ᑲᓇᑕᒥ IPSE-ᓄᑦ ᐸᕐᓇᐅᑏᑦ

By IPSE, Publications

ᑖᒃᑯᐊ ᖃᓄᐃᓕᖓᖁᔨᓂᖏᑕ ᑎᑎᖅᑲᖁᑎᓕᐊᕆᓯᒪᔭᕗᑦ ᑕᑯᒃᓴᐅᑎᑦᑎᕗᑦ ᑲᓇᑕᒥ ᐃᓄᐃᑦ ᓯᕗᓪᓕᐅᔾᔭᐅᖁᔭᖏᑦ ᒐᕙᒪᑐᖃᒃᑯᑦ ᐱᖁᔭᖓᓂ, ᐊᑐᓕᖅᑎᑕᐅᖁᓪᓗᒍ ᓄᓇᕐᔪᐊᑦ ᑲᑐᔾᔨᖃᑎᒌᑦ ᐃᓕᓴᖅᓯᓯᒪᓂᖏᖕᓂᒃ ᓄᓇᖃᖅᑳᖅᓯᒪᔪᑦ ᐃᓄᐃᑦ ᐱᔪᓐᓇᐅᑎᖏᖕᓂᒃ. ᑎᑎᕋᖅᓯᒪᐅᖅᐳᑦ ᓂᕆᐅᓐᓂᕆᔭᐅᔪᓂᒃ ᐊᒻᒪᓗ ᓯᕗᓪᓕᐅᔾᔭᐅᖁᔭᐅᔪᓂᒃ ᖃᓄᑎᒋ ᐊᒻᒪᓗ ᐊᑦᑐᐃᓂᖃᖅᑎᑕᐅᓇᓱᐊᕐᓂᖏᖕᓂᒃ ᐱᖁᔭᑉ, ᐃᓕᓴᖅᓯᒪᓪᓗᑎᓪᓗ ᐱᖁᔭᖅᑎᒍᑦ ᐃᓗᓕᕆᔭᖏᑦ ᑖᒃᑯᐊ ᐃᓄᐃᑦ ᐱᖃᓯᐅ- ᑎᖁᔭᖏᑦ ᐱᖁᔭᒃᓴᒥ, ᐊᒻᒪᓗᑦᑕᐅᖅ ᑎᑎᕋᖅᓯᒪᒋᓪᓗᑎᑦ ᓂᕆᐅᓐᓂᕆᔭᐅᓯᒪᔪᑦ ᐱᖁᔭᖅ ᐱᕙᓪᓕᐊᒍᑎᒋᔭᐅᕙᓪᓕᐊᓂᖓᑕ ᐊᐅᓚᓂᖓᓂᒃ. ᑕᒪᓐᓇ ᖃᓄᐃᓕᖓᖁᔨᓂᑦᑕ ᑎᑎᖅᑲᓕᐊᕆᓯᒪᔭᕗᑦ ᒪᕐᕉᖕᓂᒃ ᑎᑎᖅᑲᓕᐊᕆᔭᐅᓚᐅᖅᓯᒪᔫᖕᓂᒃ 2017- ᖑᑎᓪᓗᒍ ᑖᒃᑯᓄᖓ ᐃᓄᐃᑦ ᑕᐱᕇᑦ ᑲᓇᑕᒥᒃᑯᓐᓄᑦ ᐱᕙᓪᓕᐊᒍᑎᒋᒋᐊᖅᑕᐅᓯᒪᕗᑦ ᖃᓄᐃᓕᖓᖁᔨᓂᑦᑕ ᑎᑎᕋᖅᓯᒪᔪᑦ ᐊᒻᒪᓗ ᐅᖃᐅᓯᖃᕆᐊᕈᑕᐅᓂᐊᖅᑐᓂᒃ ᑎᑎᖅᑲᐅᔪᓂᒃ. ᑖᒃᑯᐊ ᐃᓚᒋᐊᕈᑎᒋᔭᐅᓯᒪᔫᒃ ᑎᑎᖅᑳᒃ ᐋᖅᑭᓱᖅᑕᐅᓚᐅᖅᓯᒪᒻᒪᑎᒃ ᐊᒻᒪᓗ ᐊᖏᖅᑕᐅᓚᐅᖅᓯᒪᓪᓗᑎᑦ ᐃᓄᐃᑦ ᑕᐱᕇᑦ ᑲᓇᑕᒥ ᐊᐅᓚᑦᑎᔨᖏᑎᒍᑦ ᐊᒻᒪᓗ ᑎᑎᖅᑲᓕᐊᕆᔭᐅᓯᒪᔫᒃ ᑐᑭᓯᒋᐊᖅᑎᑦᑎᒍᑕᐅᖏᓐᓇᖅᐳᑦ ᐃᓄᐃᑦ ᑕᐱᕇᑦ ᑲᓇᑕᒥ ᖃᓄᐃᓕᖓᖁᔨᓂᖏᑦ ᐱᖁᔭᒃᓴᓕᐊᕆᔭᐅᔪᑉ ᒥᒃᓵᓄᑦ.

Read More