ᐃᓄᐃᑦ ᓇᖕᒥᓂᖅ ᐃᓱᒪᓕᐅᕈᑎᓕᐅᕈᓐᓇᓕᖅᐸᓪᓕᐊᑎᓪᓗᒋᑦ ᐱᓕᕆᐊᖑᔪᑦ ᑕᐅᑦᑐᕆᓂᐊᖅᑕᖏᓐᓄᑦ ᐊᒻᒪᓗ ᓴᖅᑭᑕᐅᓯᒪᓕᕐᓂᐊᕐᓂᖏᓐᓄᑦ, ᐱᒻᒪᕆᐅᖃᑕᐅᒻᒪᑕ ᐃᓱᒪᓕᐅᕈᑎᖃᕈᓐᓇᕐᓂᖅ ᖃᓄᖅ ᑕᒪᒃᑯᐊ ᐱᓕᕆᐊᖑᔪᑦ ᓇᐅᑦᓯᖅᑐᒐᐅᕙᓐᓂᐊᕐᓂᖏᑕ ᐊᒻᒪᓗ ᖃᐅᔨᒋᐊᖅᑕᐅᓯᒪᓕᖅᐸᓐᓂᐊᕐᓂᖏᑕ. ᑖᒃᑯᐊ ᓴᓇᕐᕈᑎᒃᓴᓕᐊᖑᓯᒪᔪᑦ ᑐᕌᖓᑎᑕᐅᓯᒪᕗᑦ ᐊᑐᖅᑕᐅᕙᓐᓂᐊᖅᓱᑎᒃ ᖁᑦᑎᖕᓂᖅᓴᓄᑦ ᐱᔾᔪᑎᖃᖅᑐᓄᑦ ᐃᖏᕐᕋᓂᖃᑦᓯᐊᖅᑎᑕᐅᓗᑎᒃ ᐱᓕᕆᐊᖑᓕᕈᓐᓇᖅᑐᑦ ᖃᐅᔨᒋᐊᖅᑕᐅᖃᑦᑕᕈᓐᓇᕐᓂᐊᕐᒪᑕ ᐊᒻᒪᓗ ᐃᑲᔪᕈᑎᐅᓯᒪᓕᕐᓗᑎᒃ ᖃᐅᔨᒪᓂᕆᔭᐅᔪᓄᑦ ᐊᒻᒪᓗ ᐱᐅᓂᖅᐹᑎᒍᑦ ᐱᓕᕆᔾᔪᓯᐅᕙᓐᓂᐊᖅᑐᓄᑦ ᐃᒻᒥᓃᖃᑦᑕᖁᔨᖖᒋᓐᓂᓕᕆᓂᕐᓄᑦ.
ᐱᒋᐊᕈᑎᖃᕐᓂᖅ ᐊᑐᕐᓗᑎᒃ ᓇᐅᑦᑎᖅᑐᐃᕙᖕᓂᕐᒥᒃ, ᖃᐅᔨᒋᐊᑦᑎᐊᖃᑦᑕᓂᕐᒥᒃ, ᐃᓕᑦᑎᕙᖕᓂᕐᒥᒡᓗ (ᓇᐃᓈᕐᓗᒋᑦ ᑕᐃᔭᐅᔪᑦ ᓇ.ᖃ.ᐃ.)
