November 2, 2022 – Ottawa, Ontario – Canadami Aanniaqaqtailimajulirinirmut Qaujisaqtiit Iqqanaijarvingit
Canadami 70,000-luangungmata Inuit nunaliqaqhlutik 51-ni nunaliujuni Inuit nunatuqanganni qaujimajaulluni Inuit nunagingmagu. Inungnut, aanniaqaqtailimaniq atavviqaurmat uumajuqutiujunut, avatiujumut, piusituqangannut ammalu asinginnut inuuqatigiiktut aanniaqaliqtailimanirivaktanginnut. Inuit piuniqpaatigut nalunaiqsijiujungnarmata qaujisaivannirmi sivulliqpautitaksauqujaujunik ammalu qaujisainirmi piliriaqaqtiujunnarniqsaullutik piliriaqarniarnirni nunaligijaminnit pijausimaliriaqaqtunik ammalu upigusutsiarunnaqłutik pijunnautiqarninginnik.
Canadami Gavamangat iluikkautitsilutik piliriaqarunnarmata sivummuktitsigiarniksamik saimmaqatigiiksimalirajarnirmut, sanngiktitsigiaqtiunirmut Inuit-Gavamatuqakkut Piliriaqaqatigiingninginnik, atuliqtitsinirmut Inuit Nunanganni Maligaqutiujunik ammalu pitaqaliqtitsigiamut akhluittuuniqsaulutik Inuit nunagijaqalirniksangannut miksiqatsiaqtutigut katujjiniqarlutik piliriaqalirniqtigut. Taimannganit 2017-mit, piliriqatiqaqsimaliratta Inuit Tapiriikkunnik Kanatami (ITK) ammalu asinginik Inuit katujjiqatigiinginnik Inuit-Gavamatuqakkut Piliriaqaqatigiingninginnut Katimajiralaatigut pimmariujutigut sivummugiaqsimaliqullugit Inuit nangminiq isumaliurutiliurunnarningit ammalu ikajuqtuisimalutik inungnik sivuliqtiqarlutik aaqqigiarutiksaujunik nalunaittumik pivalliajuliriniujunut ammalu pijaritujuullutik piliriaksarijanginnut Inuit.
Ullumi, Minister Jean-Yves Duclos, Aanniaqsiurtilirijikkunnut Minister-gijaujuq, ammalu Natan Obed, Angijuqqaaq Inuit Tapiriit Kanatami, tusaqtitsilauqpuk kiinaujaqutiqaqtitsiniarnirmut $6.4-million-nik pigiarutiksauniaqsutik Inuit Qaujisainirmi Piliriaqaqatigiingulirniaqtunik. Taakkua kiinaujait, pitaqaqtitausimajut Canadami Aanniaqarnanngittulirinirmut Qaujisaqtiit Iqqanaijarviujutigut (CIHR), sanngiktigiarutiuniarput piliriaqaqtiujunnarniujunik inungnik sivuliqtiqarlutik qaujisainiuvaktunut ammalu ikajuqtuinirmi taimaulianikhlutik ammalu nutaatigut qaujisainirmi piliriangulirumajunik piliriangusimaliqullugit Inuit pisimaliriaqaqtangit ammalu atuliqtitsinirmi gavamaujuni isumatammariujunut attataqsimaliriaqarniujut.
Inuit Qaujisainirmi Piliriaqaqatigiinik pigiarutiksaullutik kiinaujait ikajurutiniaqput atuliqtitsinirmut Inuit Tapiriit Kanatami (ITK) Canadami Inuit Qaujisainilirinirmi Parnautinginnik, turaarviksaqaqtitaujunut piusigiaqtitsisimalirajarnirmik Inuit piliriaqaqtiujunnarninginik, qaujimaninginik ammalu nangminiq isumaliurutiliurunnaqtuuninginnik qaujisainiuvaktunut, pijjutigiluaqługit Inuit aanniaqaliqtailimajuliriningit ammalu qanuinngitsiarunnarningit, Inuit Nunangata iluani silataanilu.
Taakkua kiinaujaqutiksaujut qiturngiuqtitauvut sitamaullutik Inuit aviktuqsimaninginnut ammalu nunalirinirmi katujjiqatigiigijaujunut, Inuvialuit Aviktuqsimanirmi Kuapuriisangannut, Nunavut Tunngavik Timiqutingannut, Makivik Kuapuriisangannut ammalu Nunatsiavut Gavamangannut, tukimuagutiksauniaqhlutik qaujisainiuvaktunut sanngittigiaqtitausimaliqullugit Inuit aanniaqarnanngittuliriningit.
Uqaqtausimajut
“Kajusititsisimatilluta piliriaqaqatigiingnittinnik Inuit Tapiriikkunnik Kanatami ammalu Canadami Inunginnik, suli ikajuqtuinittinnik ammalu upigusutsiarnittinnik Inuit nangminiq isumaliurutiliurunnarninginik aanniaqarnanngittulirinirmi qaujisainiuvaktunut piliriaksaqaratta. Taakkua nutaangullutik qaujisainiuvaktunut piliriaqaqatigiit ikajuqtuijiuniarmata Inungnik sivuliqtiqarlutik qaujisainiuvaktunut ammalu qaujimaniujunik amiqqarutiqaqattarnirnut ikajurutiuniarlutik piusigiqtitsiniksamut Inuit aanniaqaliqtailimavanninginnut ammalu qanuinngitsiarnilirininginnut Canadami sanngiktitsigiarlutiklu akuniiqtumut piliriaqaqtiujunnarnirnik Inungnik sivuliqtiqarlutik qaujisainiuvaktunut ammalu qaujimaniujunik piliriniqaliqtitsigiarnirmik tamain isumatammariullutik iqqanaijarviujuni.”
Minister Jean-Yves Duclos
Aanniaqsiuqtilirijikkunnut Minister-gijaujuq
“Inuit Tapiriikkunni Kanatami (ITK), ilitarijausimammata pimmariutiullutik pilirianguvagunnarmata qaujisarniuvaktut tukisiumaliriarnittinnik pijausimaliriaqaqtunik ammalu piruqtitsijvallianirnut sanngiktitsigiarnirnut nunaligijaujunik. Taakkutiguunaq kiinaujaqutiksaujutigut aaqqiksuisimalirunnarniaratta nutaanik piliriniqarniulirunnaqtunik qanuq qaujisainiuvaktut pilirianguvagiaqarninginnut Inuit Nunanganni, ammalu quviasullariktugut piruqtitauvallianinginni tukimuaktitsijiujunnariattinnik.”
Natan Obed
Angijuqqaaq, Inuit Tapiriit Kanatami
“Canadami Aanniaqarnanngittulirinirmut Qaujisaqtiit (CIHR) sarimagusukput piliriqatiqarniarnirminnik Inuit Tapiriikkunnik Kanatami taakkua Canadami Inuit Qaujisaivannirnut Parnautiit uummaqtitausimaliqullugit taakkutiguunaq quvianaqtuullutik pitaqaliqtitauningita Inuit Qaujisaivannirni piliriaqaqatigiit kiinaujaqutiksatigut. Qaujisainiuvaktut sivuliqtiqaqsutik Inungnik, Inungnut uqaqtausimajunik saqqitausimalirniarmata piliriangulirningitigut Inuit qaujisaivannirnut sivulliqpautitauqujaujunik ammalu aulajjaigiarutiuniarlutik naammatsiaqtutigut asijjiisimalirutiunajaqtunut Inuit ilagiingujunut ammalu nunaligijaujunut. Piliriniulirajaqtunut nalunaiqsijjutiummata CIHR-kut piliriaqalirniarninginnut atuliqtitsisimaniarnirminni sivulliqpautitaksaqutit C-nginik Piliriangulirumajunut Parnautiliarisimajattinni “sukkaliriaqtitausimaliqullugit nangminiq isumaliurutiliurunnaqtuuningit Nunaqaqqaaqsimajuit aanniaqarnanngittulirinirmi qaujisainiuvaktunut”.
Dr. Michael J. Strong
Angijuqqaaq, Canadami Aanniaqaqtailimajulirinirmut Qaujisaqtiit Iqqanaijarvingit
Qanuillaringniujut
- Inuit tapiriit kanatami (ITK) Canadalimaami pijjutiqaqtigijaujuullutik timigijaummata piliriaksaqaqtitausimallutik mianiqsijiunirmut ammalu sivummugiaqtitsijiunirmut Inuit pijunnautigijanginnik ammalu pisimalirumajanginnik Canadami.
- 2018-mi Inuit Tapiriit Kanatami (ITK) saqqiilaurmata Canadami Inuit Qaujisainiuvaktunut Parnautinik (NSIR) nalunaijaisimajunik piliriaqaqatigiingniujunut ammalu piliriaksanik sanngiktitausimaliqullugit aktuiniuvaktunut, ajunngitsiarniujunut, ammalu aturniqarninginnut Inuit Nunanganni qaujisainiuvaktunut pijjutigillugit Inuit.
- Inuit Tapiriit Kanatami (ITK) aaqqiksuisimalilaurmata ukiunut tallimanut (5) piliriangulirumallutik parnautinik aaqqiksuiqatigillugit CIHR-kut tukimuagutiksanik atuliqtitsivallianirni Canadami Inuit Qaujisainiuvaktunut Parnautinik (NSIR). Pijjutiuluaqtunut ilagijauqataulluni piliriangulirumallutik parnautinut turaangavut pigiaqtittisimalirajarnirmik Inuit Qaujisainiuvaktunut Piliriaqaqatigiinik, ikajuqtugausimaniaqtunit kiinaujaqutiksaqaliqtitsinikkut $6.4 million-nik CIHR-kunnit.
Asingit pituksimalirviksait
- Inuit Tapiriit Kanatami (Inuit Tapiriit Kanatami)
- National Inuit Strategy on Research (Canadami Inuit Qaujisainiuvaktunut Parnautingit)
- ITK and CIHR leadership renew commitment to improving health outcomes in Inuit communities (Inuit Tapiriikkut Kanatami (ITK) ammalu Canadami Aanniaqarnanngittulirinirmut Qaujisaqtiit (CIHR) sivuliqtiuningit nutauliqtitauningita piliriaksarijangit piusigiaqtitausimaliqullugit aanniaqarnanngittuliriniujunut qanuilinganiujut Inuit nunalinginni)
- CIHR Strategic Plan 2021-2031 (Canadami Aanniaqarnanngittulirinirmut Qaujisaqtiit (CIHR) Piliriangulirumajunut Parnautingit 2021-2031)
Qaujigiarviujunnaqtut
Marie-France Proulx
Tusagaksalirijini Titiraqti
Minister Jean-Yves Duclos Allavvinganit
Aanniaqarnanngittulirijikkunnut Minister
613-957-0200
Tusagaksalirijikkut
Inuit Tapiriit Kanatami
[email protected]
Tusagaksalirijikkut
Canadami Aanniaqarnanngittulirinirmut Qaujisaqtiit (CIHR)
[email protected]