ᐃᓄᐃᑦ ᑕᐱᕇᑦ ᑲᓇᑕᒥ ᐊᕐᕌᒍᒥ ᑎᓴᒪᐃᕋᖅᑎᖅᖅ ᖃᐅᔨᓴᕐᓂᕐᒧᑦ ᑐᑭᓯᒋᐊᖅᑎᑦᑎᒍᑎᖏᑦ ᐊᐅᓚᑕᐅᖃᑦᑕᓲᑦ ᐃᓄᐃᑦ ᑕᐱᕇᑦ ᑲᓇᑕᒥ 2020-2023 ᖃᓄᖅᑑᕈᑎᖓᑎᒍᑦ ᐊᒻᒪᓗ ᖃᓄᐃᓕᐅᕈᑎᖃᕐᓂᐊᕐᓂᕐᒧᑦ ᐸᕐᓇᐅᑎᖓᑎᒍᑦ. ᑖᓐᓇ ᐊᕐᕌᒍᒥ ᐊᕕᑦᑐᖅᓯᒪᔪᑎᒍᑦ ᐅᖃᓕᒫᒐᑦ ᓴᖅᑭᖅᑎᑕᐅᓲᑦ ᖃᐅᔨᓴᕐᓂᕐᒧᑦ ᑐᑭᓯᑎᑦᑎᒋᐊᕈᑎᖏᑦ ᓇᓗᓇᐃᔭ – ᐃᓯᒪᕗᑦ ᖃᓄᐃᑦᑐᓪᓚᑦᑖᖑᖕᒪᖔᑕ ᐃᑭᐊᖅᑭᔾᔪᑎᓂᑦ ᐊᑐᕈᓐᓇᕐᓂᖏᑦ ᐃᓄᐃᑦ ᓄᓇᖓᖕᓂ ᐊᒻᒪᓗ ᖃᐅᔨᓴᖅᓯᒪᓪᓗᓂ ᓯᕗᓂᒃᓴᒥ ᐱᖁᑎᕐᔪᐊᑦ ᓇᑉᐸᖅᑕᐅᔭᕆᐊᖃᕋᔭᖅᑐᑦ ᓇᓕᒧᒌᓕᖅᑎᑕᐅᖁᓪᓗᒋᑦ ᖃᕆᑕᐅᔭᒃᑯᑦ ᐃᑭᐊᖅᑭᔾᔪᑎᑎᒍᑦ ᓇᓕᒧᒌᙱᓐᓂᖓ ᐃᓄᐃᑦ ᓄᓇᖓᖕᓂᒥᐅᑦ ᐊᒻᒪᓗ ᑲᓇᑕᒥᐅᑕᐅᔪᑦ. ᓄᓇᕐᔪᐊᕐᒥ ᐊᑐᖅᑕᐅᓲᑦ ᐊᑐᕋᒃᓴᐅᒐᔭᖅᑐᑦ ᐅᖃᐅᑕᐅᓯᒪᕗᑦ ᐊᒻᒪᓗ ᐊᔾᔨᒌᙱᓐᓂᖏᑦ ᖃᐅᔨᓴᖅᑕᐅᓯᒪᓂᖏᑦᑕ ᐅᖃᖅᓯᒪᓪᓗᑎᑦ ᑲᓇᑕᑉ ᐅᓪᓗᒥᐅᔪᖅ ᐃᑭᐊᖅᑭᔾᔪᑎᓄᑦ ᑲᓱᖅᑕᕈᑎᖏᑦᑕ ᖃᓄᖅᑑᕈᑎᖓᓂᒃ.
ᐊᑐᐃᓐᓇᐅᒪᓂᖏᑦ ᓱᑲᑦᑐᒃᑯᑦ ᐃᑭᐊᖅᑭᔾᔪᑏᑦ ᐃᓄᐃᑦ ᓄᓇᖓᖕᓂ ᑭᖑᕙᓯᔪᒻᒪᕆᐅᕗᖅ ᑲᓇᑕᒥᐅᑕᐃᑦ ᐊᓯᖏᑦ ᓯᕗᕙᓯᓐᓂᖅᓴᐅᑎᓪᓗᒋᑦ ᐊᒻᒪᓗᑦᑕᐅᖅ ᑭᖑᕙᓯᑦᑐᒻᒪᕆᐅᓪᓗᓂ ᐊᒥᓱᓂᑦ ᐊᓯᖏᖕᓂᑦ ᐅᑭᐅᖅᑕᖅᑐᒥ ᒐᕙᒪᖃᕐᕖᑦ ᐊᕕᑦᑐᖅᓯᒪᐅᕐᓂᖏᖕᓂᒃ. ᐊᑭᑐᓗᐊᙱᑦᑐᒥᒃ, ᓱᑲᑦᑐᒥᒃ ᐃᑭᐊᖅᑭᔾᔪᑎᖃᕆᐊᖃᓪᓚᕆᑦᑐᑦ ᐃᓄᐃᑦ ᐃᓚᐅᖃᑕ – ᐅᖁᓪᓗᒋᑦ ᓇᓕᒧᒌᑦᑐᒃᑯᑦ ᐃᓅᖃᑕᐅᑦᑎᐊᕐᓂᐊᕐᒪᑕ ᐊᒻᒪᓗ ᑮᓇᐅᔭᓕᐅᕈᑎᖃᕋᓱᐊᖃᑦᑕᕐᓗᑎᑦ. ᓄᕙᒡᔪᐊᕐᓇᖅ−19 ᐊᐃᑦᑑᑖᓘᖃᑦᑕᑎᓪᓗᒍ ᐃᑭᐊᖅᑭᔾᔪᑎᓕᕆᔾᔪᑏᑦ ᐊᑐᖅᑕᐅᓲᖑᓂᖏᑦ ᓇᓕᒧᒌᙱᓗᐊᕐᓂᖏᖕᓂᒃ ᖃᐅᔨᓇᖅᑐᒻᒪ – ᕆᐅᓯᒪᓕᖅᐳᖅ ᑖᒃᑯᓄᖓ ᐃᓄᐃᑦ ᓄᓇᖓᓐᓂᒥᐅᑕᓄᑦ ᐊᒻᒪᓗ ᑲᓇᑕᒥᐅᑕᕐᓄᑦ ᐊᓯᖏᖕᓄᑦ. ᐃᓄᐃᑦ ᓄᓇᖓᖕᓂ ᐊᑐᖃᑦᑕᕐᓂᑯᕕᓂᖏᑦ ᐃᓄᐃᑦ ᐃᓕᓐᓂᐊᕐᓂᖏᑦ ᐊᒻᒪᓗ ᐃᓅᓇᓱᐊᕈᑎᖏᑦ ᑕᑎᖃᓗᐊᓕᖅᓯᒪᓕᖅᑐᑦ
ᐃᑭᐊᖅᑭᔾᔪᑎᓂᒃ ᐊᑐᕆᐊᖃᕐᓂᖅᓴᐅᓕᕐᓂᖏᖕᓄᑦ ᐊᐃᑦᑑᑖᓘᖃᑦᑕᓕᖅᑎᓪᓗᒍ ᓄᕙᒡᔪᐊᕐᓇᖅ ᓱᑲᑦᑐᒃᑯᑦ ᐃᑭᐊᖅᑭᔾ ᔪᑎᖃᙱᑐᒻᒪᕆᐅᓂᖏᖕᓂᒃ ᐊᕕᑦᑐᖅᓯᒪᔪᒥᒃ ᖃᐅᔨᓇᖅᓯᒪᔪᒻᒪᕆᐅᓕᖅᐳᖅ ᐃᓄᖁᑎᑦᑎᓐᓂᒃ ᐊᑐᕈᓐᓇᖅᑕᕋᓗᐊᕐᒥᖕᓂᒃ ᐊᑐᕈᓐᓇᖃᑦᑕᙱᒻᒪᑕ ᐃᑭᐊᖅᑭᔾᔪᑎᓂᒃ ᓱᑲᑦᑐᓂᑦ ᐱᑕᖃᙱᓗᐊᒧᑦ. ᐃᑭᐊᖅᑭᔾᔪᑎᓄᑦ ᑲᓱᖅᓯᒪᓂᖅ ᐃᑲᔪᖅᑐᐃᓂᖃᓲᖑᖕᒪᑦ ᐃᓕᓐᓂᐊᕇᕈᑕᐅᔪᓐᓇᓲᖑᓪᓗᓂ, ᑮᓇᐅᔭᓕᐅᕋᓱᐊᖅᑎᑦᑎᒍᑕᐅ ᔪᓐᓇᒻᒪ – ᕆᖦᖢᓂ, ᐊᒻᒪᓗ ᐱᐅᓯᕚᓪᓕᖅᑎᑦᑎᓯᒪᓲᖅ ᐱᔨᑦᑎᕋᕈᑎᓂᑦ ᐊᑐᕐᓗᑎᑦ ᓲᕐᓗᒃ ᐋᓐᓂᐊᖅᑕᐃᓕᒪᓂᖅ, ᐊᕕᑦᑐᖅᓯᒪᔪᒥᒃ
ᐱᔨᑦᑎᕋᕈᑏᑦ ᐊᒃᓱᕈᕐᓇᑐᒻᒪᕆᐅᑎᓪᓗᒋᑦ ᐱᓗᐊᖅᑐᒥᒃ.
