Skip to main content
ᑐᓴᖅᑎᑦᓯᔾᔪᑏᑦ

ᐃᓄᐃᑦ ᑕᐱᕇᑦ ᑲᓇᑕᒥ ᐊᒻᒪᓗ ᓄᓇᖃᖅᑳᖅᓯᒪᔪᓕᕆᔨᒃᑯᑦ ᑲᓇᑕᒥ ᐱᓕᕆᓂᖃᖅᐳᑦ ᓄᖑᑎᑕᐅᓯᒪᓕᖁᓪᓗᒍ ᐳᕙᒡᓗᓕᖃᑦᑕᕐᓂᖅ ᐃᓄᐃᑦ ᓄᓇᖓᓐᓂ 2030 ᐅᑭᐅᖓ ᐊᑐᓕᖅᐸᑦ

By March 24, 2024 No Comments

ᐋᑐᕙ, ᐋᓐᑎᐊᕆᐅ ᒫᔾᔨ 24, 2024

ᐊᖏᔪᖅᑳᖓᑦ ᐃᓄᐃᑦ ᑕᐱᕇᑦ ᑲᓇᑕᒥ, ᓇᐃᑖᓐ ᐆᐱᑦ, ᐊᒻᒪᓗ ᒥᓂᔅᑕ ᓄᓇᖃᖅᑳᖅᓯᒪᔪᓕᕆᔨᒃᑯᓐᓄᑦ, ᐹᑎ ᕼᐋᔾᑑ, ᐅᓪᓗᒥ ᐃᒪᓐᓇ ᐅᖃᖅᓯᒪᔭᒥᖕᓂ ᓴᖅᑮᓯᒪᓕᓚᐅᖅᐴᒃ:

“ᐳᕙᒡᓗᓕᖃᑦᑕᕐᓂᖅ ᐋᓐᓂᐊᕐᓇᖅ (TB) ᓄᖑᑎᑕᐅᓯᒪᓕᕈᓐᓇᕐᒪᑦ ᑲᑐᔾᔨᓗᑎᒃ ᐱᓕᕆᐊᖃᕐᓂᖅᑎᒍᑦ ᐊᒻᒪᓗ ᐱᓕᕆᖃᑎᒌᖕᓂᖏᑎᒍᑦ ᐃᓄᐃᑦ ᓯᕗᓕᖅᑎᒋᔭᖏᑕ, ᐃᓄᐃᑦ ᓄᓇᓕᒋᔭᖏᑕ, ᐊᒻᒪᓗ ᒐᕙᒪᑐᖃᒃᑯᓐᓂᑦ, ᐳᕌᕕᓐᓯᐅᔪᓂᑦ, ᐊᒻᒪᓗ ᐊᕕᒃᑐᖅᓯᒪᓂᐅᔪᓂᑦ ᒐᕙᒪᒋᔭᐅᔪᓂᑦ. ᐃᓄᐃᑦ ᑕᐱᕇᑦ ᑲᓇᑕᒥ (ITK), ᑲᓇᑕᓕᒫᒥ ᐃᓄᖕᓄᑦ ᐱᔾᔪᑎᖃᖅᑎᒋᔭᐅᓪᓗᑎᒃ ᑲᑐᔾᔨᖃᑎᒌᖑᔪᑦ ᑲᓇᑕᒥ, ᐊᒻᒪᓗ ᑲᓇᑕᒥ ᒐᕙᒪᖓᑦ ᑲᔪᓯᑎᑦᑎᓯᒪᕗᑦ ᐱᓕᕆᓂᕆᔭᒥᓐᓂᒃ ᐳᕙᒡᓗᓕᖃᑦᑕᕐᓂᖅ ᓄᖑᑎᑕᐅᓯᒪᓕᖁᓪᓗᒍ ᐃᓄᐃᑦ ᓄᓇᖓᓐᓂ 2030 ᐅᑭᐅᖓᓄᑦ ᑎᑭᓯᒪᓕᕈᑦᑕ.

ᐳᕙᒡᓗᓕᖃᑦᑕᕐᓂᖅ ᐋᓐᓂᐊᖃᕐᓇᖅ (TB) ᐅᖓᑎᓗᐊᒻᒪᕆᐊᓄᑦ ᐊᒃᑐᐃᓯᒪᓕᕐᒪᑦ ᐃᓄᖕᓂᒃ ᐊᒻᒪᓗ ᐃᓄᐃᑦ ᓄᓇᓕᒋᔭᖏᓐᓂ. ᐅᑭᐅᖏᑦ 2015 ᐊᒻᒪᓗ 2019 ᐊᑯᓐᓂᖏᓂ, ᐅᓂᒃᑳᓕᐊᖑᓯᒪᔪᑦ ᓇᓗᓇᐃᖅᓯᓯᒪᖃᑦᑕᓚᐅᕐᓂᖓᑦ ᖃᓄᖅ ᖁᑦᑎᖕᓂᖃᖅᑎᒋᓂᖓᑕ ᐳᕙᒡᓗᓕᖅᓯᒪᓪᓗᑎᒃ ᐋᓐᓂᐊᖃᓕᖅᐸᓐᓂᐅᔪᓂᒃ ᐃᓄᖕᓄᑦ ᓄᓇᖃᖅᑐᓂᑦ ᐃᓄᐃᑦ ᓄᓇᖓᓐᓂ 300-ᖏᖅᑕᕈᓐᓇᖅᓱᓂ ᖁᑦᑎᖕᓂᖅᓴᐅᓕᓚᐅᕐᓂᖓᑕ ᐊᓯᖏᓐᓂᑦ ᑲᓇᑕᒥ ᐃᕐᓂᐊᖑᓯᒪᔫᖃᑕᐅᓪᓗᑎᒃ, ᓄᓇᖃᖅᑳᖅᓯᒪᔫᓇᑎᒃ ᐃᓅᖃᑎᒌᒃᑐᖏᓐᓂᑦ.

ᑕᒪᒃᑯᐊ ᖁᑦᑎᓗᐊᒻᒪᕆᒃᑑᓪᓗᑎᒃ ᖁᑦᑎᖕᓂᕆᔭᖏᑦ ᐳᕙᒡᓗᓕᖃᑦᑕᕐᓱᑎᒃ ᐋᓐᓂᐊᖃᓕᖃᑦᑕᕐᓂᐅᔪᑦ ᐃᓄᐃᑦ ᓄᓇᓗᒃᑖᖓᓂ ᑕᑯᒃᓴᐅᑎᑦᑎᒻᒪᑕ ᐃᓅᓯᓕᕆᓂᕐᒥ ᑮᓇᐅᔭᓕᐅᕋᓱᐊᕈᑎᐅᕙᒃᑐᑦ ᐊᔾᔨᒌᖖᒋᓐᓂᖃᒻᒪᕆᖕᓂᐅᔪᓂᒃ – ᓲᕐᓗ ᐃᒡᓗᒥᐅᖃᑎᒌᑦ ᐃᓄᒋᐊᓗᐊᖅᑑᓂᖏᓐᓂᒃ, ᓂᕿᒋᔭᒃᓴᓂᒃ ᐱᓯᒪᓕᕈᓐᓇᖃᑦᑕᖖᒋᓐᓂᖅ, ᑐᓗᖅᑕᕐᕕᖃᕐᓂᐅᔪᓂᒃ ᐋᓐᓂᐊᖅᓯᐅᕐᑎᓕᕆᔾᔪᑎᓄᑦ ᐊᒻᒪᓗ ᐊᒃᖢᓗᐊᖅᑑᓂ – ᐃᓱᒪᒋᓗᒋᑦ ᐃᓄᐃᑦ ᐊᒻᒪᓗ ᐊᓯᖏᑦ ᐃᓅᖃᑎᒌᒃᑐᐃᑦ ᑲᓇᑕᒥ ᐊᒻᒪᓗ ᖃᓄᐃᓕᖓᓕᖅᑎᑦᑎᓯᒪᓂᐅᔪᑦ ᑲᔪᓰᓐᓇᖅᑑᓪᓗᓂ ᐊᒃᑐᐃᓯᒪᓕᕐᓂᖏᑕ ᓇᖕᒥᓂᖅ ᐊᐅᓚᑦᓯᓂᖃᕈᓐᓇᖅᑎᑦᑎᖖᒋᓐᓂᐅᔪᑦ ᐋᓐᓂᐊᖅᓯᐅᕐᑎᓕᕆᔾᔪᑎᓂᒃ.

ᓄᕙᒡᔪᐊᕐᓇᖅ 19-ᒥᒃ COVID-19) ᓯᓚᕐᔪᐊᓕᒫᒥ ᐋᓐᓂᐊᖃᓕᖅᓯᒪᕙᓐᓂᖅ ᓇᓗᓇᐃᖅᓯᓯᒪᔾᔪᑕᐅᓚᐅᕐᒪᑦ ᐱᒻᒪᕆᐅᔫᓂᖓᑕ ᐋᖅᑭᒋᐊᖅᑕᐅᓯᒪᓕᕐᓗᑎᒃ ᐃᓄᖕᓂᑦ ᓯᕗᓕᖅᑎᖃᕐᓗᑎᒃ ᑭᒃᑯᑐᐃᓐᓇᐃᑦ ᐋᓐᓂᐊᖅᓯᐅᕐᑎᓕᕆᔨᒃᑯᑦ ᓴᐳᔾᔨᒋᐊᖅᑎᖃᓕᕆᐊᖃᕐᓂᖏᑕ ᐊᒻᒪᓗ ᑕᐃᒪᐅᔭᕆᐊᖃᓪᓚᕆᒃᑑᓪᓗᑎᒃ ᐱᓕᕆᐊᖃᖅᑎᖃᕆᐊᖃᕐᓂᕐᒥᒃ ᐃᓄᐃᑦ ᐱᔾᔪᑎᖃᖅᑎᒋᔭᐅᓪᓗᑎᒃ ᑲᑐᔾᔨᖃᑎᒌᖏᓐᓂᒃ ᑭᒃᑯᑐᐃᓐᓇᐃᑦ ᐋᓐᓂᐊᖅᓯᐅᕐᑎᓕᕆᔨᒃᑯᑦ ᑐᐊᕕᐅᕐᓇᖅᑐᓕᕆᓕᖅᓯᒪᓂᖏᓐᓂ. ᐳᕙᒡᓗᓕᕐᓂᖅ ᐋᓐᓂᐊᕐᓇᖅ ᐱᓗᐊᖅᑐᒻᒪᕆᐅᒻᒪᑦ, ᑭᓯᐊᓂᓗ ᐋᓐᓂᐊᖃᓕᖅᑕᐃᓕᔾᔪᑎᒃᓴᑎᒍᑦ ᐱᓕᕆᐊᖑᓯᒪᓕᕈᓐᓇᕐᓱᓂ ᐊᒻᒪᓗ ᐋᓐᓂᐊᕐᓇᖅ ᐋᖅᑭᒃᓯᒪᓕᕈᓐᓇᖅᓱᓂ.

2018 ᐅᑭᐅᖓᓂ, ᑲᓇᑕᒥ ᒐᕙᒪᖓᑦ ᐊᒻᒪᓗ ᐃᓄᐃᑦ ᑕᐱᕇᑦ ᑲᓇᑕᒥ ᐱᓕᕆᐊᒃᓴᖃᓕᓚᐅᕐᒪᑕ ᐱᓕᕆᖃᑎᒌᖕᓂᐊᕐᓂᕐᒥᓐᓄᑦ ᓄᖑᑎᑕᐅᓯᒪᓕᖁᓪᓗᒍ ᐳᕙᒡᓗᓕᖃᑦᑕᕐᓂᖅ (TB) ᐃᓄᐃᑦ ᓄᓇᖓᓐᓂ ᐅᑭᐅᖓ 2030-ᒧᑦ ᑎᑭᓚᐅᖅᑳᕐᑎᓐᓇᑕ. ᑲᓇᑕᒥ ᒐᕙᒪᖓᑦ ᓯᕗᓪᓕᖅᐹᒥᒃ ᑮᓇᐅᔭᓂᒃ ᕿᑐᕐᖏᐅᖅᑎᑦᑎᓯᒪᓕᓚᐅᖅᐳᑦ $27.5-ᒥᓕᐊᓐᑖᓚᓂᒃ ᑮᓇᐅᔭᖁᑎᖃᖅᑎᑦᑎᓪᓗᑎᒃ ᐋᖅᑭᒃᓱᐃᔾᔪᑎᒃᓴᓂᒃ ᐊᒻᒪᓗ ᐊᑐᓕᖅᑎᑕᐅᓂᒃᓴᖏᑕ ᐳᕙᒡᓗᓕᖃᑦᑕᕐᓂᐅᑉ ᓄᖑᑎᑕᐅᓯᒪᓕᖁᓪᓗᒍ ᐱᓕᕆᐊᖑᓕᕐᓂᐊᖅᑐᓄᑦ ᐸᕐᓇᐅᑎᓂᒃ ᑐᕌᖓᑎᑕᐅᓯᒪᓂᖃᖅᑐᓂᒃ ᐊᑐᓂᖅ ᓯᑕᒪᐅᓪᓗᑎᒃ ᐊᕕᒃᑐᖅᓯᒪᓂᐅᔪᓄᑦ ᐃᓄᐃᑦ ᓄᓇᖓᓐᓂ: ᐃᓄᕕᐊᓗᐃᑦ ᐊᕕᒃᑐᖅᓯᒪᓂᖓᑦ, ᓄᓇᕗᑦ, ᓄᓇᕕᒃ ᐊᒻᒪᓗ ᓄᓇᑦᓯᐊᕗᑦ.

ᑲᓇᑕᒥ ᒐᕙᒪᖓᑦ ᐊᒻᒪᓗ ᐃᓄᐃᑦ ᑕᐱᕇᑦ ᑲᓇᑕᒥ ᐊᖏᕈᑎᖃᖅᓯᒪᓕᓚᐅᖅᑐᑦ ᖃᓄᓕᒫᑦ ᐱᓕᕆᐊᕆᔪᓐᓇᖅᑕᑦᑎᒍᑦ ᐱᓕᕆᓂᖃᕐᓂᐊᕐᓂᑦᑎᓐᓂᒃ ᑎᑭᐅᑎᓯᒪᓕᕈᓐᓇᖁᓪᓗᑕ ᐳᕙᒡᓗᓕᖃᑦᑕᕐᓂᐅᑉ ᓄᖑᑎᑕᐅᓯᒪᓕᕐᕕᒃᓴᖓᓄᑦ ᐃᓄᐃᑦ ᓄᓇᖓᓐᓂ ᐅᑭᐅᖓ 2030-ᒧᑦ ᑎᑭᓚᐅᖅᑳᕐᑎᓐᓇᑕ.”