᖅᑑᓂᖏᓐᓄᑦ ᓄᓇᖃᖅᑳᖅᓯᒪᔪᓂᑦ ᐊᒻᒪᓗᐊᓯᖏᑎᒍᑦ ᐱᓯᒪᓕᕋᓱᐊᕐᓂᐅᓯᒪᓂᕐᓄᑦ ᐊᒥᒐᓕᐊᓂᒃᑑᓪᓗᑎᒃ ᑮᓇᐅᔭᖁᑎᒃᓴᕆᔭᐅᔪᓂᑦ ᑐᕌᖓᑎᑕᐅᓯᒪᓪᓗᑎᒃ ᐃᑲᔫᑎᒃᓴᐅᓂᐊᕐᓂᖏᓐᓄᑦ ᐃᓄᖕᓄᑦ, ᐃᖅᑭᓕᖕᓄᑦ, ᐊᒻᒪᓗ ᐊᓪᓚᖓᔪᓄᑦ.
ᐊᑕᖏᕐᓗᒋᑦ ᑎᑎᖅᑲᑦ ᐅᖃᓕᒫᕐᓗᒋᑦ ᐅᕙᓂ:
ᐃᓄᓕᒫᓄᑦ ᒪᑐᐃᖖᒐᑎᑕᐅᓪᓗᑎᒃ ᑎᑎᕋᖅᑕᖏᑦ ᐃᓄᐃᑦ ᑕᐱᕇᑦ ᑲᓇᑕᒥ ᑐᓴᖅᑎᑦᑎᓯᒪᓕᕆᐊᕈᑎᒋᓪᓗᒋᑦ ᑲᓇᑕᒥᐅᓄᑦ ᓴᒡᓗᔾᔪᑎᖃᖅᓯᒪᓪᓗᑎᒃ ᐃᓅᓂᕋᖅᓯᒪᓚᐅᖅᑐᓐᓄᑦ
ᐊᓯᖏᑦ ᑐᓴᒐᒃᓴᐃᑦ:
ᐅᒃᑐᐱᕆ 2021 ᑎᑎᖅᑲᑦ ᑲᓇᑕᒥ ᐊᖏᔪᖅᑳᕐᔪᐊᕐᒧᑦ
ᓯᑦᑎᐱᕆ 2023 ᑲᑎᒪᔨᑦ ᑲᔪᓯᑎᓯᒪᔭᖏᑦ ᐱᖁᔨᕗᖔᕈᑎᓕᐊᓄᑦ