Skip to main content
ᑐᓴᖅᑎᑦᓯᔾᔪᑏᑦ

ᑲᔪᓯᑦᑎᐊᖅᑐᖅ ᑲᓇᑕᒥᐅᓂ, ᐃᓄᐃᑦ ᐊᒻᒪᓗ ᔪᓇᐃᑎᑦ ᑭᖕᑕᒻ ᖃᐅᔨᓴᖅᑎᑦ ᐱᓇᓱᐊᖃᑎᒌᑦ ᑐᓴᕐᑎᑦᑎᔪᑦ ᐊᖏᔪᒥᒃ ᓄᑖᒥᒃ ᐅᑭᐅᖅᑕᖅᑐᒥ ᖃᐅᔨᓴᕈᑕᐅᓂᐊᖅᑐᖅ

By May 11, 2022 No Comments

11 ᒪᐃ 2022

ᐅᓪᓗᒥ, 13-ᖑᔪᑦ ᐱᓕᕆᐊᒃᓴᐃᑦ ᑐᓴᕐᑎᑦᑎᔾᔪᑕᐅᔪᑦ ᑮᓇᐅᔭᒃᓴᖏᓐᓂᒃ ᐊᑖᒍᑦ ᓄᑖᖅ ᑲᓇᑕ-ᐃᓄᐃᑦ ᓄᓇᖓᓂ-ᔪᓇᐃᑎᑦ ᑭᖕᑕᒻ ᐅᑭᐅᖅᑕᖅᑐᒥ ᖃᐅᔨᓴᕈᑎᑦ 2021-ᒥᑦ 2025-ᒧᑦ.

ᐅᑯᐊ ᑲᓇᑕ-ᐃᓄᐃᑦ ᓄᓇᖓᓂ-ᔪᓇᐃᑎᑦ ᑭᖕᑕᒻ ᐱᓕᕆᑎᑦᑎᔾᔪᑎᒋᔭᖏᑦ ᐱᓇᓱᐊᖃᑎᒌᑦ ᐊᒻᒪᓗ ᑮᓇᐅᔭᒃᓴᖃᕐᑎᑦᑎᔪᑦ – ᐃᓄᐃᑦ ᑕᐱᕇᑦ ᑲᓇᑕᒥ, ᔪᓇᐃᑎᑦ ᑭᖕᑕᒻ ᖃᐅᔨᓴᖅᑐᑦ ᐊᒻᒪᓗ ᓄᑖᑦ ᐱᓕᕆᔾᔪᑕᐅᓕᖅᑐᑎᒍᑦ, ᐅᑭᐅᖅᑕᖅᑐᒥᒃ ᖃᐅᔨᒪᓇᓱᐊᕐᓂᖅ ᑲᓇᑕᒥ, ᑲᓇᑕᒥ ᖃᐅᔨᓴᖅᑐᓕᕆᓂᕐᒧᑦ ᑲᑎᒪᔨᖏᑦ ᑲᓇᑕ, ᒥᕐᖑᐃᖅᓯᕐᕕᓕᕆᔨᒃᑯᑦ ᑲᓇᑕ, ᐊᒻᒪᓗ ᑯᐸᐃᖕᒥ ᖃᐅᔨᓴᖅᑐᓄᑦ ᑮᓇᐅᔭᒃᓴᖅ – ᑐᓐᖓᓱᒃᑎᑦᑎᕗᑦ ᑕᒪᐃᓐᓂᒃ ᑲᔪᓯᑦᑎᐊᕐᑎᑦᑎᔪᑦ ᐱᓕᕆᔭᕆᐊᓕᖕᓄᑦ ᐱᓇᓱᐊᕈᑎᒋᔭᒥᖕᓂᒃ.

ᐅᒃᑯᐊ ᑲᓇᑕ-ᐃᓄᐃᑦ ᓄᓇᖓᓂ-ᔪᓇᐃᑎᑦ ᑭᖕᑕᒻ ᐱᓕᕆᑎᑦᑎᔾᔪᑎᒋᔭᖏᑦ ᑐᕌᖅᑐᑦ ᑐᑭᓯᕙᓪᓕᐊᑎᐊᕈᒪᓪᓗᑎᒃ ᐊᒻᒪᓗ ᐅᖃᐅᓯᕆᓗᒋᑦ ᐊᕙᑎᕗᑦ, ᐃᓅᓯᓕᕆᓂᖅ, ᒪᑭᒪᔾᔪᑎᒃᓴᐃᑦ ᑮᓇᐅᔭᓕᐅᕐᓂᖅ, ᐱᐅᓯᑐᖃᑦ ᐊᒻᒪᓗ ᐊᐅᓚᐅᓯᕆᓂᖅ/ᓇᑉᐸᕆᐊᖃᖅᑐᓕᕆᓂᖅ ᐊᒃᑐᐃᔪᑦ ᓯᓚᐅᑉ ᐅᖂᓂᖓᑕ ᐊᓯᕈᕐᓂᖓᓂ ᑲᓇᑕᐅᑉ ᐅᑭᐅᖅᑕᖅᑐᐊᓂ.

ᖃᐅᔨᓴᖅᑐᑦ ᑲᔪᓯᑦᑎᐊᖁᓪᓗᒋᑦ ᐱᓕᕆᐊᖑᓂᐊᖅᑐᑦ ᐊᒡᒋᖅᑐᓂ ᐱᖓᓱᑦ ᐊᕐᕌᒍᑦ ᐅᑯᐊ ᑲᓇᑕ-ᐃᓄᐃᑦ ᓄᓇᖓᓂ-ᔪᓇᐃᑎᑦ ᑭᖕᑕᒻ ᐱᓕᕆᑎᑦᑎᔾᔪᑎᒋᔭᖏᑦ ᐱᓯᒪᓂᖃᕐᓂᐊᖅᑕᒪ ᖃᓄᑐᐃᓐᓇᖅ ᐱᒻᒪᕆᐅᔪᓂᒃ ᓄᓇᓂ, ᑖᒃᑯᐊᓗ ᐅᓯᑲᖅᑕᖅᑐᑦ ᐅᒥᐊᕐᔪᐊᑦ, ᓂᕐᔪᑎᑦ ᖃᓂᒪᖁᓇᒋᑦ, ᓂᕿᓪᓚᑖᑦ, ᐆᒪᔪᓕᒫᑦ ᐊᕙᑎᓕᒫᖏᓪᓗ ᖃᓄᐃᖏᑦᑎᐊᖁᓪᓗᒋᑦ, ᐊᑦᑕᕐᓇᖅᑐᖃᓐᖏᑦᑐᒥᒃ ᐃᖏᕐᕋᓂᖅ, ᕿᓂᖅᑎᑦ ᐊᒻᒪᓗ ᐸᖅᓴᐃᔨᑦ, ᓄᓇᒥ ᐆᒻᒪᖁᑎᑦ, ᓄᓇᓕᖕᓂ ᐋᓐᓂᐊᖃᖅᑕᐃᓕᑎᑦᑎᓂᖅ, ᓯᒡᔭ ᐊᐅᓕᖅᑐᖅ, ᐊᐅᒃᑕᔫᑦ ᐊᒻᒪᓗ ᓱᕈᖅᓴᐃᔪᑦ, ᐊᒻᒪᓗ ᐊᒥᓱᑦ ᐊᓯᖏᑦ.

ᑐᓐᖓᓱᕐᑎᑦᑎᕗᒍᑦ ᑐᓴᕐᑎᑦᑎᓪᓗᑕ ᑲᔪᓯᑦᑎᐊᕐᓂᖏᓐᓂᒃ ᐱᓕᕆᓂᐊᖅᑐᑦ, ᑭᒡᒐᖅᑐᕐᓂᐊᖅᑐᑦ ᐱᓕᕆᑎᑦᑎᔾᔪᑕᐅᔪᒥᒃ ᐱᓇᓱᐊᖃᑎᒌᑦ ᐃᒪᓐᓇ ᐅᖃᖅᐳᑦ:

ᐅᖃᖅᑕᐅᔪᑦ

“ᖁᕕᐊᓱᒋᑎᕙᑦᓯ ᑲᔪᓯᑦᑎᐊᕐᓂᖓᓄᑦ ᐊᔪᖏᑎᓪᓗᒋᑦ ᑮᓇᐅᔭᒃᓴᖅᑖᕋᓱᒃᑐᑦ ᐊᒻᒪᓗ ᖁᔭᓐᓇᒦᒃ ᑖᒃᑯᐊ ᐱᓕᕆᓇᓱᐊᑦᑎᐊᕐᒪᑕ ᑐᑭᖃᖅᑐᒥᒃ ᖃᐅᔨᓴᕐᓂᐊᕐᓗᑎᒃ ᐃᓄᐃᑦ ᓄᓇᖓᓂ,” ᐅᖃᓚᐅᖅᑐᖅ ᐃᓄᐃᑦ ᑕᐱᕇᑦ ᑲᓇᑕᒥ ᐊᖓᔪᖅᑳᖓ ᓇᐃᑕᓐ ᐅᐱᑦ. “ᐃᓚᓕᐅᑎᔭᐅᓯᒪᓪᓗᑎᒃ ᐃᓄᐃᑦ ᐱᓇᓱᐊᖃᑎᒋᔭᐅᓪᓗᑎᒃ ᑐᑭᒧᐊᒃᑎᑦᑎᓂᕐᒧᑦ ᐃᓄᐃᑦ ᓄᓇᖓᓂ ᖃᐅᔨᓴᕐᓂᕐᒧᑦ ᑭᓯᐊᓂᐅᕗᖅ ᐱᐅᓯᕙᓪᓕᐊᓂᐊᕐᓗᒥ ᑐᑭᓯᑦᑎᐊᕈᒪᔭᑦᑎᓐᓂᒃ, ᐊᒃᑐᐃᔪᓂᒃ ᐊᒻᒪᓗ ᐆᒃᑑᑎᖃᖅᑐᓂᒃ ᖃᐅᔨᓴᕐᓂᖅ ᐱᓕᕆᐊᖑᔪᓄᖅ ᓄᓇᖁᑎᑦᑎᓂ. ᐅᓇ ᐱᓕᕆᑎᑦᑎᔾᔪᑕᐅᔪᖅ ᑕᒪᐃᓐᓄᑦ ᐆᒃᑑᑎᑦᑎᐊᕙᒃ ᖃᓄᖅ ᑎᑭᐅᑎᓯᒪᔪᓐᓇᕐᒪᖔᑦᑕ ᑕᒪᐅᓐᓇ ᐱᓇᓱᐊᖃᑎᒌᒡᓗᑕ ᐱᕙᓪᓕᐊᑎᑦᑎᖃᑎᒌᒡᓗᑕ.”

ᓇᐃᑕᓐ ᐅᐱᑦ

ᐊᖓᔪᖅᑳᖅ, ᐃᓄᐃᑦ ᑕᐱᕇᑦ ᑲᓇᑕᒥ

“ᖁᕕᐊᓱᒃᑐᖓ ᑕᑯᔪᓐᓇᕋᒪ 13-ᓂᒃ ᖁᕕᐊᓇᖅᑐᓂᒃ ᓄᑖᓂᒃ ᐱᓕᕆᐊᖑᔪᓂᒃ, ᑮᓇᐅᔭᒃᓴᖅ ᐊᑖᒍᑦ ᐱᓇᓱᐊᖃᑎᒌᓄᑦ ᔪᓇᐃᑎᑦ ᑭᖕᑕᒻ ᖃᐅᔨᓴᕈᑎᖏᑦ ᐊᒻᒪᓗ ᓄᑖᑦ ᐱᓕᕆᔾᔪᑕᐅᓕᖅᑐᑦ, ᐱᒋᐊᖅᓗᓂ ᓴᓇᓂᐊᖅᑕᖓᑦ. ᑐᑭᓯᔭᕆᐊᖃᕋᖅᑕ ᐊᒻᒪᓗ ᑭᐅᓯᓗᑕ ᐃᓗᐊᕆᔭᒃᑯᑦ ᐊᒻᒪᓗ ᐃᒻᒥᒍᑦ-ᐊᑕᔪᖅ ᐊᒃᑐᐃᔪᖅ ᓯᓚᐅᑉ ᐅᖂᓯᕙᓪᓕᐊᓂᖓᑕ ᐊᓯᕈᐃᓂᖓ ᐅᑭᐅᖅᑕᖅᑐᒥ ᐊᖏᒡᓕᕙᓪᓕᐊᑐᐃᓐᓇᕐᒪᑦ. ᐃᓕᓴᖅᓯᔪᒍᑦ ᐊᒻᒪᓗ ᐃᓵᒃᓯᓯᒪᕗᒍᑦ

ᐊᑑᑎᖃᖅᑐᓂᒃ ᐊᒻᒪᓗ ᐱᒻᒪᕆᐅᔪᓂᒃ ᐱᓕᕆᔪᑦ ᑕᐃᒪᓐᓇᐅᔭᕆᐊᖃᖅᑐᓄᑦ ᐊᒻᒪᓗ ᑕᒪᐃᓐᓂᑦ ᒪᓕᑦᑎᐊᖅᑐᑦ ᐃᒃᐱᒋᖃᑦᑕᐅᑎᑦᑎᐊᖅᑐᑦ ᐊᒻᒪᓗ ᓴᖕᖏᓂᖅᑖᖅᑎᑕᐅᓯᒪᔪᑦ ᐱᓇᓱᐊᖃᑎᒋᔭᒥᖕᓂᑦ ᑖᒃᑯᑎᒍᑦ ᐃᓄᐃᑦ ᖃᐅᔨᓴᖅᑎᑦ ᐊᒻᒪᓗ ᓄᓇᓖᑦ. ᓂᕆᐅᒃᐳᖓ ᑕᑯᓂᐊᕋᑦᑕ ᖃᓄᖅ ᑕᒪᓐᓇ ᐱᓕᕆᐊᖑᔪᖅ ᓴᕿᓐᓂᐊᕐᒪᖔᑦ ᐊᒡᒋᖅᑐᓕ ᐱᖓᓱᓂ ᐊᕐᕌᒍᓂ ᐊᒻᒪᓗ ᑐᓴᕐᓗᑕ ᐋᕿᒍᑎᔪᓂᒃ ᖃᐅᔨᓴᕈᑎᖏᓐᓂᑦ ᑕᒪᐃᓐᓂ ᓴᓇᔭᖏᑦᑎᒍᑦ ᐊᒻᒪᓗ ᐱᓇᓱᐊᖃᑎᒌᒍᑎᖏᑦᑎᒍᑦ.”

ᐃᓕᓐᓂᐊᕐᕕᒃᔪᐊᒥ ᐃᓕᓴᐃᔨ ᑯᓕᔅᑕᕗ ᓯᒥᑦ, ᓯᓚᕐᔪᐊᒥ ᐱᓇᓱᐊᖃᑎᒌᒃᑎᑦᑎᓂᖅ, ᔪᓇᐃᑎᑦ ᑭᖕᑕᒻ ᖃᐅᔨᓴᖅᑎᑦ ᐊᒻᒪᓗ ᓄᑖᑦ ᐱᓕᕆᔾᔪᑕᐅᓕᖅᑐᑎᒍᑦ ᐊᒻᒪᓗ ᐊᐅᓚᑦᓯᔨᓄᑦ ᐃᒡᓯᕙᐅᑕᖅ ᓴᓇᖕᖑᐊᖅᑐᓕᕆᓂᕐᒥ ᐊᒻᒪᓗ ᖃᓄᐃᖏᑦᑎᐊᕆᐊᖃᕐᓂᖏᓐᓂᒃ ᐃᓄᓕᒫᑦ ᖃᐅᔨᓴᖅᑎᑦ ᑲᑎᒪᔨᖏᑦ

“ᖁᕕᐊᓱᒃᑐᒍᑦ ᐅᑯᐊ ᓄᑖᑦ ᐱᓕᕆᔾᔪᑕᐅᔪᑦ ᐊᒻᒪᓗ ᖃᓄᖅ ᐋᕿᐅᑎᓂᐊᕐᒪᖔᑕ. ᓴᓇᖃᑎᒋᓪᓗᒋᑦ ᐱᓕᕆᑎᑦᑎᔾᔪᑕᐅᔪᑎᒍᑦ ᐱᓇᓱᐊᖃᑎᒌᒡᓗᑕ ᐃᑲᔫᑎᔪᓂᒃ ᐱᓕᕆᐊᒃᓴᓂᒃ ᐅᑯᐊ ᓯᕗᓕᐅᖅᑎᐅᖃᑎᒋᓗᒋᑦ ᐃᓄᐃᑦ ᐃᑲᔫᑎᓂᐊᖅᑐᖅ ᐱᐅᓯᕚᓪᓕᕐᓗᓂ ᖃᐅᔨᒪᔭᕆᐊᖃᕐᓂᕗᑦ ᐅᑭᐅᖅᑕᖅᑐᖅ ᐆᒪᔪᓕᒫᖏᓐᓂᒃ ᐊᕙᑎᓕᒫᖏᓪᓗ – ᐊᒻᒪᓗ ᐅᓇ ᐃᓗᓕᕆᔭᖓ ᑕᒪᐃᓐᓄᑦ ᓴᓇᔭᖏᑦᑕ ᑖᒃᑯᐊ ᐅᑭᐅᖅᑕᖅᑐᒥᒃ ᖃᐅᔨᒪᓇᓱᐊᕐᓂᖅ ᑲᓇᑕᒥ ᐅᖃᐅᓯᕆᓗᒋᑦ ᐃᓱᒫᓘᑎᑦ ᓴᕿᑕᐅᖃᑦᑕᖅᑐᑦ ᐅᑭᐅᖅᑕᖅᑐᒥ ᓄᓇᖏᓐᓂᑦ.”

ᔨᓂᕗ ᓯ. ᕼᑉᐳᑦ

ᐊᖓᔪᖅᑳᖅ ᐊᒻᒪᓗ ᑐᑭᒧᐊᒃᑎᖓᑦ, ᐅᑭᐅᖅᑕᖅᑐᒥᒃ ᖃᐅᔨᒪᓇᓱᐊᕐᓂᖅ ᑲᓇᑕᒥ

“ᐅᑯᐊ ᑲᓇᑕᒥ ᖃᐅᔨᓴᖅᑐᓕᕆᓂᕐᒧᑦ ᑲᑎᒪᔨᖏᑦ ᑲᓇᑕ ᐅᐱᒍᓱᒃᑐᑦ ᐃᑲᔪᕈᓐᓇᕋᒥᒃ ᑲᑐᔾᔨᓗᑎᒃ ᑐᑭᓯᓇᓱᐊᖃᑎᒌᖃᑦᑕᕐᓗᑎᒃ ᖃᐅᔨᓴᕈᑎᓂᒃ ᐱᓕᕆᐊᖑᔪᓂᒃ, ᐊᐅᓪᓗᑎᓂᐊᖅᑕᖏᑦ ᐊᒃᓱᕈᓐᓇᖅᑐᒥᒃ ᐱᔾᔪᑕᐅᔪᑦ ᐊᒃᑐᐃᔪᑦ ᐅᑭᐅᖅᑕᖅᑐᒥ ᐊᒻᒪᓗ ᐅᑭᐅᖅᑕᖅᑐᒥ ᓄᓇᓕᖕᓂᒃ. ᐱᓗᐊᖅᑐᒥᒃ ᑮᓇᐅᔭᒃᓴᖃᕐᑎᑦᑎᓂᕗᑦ ᐊᑖᒍᑦ ᐅᑭᐅᑕᖅᑐᒥ ᐊᒻᒪᓗ ᐅᑭᐅᖅᑕᖅᑐᒥ ᐱᔭᕐᓂᓐᖏᑦᑐᓄᑦ ᓵᑕᐅᓯᒪᔪᓄᑦ ᐱᓕᕆᑎᑦᑎᔾᔪᑕᐅᔪᑦ, ᐅᑯᐊ ᐱᓕᕆᐊᖑᔪᑦ ᓂᕈᐊᖑᓯᒪᕗᑦ, ᒪᓕᒃᖢᒋᑦ ᐅᖃᐅᓯᖏᑦ ᐃᓄᐃᑦ ᐊᒻᒪᓗ ᐊᕕᒃᑐᖅᓯᒪᔪᑦ ᑕᐅᑦᑐᖏᓐᓂᑦ, ᐅᖃᐅᓯᕆᓗᒋᑦ ᐱᔭᕐᓂᓐᖏᑦᑐᒦᓇᓗᐊᖅᑐᑦ ᐅᑭᐅᖅᑕᖅᑐᒥ ᓲᕐᓗ ᐳᕕᕆᓂᖅ, ᐊᒃᑐᓗᐊᖅᑕᐃᓕᑎᑦᑎᓂᖅ ᐊᒻᒪᓗ ᓱᖏᐅᓴᐃᓂᖅ ᐊᓯᕈᖅᐸᓪᓕᐊᔪᓃᓪᖢᑎᒃ, ᐊᒻᒪᓗ ᓄᑕᒥᑦ ᐆᒻᒪᖁᑎᖃᐅᑎᒃᓴᐃᑦ ᑎᑭᐅᑎᓯᒪᔪᓐᓇᖅᑐᑦ ᐃᒡᓗᕋᓛᕐᓄᑦ.”

ᓕᐊᓐ ᓯᑑᕗᑦ
ᐊᖓᔪᖅᑳᖅ, ᑲᓇᑕᒥ ᖃᐅᔨᓴᖅᑐᓕᕆᓂᕐᒧᑦ ᑲᑎᒪᔨᖏᑦ ᑲᓇᑕ

“ᐋᕿᒃᐸᓪᓕᐊᒍᑎᒋᓗᒋᑦ ᑐᑭᓯᕙᓪᓕᐊᔭᕗᑦ ᐃᓄᖕᓂᑦ-ᓯᕗᓕᐅᕈᑕᐅᔪᑦ ᖃᐅᔨᓴᐃᓂᒻᒪᕆᒃ ᐊᒻᒪᓗ ᖃᐅᔨᒪᓂᖅ ᐊᑑᑎᖃᖅᑐᑦ ᐅᖃᐅᓯᕆᓗᒋᑦ ᓯᓚᐅᑉ ᐅᖂᓂᖓᑕ ᐊᓯᕈᕐᓂᖓ ᐃᓄᐃᑦ ᓄᓇᖓᓂ. ᐃᑲᒧᕐᓗᒋᑦ ᓄᓇᖅᑲᖅᑳᖅᓯᒪᔪᑦ ᓯᕗᓕᐅᖅᑎᑦ ᐊᒻᒪᓗ ᓇᖕᒥᓂ-ᐊᐅᓚᑦᑎᔪᓐᓇᕐᓂᖅ, ᐊᒻᒪᓗ ᓄᓇᖅᑲᖅᑳᖅᓯᒪᔪᑦ ᖃᐅᔨᒪᓂᖓ ᐊᒻᒪᓗ ᖃᐅᔨᒪᔾᔪᑕᐅᔪᑦ, ᐋᕿᒃᓱᐃᕙᓪᓕᐊᕗᒍᑦ ᓄᓇᒥᒃ ᓱᕈᖅᓴᐃᓐᖏᑦᑐᓂᒃ ᐊᒻᒪᓗ ᑮᓇᐅᔭᓕᐅᕈᑕᐅᔪᓐᓇᖅᑐᓂᒃ ᓯᕗᓂᒃᓴᑦᑎᓐᓂ. ᖁᕕᐊᓱᒍᑎᕙᒃᑲ ᐱᓇᓱᐊᖃᑎᒌᖕᓂᐊᖅᑐᑦ ᓂᕈᐊᖑᔪᑦ ᐊᒻᒪᓗ ᓴᓇᖃᑎᒋᓗᒋᑦ ᑐᑭᓯᓇᓱᐊᖃᑎᒌᒃᐸᓪᓕᐊᑎᓪᓗᑕ.”

ᒥᓂᔅᑕ ᓯᑏᕙᓐ ᐱᐅᐸᐅᑦ
ᒥᓂᔅᑕ ᐊᕙᑎᓕᕆᔨᒃᑯᑦ ᐊᒻᒪᓗ ᓯᓚᐅᑉ ᐅᖂᓯᕙᓪᓕᐊᓂᖓᓄᑦ ᑲᓇᑕ ᐊᒻᒪᓗ ᒥᓂᔅᑕ ᐱᔭᒃᓴᖃᖅᑐᖅ ᒥᕐᖑᐃᖅᓯᕐᕕᓕᕆᔨᒃᑯᑦ ᑲᓇᑕ

“ᐊᖏᔪᒥᒃ ᐅᐱᒍᓱᒃᐳᖓ ᑯᐸᐃᖕᒥ ᖃᐅᔨᓴᖅᑐᓄᑦ ᑮᓇᐅᔭᒃᓴᖅ ᐃᑲᔫᑎᔪᓐᓇᕐᒪᑦ ᑕᒪᑐᒧᖓ ᑲᓇᑕ-ᐃᓄᐃᑦ ᓄᓇᖓᓂ-ᔪᓇᐃᑎᑦ ᑭᖕᑕᒻ ᐅᑭᐅᖅᑕᖅᑐᒥ ᖃᐅᔨᓴᕈᑎᓄᑦ ᐱᓕᕆᑎᑦᑎᔾᔪᑕᐅᔪᒧᑦ ᐅᑯᐊ ᑲᑎᖓᑎᑦᑎᔪᓐᓇᕐᒪᑕ ᐊᐅᓚᑦᓯᔨᓂᒃ ᐱᓕᕆᐊᖑᒋᐊᓕᖕᓄᑦ ᓯᓚᐅᑉ ᐅᖂᓯᕙᓪᓕᐊᓂᖓᑕ ᑐᐊᕕᕐᓇᖅᑐᒦᓕᖅᑐᑦ ᐊᒻᒪᓗ ᐊᒃᑐᐃᔪᖅ ᐊᑐᓕᖅᑕᖏᓐᓂᒃ ᐃᓄᐃᑦ ᓄᓇᓕᖕᓂ. ᑕᐃᒪᖓᓂᑦ ᐊᖏᓛᖑᕗᖅ, ᓯᓚᐅᑉ ᐅᖂᓯᕙᓪᓕᐊᓂᖓ ᑐᐊᕕᕐᓇᖅᑐᒻᒪᕆᐆᓕᖅᑐᖅ ᐱᑕᖃᕆᐊᖃᖅᑎᑦᑎᔪᖅ ᓴᖕᖏᔪᒥᒃ ᐊᒻᒪᓗ ᒫᓐᓇ ᐱᓕᕆᓗᑕ ᑕᒪᐃᓐᓂᑦ ᐳᖅᑐᓕᕇᖕᓂᑦ ᐃᓱᒪᓕᐅᕆᔨᓂᑦ ᐊᒻᒪᓗ ᐊᐅᓇᑦᓯᕕᑦ ᓄᓇᓕᖕᓂ. ᖃᐅᔨᓴᖅᑎᒻᒪᕆᑦ ᓄᓇᖃᑎᒌᑦ ᐱᓗᐊᖅᑐᒥᒃ. ᐃᓚᐅᖃᑕᐅᒋᐊᖃᖅᑐᑦ ᑲᑐᔾᔨᓗᑎᒃ ᓴᕿᑦᑎᓗᑎᒃ ᓄᑖᓂᒃ ᐱᓕᕆᔾᔪᑕᐅᓕᖅᑐᓂᒃ, ᑲᔪᓰᓐᓇᕈᓐᓇᖅᑐᓂᒃ, ᐊᒻᒪᓗ ᐃᓅᓯᓕᕆᓂᕐᒧᑦ ᓈᒻᒪᒋᔭᐅᔪᓂᒃ ᐋᕿᒃᓱᐃᓗᑎᒃ ᑭᐅᓯᓗᑎᒃ ᐊᑦᑎᒃᓯᒋᐊᖅᑎᓪᓗᒍ ᐊᕙᑎᑦᑎᓂᒃ ᐊᒃᑐᐃᓯᕙᓪᓕᐊᔪᖅ ᓯᓚᐅᑉ ᐅᖂᓯᕙᓪᓕᐊᓂᖓᑕ ᐊᓯᕈᕐᓂᖓᓂᑦ. ᐅᑯᐊ 13 ᖃᐅᔨᓴᖅᑕᐅᔪᑦ ᐱᓕᕆᐊᖑᔪᑦ ᐋᕿᒃᓱᐃᖃᑎᒌᖕᓂᐊᖅᑐᑦ ᖃᐅᔨᓴᖅᑎᒻᒪᕇᑦ ᐊᒻᒪᓗ ᐃᓄᐃᑦ ᓄᓇᓕᖕᓂ ᑭᒡᒐᖅᑐᖅᑎᑦ ᐋᕿᑦᑎᐊᖅᓯᓂᐊᕐᒪᑕ ᐊᒃᑐᐃᔪᓄᑦ ᐊᒻᒪᓗ ᐱᕈᖅᓰᓗᑎᒃ ᓂᕆᐅᓇᕐᓂᒃᑯᑦ ᐊᔪᕐᓇᖏᖁᓪᓗᒍ ᐊᓯᕈᖅᑎᑦᑎᓗᑎᒃ ᒫᓐᓇ ᑕᐃᒪᓐᓇᐃᓕᖓᔪᓂᒃ.”

ᐅᓕᒥ ᑯᐃᕆᐅᓐ

ᐊᖓᔪᖅᑳᖅ ᖃᐅᔨᓴᖅᑎᒻᒪᕆᒃ ᑯᐸᐃᖕᒥ

ᖃᐅᔨᒪᓂᐊᕐᒪᑕ ᑎᑎᕋᖅᑎᑦ:

  • ᓇᓗᓇᐃᔭᑦᑎᐊᖅᓯᒪᔪᑦ ᑕᒪᕐᒥᒃ 13 ᑲᔪᓯᑦᑎᐊᖅᓯᒪᔪᑦ ᐱᓕᕆᐊᖑᓯᒪᔪᑦ ᓇᓂᔪᓐᓇᖅᑕᑎᑦ ᐅᕙᓂ: https://www.arctic.ac.uk/research/canada-inuit-nunangat-united-kingdom-arctic-research-programme-2021-2025-cinuk/
  • ᖃᐅᔨᓴᕈᑎᑦ ᑮᓇᐅᔭᒃᓴᖏᑦ ᐊᑖᒍᑦ ᑲᓇᑕ-ᐃᓄᐃᑦ ᓄᓇᖓᓂ-ᔪᓇᐃᑎᑦ ᑭᖕᑕᒻ ᐅᑭᐅᖅᑕᖅᑐᒥ ᖃᐅᔨᓴᕈᑎᑦ ᐱᓕᕆᑎᑦᑎᔾᔪᑕᐅᔪᖅ ᐊᐅᓪᓗᑎᓂᐊᖅᑕᖏᑦ ᐊᓯᕈᖅᑐᑦ ᐅᑭᐅᖅᑕᖅᑐᒥ ᐆᒪᔪᓕᒫᑦ ᐊᕙᑎᓕᒫᖏᓪᓗ ᐊᒻᒪᓗ ᐊᒃᑐᐃᔪᑦ ᑖᒃᑯᓄᖓ ᐃᓄᐃᑦ ᓄᓇᖏᓐᓄᑦ ᐊᒻᒪᓗ ᐊᓯᓕᒫᖏᑦ ᑕᒪᕐᒥᒃ. ᕿᓂᖅᑐᒍᑦ ᓄᑖᓂᒃ ᐱᓕᕆᔾᔪᑎᒃᓴᓂᒃ ᐊᒻᒪᓗ ᐊᑑᑎᖃᖅᑐᓂᒃ ᐊᒃᑐᐃᓗᐊᓐᖏᔾᔪᑎᒃᓴᓄᑦ ᐊᒻᒪᓗ ᓱᖏᐅᓴᐅᑎᒃᓴᓄᑦ ᖃᓄᐃᓕᐅᕈᑕᐅᔪᓐᓇᖅᑐᑦ ᐊᒻᒪᓗ ᓄᑖᑦ ᐱᓕᕆᔾᔪᑕᐅᓕᖅᑐᑦ ᐱᐅᓯᕚᓪᓕᖅᑎᓪᓗᒍ ᓴᐱᓕᔮᓐᖏᓂᖓ ᐊᕙᑎᑦᑎᓂ ᐊᓯᕈᖅᐸᓪᓕᐊᑎᓪᓗᒍ.
  • ᑲᑎᓪᖢᒋᑦ ᐊᑭᑐᓂᖓ ᑮᓇᐅᔭᒃᓴᖅ ᐊᑐᐃᓐᓇᐅᔪᖅ ᑖᒃᑯᑎᒍᑦ ᑲᓇᑕ-ᐃᓄᐃᑦ ᓄᓇᖓᓂ-ᔪᓇᐃᑎᑦ ᑭᖕᑕᒻ ᐅᑭᐅᖅᑕᖅᑐᒥ ᖃᐅᔨᓴᕈᑎᑦ ᐱᓕᕆᑎᑦᑎᔾᔪᑕᐅᔪᖅ ᓇᓕᖃᖓ £11.2 ᒥᓕᐊᓐ (ᐸᐅᓐᔅ) ᐅᒡᕙᓘᓐᓃᑦ $18.2 ᒥᓕᐊᓐ (ᑲᓇᑕ). ᑮᓇᐅᔭᒃᓴᖅ ᑐᓂᔭᐅᔪᖅ ᔪᓇᐃᑎᑦ ᑭᖕᑕᒻ ᖃᐅᔨᓴᖅᑐᑦ ᐊᒻᒪᓗ ᓄᑖᑦ ᐱᓕᕆᔾᔪᑕᐅᓕᖅᑐᓄᑦ, ᐅᑭᐅᖅᑕᖅᑐᒥᒃ ᖃᐅᔨᒪᓇᓱᐊᕐᓂᖅ ᑲᓇᑕᒥ, ᑲᓇᑕᒥ ᖃᐅᔨᓴᖅᑐᓕᕆᓂᕐᒧᑦ ᑲᑎᒪᔨᖏᑦ ᑲᓇᑕ ᐊᒻᒪᓗ ᑯᐸᐃᖕᒥ ᖃᐅᔨᓴᖅᑐᓄᑦ ᑮᓇᐅᔭᒃᓴᖅ. ‘ᑕᐃᒫᒃᑕᐅᖅ’ ᑮᓇᐅᔭᒃᓴᖅᑖᖅᑐᑦ ᐃᑲᔫᑎᓂᒃ ᑐᓂᔭᐅᓂᐊᕐᒥᔪᑦ ᐊᒥᓱᓄᑦ ᐱᓕᕆᐊᖑᔪᓄᑦ ᑲᓇᑕᒥ ᐱᓇᓱᐊᖃᑎᒋᔭᑦᑎᓐᓂᑦ.
  • ᓇᓗᓇᐃᔭᑦᑎᐊᖅᓯᒪᔪᑦ ᑎᑎᕋᖅ ᑐᑭᓯᖃᑎᒌᒍᑎᑦ ᑐᓴᕐᑎᑦᑎᔾᔪᑕᐅᓚᐅᖅᑐᑦ ᒪᐃ 2021 – https://www.canada.ca/en/polar-knowledge/news/2021/05/united-kingdom-canada-inuit-nunangat-and-arctic-region-research-programmewill-support-inuit-self-determination-in-research.html
  • ᑐᓴᒐᒃᓴᑦ ᑮᓇᐅᔭᒃᓴᖅᑖᕋᓲᑎᑦ ᐱᕙᓪᓕᐊᓂᖓ ᔫᓐ 2021 – https://frq.gouv.qc.ca/en/program/canada-inuit-nunangat-united-kingdom-arctic-research-programme/

ᓱᓕᔪᑦ

ᐃᓄᐃᑦ ᑕᐱᕇᑦ ᑲᓇᑕᒥ ᐅᑯᐊ ᑲᓇᑕᒥ ᑭᒡᒐᖅᑐᖅᑎᐅᔪᑦ ᐊᐅᓚᑦᓯᔩᑦ ᓴᐳᒻᒥᔪᑦ ᐊᒻᒪᓗ ᐱᕚᓪᓕᕐᑎᑦᑎᕙᓪᓕᐊᔪᑦ ᐱᔪᓐᓇᕐᓂᖃᕐᓂᖏᓐᓄᑦ ᐊᒻᒪᓗ ᐱᔪᒪᔭᖏᓐᓄᑦ ᐃᓄᐃᑦ ᑲᓇᑕᒥ. ᐅᑯᐊ ᓴᕿᑦᑎᓯᒪᔪᑦ ᑲᓇᑕᒥ ᐃᓄᐃᑦ ᐋᕿᒃᓯᒪᔾᔪᑎᒃᓴᓄᑦ ᖃᐅᔨᓴᕐᓂᕐᒧᑦ, ᐅᑯᐊᓗ ᓇᓗᓇᐃᖅᓯᓯᒪᔪᑦ ᐱᓇᓱᐊᖃᑎᒌᒡᕕᒃᓴᓂᒃ ᐊᒻᒪᓗ ᐱᓕᕆᐊᒃᓴᓂᒃ ᓴᖕᖏᒃᑎᒋᐊᖅᓯᒪᓪᓗᒋᑦ ᐊᒃᑐᐃᓂᖃᖅᑐᑦ ᐊᒻᒪᓗ ᐊᑑᑎᖃᒻᒪᕆᒃᑐᑦ ᐃᓄᐃᑦ ᖃᐅᔨᓴᖅᑐᓂ ᐃᓄᐃᑦ ᓄᓇᖓᓂ.

ᔪᓇᐃᑎᑦ ᑭᖕᑕᒻ ᖃᐅᔨᓴᖅᑎᑦ ᐊᒻᒪᓗ ᓄᑖᓂᒃ ᐱᓕᕆᔾᔪᑕᐅᔪᓄᑦ ᐅᑯᐊ ᐊᐅᓚᑦᓯᕕᐅᓇᑎᒃ ᐃᓄᓕᒫᓅᖅᑐᑦ ᑎᒥᖁᑎᒋᔭᐅᔪᑦ ᑮᓇᐅᔭᒃᓴᖃᖅᑎᑦᑎᓲᑦ ᐊᐅᓚᑦᓯᕕᖓᓂ ᐱᔅᓂᔅ, ᐆᒻᒪᖁᑎᓕᕆᓂᖅ ᐊᒻᒪᓗ ᑲᒻᐸᓂᑦ ᐋᕿᒃᓯᒪᔾᔪᑎᒃᓴᖏᓐᓄᑦ ᒐᕙᒪᒃᑯᓄᑦ ᐊᒻᒪᓗ ᔪᓇᐃᑎᑦ ᑭᖕᑕᒻ. ᐅᓇ ᖃᓄᐃᓕᐅᕈᑕᐅᓂᐊ ᐃᓚᖃᖅᑐᑦ ᑎᓴᒪ ᑲᑎᒪᔨᖏᑦ ᔪᓇᐃᑎᑦ ᑭᖕᑕᒻ ᖃᐅᔨᓴᖅᑎᑦ ᐊᒻᒪᓗ ᓄᑖᓂᒃ ᐱᓕᕆᔾᔪᑕᐅᔪᓄᑦ: ᓄᓇ ᐊᕙᑎᖓᓂ ᖃᐅᔨᓴᖅᑎᑦ ᑲᑎᒪᔨᖏᑦ, ᓴᓇᖕᖑᐊᖅᑐᓕᕆᓂᖅ ᐊᒻᒪᓗ ᐃᓅᓯᓕᕆᓂᕐᒧᑦ ᖃᐅᔨᓴᖅᑎᑦ ᑲᑎᒪᔨᖏᑦ, ᐊᐅᓚᐅᓯᕆᓂᕐᒧᑦ ᐊᒻᒪᓗ ᑭᓱᓕᒫᑦ ᖃᐅᔨᓴᖅᑐᓕᕆᓂᕐᒧᑦ ᑲᑎᒪᔨᑦ, ᐊᒻᒪᓗ ᒪᑭᒪᔾᔪᑎᓕᕆᓂᕐᒧᑦ ᑮᓇᐅᔭᓕᕆᓂᕐᒧᑦ ᐊᒻᒪᓗ ᐃᓅᓯᓕᕆᓂᕐᒥ ᖃᐅᔨᓴᖅᑎᑦ ᑲᑎᒪᔨᖏᑦ.

ᐅᑭᐅᖅᑕᖅᑐᒥᒃ ᖃᐅᔨᒪᓇᓱᐊᕐᓂᖅ ᑲᓇᑕᒥ ᐅᑯᐊ ᑲᓇᑕᐅᑉ ᒐᕙᒪᒃᑯᖏᑦᑕ ᑎᒥᖁᑎᖏᑦ ᐱᔭᒃᓴᖃᖅᑐᑦ ᓴᖕᖏᒃᑎᒋᐊᕐᓗᒋᑦ ᑲᓇᑕᒥ ᓯᕗᓕᐅᖅᑎᐅᓂᖅ ᐅᑭᐅᖅᑕᖅᑐᒥ ᖃᐅᔨᓴᕐᓂᕐᒧᑦ ᐊᒻᒪᓗ ᓄᑖᓂᒃ ᐱᓕᕆᔾᔪᑕᐅᓕᖅᑐᓂᒃ. ᐊᖓᔪᖅᑳᑯᕕᖃᖅᑐᑦ ᑲᓇᑕ ᖁᑎᒃᑐᕐᒥᐅᑦ ᖃᐅᔨᓴᕐᕕᖓᓂ, ᐅᑯᐊᓗ ᐊᐅᓚᑕᐅᔪᑦ, ᐃᖃᓗᒃᑑᑦᑎᐊᕐᒥ, ᓄᓇᕗᑦ.

ᑲᓇᑕᒥ ᖃᐅᔨᓴᖅᑐᓕᕆᓂᕐᒧᑦ ᑲᑎᒪᔨᖏᑦ ᑲᓇᑕ ᐊᖏᓛᖑᔪᑦ ᒐᕙᒪᑐᖃᒃᑯᓂ ᖃᐅᔨᓴᖅᑐᓂ ᐊᒻᒪᓗ ᐱᕙᓪᓕᐊᑎᑦᑎᓂᖅ ᐊᐅᓚᑦᓯᔨᓂᑦ. ᐅᑭᐅᖅᑕᖅᑐᒥ ᐊᒻᒪᓗ ᐅᐊᖕᓇᖓᓂ ᐱᔭᕐᓂᖅᐸᓐᖏᑦᑐᓄᑦ ᐱᓕᕆᑎᑦᑎᔾᔪᑕᐅᔪᑦ ᐊᐅᓪᓗᔾᔨᓂᐊᖅᑐᑦ ᑎᓴᒪᓂᒃ ᖃᐅᔨᓴᕈᑎᒻᒪᕆᖕᓄᒃ ᑐᑭᒋᔭᐅᔪᑦ: ᐃᒡᓗᓕᕆᓂᖅ, ᐋᓐᓂᐊᖃᖅᑕᐃᓕᑎᑦᑎᓂᖅ, ᓂᕿ, ᐊᒻᒪᓗ ᐃᒥᖅ.

ᒥᕐᖑᐃᖅᓯᕕᓕᕆᔨᒃᑯᑦ ᑲᓇᑕ ᐱᔭᒃᓴᖃᖅᑐᑦ ᑲᓇᑕᐅᑉ ᒥᕐᖑᐃᖅᓯᕐᕕᖏᑦ, ᑲᓇᑕᒥ ᐃᑦᑕᕐᓂᑕᖃᕐᕕᑦ ᐊᒻᒪᓗ ᑕᒪᒃᑯᓄᖓ ᐱᓯᒪᔪᑦ ᐃᒻᒪᑲᓪᓚᓂᑕᐃᑦ ᓄᓇᐃᑦ ᓴᐳᒻᒥᔭᕆᐊᓕᑦ ᐊᒻᒪᓗ ᐊᓯᐅᑦᑕᐃᓕᑎᑦᑎᓂᖅ ᒫᓐᓇᐅᔪᖅ ᐊᒻᒪᓗ ᓯᕗᓂᒃᓴᑦᑎᓐᓂ ᐃᓅᓂᐊᖅᑐᓄᑦ.

ᐅᓂᑳᓕᐅᓲᑦ ᒥᓂᔅᑕ ᒪᑭᒪᓇᓱᐊᕐᓂᕐᒧᑦ ᐊᒻᒪᓗ ᓄᑖᓂᒃ ᐱᓕᕆᔾᔪᑕᐅᓕᖅᑐᓄᑦ, ᑎᓕᔭᐅᓯᒪᔪᑦ ᐱᓕᕆᐊᕆᓗᒋᑦ ᑯᐸᐃᖕᒥ ᖃᐅᔨᓴᖅᑐᓄᑦ ᑮᓇᐅᔭᒃᓴᖅ ᑕᐃᒪᓗ ᐋᕿᒃᓯᒪᔾᔪᑎᒃᓴᖏᑦ ᐊᒻᒪᓗ ᒪᓕᑦᑎᐊᖁᓪᓗᒋᑦ ᐱᕙᓪᓕᐊᑎᑦᑎᓂᕐᒧᑦ ᑯᐸᐃᖕᒥ ᖃᐅᔨᓴᕐᓂᖅ ᐊᒻᒪᓗ ᐃᑲᔪᕐᓗᑎᒃ ᑮᓇᐅᔭᖃᕐᑎᑦᑎᓗᑎᒃ, ᐃᑲᔪᕐᓗᑎᒃ ᐱᔭᕆᐅᖅᓴᑎᑦᑎᓂᕐᒧᑦ ᑭᖑᓂᕆᓂᐊᖅᑕᑦᑎᓐᓂ ᐃᓅᓂᐊᖅᑐᓄᑦ ᖃᐅᔨᓴᖅᑎᐅᓂᐊᖅᑐᓄᑦ, ᓴᕿᑦᑎᓗᑎᒃ ᐱᓇᓱᐊᖃᑎᒌᒃᕕᒃᓴᒥᖕᓄᑦ ᐊᑑᑎᖃᖅᑐᑦ ᑲᔪᓯᑦᑎᐊᖁᓪᓗᒋᑦ ᖃᓄᐃᓕᐅᕈᑎᒋᔭᕆᐊᖃᖅᑐᑦ, ᐊᒻᒪᓗ ᐊᑐᖅᑕᐅᑎᓪᓗᒋᑦ ᐊᒻᒪᓗ ᐃᑲᔪᕐᓗᒋᑦ ᖃᐅᔨᒪᔭᐅᔪᑦ ᐃᖏᕐᕋᓯᑎᓐᓂᐊᕐᒪᑕ. frq.gouv.qc.ca  

ᐅᖃᕐᕕᒋᓗᒋᑦ

ᑐᑭᓯᒋᐊᑲᓐᓂᕈᓐᓇᖅᑐᑎᑦ / ᑐᓴᒐᒃᓴᓕᕆᔨᒃᑯᑦ ᐅᖃᕐᕕᒋᓗᒋᑦ:

ᐃᓄᐃᑦ ᑕᐱᕇᑦ ᑲᓇᑕᒥ

[email protected]

ᔪᓇᐃᑎᑦ ᑭᖕᑕᒻ ᖃᐅᔨᓴᖅᑎᑦ ᐊᒻᒪᓗ ᓄᑖᑦ ᐱᓕᕆᔾᔪᑕᐅᓕᖅᑐᑦ

ᕼᐃᓐᓄᓕ ᐳᔾᔨᔅ

[email protected]

0044 7590 461620

ᐅᑭᐅᖅᑕᖅᑐᒥᒃ ᖃᐅᔨᒪᓇᓱᐊᕐᓂᖅ ᑲᓇᑕᒥ

ᖃᕆᓴᐅᔭᒃᑯᑦ: [email protected]

ᐅᖃᓘᑖ: 343-548-5456

ᑐᓴᒐᒃᓴᓕᕆᔨᒃᑯᑦ
ᑲᓇᑕᒥ ᖃᐅᔨᓴᖅᑐᓕᕆᓂᕐᒧᑦ ᑲᑎᒪᔨᖏᑦ ᑲᓇᑕ
613-991-1431
1-855-282-1637
[email protected]

ᑲᐃᑦᓕᓐ ᐸᐅᕗ

ᑐᓴᒐᒃᓴᓕᕆᔨᒃᑯᑦ ᑎᑎᕋᖅᑎᖓᑦ
ᑎᑎᕋᕐᕕᖓ ᒥᓂᔅᑕ ᐊᕙᑎᓕᕆᔨᒃᑯᑦ ᐊᒻᒪᓗ ᓯᓚᐅᑉ ᐅᖂᓯᕙᓪᓕᐊᓂᖓᓄᑦ
819-230-1557
[email protected]

ᑐᓴᒐᒃᓴᓕᕆᔨᒃᑯᑦ
ᒥᕐᖑᐃᖅᓯᕕᓕᕆᔨᒃᑯᑦ ᑲᓇᑕ
855-862-1812

[email protected]

ᕗᓚᓃᒃ ᓴᐅᕈᓪ

ᑐᓴᒐᒃᓴᓕᕆᔨᒃᑯᑦ ᐊᒻᒪᓗ ᖃᐅᔨᒪᔭᐅᔪᓂᒃ ᐃᖏᕐᕋᓯᑎᑦᑎᕙᓪᓕᐊᓂᕐᒧᑦ ᖃᐅᔨᒪᔨᒻᒪᕆᒃ

ᑯᐸᐃᖕᒥ ᖃᐅᔨᓴᖅᑐᓄᑦ ᑮᓇᐅᔭᒃᓴᖅᑯᐸᐃᖕᒥ ᖃᐅᔨᓴᖅᑐᓄᑦ ᑮᓇᐅᔭᒃᓴᖅ

[email protected]

514-873-2114 ᐱᑐᒍᑖ 4812