Announcements

Announcement of Upcoming Election and Call for Nominations

By June 19, 2018 No Comments

June 19, 2018 – Announcement of Upcoming Election and Call for Nominations

 

Election of ITK President:

Election of the ITK President will be held directly following the Inuit Tapiriit Kanatami Annual General Meeting on Thursday, August 16, 2018, in Inuvik, Inuvialuit Settlement Region. The ITK President will be elected by a majority vote for a term of three (3) years. This Call for Nominations will open on June 19, 2018. This Call for Nominations will close on July 19th, 7:00pm Eastern Daylight Time.

 

Eligibility for the position of ITK President:

Candidates for the position of ITK President must be Inuk and at least 18 years of age.

 

Nomination process for the position of ITK President:

There are two ways that eligible individuals may become a candidate for the position of ITK President:

  1. Any Inuk interested in becoming a candidate for the position of ITK President must submit the following documents to the Deputy Chief Returning Officer no later than 7:00pm Eastern Daylight Time on July 19th, 2018:
    • A cover letter outlining the prospective candidate’s skills and experience;
    • A completed and signed Candidate Application Form, including 20 signatures of support from other Inuit, 18 years or older;
    • A passport quality photo; and,
    • An e-transfer, certified cheque or a money order in the amount of $200 payable to Inuit Tapiriit Kanatami.
  2. A designated member representative of Nunavut Tunngavik Incorporated, Inuvialuit Regional Corporation, Makivik Corporation and the Nunatsiavut Government, may, in writing, nominate any Inuk (no more than one nomination per organization) for the position of ITK President no later than 7:00pm Eastern Daylight Time on July 19th, 2018.

 

Financial Assistance to Candidates:

ITK is unable to provide financial support for candidates’ election campaigns, but will support travel costs for confirmed candidates to attend the AGM in Inuvik to address the Board of Directors, if there is interest.  Otherwise, ITK will secure a teleconference line in order to allow confirmed candidates to participate by telephone.

 

Forms, rules and contact information:

The Candidate Application Form and the ITK Election Procedures are available here or by request from one of the ITK Election Officials below. Interested individuals may contact ITK Election Officials with any election-related questions.

 

ITK Elections Officials

Deputy Chief Returning Officer

(Inuktitut and English capability)

Returning Officer

(English capability)

Mrs. Heather Ochalski

Email: [email protected]

Tel: 613-238-8181

Fax: 613-234-1991

Post: 75 Albert Street, Suite 1101

Ottawa, Ontario K1P 5E7

Mr. Will David

Email: [email protected]

Tel: 613-238-8181

Fax: 613-234-1991

Post: 75 Albert Street, Suite 1101

Ottawa, Ontario K1P 5E7

ᔫᓂ 19, 2018 – ᑐᓴᐅᒪᓕᖅᑎᑦᑎᔾᔪᑏᑦ ᓂᕈᐊᖅᖠᓂᖃᕐᓂᐊᕐᓂᕐᒥᒃ ᐊᒻᒪᓗ ᓂᕈᐊᒐᔅᓴᖖᒍᖅᑎᑦᑎᓂᕐᒥᒃ ᓇᓗᓇᐃᖅᓯᓯᒪᓕᖁᔨᓂᕐᒧᑦ

ᐃᓄᐃᑦ ᑕᐱᕇᒃᑯᑦ ᑲᓇᑕᒥ ᐊᔪᖅᑳᖓᑕ ᐃᓂᒋᔭᖓᓄᑦ ᓂᕈᐊᖅᖠᓂᖅ:

ᐃᓄᐃᑦ ᑕᐱᕇᒃᑯᑦ ᑲᓇᑕᒥ ᐊᖓᔪᖅᑳᑉ ᐃᓂᒋᔭᖓᓄᑦ ᓂᕈᐊᖅᖠᓂᖃᕐᓂᐊᖅᑐᑦ ᐃᓄᐃᑦ ᑕᐱᕇᒃᑯᑦ ᑲᓇᑕᒥ ᑲᑎᒪᕕᒡᔪᐊᕌᓂᒃᓯᒪᓕᖅᐸᑕ ᓯᑕᒪᖓᐅᓕᖅᐸᑦ, ᐅᒡᒍᑎ 16, 2018, ᐃᓅᕕᖕᒥ, ᐃᓄᕕᐊᓗᐃᑦ ᐊᕕᒃᑐᖅᓯᒪᓂᖓᓂ. ᐃᓄᐃᑦ ᑕᐱᕇᒃᑯᓐᓄᑦ ᑲᓇᑕᒥ ᐊᖓᔪᖅᑳᑉ ᐃᓂᒋᔭᖓᓄᑦ ᓂᕈᐊᖅᖠᓂᖃᕐᑎᑦᑎᓂᐊᕐᒪᑕ ᐊᒥᓲᓂᖅᓴᐅᔪᓂᑦ ᓂᕈᐊᖅᑕᐅᓯᒪᔪᒥᒃ ᐃᓂᖃᕐᓂᐊᖅᑐᒥᒃ ᐅᑭᐅᓄᑦ ᐱᖓᓱᓄᑦ (3).ᑖᒃᑯᐊ ᓂᕈᐊᒐᔅᓴᖖᒍᖅᑎᑦᑎᓯᒪᔾᔪᑎᑦ ᒪᑐᐃᙳᓱᑦᑐᖅ ᔫᓂ 19, 2018−ᒥ. ᑖᒃᑯᐊ ᓂᕈᐊᒐᔅᓴᖖᒍᖅᑎᑦᑎᓯᒪᔾᔪᑎᑦ ᒪᑐᓯᒪᓕᕐᓂᐊᖅᑐᑦ ᔪᓚᐃ 19-ᒥ, 7:00 ᐅᓐᓄᒃᑯᑦ ᓯᕿᖖᒍᔭᖅ ᕿᑭᖅᑖᓘᑉ ᒥᒃᓵᓂ ᒪᓕᒃᓗᒍ.

 

ᐃᓄᐃᑦ ᓂᕈᐊᒐᔅᓴᖖᒍᕈᓐᓇᕐᓂᖏᑦ ᐃᓄᐃᑦ ᑕᐱᕇᒃᑯᑦ ᑲᓇᑕᒥ ᐊᖓᔪᖅᑳᖓᑕ ᐃᓂᒋᔭᖓᓄᑦ:

ᐃᓄᐃᑦ ᑕᐱᕇᒃᑯᑦ ᑲᓇᑕᒥ ᐊᖓᔪᖅᑳᖓᑕ ᐃᓄᒋᔭᖓᓄᑦ ᓂᕈᐊᒐᔅᓴᖖᒍᖅᓯᒪᔪᐃᑦ ᐃᓅᔭᕆᐊᖃᖅᐳᑦ ᐊᒻᒪᓗ 18-ᓂᒃ ᐅᖓᑖᓄᓪᓗ ᐅᑭᐅᖃᖅᑑᓗᑎᒃ.

 

ᓂᕈᐊᒐᔅᓴᖖᒍᖅᑎᑦᑎᔾᔪᑎᑦ ᐱᓕᕆᐊᖑᕙᓪᓕᐊᕙᓐᓂᖏᑦ ᐃᓄᐃᑦ ᑕᐱᕇᒃᑯᑦ ᑲᓇᑕᒥ ᐊᖓᔪᖅᑳᑉ ᐃᓂᒋᓂᐊᖅᑕᖓᓄᑦ:

ᒪᕐᕈᐃᑎᒍᑦ ᐃᓄᐃᑦ ᑭᒃᑯᑐᐃᓐᓇᑦ ᓂᕈᐊᒐᔅᓴᖖᒍᖅᑎᑕᐅᔪᓐᓇᕐᒪᑕ ᐃᓄᐃᑦ ᑕᐱᕇᒃᑯᑦ ᑲᓇᑕᒥ ᐊᖓᔪᖅᑳᑉ ᐃᓂᒋᔭᖓᓄᑦ:

  1. ᑭᓇᑐᐃᓐᓇᖅ ᐃᓄᒃ ᓂᕈᐊᒐᔅᓴᖖᒍᕈᒪᓂᖃᕐᑐᖅ ᐃᓄᐃᑦ ᑕᐱᕇᒃᑯᑦ ᑲᓇᑕᒥ ᐊᖓᔪᖅᑳᑉ ᐃᓂᖓᓄᑦ ᑐᓂᓯᓯᒪᔭᕆᐊᖃᕐᓂᐊᕐᒪᑦ ᐃᒪᓐᓇᐃᑦᑐᓂᒃ ᑎᑎᕋᖅᓯᒪᔪᖁᑎᓂᒃ ᐃᓱᒪᑕᐅᓗᓂ ᓂᕈᐊᖅᖠᓂᓕᕆᔨᐅᑉ ᑐᖓᓕᖓᓄᑦ ᓯᕗᕐᖓᓂ 7-ᒧᐊᖅᐸᑦ ᐅᓐᓄᒃᑯᑦ ᕿᑭᖅᑖᓘᑉ ᒥᒃᓵᓂ ᓯᕿᖖᒍᔭᖓ ᒪᓕᒃᓗᒍ ᔪᓚᐃ 19, 2018:
  • ᑎᑎᖅᑲᓂᒃ ᓇᓗᓇᐃᔭᐃᓯᒪᔪᓂᒃ ᓂᕈᐊᒐᔅᓴᖖᒍᖅᑎᑕᐅᓯᒪᔪᑉ ᐊᔪᖖᒋᓐᓂᕆᔭᖏᓂᒃ ᐊᒻᒪᓗ ᐱᓕᕆᓂᖃᕐᕕᒋᓯᒪᔭᖏᓐᓂᒃ;
  • ᑕᑕᑎᕆᐊᓖᑦ ᑕᑕᑎᖅᓯᒪᓗᒃᑖᕐᓯᒪᓗᒋᑦ ᐊᑎᓕᐅᖅᑕᐅᓯᒪᔪᓂᒃᓗ ᓂᕈᐊᒐᔅᓴᖖᒍᕐᓂᕐᒧᑦ ᑕᑕᑎᕆᐊᓕᖁᑎᓂᒃ (ᐊᑐᐃᓐᓇᐅᑎᑕᐅᔪᑦ ᐅᕙᓂ itk.ca) ᐃᓚᖃᕐᓗᒋᑦ 20-ᓂᑦ ᐃᓄᓐᓂᑦ ᐊᑎᓕᐅᖅᓯᒪᓂᖏᓂᒃ ᐃᑲᔪᖅᓯᓂᖃᕐᑎᒥᓂᑦ ᐃᓄᓐᓂᑦ ᐅᑭᐅᖃᖅᑐᓂᑦ 18 ᐅᖓᑖᓄᓪᓗ;
  • ᓄᓇᕐᔪᐊᒧᑦ ᐃᑎᕈᓐᓇᐅᑎᑎᑐᑦ ᑕᑯᔅᓴᐅᑦᑎᐊᖅᑎᒋᓗᓂ ᐊᔾᔨᓕᐅᖅᑕᐅᓯᒪᔪᒥᒃ
  • $200-ᓂᒃ ᖃᕋᓴᐅᔭᒃᑯᑦ ᐊᐅᓪᓚᐃᓗᑎᑦ, ᐅᕝᕙᓘᓐᓃᑦ ᑮᓇᐅᔭᕈᖅᑎᑕᐅᓂᐅᓴᑐᐃᓐᓇᖅᑐᒥᒃ ᑐᕌᖅᑎᑕᐅᓯᒪᓗᓂ Inuit Tapiriit Kanatami-ᑯᓐᓄᑦ

ᑎᓕᔭᐅᓯᒪᓪᓗᑎᒃ ᐃᓚᒋᔭᐅᖃᑕᐅᔪᑦ ᐱᔾᔪᑎᖃᖅᑎᒋᔭᐅᓪᓗᑎᒃ ᓄᓇᕗᑦ ᑐᖖᒐᕕᒃᑯᑦ ᑎᒥᖓᓐᓄᑦ, ᐃᓄᕕᐊᓗᐃᑦ ᐊᕕᒃᑐᖅᓯᒪᓂᕐᒥ ᑯᐊᐳᕇᓴᖓᓄᑦ, ᒪᑭᕕᒃ ᑯᐊᐳᕇᓴᖓᓄᑦ ᐊᒻᒪᓗ ᓄᓇᑦᓯᐊᕗᑦ ᒐᕙᒪᖓᓐᓄᑦ, ᑎᑎᕋᖅᓯᒪᔪᑎᒍᑦ, ᓂᕈᐊᒐᔅᓴᖖᒍᖅᑎᑦᑎᔪᓐᓇᖅᐳᑦ ᑭᓇᑐᐃᓐᓇᕐᒥᒃ (ᐊᑕᐅᓯᕐᒥᒃ (1) ᐃᓄᖕᒥᒃ ᐊᑐᓂ ᑲᑐᔾᔨᖃᑎᒌᖑᔪᓂᑦ) ᐃᓄᐃᑦ ᑕᐱᕇᒃᑯᓐᓄᑦ ᑲᓇᑕᒥ ᐊᖏᔪᖅᑳᑉ ᐃᓂᒋᔭᖓᓄᑦ ᓯᕗᕐᖓᓂ 7-ᒧᐊᖅᐸᑦ ᐅᓐᓄᒃᑯᑦ ᕿᑭᖅᑖᓘᑉ ᒥᒃᓵᓂ ᓯᕿᖖᒍᔭᖓ ᒪᓕᒃᓗᒍ ᔪᓚᐃ 19, 2018

 

ᓂᕈᐊᒐᔅᓴᖖᒍᖅᑎᑕᐅᓯᒪᔪᑦ ᑮᓇᐅᔭᑎᒍᑦ ᐃᑲᔪᖅᑕᐅᔾᔪᑎᔅᓴᖏᑦ

ᐃᓄᐃᑦ ᑕᐱᕇᒃᑯᑦ ᑲᓇᑕᒥ ᑮᓇᐅᔭᑎᒍᑦ ᓂᕈᐊᒐᔅᓴᖖᒍᖅᑎᑕᐅᓯᒪᔪᑦ ᓂᕈᐊᖅᑕᐅᔪᒪᓪᓗᑎᒃ ᐃᑲᔪᖅᑐᐃᔨᒃᓴᒥᓐᓂᒃ ᐱᓯᒪᓕᕋᓱᐊᕈᑎᒃᓴᖏᓄᑦ ᐃᑲᔪᕈᑎᔅᓴᓂᒃ ᐊᔪᕐᒪᑕ, ᑭᓯᐊᓂᓗ ᐃᑲᔪᕈᑎᔅᓴᖃᖅᑎᑦᑎᓂᐊᖅᑑᒐᓗᐊᑦ ᖃᖓᑦᑕᐅᑎᒃᓴᖏᓄᑦ ᓇᓗᓇᐃᖅᑕᐅᓯᒪᓪᓗᑎᒃ ᓂᕈᐊᒐᔅᓴᖖᒍᖅᑎᑕᐅᓯᒪᔪᑦ ᐅᐸᖃᑕᐅᔾᔪᑎᒃᓴᖏᓐᓄᑦ ᑲᑎᒪᔩᑦ ᑲᑎᒪᕕᒡᔪᐊᕆᖅᓯᒪᓕᖅᐸᑕ ᐃᓅᕕᖕᒥ, ᐅᐸᒍᑎᖃᑕᐅᔪᒪᔪᖃᕋᔭᕐᓂᖅᐸᑦ. ᑕᐃᒪᓐᓇ ᐋᖅᑭᒃᑕᐅᓯᒪᓕᕐᓂᖖᒋᑉᐸᑕ, ᐃᓄᐃᑦ ᑕᐱᕇᒃᑯᑦ ᑲᓇᑕᒥ ᐅᖄᓚᐅᑎᑎᒍᑦ ᑲᑎᒪᓂᖃᖃᑕᐅᑎᑦᑎᔪᓐᓇᖅᑐᑦ ᑕᐃᒃᑯᐊ ᓇᓗᓇᐃᖅᑕᐅᓯᒪᓪᓗᑎᒃ ᓂᕈᐊᒐᔅᓴᖖᒍᖅᑎᑕᐅᓯᒪᔪᑦ ᐃᓚᒋᔭᐅᖃᑕᐅᔪᓐᓇᕐᓂᐊᕐᒪᑕ ᑲᑎᒪᕕᒡᔪᐊᖅᑐᓄᑦ ᐅᖄᓚᐅᑎᑎᒍᑦ.

 

ᑕᑕᑎᕆᐊᓕᖁᑏᑦ, ᒪᓕᒃᑕᐅᔭᕆᐊᓖᑦ ᐊᒻᒪᓗ ᑭᒃᑯᓐᓂᑦ ᑐᑭᓯᒋᐊᒃᑲᓐᓂᕈᓐᓇᕐᓂᖏᑦ

ᓂᕈᐊᒐᔅᓴᖖᒍᑎᑕᐅᔪᒧᑦ ᑕᑕᑎᕆᐊᓕᖁᑏᑦ ᐊᒻᒪᓗ ᐃᓄᐃᑦ ᑕᐱᕇᒃᑯᑦ ᑲᓇᑕᒥ ᓂᕈᐊᖅᖠᓂᓕᕆᓂᕐᒧᑦ ᐱᓕᕆᐊᖑᕙᓪᓕᐊᕙᓐᓂᖏᓄᑦ ᐅᖃᖅᑕᐅᓯᒪᓂᖏᑦ ᐊᑐᐃᓐᓇᐅᑎᑕᐅᕗᑦ ᐃᓄᐃᑦ ᑕᐱᕇᒃᑯᑦ ᑲᓇᑕᒥ ᖃᕆᑕᐅᔭᑎᒍᑦ ᐅᕝᕙᓘᓐᓃᑦ ᓂᕈᐊᖅᖠᓂᓕᕆᓂᕐᒧᑦ ᖃᓄᑐᐃᓐᓇᖅ ᐊᐱᖅᑯᓯᒃᓴᖃᖅᑐᑦ ᖃᐅᔨᒋᐊᕐᕕᖃᕈᓐᓇᖅᐳᑦ ᓇᓪᓕᐊᓂᑐᐃᓐᓇᖅ ᐃᓄᐃᑦ ᑕᐱᕇᒃᑯᑦ ᓂᕈᐊᖅᖠᓂᓕᕆᔨᐅᓪᓗᑎᒃ ᐃᓱᒪᑕᐅᔪᓐᓂᑦ ᐊᑎᖏᑦ ᑎᑎᕋᖅᑕᐅᓯᒪᔪᓂᑦ ᑖᒃᑯᐊ ᐊᑖᓂ.

 

ᐃᓄᐃᑦ ᑕᐱᕇᒃᑯᑦ ᑲᓇᑕᒥ ᓂᕈᐊᖅᖠᓂᓕᕆᓂᕐᒧᑦ ᐃᓱᒪᑕᕆᔭᐅᔪᑦ

ᐃᓱᒪᑕᐅᓗᓂ ᓂᕈᐊᖅᖠᓂᓕᕆᔨᐅᑉ ᑐᖏᓕᖓ

(ᐃᓄᒃᑎᑐᑦ ᖃᓪᓗᓈᑎᑐᓪᓗ ᐱᓕᕆᓂᖃᕈᓐᓇᕐᑐᖅ)

ᓂᕈᐊᖅᖠᓂᓕᕆᔨ

(ᖃᓪᓗᓈᑎᑐᑦ ᐱᓕᕆᓂᖃᕈᓐᓇᕐᑐᖅ)

ᕼᐃᐊᑐ ᐅᕼᐋᓯᑭ

ᖃᕆᑕᐅᔭᑎᒍᑦ: : [email protected]

ᐅᖄᓚᐅᑎᖓᑦ: 613-238-8181

ᓱᑲᔪᒃᑯᑦ: 613-234-1991

ᑎᑎᖅᑲᓂᐊᕐᕕᒃᑯᑦ: 75 Albert Street, Suite 1101

Ottawa, Ontario K1P 5E7

ᕕᐅᓪ ᑕᐃᕕᑦ

ᖃᕆᑕᐅᔭᑎᒍᑦ: [email protected]

ᐅᖄᓚᐅᑎᖓᑦ: 613-238-8181

ᓱᑲᔪᒃᑯᑦ: 613-234-1991

ᑎᑎᖅᑲᓂᐊᕐᕕᒃᑯᑦ: 75 Albert Street, Suite 1101

Ottawa, Ontario K1P 5E7

June 19, 2018 – Tusaumaliqtittijjutiit Niruaqłiniqarniarnirmik ammalu Niruagassannguqtittinirmik Nalunaiqsisimaliqujinirmut

Inuit Tapiriikkut Kanatami Angajuqqaangata Inigijanganut Niruaqłiniq:

Inuit Tapiriikkut Kanatami Angajuqqaap Inigijanganut Niruaqłiniqarniaqtut Inuit Tapiriikkut Kanatami katimavigjuaraaniksimaliqpata sitamangauliqpat, August 16, 2018, Inuvikmi, Inuvialuit Aviktuqsimaningani. Inuit Tapiriikkunnut Kanatami Angajuqqaap Inigijanganut niruaqłiniqartittiniarmata amisuuniqsaujunit niruaqtausimajumik iniqarniaqtumik ukiunut pingasunut (3). Taakkua niruagassannguqtittisimajjutit matuinngusuttuq June 19, 2018-17. Taakkua niruagassannguqtittisimajjutit matusimalirniaqtut July 19-mi, 7:00 unnukkut siqinngujaq qikiqtaaluup miksaani maliklugu.

 

Inuit niruagassanngurunnarningit Inuit Tapiriikkut Kanatami Angajuqqaangata Inigijanganut:

Inuit Tapiriikkut Kanatami Angajuqqaangata Inugijanganut niruagassannguqsimajuit inuujariaqaqput ammalu 18-nik ungataanullu ukiuqaqtuulutik.

 

Niruagassannguqtittijjutit pilirianguvalliavanningit Inuit Tapiriikkut Kanatami Angajuqqaap Iniginiaqtanganut:

Marruitigut Inuit kikkutuinnat niruagassannguqtitaujunnarmata Inuit Tapiriikkut Kanatami Angajuqqaap Inigijanganut:

  1. Kinatuinnaq Inuk niruagassanngurumaniqartuq Inuit Tapiriikkut Kanatami Angajuqqaap Ininganut tunisisimajariaqarniarmat imannaittunik titiraqsimajuqutinik Isumatauluni Niruaqłinilirijiup Tungalinganut sivurngani 7-muaqpat unnukkut qikiqtaaluup miksaani siqinngujanga maliklugu July 19, 2018:
  • Titiqqanik nalunaijaisimajunik niruagassannguqtitausimajup ajunnginnirijanginik ammalu piliriniqarvigisimajanginnik;
  • Tatatirialiit tatatiqsimaluktaarsimalugit atiliuqtausimajuniklu Niruagassanngurnirmut Tatatirialiqutinik (atuinnautitaujut uvani www.itk.ca) ilaqarlugit 20-nit Inunnit atiliuqsimaninginik ikajuqsiniqartiminit inunnit ukiuqaqtunit 18 ungataanullu;
  • Nunarjuamut itirunnautititut takussauttiaqtigiluni ajjiliuqtausimajumik
  • Kiinaujaruqtitauniusatuinnaqtumik sikkiliangusimajumik uvvaluunniit kiinaujaruqtitaujunnaqtutik tigujautuinnariaqaliqtisimajut $200-nikturaaqtitausimaluni Inuit Tapiriit Kanatami-kunnut
  1. Tilijausimallutik ilagijauqataujut pijjutiqaqtigijaullutik Nunavut Tunngavikkut Timingannut, Inuvialuit Aviktuqsimanirmi Corporation-nganut, Makivik Kuapuriisanganut ammalu Nunatsiavut Government-ngannut, titiraqsimajutigut, niruagassannguqtittijunnaqput kinatuinnarmik (atausirmik (1) Inungmik atuni katujjiqatigiingujunit) Inuit Tapiriikkunnut Kanatami Angajuqqaap Inigijanganut sivurngani 7-muaqpat unnukkut qikiqtaaluup miksaani siqinngujanga maliklugu July 19, 2018.

 

Niruagassannguqtitausimajut Kiinaujatigut Ikajuqtaujjutissangit

Inuit Tapiriikkut Kanatami kiinaujatigut niruagassannguqtitausimajut niruaqtaujumallutik ikajuqtuijiksaminnik pisimalirasuarutiksanginut ikajurutissanik ajurmata, kisianilu ikajurutissaqaqtittiniaqtuugaluat qangattautiksanginut nalunaiqtausimallutik niruagassannguqtitausimajut upaqataujjutiksanginnut Katimajiit Katimavigjuariqsimaliqpata Inuvikmi, upagutiqataujumajuqarajarniqpat. Taimanna aaqqiktausimalirninngippata, Inuit Tapiriikkut Kanatami uqaalautitigut katimaniqaqatautittijunnaqtut taikkua nalunaiqtausimallutik niruagassannguqtitausimajut ilagijauqataujunnarniarmata katimavigjuaqtunut uqaalautitigut.

 

Tatatirialiqutiit, Maliktaujarialiit ammalu Kikkunnit Tukisigiakkannirunnarningit

Niruagassanngutitaujumut Tatatirialiqutiit ammalu Inuit Tapiriikkut Kanatami niruaqłinilirinirmut pilirianguvalliavanninginut uqaqtausimaningit atuinnautitauvut Inuit Tapiriikkut Kanatami qaritaujatigut uvvaluunniit niruaqłinilirinirmut qanutuinnaq apiqqusiksaqaqtut qaujigiarviqarunnaqput nallianituinnaq Inuit Tapiriikkut Kanatami Niruaqłinilirijiullutik Isumataujunnit atingit titiraqtausimajunit taakkua ataani.

 

Inuit Tapiriikkut Kanatami Niruaqłinilirinirmut Isumatarijaujut

Isumatauluni Niruaqłinilirijiup Tungalinga

(Inuktitut Qallunaatitullu piliriniqarunnartuq)

Niruaqłiniliriji

(Qallunaatitut piliriniqarunnartuq)

Mrs. Heather Ochalski

Qaritaujatigu: [email protected]

Uqaalautingat: 613-238-8181

Sukajukkut: 613-234-1991

Titiqqaniarvikkut: 75 Albert Street, Suite 1101

Ottawa, Ontario K1P 5E7

Mr. Will David

Qaritaujatigu: [email protected]

Uqaalautingat: 613-238-8181

Sukajukkut: 613-234-1991

Titiqqaniarvikkut: 75 Albert Street, Suite 1101

Ottawa, Ontario K1P 5E7

Listen to Deputy Returning Officer, Heather Olchaski, answer questions on the upcoming election procedures in English and Inuktut.

For more information, please contact:

[email protected]
613-238-8181