Tortonto amma Ottawa, March 1, 2021
BMO kiinaujalirijiit (BMO) piliriqatiliit Inuit Tapiriikkunnit Kanatami (ITK) qaujimattiarumallutik kikkutuinnarnut ittuqtaujjaikkutiit (PPE) atuinnauttiaraluarmangaata nunaliujunit Inuit Nunanganni aturiaqarnirpaangutillugit tamakkuninga. Ungataaniittunit 113,900 kiinarmut matuat, 563,000 qaujiqtut allarutiit ammalu 438nit anginilimmik katillugit imalinnit uasautinit nassiujjisimajut ikajuqtugit saputisimagunnaqullugit inuit qanimanaqtuqtaqarningani nunaliujunit Nunavumi, Nunavimmi, Inuvialuit Nunanganni ammalu Nunatsiavummi.
“Inuit Tapiriit Kanatami quviasuttut kasuutitittijariassaq inuit nunalinginnik ammalu aulattijinit katujjiqatinginnik suurlu taakkuninga Kiinaujakkuvilirijinit ikajuutiqarunnaqtunit nunaliqutittinnut,” uqaqtuq Natan Obed, Angajuqqaaq, Inuit Tapiriikkunnit Kanatami. “Inuit isumaalunaqtumiinnisaummata atuutiviujunnanirsaullutik nuvarjuanaqtumut (COVID-19) pijjutigillugit akunialuk naammangittunut atuutiviuqattarsimatillugit, asingit tamakkua pigaluarmitillugit, amisut inuit salumajumik imirmik atuqattariaqaqtillugit uasautigiqattaniaqtanginnik agganginnut, ammalu illuqattiariaqaqtillugit inutuuviqakainnariaqaqqata nuvarjuanaqtumut qanimasugijautillugit uvvaluunniit nalunaiqtaminiutillugit qanimmanaqtuqtaqarninginnik. Iqqanaijaassaqaqtuinnaugatta kamagijaqarunnanirmik tamakkuninga pinailutauvattunit, ammalu qujalijunga iqqanaijaqtinut kiinaujakkuvimmi taakkuninga ikajuutiqarninginnut aittuqtaujjaikkunit inunnut nunaliujunut maanna atuqtaujariaqaluaqtillugit.”
“Kiinaujakkuvimmi, piliriqatiqattiaqattaratta akunialullu piliriqatiqaqattarsimaliqtutik nunaqaqtutuqarnit ikajurpattanginnik ammalu nunaliujunit Kanatami namituinnaaqtunit aqqutigillugit Nunaqaqtutuqarnut Kiinaujakkuvilirijiit ammalu Nunaqaqtutuqarnut Uqaujjigiaqtiit Katimajiit,” uqaqtuq Mike Bonner, Angajuqqaaq, Kiinaujakvimmi Kanatami Iqqanaijarvinnut Kiinaujakkuvilirijiit. “Tamakkua attuanivut ikajuutiqarsimammata tukisitittinirmik ikajurunnanittinnik nunaliujunit ikajuqtaujarialinnit, makuangullutik Allait, Allangajut ammalu Inuit. Inuit nunalinginni Inuit Nunanganni, qujalijugut Tapiriikkut katujjiqatiqarninginnik atuutiqallarimmat tamakkua aittuqtaujjaikkutiit aataujunnaniarngata nunaliujunut aturiaqarnirpaangutillugit tamakkuninga maanna.”
Aittuqtaujjaikkutiit nassiujjauningit Inuit Nunangannut ilagijaummat anginirsamut piliriangannut Kiinaujakvilirijit aittuqtaujjaikkutiit Nunaqaqtutuqait nunaligasanginnuurujjauqullugit Kanatami namilimaaq ikajuqtiqarlutik nunaliit sivuliqtinginnik katujjiqatigiinginnillu suurlu makua Tapiriit, WASAC, Allait Katujjiqatigiingit Iliqqusirmik Ilisavinnut ammalu Yellowquill Silattusarvik. Ullumimut tikittugu qanigijaaniittut 150,000 kiinarmut matuat, 500 gaalannit anginiliit aggammut uasautiit ammalu 750,000 qausiqtut allarutiit nassiujjausimajut Allait Allangajuillu nunalinginnut nunalilimaangujunut pingannangani kanannanganut tikittugu ammalu Inuit nunalinginnut Inuit Nunanganniittunut.
Kiinaujakkuvimmi BMO Katujjiqatigiit
Ikajurpattut akilirsuijuqutigivattanginnik 200nit arraagunit ilavalliatuinnaqtutik, Kiinaujakvik ajjigiinngituggutillarialunnit kiinaujakkuvilirijjutiqarpattut − 8gijaullutik anginirpaanguqataujut kiinaujakkuvinnit, piqutitigut, North America. Katilimaaqtugit piqutingingit akiliit $973 vilian January 31, 2021mi takullugit, ammalu iqqanaijaqtingit ajjigiinngituggutiullutik ammalu ilagijauttiapattutik iqqanaijaqtingit, Kiinaujakkuvik sivitujumuungajunit ajjigiittunit kikkutuinnarnuungajunit ammalu kiinaujaliurasuarutiujunit kiinaujakkuvilirivattut, qakimanirmut aulattijiuvattut ammalu pirurpalliatittinirmut kiinaujakkuvilirivattut pijittirautiqarpattutillu ungataaniittunut 12 milian ikajurpattanginnut ammalu piliriaqarpattutik pingasunit aulanilinnit katujjiqatigiinit: Kikkutuinnarnut Kiinaujaliarasuarataujunut Kiinaujakkuviliriniq, Kiinaujakvikummi Qakimanirmut Aulattinirmik ammalu Kiinaujakkuvimmi Akitujuutinut Niurrutiqaqattanirmik