Announcements

2018 ITK AGM Adjourns in Inuvik

By August 15, 2018 No Comments

August 15, 2018, Inuvik, Inuvialuit Settlement Region –The Inuit Tapiriit Kanatami Annual General Meeting adjourned in Inuvik today. In addition to ITK president Natan Obed, the following individuals participated in the ITK AGM:

Duane Smith, Chair/CEO of the Inuvialuit Regional Corporation
Eddie Dillon, Inuvialuit Regional Corporation delegate
Gerald Inglangasuk, Inuvialuit Regional Corporation delegate

Aluki Kotierk, President of Nunavut Tunngavik Inc.
PJ Akeeagok, Nunavut Tunngavik Inc. delegate
David Ningeongan, Nunavut Tunngavik Inc. delegate

Andy Pirti, Treasurer of Makivik Corporation
Darlene Partridge, Makivik Corporation delegate
Mary Arngak, Makivik Corporation, delegate

Johannes Lampe, President of Nunatsiavut
Tyler Edmunds, Nunatsiavut Government delegate
Gerald Asivak, Nunatsiavut Government delegate

The permanent participants of the ITK Board of Directors were represented by Monica Ell-Kanayuk, President of Inuit Circumpolar Council-Canada; Mary Anderson, Acting President of the National Inuit Youth Council; and Rebecca Kudloo, President of Pauktuutit Inuit Women of Canada.

During the ITK AGM on Wednesday, August 15, delegates discussed progress and achievements from the 2017-2018 fiscal year. They also discussed and decided on a number of issues and initiatives including:

  • To work with the federal government to support the development of Federal Child and Family Services Legislation.
  • Approved the establishment of a working group with representatives from the four Inuit regions to guide work around an Inuit-specific equivalent to Jordan’s Principle.
  • Implementation of the National Inuit Suicide Prevention Strategy.
  • The Inuit Crown Partnership Committee and the commitment to continue work on shared priorities.
  • To establish a task group comprised of representatives of Inuit regions and Inuit Circumpolar Council-Canada to review and develop a proposal to amend the ITK and ICC-Canada by-laws, including elections procedures.

The ITK Board of Directors met the previous day, on Tuesday, August 14. Members discussed and decided on a number of issues and initiatives, including:

  • To continue the work of exploring a unified Inuktut orthography by establishing the Atausiq Inuktut Titirausiq Development Team to research, develop and recommend standard spelling and grammar rules. The team will comprise two language experts from each of the Inuit regions plus non-voting representatives of urban Inuit.
  • Approved the National Inuit Climate Change Strategy for finalization and release outlining collaborative actions required on climate change.
  • Approved the 2018 National Inuit Strategy on Research Implementation Plan.
  • To continue working with the federal government to support the development of First Nations, Inuit, and Metis languages Legislation.
  • To continue the work on developing a tuberculosis elimination framework in parallel to Inuit regional action plans.
  • To continue the work on the Inuit Health Survey.

For the first time, the proceedings of the ITK AGM were live-streamed, creating greater transparency for those wishing to observe Inuit leaders’ discussions in real time.

The ITK Presidential Election will be live streamed on Thursday, August 16 beginning at 9 am MDT.

ᐋᒡᒌᓯ 15, 2018, ᐃᓅᕕᒃ, ᐃᓄᕕᐊᓗᐃᑦ − ᐃᓄᐃᑦ ᑕᐱᕇᑦ ᑲᓇᑕᒥ ᐊᕐᕌᒍᑕᒫᑦ ᑕᒪᐃᑎᒍᑦ ᑲᑎᒪᕕᒡᔪᐊᕐᓂᖅ ᐅᓪᓗᒥ ᐃᓱᓕᑦᑐᖅ ᐃᓅᕕᖕᒥ ᖄᒃᑲᓐᓂᐊᒍᑦ ᐃᓄᐃᑦ ᑕᐱᕇᑦ ᑲᓇᑕᒥ ᐊᖓᔪᖅᑳᖓᓄᑦ ᓈᑖᓐ ᐆᐱᑦ, ᑖᒃᑯᐊ ᐃᓄᐃᑦ ᐃᓚᐅᖃᑕᐅᓚᐅᕐᒥᔪᑦ ᐃᓄᐃᑦ ᑕᐱᕇᑦ ᑲᓇᑕᒥᒃᑯᑦ ᐊᕐᕌᒍᑕᒫᑦ ᑕᒪᐃᑎᒍᑦ ᑲᑎᒪᕕᒡᔪᐊᕐᓂᕐᒧᑦ:

ᑐᐊᐃᓐ ᓯᒥᑦ, ᐃᒃᓯᕙᐅᑕᖅ/ᐊᐅᓚᑦᑎᔨᒻᒪᕆᒃ ᐃᓄᕕᐊᓗᐃᑦ ᑎᒥᖁᑎᖓᓂ
ᐃᐊᑎ ᑎᓚᓐ, ᐃᓄᕕᐊᓗᐃᑦ ᑎᒥᖁᑎᖓᓂ ᖃᐃᖁᔭᐅᓯᒪᔪᖅ
ᔨᐊᕈᑦ ᐃᖕᓚᖓᓱᒃ, ᐃᓄᕕᐊᓗᐃᑦ ᑎᒥᖁᑎᖓᓂ ᖃᐃᖁᔭᐅᓯᒪᔪᖅ

ᐊᓗᑭ ᑰᑦᑎᖅ, ᐊᖓᔪᖅᑳᖅ, ᓄᓇᕗᑦ ᑐᙵᕕᒃᑯᑦ ᑎᒥᖁᑎᖓᓂ
ᐲᔭᐃ ᐊᕿᐊᕈᒃ, ᓄᓇᕗᑦ ᑐᙵᕕᒃᑯᑦ ᑎᒥᖁᑎᖓᓂ ᖃᐃᖁᔭᐅᓯᒪᔪᖅ
ᑕᐃᕕᑦ ᓂᖏᐅᙵᓐ, ᓄᓇᕗᑦ ᑐᙵᕕᒃᑯᑦ ᑎᒥᖁᑎᖓᓂ ᖃᐃᖁᔭᐅᓯᒪᔪᖅ

ᐋᓐᑎ ᐱᕐᑎ, ᑮᓇᐅᔭᓕᕆᔨ ᒪᑭᕕᒃ ᑯᐊᐳᕇᓴᒃᑯᓐᓂ
ᑖᓖᓐ ᐹᑐᕆᒡ, ᒪᑭᕕᒃ ᑯᐊᐳᕇᓴᒃᑯᓐᓂ ᖃᐃᖁᔭᐅᓯᒪᔪᖅ
ᒥᐊᓕ ᐊᕐᖓᒃ, ᒪᑭᕕᒃ ᑯᐊᐳᕇᓴᒃᑯᓐᓂ ᖃᐃᖁᔭᐅᓯᒪᔪᖅ

ᔪᕼᐋᓇᔅ ᓛᒻ, ᐊᖓᔪᖅᑳᖅ, ᓄᓇᑦᓯᐊᕗᑦ ᒐᕙᒪᖓᓂ
ᑕᐃᓗ ᐃᐊᑦᒪᓐᔅ, ᓄᓇᑦᓯᐊᕗ ᒐᕙᒪᒃᑯᓐᓂ ᖃᐃᖁᔭᐅᓯᒪᔪᖅ
ᔨᐊᕉᓪᑦ ᐋᓯᕙᒃ, ᓄᓇᑦᓯᐊᕗ ᒐᕙᒪᒃᑯᓐᓂ ᖃᐃᖁᔭᐅᓯᒪᔪᖅ

ᐃᓚᐅᖃᑕᐅᖏᓐᓇᐅᔭᖅᑐᑦ ᐃᓄᐃᑦ ᑕᐱᕇᑦ ᑲᓇᑕᒥᒃᑯᑦ ᑲᑎᒪᔨᖏᓐᓄᑦ ᑭᒡᒐᖅᑐᖅᑕᐅᓚᐅᖅᑐᑦ ᒫᓂᑲ ᐃᐊᓪ−ᑲᓇᔪᕐᒧᑦ, ᐊᖓᔪᖅᑳᕆᔭᐅᔪᖅ ᐃᓄᐃᑦ ᓄᓇᕐᔪᐊᕐᒥ ᑲᑎᒪᔨᖏᓐᓄ − ᑲᓇᑕᒥ; ᒥᐊᓕ ᐋᓐᑐᓴᓐ, ᐊᖓᔪᖅᑳᕆᔭᐅᑲᐃᓐᓇᖅᑐᖅ ᑲᓇᑕᒥ ᐃᓄᐃᑦ ᒪᒃᑯᒃᑐᑦ ᑲᑎᒪᔨᖏᓐᓄ; ᐊᒻᒪ ᕆᐱᑲ ᑲᓪᓗ, ᐊᖓᔪᖅᑳᖅ, ᐸᐅᒃᑑᑎᑦ ᐃᓄᐃᑦ ᐊᕐᓇᐃᑦ ᑲᓇᑕᒥ.

ᐃᓄᐃᑦ ᑕᐱᕇᑦ ᑲᓇᑕᒥᒃᑯᑦ ᐊᕐᕌᒍᑕᒫᑦ ᑕᒪᐃᑎᒍᑦ ᑲᑎᒪᕕᒡᔪᐊᕐᓂᖃᖅᑎᓪᓗᒋᑦ, ᐱᖓᑦᓯᖅ, ᐋᒡᒌᓯ 15-ᒥ, ᖃᐃᖁᔭᐅᓯᒪᔪᑦ ᐅᖃᐅᓯᖃᓚᐅᖅᑐᑦ ᐱᕙᓪᓕᐊᓂᐅᔪᓂ ᐊᒻᒪ ᑎᑭᐅᒪᔭᐅᑦᑎᐊᖅᑐᓂ ᑕᐃᑲᙵᑦ 2017-2018 ᑮᓇᐅᔭᑦ ᐊᕐᕌᒍᖓᓂ. ᐅᖃᐅᓯᖃᓚᐅᕐᒥᔪᑦ ᐊᒻᒪ ᐊᖏᓚᐅᖅᑐᑦ ᐅᓄᖅᑐᓂᑦ ᐃᓱᒫᓘᑎᓂ ᐊᒻᒪ ᐱᒋᐊᕈᑎᒃᓴᓂᑦ ᑕᒪᒃᑯᐊᖑᒋᓪᓗᑎ:

  • ᐱᓕᕆᖃᑎᖃᕐᓗᑎ ᒐᕙᒪᑐᖃᒃᑯᓐᓂ ᐃᑲᔪᖅᓱᓂᕐᒧᑦ ᐱᕙᓪᓕᐊᑎᑕᐅᓂᖓ ᒐᕙᒪᑐᖃᒃᑯᓐᓂ ᓄᑕᖅᑲᓄᑦ ᐊᒻᒪ ᐃᓚᒌᓄᑦ ᐱᔨᑦᑎᕋᕐᓂᕐᒧᑦ ᒪᓕᒐᐅᔪᒥ.
  • ᐊᖏᖅᑕᐅᓚᐅᖅᑐᖅ ᓴᖅᑭᑕᐅᓂᖓ ᐱᓕᕆᖃᑎᒌᖑᓂᐊᖅᑐᓂ ᑭᒡᒐᖅᑐᐃᔨᖃᕐᓗᑎ ᑎᓴᒪᓕᖅᑲᖓᔪᓂ ᐃᓄᐃᑦ ᐊᕕᒃᑐᖅᓯᒪᔪᖁᑎᖏᓐᓂ ᐱᓕᕆᐊᖃᓂᕐᒧᑦ ᐃᓄᖕᓄᑦ ᑐᕌᖓᔪᒥ ᓇᓕᒧᒃᑐᒥ ᔪᐊᑕᓂᐅᑉ ᑐᙵᕕᖓᓄᑦ.
  • ᐊᑐᓕᖅᑎᑦᑎᓂᕐᒥᑦ ᑲᓇᑕᒥ ᐃᓄᖕᓄᑦ ᐃᒻᒥᓃᖅᑕᐃᓕᒪᑎᑦᑎᓂᕐᒧᑦ ᐸᕐᓇᐅᑎᒥ.
  • ᐃᓄᐃᑦ ᑲᓇᑕᐅᑉ ᒐᕙᒪᖓᓂ ᑲᑐᔾᔨᖃᑎᒌᖑᔪᑦ ᑲᑎᒪᔨᕋᓛᑦ ᐊᒻᒪ ᐊᖏᖅᓯᒪᓂᖏᑦ ᑲᔪᓲᓐᓇᖅᑐᒥ ᐱᓕᕆᐊᖃᓂᕐᒧᑦ ᑖᒃᑯᓂᖓᔅᓴᐃᓐᓇᖅ ᓯᕗᓪᓕᐅᑎᔭᐅᖁᔭᐅᔪᓂᑦ.
  • ᓴᖅᑮᓂᕐᒥ ᐱᓕᕆᔨᐅᖃᑎᒌᓂᑦ ᑭᒡᒐᖅᑐᐃᔨᖃᕐᓗᑎ ᐃᓄᐃᑦ ᐊᕕᒃᑐᖅᓯᒪᔪᖁᑎᖏᓐᓂ ᐊᒻᒪ ᐃᓄᐃᑦ ᓄᓇᕐᔪᐊᕐᒥ ᑲᑎᒪᔨᖏᓐᓂ − ᑲᓇᑕᒥ ᕿᒥᕐᕈᐊᕐᓂᕐᒧᑦ ᐊᒻᒪ ᐱᕙᓪᓕᐊᑎᑦᑎᓂᕐᒧᑦ ᑐᒃᓯᕋᐅᑎᒥ ᐋᖅᑭᒋᐊᖅᓯᓂᕐᒧᑦ ᐃᓄᐃᑦ ᑕᐱᕇᑦ ᑲᓇᑕᒥᒃᑯᑦ ᐊᒻᒪ ᐃᓄᐃᑦ ᓄᓇᕐᔪᐊᕐᒥ ᑲᑎᒪᔨᖏᑕ − ᑲᓇᑕᒥ ᒪᓕᒐᕋᓛᖏᓐᓂ, ᐃᓚᒋᔭᐅᓗᓂᓗ ᓂᕈᐊᖅᑐᓕᕆᓂᕐᒧᑦ ᒪᓕᒃᑕᐅᔭᕆᐊᓕᖕᓂ.

ᐃᓄᐃᑦ ᑕᐱᕇᑦ ᑲᓇᑕᒥᒃᑯᑦ ᑲᑎᒪᔨᖏᑦ ᐃᒃᐸᒃᓵᓂᖓᓂ ᑲᑎᓚᐅᖅᑐᑦ, ᐊᐃᑉᐱᖅ, ᐋᒡᒌᓯ 14-ᒥ. ᑲᑎᒪᔩᑦ ᐅᖃᐅᓯᖃᓚᐅᖅᑐᑦ ᐊᒻᒪ ᐊᖏᓚᐅᖅᑐᑦ ᐅᓄᖅᑐᓂᑦ ᐃᓱᒫᓘᑎᓂ ᐊᒻᒪ ᐱᒋᐊᕈᑎᒃᓴᓂᑦ ᑕᒪᒃᑯᐊᖑᒋᓪᓗᑎ:

  • ᑲᔪᓰᓐᓇᕐᓗᑎ ᐱᓕᕆᐊᖃᓂᕐᒥᑦ ᖃᐅᔨᓇᓱᓐᓂᕐᒥ ᐊᑕᐅᓯᕐᒥ ᐃᓄᒃᑐᑦ ᑎᑎᕋᐅᓯᖅᑖᓂᕐᒥ ᐋᖅᑭᒃᓱᐃᓗᑎ ᑖᔅᓱᒥᖓ ᐊᑕᐅᓯᖅ ᐃᓄᒃᑐᑦ ᑎᑎᕋᐅᓯᕐᒧ ᐱᕙᓪᓕᐊᑎᑦᑎᓂᕐᒧᑦ ᐱᓕᕆᖃᑎᒌᓂ ᖃᐅᔨᓴᕐᓂᕐᒧᑦ, ᐋᖅᑭᒃᓱᐃᓂᕐᒧᑦ ᐊᒻᒪ ᐊᑐᓕᖁᔨᓂᕐᒧᑦ ᐊᔾᔨᒌᒃᑐᓂ ᑎᑎᕋᐅᓯᕐᓂ ᐊᒻᒪ ᓈᓂᓕᕆᓂᕐᒧᑦ ᒪᓕᒃᑕᐅᔪᒃᓴᓂᑦ. ᐱᓕᕆᔨᐅᖃᑎᒌᑦ ᐃᓚᖃᕋᔭᖅᑐᑦ ᒪᕐᕉᖕᓂᒃ ᐅᖃᐅᓯᓕᕆᓂᕐᒧᑦ ᖃᐅᔨᒪᔨᑕᕐᓂᒃ ᐊᑐᓂ ᐃᓄᐃᑦ ᐊᕕᒃᑐᖅᓯᒪᔪᖁᑎᖏᓐᓂ ᐊᒻᒪ ᓂᕈᐊᕈᓐᓇᙱᑦᑐᓂ ᑭᒡᒐᖅᑐᐃᔨᐅᔪᓂ ᐃᓄᖕᓂ ᖃᓪᓗᓈᓂᕐᒥᐅᑕᐅᔪᓂ.
  • ᐊᖏᖅᑕᐅᓚᐅᖅᑐᖅ ᑲᓇᑕᒥ ᐃᓄᐃᑦ ᓯᓚᐅᑉ ᐊᓯᔾᔨᖅᐸᓪᓕᐊᓂᖓᓄᑦ ᐸᕐᓇᐅᑎ ᑭᖑᓪᓕᖅᐹᖅᓯᐅᑎᖏᓐᓄ ᐊᒻᒪ ᓴᖅᑭᑕᐅᓂᖓᓄᑦ ᑕᑯᒃᓴᐅᑎᑦᑎᓪᓗᑎ ᑲᑐᔾᔨᖃᑎᒌᓂᒃᑯᑦ ᖃᓄᐃᓕᐅᕆᐊᕈᑕᐅᔭᕆᐊᓕᖕᓂ ᓯᓚᐅᑉ ᐊᓯᔾᔨᖅᐸᓪᓕᐊᓕᕐᓂᖓᓄᑦ.
  • ᐊᖏᖅᑕᐅᓚᐅᖅᑐᖅ 2018-ᒥ ᑲᓇᑕᒥ ᐃᓄᖕᓄᑦ ᐸᕐᓇᐅᑎᐅᔪᖅ ᖃᐅᔨᓴᕐᓂᕐᒧᑦ ᐊᑐᓕᖅᑎᑦᑎᓂᕐᒧᑦ ᐸᕐᓇᐅᑎᒥ.
  • ᑲᔪᓯᓗᑎ ᐱᓕᕆᐊᖃᓂᕐᒥ ᒐᕙᒪᑐᖃᒃᑯᓐᓂ ᐃᑲᔪᖅᓱᓂᕐᒧᑦ ᐱᕙᓪᓕᐊᑎᑦᑎᓂᕐᒧᑦ ᐊᓪᓚᓂ, ᐃᓄᖕᓂ, ᐊᒻᒪ ᐊᓪᓚᖓᔪᓄᑦ ᐅᖃᐅᓯᓕᕆᓂᕐᒧᑦ ᒪᓕᒐᐅᔪᓂ.
  • ᑲᔪᓯᓗᑎ ᐱᓕᕆᐊᖃᓂᕐᒥ ᐱᕙᓪᓕᐊᑎᑦᑎᓂᕐᒧᑦ ᐳᕙᓪᓗᓐᓇᖅᑐᖃᕈᓐᓃᖅᑎᑦᑎᓂᕐᒧᑦ ᐊᑐᐊᒐᕐᓂᒃ ᓇᓕᒧᖃᓯᐅᑎᓗᓂ ᐃᓄᐃᑦ ᐊᕕᒃᑐᖅᓯᒪᔪᖁᑎᖏᑕ ᖃᓄᐃᓕᐅᕆᐊᕐᓂᕐᒧᑦ ᐸᕐᓇᐅᑎᖏᓐᓂ.
  • ᑲᔪᓯᓗᑎ ᐱᓕᕆᐊᖃᓂᕐᒥ ᐃᓄᐃᑦ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᖃᐅᔨᓴᐅᑎᖓᓂ.

ᓯᕗᓪᓕᖅᐹᑦᑎᐊᒥ, ᑲᔪᓯᑎᑕᐅᓂᖏᑦ ᐃᓄᐃᑦ ᑕᐱᕇᑦ ᑲᓇᑕᒥᒃᑯᑦ ᐊᕐᕌᒍᑕᒫᑦ ᑕᒪᐃᑎᒍᑦ ᑲᑎᒪᕕᒡᔪᐊᕐᓂᐅᔪᖅ ᐃᕐᖐᓐᓇᖅ ᑕᑯᒃᓴᐅᑎᑕᐅᓚᐅᖅᑐᖅ, ᓴᖅᑮᓪᓗᓂ ᑕᑯᒃᓴᐅᑎᑦᑎᓪᓗᑎ ᑕᐃᒃᑯᓄᖓ ᖃᐅᔨᓴᕈᒪᔪᓂ ᐃᓄᐃᑦ ᓯᕗᓕᖅᑏᑦ ᐅᖃᐅᓯᕆᔭᖏᓐᓂ ᐃᕐᖐᓐᓇᖅ.

ᐃᓄᐃᑦ ᑕᐱᕇᑦ ᑲᓇᑕᒥᒃᑯᑦ ᐊᖓᔪᖄᒃᓴᒥᑦ ᓂᐅᕈᐊᕐᓂᐅᔪᖅ ᐃᕐᖐᓐᓇᖅ ᓴᖅᑭᔮᖅᑎᑕᐅᓛᖅᑐᖅ ᕿᑎᖅᑰᕐᒥ, ᐋᒡᒌᓯ 16-ᒥ ᐱᒋᐊᕐᓗᓂ 9-ᒥ ᐅᓪᓛᒃᑯᑦ ᐅᐊᓕᓂᕐᒥᐊᑦ ᓯᕿᙳᔭᖓ ᒪᓕᓪᓗᒍ (MDT).

Augusi 15, 2018, Inuuvik, Inuvialuit Nunangani − Inuit Tapiriit Kanatami arraagutamaat tamaitigut katimavigjuarniq ullumi isulittuq Inuuvingmi. Qaakkanniagut Inuit Tapiriit Kanatami angajuqqaanganut Natan Obed, taakkua inuit ilauqataulaurmijut Inuit Tapiriit Kanatamikkut arraagutamaat tamaitigut katimavigjuarnirmut:

Duane Smith, Iksivautaq/Aulattijimmarik Inuvialuit Aviktuqsimajut Kuapuriisakkunni
Eddie Dillon, Inuvialuit Aviktuqsimajut Kuapuriisakkunni qaiqujausimajuq
Gerald Inglangasuk, Inuvialuit Aviktuqsimajut Kuapuriisakkunni qaiqujausimajuq

Aluki Kotierk, Angajuqqaaq Nunavut Tunngavikkunni
PJ Akeeagok, Nunavut Tunngavikkunni qaiqujausimajuq
David Ningeongan, Nunavut Tunngavikkunni qaiqujausimajuq

Andy Pirti, Kiinajaliriji Makivik Kuapuriisakkunni
Darlene Partridge, Makivik Kuapuriisakkunni qaiqujausimajuq
Mary Arngak, Makivik Kuapuriisakkunni qaiqujausimajuq

Johannes Lampe, Angajuqqaaq Nunatsiavummi
Tyler Edmunds, Nunatsiavut Gavamakkunni qaiqujausimajuq
Gerald Asivak, Nunatsiavut Gavamakkunni qaiqujausimajuq

Ilauqataunginnaujaqtut Inuit Tapiriit Kanatamikkut katimajinginnut kiggaqtuqtaulauqtut Monica Ell‑Kanayuk, Angajuqqaarijaujuq Inuit Nunarjuarmi Katimajinginnu − Kanatami; Mary Anderson, Angajuqqaarijaukainnaqtuq Kanatami Inuit Makkuktut Katimajinginnu; amma Rebecca Kudloo, Angajuqqaaq Pauktuutit Inuit Arnait Kanatami.

Inuit Tapiriit Kanatamikkut arraagutamaat tamaitigut katimavigjuarniqaqtillugit, Pingatsiq, Augusi 15-mi, qaiqujausimajut uqausiqalauqtut pivallianiujuni amma tikiumajauttiaqtuni taikanngat 2017-2018 kiinaujat arraagungani. Uqausiqalaurmijut amma angilauqtut unuqtunit isumaaluutini amma pigiarutiksanit tamakkuangugilluti:

  • Piliriqatiqarluti gavamatuqakkunni ikajuqsunirmut pivalliatitauninga gavamatuqakkunni nutaqqanut amma ilagiinut pijittirarnirmut maligaujumi.
  • Angiqtaulauqtuq saqqitauninga piliriqatigiinguniaqtuni kiggaqtuijiqarluti tisamaliqqangajuni Inuit aviktuqsimajuqutinginni piliriaqanirmut Inungnut turaangajumi nalimuktumi Juataniup Tunngavinganut.
  • Atuliqtittinirmit Kanatami Inungnut Imminiiqtailimatittinirmut Parnautimi.
  • Inuit Kanataup Gavamangani Katujjiqatigiingujut katimajiralaat amma angiqsimaningit kajusuunnaqtumi piliriaqanirmut taakkuningassainnaq sivulliutijauqujaujunit.
  • Saqqiinirmi pilirijiuqatigiinit kiggaqtuijiqarluti Inuit aviktuqsimajuqutinginni amma Inuit Nunarjuarmi Katimajinginni − Kanatami qimirruarnirmut amma pivalliatittinirmut tuksirautimi aaqqigiaqsinirmut Inuit Tapiriit Kanatamikkut amma Inuit Nunarjuarmi Katimajingita − Kanatami maligaralaanginni, ilagijaulunilu niruaqtulirinirmut maliktaujarialingni.

Inuit Tapiriit Kanatamikkut Katimajingit ikpaksaaningani katilauqtut, Aippiq, Augusi 14-mi. Katimajiit uqausiqalauqtut amma angilauqtut unuqtunit isumaaluutini amma pigiarutiksanit tamakkuangugilluti:

  • Kajusiinnarluti piliriaqanirmit qaujinasunnirmi atausirmi inuktut titirausiqtaanirmi aaqqiksuiluti taassuminga Atausiq Inuktut Titirausirmu Pivalliatittinirmut Piliriqatigiini qaujisarnirmut, aaqqiksuinirmut amma atuliqujinirmut ajjigiiktuni titirausirni amma naanilirinirmut maliktaujuksanit. Pilirijiuqatigiit ilaqarajaqtut marruungnik uqausilirinirmut qaujimajitarnik atuni Inuit aviktuqsimajuqutinginni amma niruarunnanngittuni kiggaqtuijiujuni Inungni qallunaanirmiutaujuni.
  • Angiqtaulauqtuq Kanatami Inuit Silaup Asijjiqpallianinganut Parnauti kingulliqpaaqsiutinginnu amma saqqitauninganut takuksautittilluti katujjiqatigiinikkut qanuiliuriarutaujarialingni silaup asijjiqpallialirninganut.
  • Angiqtaulauqtuq 2018-mi Kanatami Inungnut Parnautiujuq Qaujisarnirmut Atuliqtittinirmut Parnautimi.
  • Kajusiluti piliriaqanirmi gavamatuqakkunni ikajuqsunirmut pivalliatittinirmut Allani, Inungni, amma Allangajunut uqausilirinirmut maligaujuni.
  • Kajusiluti piliriaqanirmi pivalliatittinirmut puvallunnaqtuqarunniiqtittinirmut atuagarnik nalimuqasiutiluni Inuit aviktuqsimajuqutingita qanuiliuriarnirmut parnautinginni.
  • Kajusiluti piliriaqanirmi Inuit Aanniaqarnanngittulirinirmut Qaujisautingani.

Sivulliqpaattiami, kajusititauningit Inuit Tapiriit Kanatamikkut arraagutamaat tamaitigut katimavigjuarniujuq irngiinnaq takuksautitaulauqtuq, saqqiilluni takuksautittilluti taikkununga qaujisarumajuni Inuit sivuliqtiit uqausirijanginni irngiinnaq.

Inuit Tapiriit Kanatamikkut Angajuqaaksamit Niuruarniujuq irngiinnaq saqqijaaqtitaulaaqtuq Qitiqquurmi, Augusi 16-mi pigiarluni 9-mi ullaakkut ualinirmiat siqinngujanga malillugu (MDT).