AnnouncementsCOVID-19Uncategorized @ius

ᐳᕝᕕᕆᓇᖅᑐᐊᓗᒃ ᓄᕙᒡᔪᐊᕐᓇᖅ (COVID-19) ᐊᒻᒪᓗ ᐃᓄᐃᑦ ᓱᕈᓰᑦ ᓯᕗᓪᓕᐅᑎᓪᓗᒋᑦ ᐱᓕᕆᐊᖑᓕᕈᒪᔪᑦ ᐃᑲᔪᕈᑎᒃᓴᐃᑦ ᐃᓄᐃᑦ ᓱᕈᓯᖏᓐᓄᑦ

By November 17, 2020 No Comments
ᐃᓄᐃᑦ ᓱᕈᓯᖏᑦ ᐱᓯᒪᓕᕆᐊᖃᖅᑕᖏᓂᒃ ᐱᓯᒪᓕᕈᓐᓇᖃᑦᑕᖖᒋᑉᐸᑕ ᐱᔾᔪᑎᒋᓗᒋᑦ ᑐᕌᖓᓪᓗᑎᒃ ᐳᕝᕕᕆᓇᖅᑐᐊᓗᒃ ᓄᕙᒡᔪᐊᕐᓇᐅᑉ (COVID-19) ᓯᐊᒻᒪᒃᐸᓪᓕᐊᓂᖓᓄᑦ, ᐃᓚᒌᖑᔪᑦ ᑐᒃᓯᕋᐅᑎᒥᓐᓂᒃ ᑐᓂᓯᓯᒪᓕᕈᓐᓇᖅᐳᑦ ᐃᓄᐃᑦ ᓱᕈᓰᖅ ᓯᕗᓪᓕᐅᑎᓪᓗᒋᑦ ᐱᓕᕆᐊᒧᑦ ᐱᓯᒪᓕᖅᑎᑕᐅᔪᒪᓗᑎᒃ ᐃᑲᔪᕈᑎᒃᓴᒃᑲᓐᓂᕐᓂᒃ. ᐊᒥᓱᕐᓚᐅᓪᓗᑎᒃ ᐃᓚᒌᑦ ᓄᓇᓕᐅᔪᒥ ᐊᔾᔨᕐᓚᖓᓄᑦ ᖃᓄᐃᓕᖓᓕᖅᓯᒪᓂᖃᖃᑕᐅᒃᐸᑕ, ᓄᓇᓕᐅᔪᒥ ᐊᒻᒪᓗ ᐊᕕᒃᑐᖅᓯᒪᓂᐅᔪᒥ ᑲᑐᔾᔨᖃᑎᒌᒋᔭᐅᔪᑦ ᑐᓂᓯᓯᒪᓕᕈᓐᓇᕐᒥᔪᑦ ᑲᑎᓐᓂᖃᖅᓱᑎᒃ ᑐᒃᓯᕋᐳᑎᒋᔭᐅᔪᓂᒃ.
ᐱᓕᕆᐊᖑᕙᓪᓕᐊᕙᓐᓂᖏᑦ ᐊᒻᒪᓗ ᐱᓕᕆᐊᖑᔭᕆᐊᖃᖅᐸᑦᑐᑦ ᑐᒃᓯᕋᐅᑎᓄᑦ ᐃᓄᐃᑦ ᓱᕈᓰᑦ ᓯᕗᓪᓕᐅᑎᓪᓗᒋᑦ ᐱᓕᕆᐊᒧᑦ ᐊᔾᔨᒌᒃᑐᒥᒃ ᐱᓕᕆᓂᖃᕐᕕᐅᕙᒻᒪᑕ. ᐃᓚᖃᕆᐊᖃᖅᑎᑕᐅᔪᑦ ᓇᓗᓇᐃᖅᑕᐅᓯᒪᓪᓗᓂ ᐱᓯᒪᓕᕆᐊᓕᖏᓂᒃ ᐱᓯᒪᓕᖅᑎᑕᐅᓯᒪᖏᓐᓂᖓᓄᑦ ᐱᓕᕆᐊᖑᓕᕆᐊᖃᖅᑐᒥᒃ ᓇᓪᓕᐊᓄᑦ ᓱᕈᓯᕐᒧᑦ ᓇᓗᓇᐃᖅᓯᒪᓗᒍ ᐅᕝᕙᓘᓐᓃᑦ ᓇᓗᓇᐃᖅᑕᐅᓯᒪᓗᑎᒃ ᑲᑎᓐᓂᖃᖅᑎᑕᐅᓪᓗᑎᒃ ᓱᕈᓯᐅᔪᓄᑦ.
ᐊᑐᓂ ᑐᒃᓯᕋᐅᑎᐅᓯᒪᔪᑦ ᐃᓱᒪᒃᓴᖅᓯᐅᕈᑎᐅᕙᓐᓂᐊᖅᑐᑦ ᒪᓕᒃᓗᒋᑦ ᐱᓕᕆᐊᖑᕙᓪᓕᐊᓂᖏᓐᓄᑦ. ᓱᕈᓯᐅᑉ ᐅᕝᕙᓘᓐᓃᑦ ᓱᕈᓯᕐᓄᑦ ᐱᓯᒪᓕᖅᑕᐅᔭᕆᐊᓖᑦ ᓇᓗᓇᐃᔭᖅᑕᐅᓯᒪᔭᕆᐊᖃᕐᐳᑦ ᑐᒃᓯᕋᐳᑎᓂ, ᐊᒻᒪᓗ ᓱᓇᓂᒃ ᐅᕝᕙᓘᓐᓃᑦ ᐱᔨᑦᓯᕋᕈᑎᓂᒃ ᑐᒃᓯᕋᐅᑎᐅᓯᒪᔪᑦ ᐊᔾᔨᖃᕆᐊᖃᖅᑎᑕᐅᓪᓗᑎᒃ ᐱᓯᒪᓕᖅᑕᐅᔭᕆᐊᓕᓐᓄᑦ ᓇᓗᓇᐃᔭᖅᑕᐅᓯᒪᓪᓗᑎᒃ.