COVID-19Uncategorized @iuq

Puvvirinaqtualuk Nuvagjuarnamik (COVID-19) Qanimaliqpaktulirinirnmut Ikajuqtaujjutiksat Atuinnautitauningit Inugiaktunirmiuni Inuit Katujjiqatigiinginnut 

Tamatumani ajjiqanngittumik atuliqsimaniqaqtilluta, Inuit Tapiriikkut Kanatami (ITK) ilitaqsisimajumavut katujjiqatigiingujunik piliriniqarningita ikajuliriarnirnut inunnik nunaqaqtunik silataani Inuit Nunangatta kajusititausimaqullugit piliriniujut Inuit qanuinnaqtumiititauqullugit, mianirijautsiarlutik ammalu qanuinngittiaqtitauqullugit. Inuit tapiriikkut kanatami (ITK) piliriaksaqarmata Puvvirinaqtualuk Nuvagjuarnaq (COVID-19) qanimaniqarnirmut kiusimaliriarutiujut atuliqtitausimaningit ilautitsiniqaqullugit tamainnik Inunnik ilagijauqatautitsiniq Canada-mi, piqasiutilugit taikkua sitamaullutik nunalirinirni aviktuqsimaniujut silataanirmiutaujut.

 

Canada-mi Government-ngata Puvvirinaqtualuk Nuvagjuarnamut (COVID-19) Tuaviurnaqsisimajunut Kiugiarutiullutik Parnautingit ilaqarmata $305-million-nik ajjigijaunngittuullutik-tunngngavviqaqtitaujunut Nunaqaqqaarsimajut Nunalingita Ikajuqtaujjutiksanginik Kiinaujaqutiqaqtitaulutik, taimalu ilaqaqtitaullutik $45- million-nik ilagijauqataullutik Inuit nunalirinirmi katujjiqatigiingujunut. Inuit Tapiriikkunnut Kanatami Katimajingit tiliurisimammata taakkua kiinaujaqutiksait qaitauvalliajut Canada-mi Government-nganni imanna aaqqiktausimaliqullugit:

$5,850,000 Inuvialuit Aviktuqsimaningani Kuapuriisangat
$22,545,000 to Nunavut Tunngavvikkut Timingat
$11,250,000 Makivik Kuapuriisangat
$5,355,000 Nunatsiavut Government-ngat
Ujjirilugu: Tamakkua kiinaujaqutiksauniaqtut suli government-tuqakkunnit qaitauvallianngittut.

Taakkua kiinaujaqutiksait atuqtauniaqtut ikajurutiulutik atuni nunalirinirmi katujjiqatigiingujunut ilagijauqataujunut Canada-limaami, piqasiutilugit taikkua nunaqaqtut nunalirinirmi aviktuqsimanirmita silataani. Inuit katujjiqatigiingit aulatsiniqaqtut silataani Inuit Nunangatta apirijausimavut qaujigiaqsimaliqullugit nunalirinirmi kajjiqatigiiminnut ilagijaujuqutigijaminnik, imanna, qaujisimalirniarlugit qanuq tamakkua kiinaujaqutiksaujut pijausimalirunnarmangaata ammalu qanuq atuqtaujuksaummangaata ikajurutiuninginni pijausimaliriaqaqtunut inugiaktunirmiungullutik inunnit ajjiqanngittumik ammalu aksururnaqtunik atuliqsimatilluta.

Kiinaujaqutiksait atuinnauvut piliriniqarniujunut atuliqtitausimallutik makuninga ilaqaqtillugit, kisianilu kigliqaqtitausimanatik taakkunungatuaq:

  • Ikajurutiksait Inutuqarijaujunut ammalu aktuqtausaraittuullutik nunaliqaqtunut
  • Piliriat atuliqtitausimajut niqissaqanngiluaqpaktunut
  • Ilinniarniliriniq ammalu asingit ikajurutiksait surusirnut
  • Isumakkut aanniaqaliqujinnginnirmut ikajurutiksaqaqtitsiniq ammalu tuaviurnaqtuqaqtillugu kiujiuvaksutik pijitsiraqtingit
  • Parnaqsimaliriarutiullutik piliriniujut siammaktitausimaliqunagu Puvvirinaqtualuk Nuvagjuarnaq (COVID-19)

Asikkanningit kiinaujait $15-million sanirvaqtausimavut gavamatuqakunnit ikajurutiksaullutik inunnut nunaqaqtunut silataani nunaligijamikta. Taakkua kiinaujaqutiksait pijausimalirunnaqput isumaliurutiliurutitigut uvani proposals directly to the Government of Canada.

Kiinaujaqutissaullutik sanirvaqtausimajut Inuit nunalirinirmi katujjiqatigiinginnut ilagiarutiusimammata $500-million-nut sanirvaqtausimajunut puraavinsiujunut ammalu aviktuqsimaniujunut atuqtaujuksaullutik pijausimajariaqallariktuullutik aanniaqsiurtilirijinit pijausimajariaqaqtunut parnaksimajunnaqullugit ammalu piluanngiliqtitsigiarutiuniarlutik pilirianginnut; ammalu pijausimajunnaqsutik province-gijaujunit ammalu aviktuqsimanirijaujunit Canada-mi Tuaviurnaqtuqaliqsimatillugu Parnagutiusimallutik Katiqsuivallianirnik aanniaqsiurtilirijikkut sanarrutinginik ammalu piqutiksanginik, iijagartaarvilirijinit piqutiksanik ammalu inuusilirinirmi piqutiksanik, suurlu iglirnik ammalu qipinnik. Atii qaujigiarvigilugit ukua province-gijaujumi uvvaluunniit aviktuqsimanirmi government-ngjut piliriaqaqtiujut katujjiqatigiigijatsi allavviqarvigijangani uvani provincial or territorial government appropriate to where your organization is based tukisiumaliriarniarlugit asikkanningit ikajurutiksaujut ilitsinnut atuinnautitautuinnarialiit.

Ammalukkanniq, Inuit pititaujunnarmimmata amisurlaujunit Canada-mi Government-kut ikajurutiksaullutik atuinnautisimajanginik tamainnut Canada-miutaujunut. Tusaqtitaukkannirumagutsi Government-tuqakkunnit ikajuqtaujjusiaqtaangujunnaqtunik ilaqaqtillugit Iqqanaijaqtulirinirmi Nalliukkumaanut, Canada-mi Tuaviurnaqsisimajuqaqtillugu Kiugiarutiullutik Ikajuusiaqtaangujunnaqtut, Canada-mi Surusirnut Ikajuusiaqtaanguvattut, Puvvirinaqtualuk Nuvagjuarnaq (COVID-19) Kiinaujaliurutinut Kiinaujatigut Ikajuusiaqtaanguvaktunut ammalu asikkanninginnut, atii uvani qaritaujatigut qaujigiarlugit  www.itk.ca/covid19