Skip to main content

ᐳᕝᕕᕆᓇᖅᑐᐊᓗᒃ ᓄᕙᒡᔪᐊᕐᓇᖅ (COVID-19) ᖃᓂᒪᓇᖅᑕᖃᓕᖅᓯᒪᓂᖓᓂ ᒐᕙᒪᑐᖃᒃᑯᑦ ᐃᑲᔫᓯᐊᖅᑖᕈᑎᒃᓴᓄᑦ ᐱᓯᒪᓕᕈᓐᓇᕐᓂᕐᒧᑦ ᓴᓇᕐᕈᑎᖏᑦ

ᐃᑲᔪᕈᑎᒃᓴᐃᑦ ᐱᓕᕆᔨᓄᑦ

ᐱᓕᕆᐊᖅᑭᒃᑯᑦ ᐱᑎᑕᐅᔪᓐᓇᕐᓂᐊᖅᐸᑦ?ᖃᔅᓯᓂᒃ?ᖃᖓ ᐊᑐᓕᖅᑎᑕᐅᓯᒪᓂᖓ ᐱᒋᐊᖅᑎᑕᐅᓯᒪᓂᐊᖅᐸ?ᖃᓄᖅ ᑐᒃᓯᕋᖅᓯᒪᓕᕈᓐᓇᖅᐳᖓ?ᑕᒪᒃᑯᓄᖓ ᑐᓴᕆᐊᒃᑲᓐᓂᕈᒪᔪᑦ

ᐃᖅᑲᓇᐃᔭᖅᑎᑦ ᓇᓪᓕᐅᒃᑯᒫᖏᑦ (ᖃᓂᒪᑎᓪᓗᒋᑦ ᐃᑲᔫᓯᐊᖅᑖᖑᕙᑦᑐᑦ)—ᐊᑯᓂᐅᓂᕆᔪᓐᓇᖅᑕᖏᑦ ᐅᐃᒍᒋᐊᖅᑕᐅᓯᒪᓪᓗᑎᒃ ᐊᑐᐃᓐᓇᐅᑎᑕᐅᓯᒪᔪᑦ

ᐱᑎᑕᐅᔪᓐᓇᖅᑐᑎᑦ ᐃᒪᓐᓇᐅᒃᐸᑦ ᐅᑯᓇᖖᒐᑦ:

  • ᐋᓐᓂᐊᕐᓂᖃᕐᓂᕐᓄᑦ ᐃᖅᑲᓇᐃᔭᕈᓐᓇᖖᒋᒃᑯᕕᑦ
  • ᐱᓇᓱᐊᕈᓯᖅᑕᒫᑦ ᑮᓇᐅᔭᓕᐅᕐᓂᕆᕙᒃᑕᑎᑦ ᒥᑭᒡᓕᒋᐊᕐᓯᒪᓕᕐᓂᖅᐸᑕ 40%-ᒥᒃ ᐊᑕᐅᓯᕐᒧᑦ (1) ᐱᓇᓱᐊᕈᓯᕐᒥᒃ ᒥᑭᒡᓕᒋᐊᕐᓯᒪᓕᕐᓗᑎᒃ
  • 600-ᓂᒃ ᐃᑲᕐᕋᓂᒃ ᓇᓪᓕᐅᒃᑯᒫᖃᖅᑎᑕᐅᓪᓗᑎᑦ ᐃᖅᑲᓇᐃᔭᖅᓯᒪᒍᕕᑦ 52-ᓂ ᐱᓇᓱᐊᕈᓯᕐᓂ ᐊᑭᓕᐅᑎᑖᖃᑦᑕᓕᕐᓂᐊᓵᕐᓂᕐᓂᑦ ᐃᖅᑲᓇᐃᔭᕈᖕᓃᖅᓯᒪᔪᓄᑦ ᐊᑭᓕᐅᑎᑖᖑᕙᑦᑐᓂᒃ (EI)
    • ᐊᑕᐅᓯᐊᕐᓗᒍ (1) 480-ᓂᒃ ᐃᑲᕐᕋᓂᒃ ᐱᑎᑕᐅᓯᒪᔪᓐᓇᖅᐳᑎᑦ ᐃᑲᔪᕈᑎᒃᓴᐅᓇᔭᖅᑐᓂᒃ ᑎᑭᓯᒪᓕᖁᓪᓗᒋᑦ 600-ᓄᑦ ᐃᑲᕐᕋᓄᑦ ᐱᓯᒪᔭᕆᐊᖃᖅᑕᕐᓄᑦ, ᑕᐃᒪᓕ 120-ᑐᐃᓐᓇᓂᒃ ᐃᑲᕐᕋᓂᒃ ᐃᖅᑲᓇᐃᔭᖅᓯᒪᔭᕆᐊᖃᕋᔭᕋᕕᑦ
    • 52-ᓂ ᐱᓇᓱᐊᕈᓰᑦ ᐃᓚᒋᐊᕐᑕᐅᓯᒪᔪᓐᓇᖅᐳᑦ ᐱᓯᒪᓕᓚᐅᕐᓂᕈᕕᑦ ᑲᓇᑕᒥ ᑐᐊᕕᐅᕐᓇᖅᑐᖃᓕᖅᓯᒪᓂᖓᓂᑦ ᐋᖅᑭᒃᐸᓪᓕᐊᓂᕐᒧᑦ ᐃᑲᔫᓯᐊᖅᑖᖑᕙᑦᑐᓂᒃ (CERB)
  • ᐋᓐᓂᐊᕐᓂᖃᕋᕕᑦ ᐃᖅᑲᓇᐃᔭᕈᓐᓇᖖᒋᓐᓃᑦ ᐊᑐᐃᓐᓇᖅᑎᒋᐊᖃᖅᑕᐃᑦ ᐊᑭᓕᐅᑎᑖᖃᑦᑕᖅᑎᓪᓗᑎᑦ ᐃᖅᑲᓇᐃᔭᕈᓐᓇᐃᖅᑐᓄᑦ ᐊᑭᓕᐅᑎᑖᖑᕙᑦᑐᓂᑦ ᐋᓐᓂᐊᖅᑐᓄᑦ
55%-ᖓᓂᒃ ᐱᓇᓱᐊᕈᓯᖅᑕᒫᑦ ᑮᓇᐅᔭᓕᐅᕐᓂᕆᕙᑦᑕᖏᓂᒃ, ᑎᑭᓪᓗᒍ $573/ᐱᓇᓱᐊᕈᓯᖅᑕᒫᑦ ᑎᑭᓪᓗᒋᑦ 15-ᓄᑦ ᐱᓇᓱᐊᕈᓯᕐᓄᑦ
  • ᒥᑭᓂᖅᐹᓂᒃ ᐃᑲᔫᓯᐊᖅᑖᖑᕙᑦᑐᓄᑦ ᖁᑦᑎᖕᓂᖃᕐᑎᑕᐅᔪᑦ $500/ᐱᓇᓱᐊᕈᓯᖅᑕᒫᑦ
ᒫᔾᔨ 15, 2020. ᓄᑖᑦ ᒥᑭᓂᖅᐹᓂᒃ ᐃᑲᔫᓯᐊᖅᑖᖑᕙᑦᑐᓄᑦ ᖁᑦᑎᖕᓂᖃᖅᑎᑕᐅᔪᑦ ᐱᒋᐊᕐᑎᑕᐅᓂᐊᖅᑐᑦ ᓯᑦᑎᐱᕆ 27, 2020
  1. ᖃᕆᑕᐅᔭᑎᒍᑦ ᐱᑐᒃᓯᒪᕝᕕᖓᓂ here; ᑕᐃᒪᓗ
  2. ᑐᓂᓯᓯᒪᖃᑕᐅᔭᕆᐊᓕᒃ ᐃᑲᔪᕈᑎᒃᓴᐅᓪᓗᑎᒃ ᑎᑎᕋᖅᓯᒪᔪᓂᒃ: ᐋᓐᓂᐊᖅᓯᐅᕐᑎᓕᕆᔨᒥᑦ ᓇᓗᓇᐃᒃᑯᑕᓂᒃ ᑎᑎᖅᑲᓂᒃ ᐊᒻᒪᓗ ᐃᖅᑲᓇᐃᔭᓚᐅᕐᓂᕐᒧᑦ ᑎᑎᖅᑲᖁᑎᓂᒃ (ROE)
  3. ᐃᑲᔫᓯᐊᖅᑖᕐᑎᑕᐅᓂᕐᒧᑦ ᑎᑎᖅᑲᓂᒃ ᐊᒻᒪᓗ ᐃᑎᕈᓐᓇᐅᑎᓂᒃ ᓇᓗᓇᐃᒃᑯᑕᓂᒃ ᑎᑎᖅᑲᓂᐊᕐᕕᒃᑯᑦ ᑎᑭᕝᕕᐅᔪᒫᕐᓗᓂ
  • ᐃᖅᑲᓇᐃᔭᖅᑎᑦ ᓇᓪᓕᐅᒃᑯᒫᖏᑦ (ᐃᑲᔪᖅᑕᐅᔾᔪᑎᑖᖑᕙᑦᑐᑦ)
  • ᐃᖅᑲᓇᐃᔮᖃᕈᓐᓃᖅᓯᒪᒍᕕᑦ ᐊᒻᒪᓗ ᐃᒡᕕᑦ ᐱᔾᔪᑕᐅᑎᓐᓇᑎᑦ; ᐊᒻᒪᓗ
  • ᐊᓯᒃᑲᓐᓂᖏᑦ ᐱᑎᑕᐅᔪᓐᓇᕐᓂᐊᕐᓂᕐᒥ ᐱᓕᕆᐊᖑᔭᕆᐊᖃᖅᑐᑦ ᐅᕙᓂ Additional eligibility criteria.
  • 420-ᓂᒃ ᐃᑲᕐᕋᓂᒃ ᓇᓪᓕᐅᒃᑯᒫᑎᒎᖅᑐᓂᒃ ᐃᖅᑲᓇᐃᔭᖅᓯᒪᓕᕈᕕᑦ 52-ᓂ ᐱᓇᓱᐊᕈᓯᕐᓂ ᐱᑎᑕᐅᖃᑦᑕᓕᕐᓂᐊᓵᕐᓂᕐᓂ ᐃᖅᑲᓇᐃᔭᖅᑎᑦ ᓇᓪᓕᐅᒃᑯᒫᖏᓂᒃ (EI) ᐊᑭᓕᐅᓯᐊᖅᑖᖑᕙᑦᑐᓂᒃ
    • ᐊᑕᐅᓯᐊᕐᓗᒍ ᐱᑎᑕᐅᔪᓐᓇᖅᐳᑎᑦ 300-ᓂᒃ ᐃᑲᕐᕋᓂᒃ ᐃᑲᔪᕈᑎᒃᓴᐅᓪᓗᑎᒃ ᑎᑭᓯᒪᓕᕈᓐᓇᖁᓪᓗᑎᑦ 420-ᓄᑦ ᐃᑲᕐᕋᓄᑦ, ᑕᐃᒪᓕ 120-ᑐᐃᓐᓇᓂᒃ ᐃᑲᕐᕋᓂᒃ ᐃᖅᑲᓇᐃᔭᖅᓯᒪᔭᕆᐊᖃᕋᔭᕋᕕᑦ
    • 52-ᓂ ᐱᓇᓱᐊᕈᓰᑦ ᐃᓚᒋᐊᕐᑕᐅᓯᒪᔪᓐᓇᖅᐳᑦ ᐱᓯᒪᓕᓚᐅᕐᓂᕈᕕᑦ ᑲᓇᑕᒥ ᑐᐊᕕᐅᕐᓇᖅᑐᖃᓕᖅᓯᒪᓂᖓᓂᑦ ᐋᖅᑭᒃᐸᓪᓕᐊᓂᕐᒧᑦ ᐃᑲᔫᓯᐊᖅᑖᖑᕙᑦᑐᓂᒃ (CERB
  • ᓄᑖᑦ ᓇᓪᓕᐅᒃᑯᒫᓂᒃ ᐃᑲᕐᕋᑎᒍᑦ 300-ᓂᒃ ᐱᑎᑕᐅᓯᒪᔪᓐᓇᖅᑎᑕᐅᔪᑦ ᐃᑲᔪᕈᑎᒃᓴᐅᓗᑎᒃ ᐃᓄᓐᓄᑦ ᐃᓚᒋᔭᐅᖃᑕᐅᔪᓐᓇᕈᑎᓄᑦ ᐱᓯᒪᔭᕆᐊᖃᕐᓂᖏᓐᓂᑦ

55%-ᖓᓂᒃ ᐱᓇᓱᐊᕈᓯᖅᑕᒫᑦ ᑮᓇᐅᔭᓕᐅᕐᓂᕆᕙᑦᑕᖏᓂᒃ, ᑎᑭᓪᓗᒍ $573/ᐱᓇᓱᐊᕈᓯᖅᑕᒫᑦ ᑎᑭᓪᓗᒋᑦ 14-ᓂᑦ 45-ᓄᑦ ᐱᓇᓱᐊᕈᓯᕐᓄᑦ

  • ᒥᑭᓂᖅᐹᓂᒃ ᐃᑲᔫᓯᐊᖅᑖᖑᕙᑦᑐᓄᑦ ᖁᑦᑎᖕᓂᖃᕐᑎᑕᐅᔪᑦ $500/ᐱᓇᓱᐊᕈᓯᖅᑕᒫᑦ
ᑕᕝᕙᑲᐅᑎᒋ, ᑭᓯᐊᓂᓗ ᐃᖅᑲᓇᐃᔮᖃᖖᒋᑦᑑᔭᕆᐊᓕᒃ ᐊᒻᒪᓗ ᐊᑭᓕᖅᑐᒐᐅᓯᒪᓇᓂ 7-ᓄᑦ ᐅᓪᓗᓄᑦ ᒪᓕᒃᑐᕋᐅᑎᔪᓄᑦ ᐱᑎᑕᐅᔪᓐᓇᕐᓂᐊᕈᓂ
  1. ᖃᕆᑕᐅᔭᑎᒍᑦ ᐱᑐᒃᓯᒪᕝᕕᖓᓂ here ᑕᐃᒪᓗ
  2. ᐃᓗᐃᒃᑲᐅᓗᒋᑦ ᐱᓇᓱᐊᕈᓰᒃ ᒪᕐᕉᒃ ᐊᓂᒍᑐᐊᕌᖓᑕ ᑕᑕᑎᕆᕙᓪᓗᑎᑦ ᓇᓗᓇᐃᔭᐅᑎᓂᒃ ᐱᑎᑕᐅᔪᓐᓇᕐᕕᑦ ᑲᔪᓯᑎᑕᐅᔪᓐᓇᕐᓂᖓᑕ
ᑲᓇᑕᒥ ᑐᐊᕕᐅᕐᓇᖅᑐᖃᖅᑎᓪᓗᒍ ᑭᐅᒋᐊᕈᑎᐅᓪᓗᑎᒃ ᐃᑲᔫᓯᐊᖅᑖᖑᔪᓐᓇᖅᑐᑦ (CERB) — ᑖᓐᓇ ᐱᓕᕆᐊᖅ ᐃᓱᓕᓚᐅᕐᑐᖅ ᐅᒃᑐᐱᕆ 3, 2020

ᐃᒪᓐᓇᐃᑦᓴᕆᐊᓖᑦ:

  1. 15-ᓂᒃ ᐅᑭᐅᖃᖅᑐᓂᑦ ᐱᒋᐊᕐᕕᖃᕐᓗᑎᒃ
  2. ᑲᓇᑕᒥᐅᑕᐅᓗᑎᒃ
  3. ᑲᑎᓪᓗᒋᑦ ᑮᓇᐅᔭᓕᐅᖅᓯᒪᓗᑎᒃ $5,000-ᓴᓂᓄ 2019 ᐅᑭᐅᖓᓂ ᐅᕙᓘᓐᓃᑦ ᓯᕗᕐᖓᓂ 12-ᓄᑦ ᑕᖅᑭᓄᑦ; ᐊᒻᒪᓗ
  4. ᐃᖅᑲᓇᐃᔭᕈᓐᓃᓚᐅᕐᓗᓂ ᐱᑦᔪᑎᒋᓪᓗᒍ ᐳᕝᕕᕆᕐᔪᐊᕐᓇᖅᑐᐊᓗᒃ ᓄᕙᒡᔪᐊᕐᓇᖅ (COVID-19) ᐅᓪᓗᓄᑦ 14-ᓄᑦ ᒪᓕᒃᐸᓪᓕᐊᑐᕋᐅᑦᑐᓂᒃ ᐊᒻᒪᓗ ᑮᓇᐅᔭᓕᐅᕐᓂᖃᕋᓂ ᐅᕝᕙᓘᓐᓃᑦ ᐃᑲᔫᓯᐊᖅᑖᕈᑎᒃᓴᓂᒃ ᐱᑎᑕᐅᕙᒐᓂ.

$500/ᐱᓇᓱᐊᕈᓯᖅᑕᒫᑦ ᑎᑭᑦᓱᓐᓇᖅᓱᑎᒃ 28-ᓄᑦ ᐱᓇᓱᐊᕈᓯᕐᓄᑦ 28-ᓄᑦ ᐱᓇᓱᐊᕈᓯᕐᓄᑦ

ᒫᔾᔨ 15, 2020  

ᐱᓕᕆᐊᖅ ᐃᓱᓕᓚᐅᕐᑐᖅ ᓯᑦᑎᐱᕆ 26, 2020-ᒥ 

ᑲᓇᑕᒥ ᐃᓐᑲᒻᑖᒃᓯᓕᕆᔨᕐᔪᐊᒃᑯᑦ (CRA) ᑲᔪᓰᓐᓇᖅᑎᑦᓯᓯᒪᔪᑦ ᓈᒻᒪᒃᓴᐃᕙᓐᓂᕐᒥᓐᓂᒃ ᐊᒻᒪᓗ ᐊᑭᓕᐅᑎᑖᕈᑎᒃᓴᓂᒃ ᐱᑎᑦᓯᖃᑦᑕᖅᓱᑎᒃ ᑐᒃᓯᕋᐅᑎᐅᓯᒪᔪᓂᒃ ᐊᑐᕐᓂᖏᓂ 7-ᖓᓂᒃ (ᐅᒡᒍᑎ 30-ᒥᑦ ᓯᑦᑎᐱᕆ 26-ᒧᑦ, 2020

  • ᑐᒃᓯᕋᐅᑎᓂᒃ ᑕᑕᑎᕆᓗᑎᑦ ᐅᑎᕐᕕᐅᔾᔪᑎᓂᒃ ᐊᑭᓕᐅᑎᑖᕈᒪᓗᑎᑦ ᖃᕆᑕᐅᔭᑎᒍᑦ ᐅᕙᓂ CRA My Account (ᑮᓇᐅᔭᖁᑎᒃᑲ)

ᐊᐱᖅᑯᓯᒃᓴᕆᔭᐅᔪᑦ ᑭᐅᔾᔪᑎᒃᓴᐃᓪᓗ ᑲᓇᑕᒥ ᑐᐊᕕᐅᕐᓇᖅᑐᖃᖅᑎᓪᓗᒍ ᐃᑲᔫᓯᐊᖅᑖᖑᔪᓐᓇᖅᑐᓂᒃ ᐱᑎᑕᐅᔪᓐᓇᕐᓂᕐᓄᑦ

ᑲᓇᑕᒥ ᐋᖅᑭᒃᐸᓪᓕᐊᓂᕐᒧᑦ ᐃᑲᔫᓯᐊᖅᑖᖑᔪᓐᓇᖅᑐᑦ - ᓄᑖᖅ ᐱᓕᕆᐊᖅ

ᐱᑎᑕᐅᔪᓐᓇᖅᑐᑎᑦ ᐃᒪᓐᓇᐅᒃᐸᑦ ᐅᑯᓇᖖᒐᑦ:

  • ᐅᑭᐅᑭᓐᓂᖅᐸᐅᔫᒍᓐᓇᖅᑐᑦ 15-ᓂᒃ;
  • ᑲᓇᑕᒥᐅᑕᐅᓗᓂ;
  • ᐱᖃᕆᐊᓖᑦ ᐱᓇᓱᐊᕈᓐᓇᐅᑎᒧᑦ ᓈᓴᐅᑎᖓᓂᒃ;
  • ᑲᑎᓪᓗᒋᑦ ᒥᑭᓂᖅᐹᓂᒃ ᑮᓇᐅᔭᓕᐅᖅᓯᒪᓗᓂ $5,000-ᓂᒃ 2019-ᒥ ᐅᕝᕙᓘᓐᓃᑦ ᓯᕗᓂᐊᓂ 12 ᑕᖅᑮᑦ ᐊᑐᖅᓯᒪᓕᖅᑐᓂ
  • ᐃᖅᑲᓇᐃᔮᖃᖖᒋᑦᑑᓗᑎᑦ ᐱᔾᔪᑎᒋᓪᓗᒋᑦ ᑐᕌᖓᔪᓄᑦ ᓄᕙᒡᔪᐊᕐᓇᖅ-19-ᒧᑦ, ᐅᕝᕙᓘᓐᓃᑦ ᒥᑭᒡᓕᒋᐊᖅᓯᒪᓕᓚᐅᖅᐸᑕ 50%-ᒥᒃ ᐱᓇᓱᐊᕈᓯᖅᑕᒫᑦ ᑮᓇᐅᔭᓕᐅᕐᓂᕆᕙᒃᑕᕋᓗᐊᑎᑦ ᐱᔾᔪᑎᒋᓪᓗᒍ ᓄᕙᒡᔪᐊᕐᓇᖅ-19
  • ᐃᖅᑲᓇᐃᔭᕈᒪᓪᓗᑎᑦ ᐊᒻᒪᓗ ᐃᖅᑲᓇᐃᔭᓕᕐᕕᒋᔪᓐᓇᖅᑕᕐᓂᒃ ᕿᓃᓐᓇᖅᑑᓪᓗᑎᑦ
  • ᐱᑎᑕᐅᔪᓐᓇᖖᒋᓐᓇᕕᑦ ᐃᖅᑲᓇᐃᔭᖅᑏᑦ ᓇᓪᓕᐅᒃᑯᒫᖏᓂᒃ (EI)

$450/ ᐱᓇᓱᐊᕈᓯᖅᑕᒫᑦ ᑖᒃᓯᖏᑦ ᐲᖅᑕᐅᓯᒪᓕᖅᑎᓪᓗᒋᑦ, ᑎᑭᓪᓗᒍ ᐊᑯᓂᐅᓂᖅᐹᒥᒃ 26-ᓄᑦ ᐱᓇᓱᐊᕈᓯᕐᓄᑦ

September 27, 2020
  • ᖃᕆᑕᐅᔭᑎᒍᑦ ᑐᒃᓯᕋᐅᑎᖃᕈᓐᓇᖅᐳᑎᑦ ᑲᓇᑕᒥ ᐃᓐᑲᒻᑖᒃᓯᓕᕆᔨᕐᔪᐊᒃᑯᑎᒍᑦ (CRA) ᐅᕙᓂ ᑮᓇᐅᔭᖁᑎᒃᑲ-ᒥ (My Account)
  • ᐅᕝᕙᓘᓐᓃᑦ ᑐᒃᓯᕋᐅᑎᒋᓗᒋᑦ ᐅᖄᓚᓗᑎᑦ ᐅᕗᖓ: 1-800-959-2019 ᐅᕝᕙᓘᓐᓃᒃ 1-800-959-2041
  • ᑐᒃᓯᕋᐅᑎᖃᒃᑲᓐᓂᕐᐸᒃᓗᑎᑦ ᐱᓇᓱᐊᕈᓰᒃ ᒪᕐᕉᒃ ᐊᑐᐊᓂᑐᐊᕌᖓᑕ ᐃᑲᔫᓯᐊᖑᕙᒃᑐᓂᒃ ᐱᑎᑕᐅᖏᓐᓇᐅᔭᖁᓪᓗᑎᑦ
  • ᐱᓇᓱᐊᕈᓰᖕᓄᑦ ᒪᕐᕉᓐᓄᑦ (2) ᑐᒃᓯᕋᐅᑎᖃᕐᕕᒋᔭᑎᑦ ᒪᓕᒃᑐᕋᐅᑏᓐᓇᕆᐊᖃᖖᒋᑦᑐᑦ (ᓄᖅᑲᕐᑎᓚᐅᕐᓗᒋᑦ ᐅᕙᑦᓯᐊᕈᒃᑲᓐᓂᖅ ᐅᑎᕐᕕᒋᔪᓐᓇᕋᔭᖅᑕᑎᑦ ᐱᔭᕆᐊᖃᕈᕕᑦ ᑕᐃᒫᒃ)

ᑲᓇᑕᒥ ᐋᖅᑭᒃᐸᓪᓕᐊᓂᕐᒥ ᐃᑲᔫᓯᐊᖅᑖᖑᔪᓐᓇᖅᑐᑦ

ᑲᓇᑕᒥ ᐋᖅᑭᒃᐸᓪᓕᐊᓂᕐᒧᑦ ᖃᓂᒪᓂᕐᒥᑦ ᐃᑲᔫᓯᐊᖅᑖᖑᔪᓐᓇᖅᑐᑦ - ᓄᑖᖅ ᐱᓕᕆᐊᖅ

ᐱᑎᑕᐅᔪᓐᓇᖅᑐᑎᑦ ᐃᒪᓐᓇᐅᒃᐸᑦ ᑕᒪᕐᒥᐅᓗᑎᒃ ᐅᑯᓇᖖᒐᑦ:

  • ᐅᑭᐅᑭᓐᓂᖅᐸᐅᔫᒍᓐᓇᖅᑐᑦ 15-ᓂᒃ;
  • ᑲᓇᑕᒥᐅᑕᐅᓗᓂ;
  • ᐱᖃᕆᐊᓖᑦ ᐱᓇᓱᐊᕈᓐᓇᐅᑎᒧᑦ ᓈᓴᐅᑎᖓᓂᒃ;
  • ᑲᑎᓪᓗᒋᑦ ᒥᑭᓂᖅᐹᓂᒃ ᑮᓇᐅᔭᓕᐅᖅᓯᒪᓗᓂ $5,000-ᓂᒃ 2019-ᒥ ᐅᕝᕙᓘᓐᓃᑦ ᓯᕗᓂᐊᓂ 12 ᑕᖅᑮᑦ ᐊᑐᖅᓯᒪᓕᖅᑐᓂ
  • ᐃᖅᑲᓇᐃᔭᕆᐊᕈᓐᓇᖖᒋᓯᒪᓪᓗᑎᑦ 50%-ᓗᐊᒥᒃ ᐱᓕᕆᔭᕐᑐᕐᕕᑦᓴᕐᓂᑦ ᐱᓇᓱᐊᕈᓯᕐᒥ ᐱᔾᔪᑎᒋᓪᓗᒍ:
  • ᓄᕙᒡᔪᐊᕐᓇᖅ-19-ᒥᒃ ᖃᓂᒪᓂᖃᓕᖅᓯᒪᒐᕕᑦ ᐅᕝᕙᓘᓐᓃᑦ ᖃᓂᒪᓕᖅᓯᒪᓇᓱᒋᔭᐅᒐᕕ, ᐅᕝᕙᓘᓐᓃᑦ
  • ᓇᖕᒥᓂᖅ ᐊᓂᑦᑕᐃᓕᓯᒪᔾᔪᑎᖃᕋᕕᑦ ᓄᕙᒡᔪᐊᕐᓇᖅ-19 ᐱᔾᔪᑎᒋᓪᓗᒍ, ᐅᕝᕙᓘᓐᓃᑦ
  • ᐋᓐᓂᐊᕐᓂᖃᖅᑑᒐᕕᑦ ᑕᐃᒪᓗ ᐊᑦᑕᓇᖅᑐᒦᓕᖅᑎᑕᐅᔪᓐᓇᖅᓱᑎᑦ ᓄᕙᒡᔪᐊᕐᓇᖅ-19-ᒥᒃ ᖃᓂᒪᓂᖃᓕᕈᑎᒋᔪᓐᓇᖅᑕᕐᓂᒃ
  • ᐊᑭᓕᖅᑐᒐᐅᓗᑎᑦ ᓄᖅᑲᖓᓚᐅᑲᕈᓐᓇᖖᒋᓐᓇᕕᑦ ᐃᖅᑲᓇᐃᔭᕐᕕᓐᓂᑦ;
  • ᐃᖅᑲᓇᐃᔭᖅᑏᑦ ᓇᓪᓕᐅᒃᑯᒫᖏᓐᓂᑦ (EI) ᐊᑭᓕᐅᑎᑖᖃᑦᑕᕈᓐᓇᖖᒋᓐᓇᕕᑦ 
  • ᐊᑭᓕᐅᑎᓂᒃ ᐱᑎᑕᐅᖃᑦᑕᖖᒋᓐᓇᕕᑦ ᑲᓇᑕᒥ ᐋᖅᑭᒃᐸᓪᓕᐊᔾᔪᑎᒃᓴᐅᓪᓗᑎᒃ ᐃᑲᔫᓯᐊᖅᑖᖑᔪᓐᓇᖅᑐᓂ

$450/ ᐱᓇᓱᐊᕈᓯᖅᑕᒫᑦ ᑖᒃᓯᖏᑦ ᐲᖅᑕᐅᓯᒪᓕᖅᑎᓪᓗᒋᑦ, ᑎᑭᓪᓗᒍ ᐊᑯᓂᐅᓂᖅᐹᒥᒃ 2-ᓄᑦ ᐱᓇᓱᐊᕈᓯᕐᓄᑦ

September 27, 2020
  • ᖃᕆᑕᐅᔭᑎᒍᑦ ᑐᒃᓯᕋᐅᑎᖃᕈᓐᓇᖅᐳᑎᑦ ᑲᓇᑕᒥ ᐃᓐᑲᒻᑖᒃᓯᓕᕆᔨᕐᔪᐊᒃᑯᑎᒍᑦ (CRA) ᐅᕙᓂ ᑮᓇᐅᔭᖁᑎᒃᑲ-ᒥ (My Account)
  • ᐅᕝᕙᓘᓐᓃᑦ ᑐᒃᓯᕋᐅᑎᒋᓗᒋᑦ ᐅᖄᓚᓗᑎᑦ ᐅᕗᖓ: 1-800-959-2019 ᐅᕝᕙᓘᓐᓃᒃ 1-800-959-2041
  • ᐊᑐᓂ ᑐᒃᓯᕋᐅᑎᐅᔪᑦ ᐊᑐᕈᓐᓇᕐᓂᖃᖅᑎᑕᐅᕗᑦ ᐊᑕᐅᓯᕐᒧᑦ (1) ᐱᓇᓱᐊᕈᓯᕐᒧᑦ ᐃᑲᔫᓯᐊᖅᑖᕈᑎᐅᕙᓐᓂᐊᕐᓗᑎᒃ. ᐅᖓᑖᓄᑦ ᐊᑕᐅᓯᐅᑉ (1) ᐱᓇᓱᐊᕈᓯᐅᑉ ᐃᑲᔪᖅᑕᐅᔭᕆᐊᖃᓕᖅᓯᒪᒍᕕᑦ, ᑐᒃᓯᕋᐅᑎᒋᒃᑲᓐᓂᕐᓗᒋᑦ ᑕᑕᑎᕆᔭᕆᐊᖃᕐᓂᐊᐳᑎᑦ
  • ᐃᑲᔫᓯᐊᖅᑖᕈᓐᓇᖅᑎᑕᐅᒐᕕᑦ ᒪᕐᕈᐃᖅᑕᕐᓗᒍ ᐊᑕᐅᓯᕐᒥᒃ (1) ᐱᓇᓱᐊᕈᓯᕐᒥᒃ ᑭᓯᐊᓂᓗ ᒪᓕᒃᑐᕋᐅᑎᓗᒋᐅᔭᕆᐊᖃᖖᒋᑦᑐᑦ

ᑲᓇᑕᒥ ᐋᖅᑭᒃᐸᓪᓕᐊᓂᕐᒥ ᖃᓂᒪᔪᓄᑦ ᐃᑲᔫᓯᐊᖅᑖᖑᔪᓐᓇᖅᑐᑦ

ᑲᓇᑕᒥ ᐋᖅᑭᒃᐸᓪᓕᐊᓂᕐᒥ ᑲᒪᔨᐅᓂᕐᒧᑦ ᐃᑲᔫᓯᐊᖅᑖᖑᔪᓐᓇᖅᑐᑦ - ᓄᑖᖅ ᐱᓕᕆᐊᖅ

ᐱᑎᑕᐅᔪᓐᓇᖅᑐᑎᑦ ᐃᒪᓐᓇᐅᒃᐸᑦ ᑕᒪᕐᒥᐅᓗᑎᒃ ᐅᑯᓇᖖᒐᑦ:

  • ᐅᑭᐅᑭᓐᓂᖅᐸᐅᔫᒍᓐᓇᖅᑐᑦ 15-ᓂᒃ;
  • ᑲᓇᑕᒥᐅᑕᐅᓗᓂ;
  • ᐱᖃᕆᐊᓖᑦ ᐱᓇᓱᐊᕈᓐᓇᐅᑎᒧᑦ ᓈᓴᐅᑎᖓᓂᒃ;
  • ᑲᑎᓪᓗᒋᑦ ᒥᑭᓂᖅᐹᓂᒃ ᑮᓇᐅᔭᓕᐅᖅᓯᒪᓗᓂ $5,000-ᓂᒃ 2019-ᒥ ᐅᕝᕙᓘᓐᓃᑦ ᓯᕗᓂᐊᓂ 12 ᑕᖅᑮᑦ ᐊᑐᖅᓯᒪᓕᖅᑐᓂ
  • ᐃᖅᑲᓇᐃᔭᕆᐊᕈᓐᓇᖃᑦᑕᖖᒋᓐᓇᕕᑦ 50%-ᖓᓂᒃ ᐱᓕᕆᔭᖅᑐᕐᓯᒪᒋᐊᖃᕐᕕᓐᓂ ᐱᓇᓱᐊᕈᓯᖅ ᐊᑐᖅᐸᓪᓕᐊᑎᓪᓗᒍ ᐱᔾᔪᑎᒋᓪᓗᒍ ᑲᒪᔨᒋᔭᐅᒐᕕᑦ ᓱᕈᓯᕐᒧᑦ ᐅᕝᕙᓘᓐᓃᑦ ᐃᓚᒋᔭᕐᓄᑦ ᑲᒪᔨᖃᕆᐊᖃᖅᑐᒥᒃ, ᐱᔾᔪᑎᒋᓪᓗᒍ:
  • ᐱᐊᕋᕕᑦ ᐅᕝᕙᓘᓐᓃᑦ ᐃᓚᒋᔭᕕᑦ ᐃᓕᓐᓂᐊᕐᕕᖓᑦ, ᐸᐃᕆᕝᕕᖓᑦ ᐅᕝᕙᓘᓐᓃᑦ ᒥᐊᓂᕆᔭᐅᕝᕕᖓᑦ ᒪᑐᓯᒪᒻᒪᑦ ᐱᔾᔪᑎᒋᓪᓗᒍ ᓄᕙᒡᔪᐊᕐᓇᖅ-19, ᐅᕝᕙᓘᓐᓃᑦ
  • ᐱᐊᕋᐃᑦ ᐅᕝᕙᓘᓐᓃᑦ ᐃᓚᒋᔭᐃᑦ ᖃᓂᒪᒻᒪᑦ ᐅᕝᕙᓘᓐᓃᑦ ᓇᖕᒥᓂᖅ ᐊᓂᑦᑕᐃᓕᑎᓯᒪᒻᒪᑦ ᐱᔾᔪᑎᒋᓪᓗᒍ ᓄᕙᒡᔪᐊᕐᓇᖅ-19, ᐅᕝᕙᓘᓐᓃᑦ ᐋᓐᓂᐊᖃᓕᕈᓐᓇᕐᓂᖓ ᓄᕙᒡᔪᐊᕐᓇᖅ-19-ᒥᒃ ᖁᑦᑎᓗᐊᖅᑑᖕᒪᑦ
  • ᐊᑭᓕᖅᑐᒐᐅᓗᑎᑦ ᓄᖅᑲᖓᓚᐅᑲᕈᓐᓇᖖᒋᓐᓇᕕᑦ ᐃᖅᑲᓇᐃᔭᕐᕕᓐᓂᑦ;
  • ᐃᖅᑲᓇᐃᔭᖅᑏᑦ ᓇᓪᓕᐅᒃᑯᒫᖏᓐᓂᑦ (EI) ᐊᑭᓕᐅᑎᑖᖃᑦᑕᕈᓐᓇᖖᒋᓐᓇᕕᑦ 
  • ᐃᑲᔫᓯᐊᖅᑖᖑᔪᓐᓇᖅᑐᓂᒃ ᐱᑎᑕᐅᖃᑦᑕᖖᒋᓐᓇᕕᑦ ᑲᓇᑕᒥ ᑐᐊᕕᐅᕐᓇᖅᑐᖃᓕᖅᓯᒪᓂᖓᓂᑦ ᐋᖅᑭᒃᐸᓪᓕᐊᓂᕐᒧᑦ ᐃᑲᔫᓯᐊᖅᑖᖑᕙᑦᑐᓂᑦ (CERB) ᐅᕝᕙᓘᓐᓃᑦ ᑲᓇᑕᒥ ᐋᖅᑭᒃᐸᓪᓕᐊᓂᕐᒥ ᖃᓂᒪᓂᕐᒧᑦ ᐃᑲᔫᓯᐊᖅᑖᖑᕙᑦᑐᓂᑦ
  • ᐃᒡᓗᒥᐅᖃᑎᒋᔭᕐᓂᑦ ᑐᒃᓯᕋᐅᑎᖃᖅᑐᑐᐊᖑᒐᕕᑦ ᑖᒃᑯᓇᖖᒐᑦ ᐃᑲᔫᓯᐊᖅᑖᕐᑎᑕᐅᔪᒪᓪᓗᑎᑦ
$450/ ᐱᓇᓱᐊᕈᓯᖅᑕᒫᑦ ᑖᒃᓯᖏᑦ ᐲᖅᑕᐅᓯᒪᓕᖅᑎᓪᓗᒋᑦ, ᑎᑭᓪᓗᒍ ᐊᑯᓂᐅᓂᖅᐹᒥᒃ 26-ᓄᑦ ᐱᓇᓱᐊᕈᓯᕐᓄᑦSeptember 27, 2020
  • ᖃᕆᑕᐅᔭᑎᒍᑦ ᑐᒃᓯᕋᐅᑎᖃᕈᓐᓇᖅᐳᑎᑦ ᑲᓇᑕᒥ ᐃᓐᑲᒻᑖᒃᓯᓕᕆᔨᕐᔪᐊᒃᑯᑎᒍᑦ (CRA) ᐅᕙᓂ ᑮᓇᐅᔭᖁᑎᒃᑲ-ᒥ (My Account)
  • ᐅᕝᕙᓘᓐᓃᑦ ᑐᒃᓯᕋᐅᑎᒋᓗᒋᑦ ᐅᖄᓚᓗᑎᑦ ᐅᕗᖓ: 1-800-959-2019 ᐅᕝᕙᓘᓐᓃᒃ 1-800-959-2041
  • ᐊᑐᓂ ᐱᓇᓱᐊᕈᓯᐅᓚᐅᖅᑐᒧᑦ ᐃᓛᒃᑰᖓᑎᖃᑦᑕᕐᓗᒋᑦ ᑐᒃᓯᕋᐅᑎᖃᖃᑦᑕᕆᐊᖃᖅᑐᑎᑦ
  • ᑎᑭᓪᓗᒍ 60-ᓄᑦ ᐅᓪᓗᓄᑦ ᑐᒃᓯᕋᐅᑎᖃᕈᓐᓇᖅᑎᑕᐅᕗᑎᑦ ᑕᐃᒃᑯᐊ ᑐᒃᓯᕋᐅᑎᒋᓯᒪᔭᑎᑦ ᐃᓱᓕᓯᒪᓕᖅᐸᑕ
  • ᐊᒥᓲᓂᖅᐹᖏᑎᒍᑦ 26-ᖏᖅᑕᕐᓗᑎᑦ ᐊᑕᐅᑦᓯᒧᑦ (1) ᐱᓇᓱᐊᕈᓯᕐᒨᖃᑦᑕᖅᑐᓂᒃ ᐱᑎᑕᐅᔪᓐᓇᖅᑐᑎᑦ ᑭᓯᐊᓂᓗ ᒪᓕᒃᑐᕋᐅᑎᔭᕆᐊᖃᖖᒋᑦᑐ
ᓂᐅᕕᐊᒃᓴᑦ ᐱᖁᑎᓄᑦ ᐊᒻᒪᓗ ᐱᔨᑦᓯᕋᖅᑎᐅᓂᕐᒧᑦ ᑖᒃᓰᔭᕈᑎᑎᒍᑦ ᐊᑭᓕᐅᑎᒃᓴᑦ (GSTC)—ᐊᑕᐃᓐᓇᕐᓂᐊᕋᑎᒃ ᐊᑭᓕᐅᑎᑖᒃᑲᓐᓂᕈᑎᒃᓴᐃᑦ
  • ᐃᓄᐃᑦ ᐃᓛᒃᑰᕐᑐᐃᑦ ᐊᒻᒪᓗ ᐃᓚᒌᖑᔪᑦ ᑮᓇᐅᔭᓕᐅᕐᓂᖏᑦ ᒥᑭᑦᑑᓪᓗᑎᒃ
  • ᑕᑯᓗᒋᑦ ᐱᑎᑕᐅᔪᓐᓇᕐᓂᐊᕐᓂᕐᒥ ᐱᓕᕆᐊᖑᔭᕆᐊᖃᖅᑐᑦ ᐅᕙᓂ ᓇᕿᓪᓗᒍ here.

ᐊᑭᓕᐅᑎᒃᓴᑦ (GSTC) ᒪᕐᕈᐃᖅᓗᒋᑦ 2019-2020 ᐅᑭᐅᖓᓂ ᐃᑲᔫᓯᐊᖅᑖᖑᕙᑦᑐᑦ ᐅᑭᐅᖏᓂ, ᑕᐃᒪᓕ ᐃᓚᒋᐊᒃᑲᓐᓂᒐᐅᓯᒪᓇᔭᖅᑐᑦ ᐃᑲᔫᓯᐊᖅᑖᖑᕙᑦᑐᑦ ~$400-ᓂᒃ ᐃᓄᑐᐊᖑᔪᓄᑦ (ᐊᐃᑉᐸᖃᖖᒋᑦᑐᓄᑦ) ᐊᒻᒪᓗ ~$600-ᓂᒃ ᐊᐃᑉᐸᕇᒃᑐᓄᑦ

ᖃᖓ ᐊᑐᓕᖅᑎᑕᐅᓯᒪᓂᖓ ᐱᒋᐊᖅᑎᑕᐅᓯᒪᓂᐊᖅᐸ? ᒪᐃ 2020

  • ᑐᒃᓯᕋᐅᑎᓂᒃ ᑕᑕᑎᕆᔭᕆᐊᖃᕐᓇᖖᒋᑦᑐᖅ
  • ᐃᓄᒃ ᑕᑕᑎᔭᕆᐊᖃᖅᑎᑕᐅᔪᖅ ᐃᓐᑲᒻᑖᒃᓯᓕᕆᔾᔪᑎᓂᒃ ᐅᑭᐅᖑᓚᐅᖅᑐᒧᑦ
ᑲᓇᑕᒥ ᓱᕈᓯᕐᓄᑦ ᐃᑲᔫᓯᐊᖅᑖᕈᑎᑦ (CCB)—ᐊᑕᐃᓐᓇᖅᑎᑕᐅᓂᐊᖖᒋᑦᑐᑦ ᐊᑭᓕᐅᓯᐊᖅᑖᖑᕙᑦᑐᓄᑦ ᐃᓚᒋᐊᕈᑎᑦ

ᐊᒥᓱᖖᒍᕆᐊᕈᑎᖃᖅᑐᑦ $300-ᓂᒃ ᐊᑐᓂ ᐊᑕᐅᓯᕐᒧᑦ ᓱᕈᓯᕐᒧᑦ 2019-2020 ᐅᑭᐅᖓᓂ ᐃᑲᔫᓯᐊᖅᑖᖑᕙᑦᑐᓄᑦ

ᒪᐃ 2020

ᑐᒃᓯᕋᐅᑎᓂᒃ ᑕᑕᑎᕆᔭᕆᐊᖃᕐᓇᖖᒋᑦᑐᖅ ᐱᑎᑕᐅᕙᓕᐊᓂᒃᑯᕕᑦ ᐊᑭᓕᐅᑎᑖᖑᕙᑦᑐᓂᒃ CCB-ᓂᒃ

ᐱᑎᑕᐅᕙᖖᒋᒃᑯᕕᑦ ᑕᑕᑎᕆᓗᑎᑦ ᑐᒃᓯᕋᐅᑎᓂᒃ CCB-ᓂᒃ ᐃᒪᓐᓇ:

  1. ᐃᕐᓂᐊᖑᕝᕕᖓᓄᑦ ᑎᑎᖅᑲᖁᑎᓂᒃ ᑎᑎᕋᖅᑕᐅᑎᑦᑎᓗᑎᑦ ᐅᕙᓂ
  2. ᖃᕆᑕᐅᔭᑎᒍᑦ ᐱᑐᒃᓯᒪᕝᕕᖓᓂ ᑲᓇᑕᒥ ᐃᓐᑲᒻᑖᒃᓯᓕᕆᔨᒃᑯᑦ ᐅᕙᓂ
  3. ᑎᑎᖅᑲᓂᐊᕐᕕᒃᑎᒍᑦ ᐊᐅᓪᓚᖅᑎᓪᓗᒋᑦ ᑕᑕᑎᕆᐊᓖᑦ ᐅᑯᐊ
  4. ᐃᓄᒃ ᐃᓐᑲᒻᑖᒃᓯᓕᕆᔾᔪᑎᒥᓂᒃ ᑕᑕᑎᕆᓯᒪᔭᕆᐊᖃᖅᑎᑕᐅᔪᖅ ᐅᑭᐅᖑᓚᐅᖅᑐᒧᑦ

ᐃᑲᔪᖅᑕᐅᔾᔪᑎᒃᓴᐃᑦ ᐱᓕᕆᔨᓄᑦ ᐊᒻᒪᓗ ᐱᓕᕆᕝᕕᖃᖅᑐᓄᑦ

ᐱᓕᕆᐊᖅᑭᒃᑯᓐᓄᑦ ᑐᕌᖓᑎᑕᐅᕙᑦ?ᖃᔅᓯᓂᒃ?ᖃᖓ ᐊᑐᓕᖅᑎᑕᐅᓯᒪᓂᖓ ᐱᒋᐊᖅᑎᑕᐅᓯᒪᓂᐊᖅᐸ?ᖃᓄᖅ ᑐᒃᓯᕋᖅᓯᒪᓕᕈᓐᓇᖅᐳᖓ? ᑕᒪᒃᑯᓄᖓ ᑐᓴᕆᐊᒃᑲᓐᓂᕈᒪᔪᑦ

ᐱᓕᕆᐊᒃᓴᓂᒃ ᐊᒥᖅᑲᖃᑎᒌᓐᓂᓕᕆᓂᕐᒥ ᐱᓕᕆᐊᖅ—ᒫᓐᓇᐅᔪᒥᑐᐃᓐᓇᖅ ᐊᔾᔨᒋᖖᒋᑕᖓᒍᑦ ᐊᑐᓕᖅᑎᑦᑎᓯᒪᓂᖅ

  • ᐃᖅᑲᓇᐃᔭᖅᑎᖃᖅᑐᓄᑦ ᐊᒻᒪᓗ ᐃᖅᑲᓇᐃᔭᖅᑎᒋᔭᐅᔪᓄᑦ ᓇᓕᑐᐃᓐᓇᖏᓂ ᓴᓇᕝᕕᓐᓂ ᐊᒃᑐᖅᑕᐅᓯᒪᔪᓄᑦ ᒫᓐᓇᐅᔪᒥᑐᐃᓐᓇᖅ ᐱᓕᕆᐊᖑᕙᑦᑐᑦ ᒥᑭᒡᓕᒋᐊᖅᑎᑕᐅᓯᒪᓂᖏᓐᓂᑦ (10%-ᒥᑦ ᒥᑭᓂᖅᐸᐅᑎᓪᓗᒍ)
  • ᐱᑎᑕᐅᔪᓐᓇᕐᑐᓄᑦ ᑐᕌᖓᔪᑦ:

ᐃᖅᑲᓇᐃᔭᖅᑎᐅᔪᑦ ᐊᖏᖅᓯᒪᔪᑦ ᐃᖅᑲᓇᐃᔭᕐᕕᒋᕙᒃᑕᒥᓐᓂ ᐃᑲᕐᕋᓄᑦ ᒥᑭᒡᓕᒋᐊᖅᑎᑕᐅᔪᓐᓇᕐᓂᖏᑕ ᐊᒻᒪᓗ ᐱᓕᕆᐊᒃᓴᐅᔪᓂᒃ ᐊᒥᖅᑲᕈᑎᖃᖃᑦᑕᕈᓐᓇᕐᓂᕐᒥᒃ ᐱᑎᑕᐅᖃᑦᑕᕈᓐᓇᖅᑐᑦ ᐃᖅᑲᓇᐃᔭᖅᑏᑦ ᓇᓪᓕᐅᒃᑯᒫᖏᓂᑦ (EI) ᐃᑲᔪᖅᑕᐅᔾᔪᑎᒃᓴᓂᒃ ᑐᖖᒐᕝᕕᖃᕐᑎᑕᐅᓗᑎᒃ ᖃᔅᓯᓂ ᐱᓇᓱᐊᕈᓯᕐᒥ ᑮᓇᐅᔭᓕᐅᕈᑎᒋᕙᒃᑕᖏᓄᑦ

ᐃᓚᖖᒐᖅᑎᑕᐅᔪᓐᓇᕐᓂᖏᑦ ᐊᑐᓕᖅᑎᑕᐅᓯᒪᑐᐃᓐᓇᕆᐊᓖᑦ

ᐊᖏᕈᑎᒋᔭᐅᓯᒪᔪᑦ ᑎᑭᑎᑕᐅᓯᒪᔪᓐᓇᕐᓂᖃᖅᑐᑦ 76-ᓄᑦ ᐱᓇᓱᐊᕈᓯᕐᓄᑦ

ᒫᔾᔨ 15, 2020-ᒥᑦ - ᒫᔾᔨ 14, 2021-ᒧᑦ

  • ᑐᒃᓯᕋᐅᑎᓂᒃ ᑕᑕᑎᕆᓗᑎᑦ ᖁᓕᑦ (10) ᐅᓪᓗᐃᑦ ᐱᒋᐊᕐᕕᒃᓴᖓᑕ ᐅᓪᓗᖓᑕ ᓯᕗᕐᖓᓂ
  • ᐊᖏᕈᑎᓕᐊᖑᓯᒪᔪᑦ ᐊᑐᓕᖅᓯᒪᔪᓐᓇᖅᑐᑦ ᑎᑭᓪᓗᒍ 76-ᓄᑦ ᐱᓇᓱᐊᕈᓯᕐᓄᑦ
  • ᐅᑕᖅᑭᐅᕆᐊᖃᖅᑎᑕᐅᓇᖖᒋᑦᑐᖅ ᐊᖏᕈᑎᓕᐊᖑᓯᒪᔪᑦ ᐊᑯᓐᓂᖏᑦ ᐊᑐᕐᓂᖏᓐᓂ
  • ᐃᖅᑲᓇᐃᔭᖅᑎᖃᖅᑐᓄᑦ ᐊᒻᒪᓗ ᐃᖅᑲᓇᐃᔭᖅᑎᒋᔭᐅᔪᓄᑦ (ᐊᒻᒪᓗ ᔫᓂᐊᓐᒋᔭᐅᔪᑦ, ᐊᑐᓕᖅᑎᑕᐅᓯᒪᔪᓐᓇᖅᐸᑕ) ᐊᖏᖅᓯᒪᖃᑎᒌᒋᐊᓖᑦ ᐃᓚᒋᔭᐅᓂᐊᕐᓂᕐᒥᓐᓄᑦ ᐱᓕᕆᐊᓂᒃ ᐊᒥᖅᑲᖃᑎᒌᓐᓂᓕᕆᓂᕐᒥ ᐊᖏᕈᑎᐅᓯᒪᔪᓄᑦ ᐊᒻᒪᓗ ᑲᑐᔾᔨᓂᖃᕐᓗᑎᒃ ᑐᒃᓯᕋᐅᑎᓂᒃ ᑕᑕᑎᕆᔭᕆᐊᖃᖅᑎᑕᐅᔪᑦ
  • ᑕᑕᑎᕆᐊᓖᑦ ᓇᓂᔭᐅᔪᓐᓇᖅᑐᑦ ᐅᕙᓂ ᐅᓇ ᓇᕿᓪᓗᒍ here ᐊᒻᒪᓗ ᖃᕆᑕᐅᔭᑎᒍᑦ ᐊᐅᓪᓚᖅᑎᑕᐅᓗᑎᒃ
  • ᐱᓕᕆᐊᒃᓴᓂᒃ ᐊᒥᖅᑲᕈᑎᖃᕐᓂᕐᒥ ᐱᓕᕆᐊᖅ - ᓄᕙᒡᔪᐊᕐᓇᖅ-19

ᐃᑲᔪᖅᑕᐅᔾᔪᑎᒃᓴᐃᑦ ᐱᓕᕆᕝᕕᖃᖅᑐᓄᑦ

ᐱᓕᕆᐊᖅᑭᒃᑯᓐᓄᑦ ᑐᕌᖓᑎᑕᐅᕙᑦ?ᖃᔅᓯᓂᒃ? ᖃᖓ ᐊᑐᓕᖅᑎᑕᐅᓯᒪᓂᖓ ᐱᒋᐊᖅᑎᑕᐅᓯᒪᓂᐊᖅᐸ? ᖃᓄᖅ ᑐᒃᓯᕋᖅᓯᒪᓕᕈᓐᓇᖅᐳᖓ? ᑕᒪᒃᑯᓄᖓ ᑐᓴᕆᐊᒃᑲᓐᓂᕈᒪᔪᑦ
ᑲᓇᑕᒥ ᑐᐊᕕᐅᕐᓇᖅᑐᖃᓕᖅᓯᒪᓂᖓᓂ ᐃᖅᑲᓇᐃᔭᖅᑏᑦ ᑮᓇᐅᔭᓕᐅᕈᑎᖏᓄᑦ ᐃᑲᔫᓯᐊᖅᑖᕈᓐᓇᕐᓂᖅ (CEWS) ᐊᑕᐃᓐᓇᕐᓂᐊᖖᒋᑦᑐᖅ ᐱᓕᕆᐊᖅ - ᐅᐃᒍᒋᐊᖅᑕᐅᓯᒪᔪᖅ

ᐱᑎᑕᐅᔪᓐᓇᕐᓂᐊᖅᑐᑦ ᑮᓇᐅᔭᓕᐅᕈᑎᓄᑦ ᐃᑲᔫᓯᐊᖅᑖᖑᔪᓐᓇᖅᑐᓂᒃ, ᐃᒪᓐᓇᐅᑎᓪᓗᒍ:

  • ᐃᓚᒋᔭᐅᔪᓐᓇᖅᑑᓗᑎᑦ ᐃᖅᑲᓇᐃᔭᖅᑎᖃᕐᓂᕐᓄᑦ;
  • ᑲᓇᑕᒥ ᐃᓐᑲᒻᑖᒃᓯᓕᕆᔨᕐᔪᐊᒃᑯᓐᓂ ᐊᑭᓕᐅᑎᑖᕐᕕᒃᓴᓂᒃ ᑮᓇᐅᔭᖁᑎᖃᕐᕕᓂᒃ ᐱᓯᒪᓕᖅᑑᓯᒪᓗᑎᑦ ᒫᔾᔨ 15, 2020-ᒥ.
  • ᐅᑎᖅᑎᕝᕕᒋᔭᐅᔪᓐᓇᕐᓂᑎᑦ ᒥᑭᒡᓕᒋᐊᖅᓯᒪᓕᓚᐅᖅᐸᑕ 15%-ᓂᒃ ᒫᔾᔨᒥ, ᐊᒻᒪᓗ 30%-ᓂᒃ ᐊᐃᐱᕆ/ ᒪᐃ/ᔫᓂᒥᓗ
  • ᖃᓄᑐᐃᓐᓇᖅ ᐅᑎᖅᑎᕝᕕᐅᔪᓐᓇᕐᓂᕐᒥᒍᑦ ᐊᒃᑐᖅᑕᐅᓯᒪᓂᖃᖅᑑᓗᓂ (ᒥᑭᓂᖅᐹᑎᒍᑦ ᐊᒃᑐᖅᑕᐅᓯᒪᓂᖃᖖᒋᑦᑐᖅ) ᐱᓯᒪᓕᕐᕕᒋᔪᓐᓇᖅᑕᐅᔪᑎᒍᑦ ᑭᖑᓂᐊᓂ ᔪᓚᐃ 5

ᐅᖃᓕᒫᒃᑲᓐᓂᕐᓗᒋᑦ ᓇᓗᓇᐃᖅᓯᔾᔪᑎᐅᔪᑦ ᑭᒃᑯᑦ ᐱᑎᑕᐅᔪᓐᓇᕐᑑᖕᒪᖔᑕ ᐃᖅᑲᓇᐃᔭᖅᑎᖃᖅᑑᓪᓗᑎᒃ

ᑮᓇᐅᔭᑎᒍᑦ ᐃᑲᔫᓯᐊᖅᑖᖑᕙᑦᑐᑦ ᐃᓚᖓᓂᒃ ᐃᖅᑲᓇᐃᔭᖅᑎᐅᔪᑉ ᑮᓇᐅᔭᓕᐅᕈᑎᖏᓂᒃ, ᐱᑕᖃᖅᑎᑦᓯᓯᒪᕗᑦ, ᐊᔾᔨᒌᒃᐸᒐᑎᒃ ᑐᖖᒐᕕᖃᖅᑎᑕᐅᕙᒃᑲᒥᒃ ᐅᑎᖅᑐᒃᓴᖁᑎᐅᔪᑦ ᖃᓄᑎᒋ ᒥᑭᒡᓕᒋᐊᖅᓯᒪᓂᖏᓐᓄᑦ ᓇᓪᓕᐊᓄᑦ ᐱᑎᑕᐅᔪᓐᓇᕐᓂᖃᕐᕕᐅᔪᒧᑦ ᑐᒃᓯᕋᕈᑎᐅᓯᒪᔪᒧᑦ, ᑎᑭᓪᓗᒋᑦ ᐊᖏᓂᖅᐹᑎᒍᑦ 85%-ᒥᒃ ᑮᓇᐅᔭᓕᐅᕈᑎᐅᔪᓄᑦ ᐅᕝᕙᓘᓐᓃᑦ $959/ᐱᓇᓱᐊᕈᓯᖅᑕᒫᑦ ᐱᓯᒪᓕᕈᓐᓇᕐᕕᐅᔪᓄᑦ 5-ᒥ ᐊᒻᒪᓗ 6-ᒥ. ᐊᖏᓂᖅᐹᒥᒃ ᒥᑭᒡᓕᒋᐊᖅᓯᒪᓂᖃᖅᓱᑎᒃ ᑭᖑᓂᐊᓂ ᐱᓯᒪᓕᕐᕕᐅᔪᓐᓇᖅᑐᓂ

(ᒫᓐᓇᐅᔪᒥ ᐋᖅᑭᒃᑕᐅᓯᒪᔪᑦ 65%-ᒧᑦ ᑎᑭᑎᑕᐅᓯᒪᓂᐊᕐᓂᖏᑦ ᑎᑭᓪᓗᒍ ᑎᓯᐱᕆ 19, 2020-ᒧᑦ)

ᑐᐊᕕᐅᕐᓇᖅᑐᖃᓕᖅᓯᒪᓂᖓᓂ ᐃᖅᑲᓇᐃᔭᖅᑏᑦ ᑮᓇᐅᔭᓕᐅᕈᑎᖏᓐᓄᑦ ᐃᑲᔫᓯᐊᖅᑖᖑᔪᓐᓇᖅᑐᓄᑦ ᐅᕙᓂ ᖃᐅᔨᒋᐊᕈᑎᑦ - ᖃᐅᔨᒋᐊᕐᓗᒋᑦ ᑮᓇᐅᔭᓕᐅᕈᑎᓄᑦ ᐃᑲᔫᓯᐊᖅᑖᖑᔪᓐᓇᕐᓂᐊᖅᑐᑦ ᖃᔅᓯᓂᒃ

ᑐᒃᓯᕋᐅᑎᖃᕈᓐᓇᕐᓂᐅᔪᑦ ᒪᑐᐃᖅᑕᐅᓚᐅᖅᑐᑦ ᐊᐃᐱᕆ 27.

ᐱᓯᒪᓕᕐᕕᐅᔪᓐᓇᖅᑐᑦ ᐊᑐᖅᑎᓪᓗᒋᑦ:

  1. ᒫᔾᔨ 15-ᐊᐃᐱᕆ 11, 2020
  2. ᐊᐃᐱᕆ 12-ᒪᐃ 9, 2020
  3. ᒪᐃ 10-ᔫᓂ 6, 2020
  4. ᔫᓂ 7-ᔪᓚᐃ 4, 2020
  5. ᔪᓚᐃ 5-ᐅᒡᒍᑎ 1, 2020
  6. ᐅᒡᒍᑎ 2-ᐅᒡᒍᑎ 29, 2020
  7. ᐅᒡᒍᑎ 30-ᓯᑦᑎᐱᕆ 26, 2020
  8. ᓯᑦᑎᐱᕆ 27-ᐅᒃᑐᐱᕆ 24, 2020
  9. ᐅᒃᑐᐱᕆ 25-ᓄᕕᐱᕆ 21, 2020

ᒐᕙᒪᑐᖃᒃᑯᑦ ᑐᓴᖅᑎᑦᓯᓯᒪᓕᓚᐅᖅᑐᑦ ᐅᒃᑐᐱᕆ 2020-ᒥ ᐱᓕᕆᐊᖅ ᑲᔪᓯᑎᑕᐅᓯᒪᓂᐊᕐᓂᖓᑕ ᑎᑭᓪᓗᒍ ᔫᓂ 2021-ᒧᑦ.

  1. ᓱᓕ ᐊᑏᑦ ᑎᑎᕋᖅᑕᐅᓯᒪᓕᖅᑎᓚᐅᖖᒋᒃᑯᕕᐅᒃ ‘ᑮᓇᐅᔭᖁᑎᒃᑲ’-ᒧᑦ, ᑲᓇᑕᒥ ᐃᓐᑲᒻᑖᒃᓯᓕᕆᔨᕐᔪᐊᒃᑯᑦ ᒥᐊᓂᕆᔭᐅᓯᒪᓪᓗᓂ ᖃᕆᑕᐅᔭᑎᒍᑦ ᐱᓕᕆᕕᖓᓄᐊᕐᓗᑎᑦ, ᓇᕿᓪᓗᒍ here
  2. ᖃᐅᔨᒋᐊᕐᓗᒋᑦ ᑮᓇᐅᔭᑎᒍᑦ ᐃᑲᔫᓯᐊᖅᑖᖑᔪᓐᓇᖅᑐᑦ ᑲᓇᑕᒥ ᐃᓐᑲᒻᑖᒃᓯᓕᕆᔨᕐᔪᐊᒃᑯᑦ (CRA) ᖃᕆᑕᐅᔭᑎᒍᑦ ᐱᑐᒃᓯᒪᕕᖓᓂᑦ ᐱᓕᕆᐊᖓᑕ CEWS-ᓄᑦ ᖃᐅᔨᒋᐊᕈᑎᓄᑦ ᐅᕙᓂ ᓇᕿᓪᓗᒍ here
  3. ᖃᕆᑕᐅᔭᓄᑦ ᐃᑎᕈᑎᓐᓄᑦ ᐃᑎᕐᓗᑎᑦ ᐊᒻᒪᓗ ᑐᒃᓯᕋᐅᑎᒋᓗᒋᑦ ‘ᓇᖕᒥᓂᖅ ᐱᓕᕆᕝᕕᓐᓂ ᑮᓇᐅᔭᖁᑎᒃᑲ’-ᒥ.

  • ᖃᐅᔨᒋᐊᕐᕕᒋᓗᒋᑦ ᑐᕌᖓᔪᓄᑦ ᑲᓇᑕᒥ ᐃᓐᑲᒻᑖᒃᓯᓕᕆᔨᒃᑯᑦ (CRA) ᐱᔾᔪᑎᒋᓗᒋᑦ ᑐᕌᖓᓪᓗᑎᒃ CEWS-ᓄᑦ
  • ᑲᓇᑕᒥ ᑐᐊᕕᐅᕐᓇᖅᑐᖃᓕᖅᓯᒪᓂᖓᓂ ᐃᖅᑲᓇᐃᔭᖅᑏᑦ ᑮᓇᐅᔭᓕᐅᕈᑎᖏᓄᑦ ᐃᑲᔫᓯᐊᖅᑖᖑᔪᓐᓇᖅᑐᑦ (CEWS)
  • ᐅᐃᒍᒋᐊᖅᑎᑕᐅᓯᒪᔪᑦ ᑲᓇᑕᒥ ᑐᐊᕕᐅᕐᓇᖅᑐᖃᓕᕐᓯᒪᓂᖓᓂ ᑮᓇᐅᔭᓕᐅᕈᑎᒋᔭᐅᔪᓄᑦ ᑮᓇᐅᔭᑎᒍᑦ ᐃᑲᔪᖅᑕᐅᓯᒪᔪᓐᓇᕐᓃᑦ - ᐅᒃᑐᐱᕆ 14, 2020
  • ᑐᒃᓯᕋᐅᑎᖃᕐᓂᕐᒥ ᑕᑕᑎᕆᐊᓕᓐᓄᑦ ᑐᑭᒧᐊᒍᑎᔅᓴᐃᑦ
  • ᑮᓇᐅᔭᓕᐅᕈᑎᓄᑦ ᐃᑲᔫᓯᐊᖅᑖᖑᔪᓐᓇᖅᑐᓄᑦ ᐊᐱᖅᑯᑎᐅᒐᔪᒃᑐᑦ

ᐱᓕᕆᕝᕕᖃᖅᑐᑦ ᐊᑭᓕᐅᑎᒃᓴᑦ ᐊᑐᐃᓐᓇᐅᑎᑕᐅᓂᖏᑕ ᐱᓕᕆᐊᖅ (BCAP)—ᐱᓕᕆᕝᕖᑦ ᐱᕙᓪᓕᐊᑎᑕᐅᔪᓕᕆᔨᖏᑕ ᑎᒥᖏᑎᒍᑦ (BDC) ᐊᒻᒪᓗ ᓂᐅᕕᐊᒃᓴᓂᒃ ᑲᓇᑕᒥ ᐱᕙᓪᓕᐊᑎᑕᐅᔪᓕᕆᔨᖏᑕ ᑎᒥᖏᑎᒍᑦ (EDC)

ᑕᒪᕐᒥᒃ ᐊᑭᓕᐅᑎᒃᓴᓂᒃ ᐱᑎᑕᐅᔪᓐᓇᖅᑐᓕᒫᑦ ᒥᑭᔫᓪᓗᑎᒃ ᐊᒻᒪᓗ ᐊᖏᓗᐊᖅᑑᓇᑎᒃ ᐱᓕᕆᕝᕕᖃᖅᑐᑦ ᐱᓕᕆᐊᖏᑦ ᐃᓗᐊᓃᖃᑕᐅᔪᓐᓇᖅᓱᑎᒃ ᐱᓕᕆᐊᒃᓴᕆᔭᐅᔪᓂ ᑲᓇᑕᒥ ᐱᓕᕆᕝᕕᖃᖅᑐᓄᑦ ᐱᕙᓪᓕᐊᔪᓕᕆᔨᒃᑯᑦ ᑮᓇᐅᔭᒃᑯᕝᕕᖓᓂᑦ (BDC) ᐅᕝᕙᓘᓐᓃᑦ ᓂᐅᕕᐊᒃᓴᓂᒃ ᑲᓇᑕᒥ ᐱᕙᓪᓕᐊᔪᓕᕆᔨᒃᑯᓐᓂᑦ (EDC)

ᐊᑭᓕᐅᑎᒃᓴᓄᑦ ᐃᓚᒋᐊᕈᑎᐅᔪᓐᓇᖅᑐᑦ ᐊᑐᐃᓐᓇᐅᑎᑕᐅᔪᑦ

ᒫᔾᔨ 13, 2020ᖃᐅᔨᒋᐊᕐᕕᒋᓗᒋᑦ ᑮᓇᐅᔭᒃᑯᕕᓯ ᓇᖕᒥᓂᖅ ᐊᒻᒪᓗ ᑐᓴᖅᑎᑦᑎᓂᐊᖅᑐᑦ ᑲᓇᑕᒥ ᐱᓕᕆᕝᕕᖃᖅᑐᓄᑦ ᐱᕙᓪᓕᐊᔪᓕᕆᔨᒃᑯᑦ ᑮᓇᐅᔭᒃᑯᕝᕕᖓᓂᑦ (BDC) ᐅᕝᕙᓘᓐᓃᑦ ᓂᐅᕕᐊᒃᓴᓂᒃ ᑲᓇᑕᒥ ᐱᕙᓪᓕᐊᔪᓕᕆᔨᒃᑯᓐᓂᑦ (EDC)

ᑲᓇᑕᒥ ᑐᐊᕕᐅᕐᓇᖅᑐᖃᓕᖅᓯᒪᓂᖓᓂ ᓇᖕᒥᓂᖅ ᐱᓕᕆᕕᖃᖅᑐᑦ ᑮᓇᐅᔭᖁᑎᖃᕐᕕᖓᑦ (CEBA) - ᐅᐃᒍᒋᐊᖅᑕᐅᓯᒪᔪᖅ 

ᐃᒪᓐᓇᐃᑦᑑᓗᑎᒃ:

  • ᒥᑭᑦᑑᓪᓗᑎᒃ ᓇᖕᒥᓂᖅ ᐱᓕᕆᕕᐅᓗᑎᒃ ᐅᕝᕙᓘᓐᓃᑦ ᑮᓇᐅᔾᔭᒃᓴᓇᓱᐊᖅᑑᓇᑎᒃ ᐱᓕᕆᕕᐅᓗᑎᒃ;
  • ᐊᐅᓚᑦᓯᓂᖃᓕᓚᐅᕐᓱᑎᒃ ᒫᔨ 1, 2020-ᒥᑦ;
  • ᐅᑎᖅᑐᒃᓴᐃᑦ ᐊᑕᐃᓐᓇᕐᓂᐊᖖᒋᑦᑐᒥᒃ ᒥᑭᒡᓕᒋᐊᖅᑎᑕᐅᓯᒪᔪᑦ ᓄᕙᒡᔪᐊᕐᓇᖅ-19 ᐱᔾᔪᑎᒋᓪᓗᒍ; ᐊᒻᒪᓗ
  • ᐊᑭᓖᓯᒪᓪᓗᑎᒃ $20,000-ᓂᑦ $1.5 ᒥᓕᐊᓐᑖᓚᓄᑦ ᑲᑎᑦᓱᒋᑦ ᐃᖅᑲᓇᐃᔭᖅᑎᓄᑦ ᑮᓇᐅᔭᓕᐅᕈᑎᖏᓂᒃ 2019-ᒪᓂ
  • ᐃᓚᒋᐊᕈᑎᖃᖖᒋᑦᑐᓂᒃ ᐊᑐᖅᑐᐊᕈᓐᓇᕐᓂᖅ ᑎᑭᓪᓗᒋᑦ $60,000-ᓄᑦ
  • ᑎᑭᓪᓗᒋᑦ $20,000-ᓄᑦ ᐊᑐᖅᑐᐊᖅᑕᐅᓚᐅᖅᑐᑦ ᐃᓱᒪᒋᔪᓐᓃᖅᑕᐅᓂᐊᖅᑐᑦ ᓇᓕᖅᑲᖏᑦ ᐊᑭᓕᐅᑕᐅᒃᐸᑕ ᓯᕗᕐᖓᓂ ᑎᓯᐱᕆ 31, 2022

ᐊᐃᐱᕆ 9, 2020

  • ᑐᒃᓯᕋᐅᑎᖃᕈᓐᓇᕐᕕᐅᔪᖅ ᐅᐃᒍᒋᐊᖅᑕᐅᓯᒪᔪᖅ ᑎᑭᑦᓱᒍ ᑎᓯᐱᕆ 31, 2020-ᒧᑦ

ᖃᐅᔨᒋᐊᕐᕕᒋᓗᒋᑦ ᑮᓇᐅᔭᒃᑯᕝᕕᒋᔭᓯ

ᒥᑭᔫᓪᓗᑎᒃ ᐊᒻᒪᓗ ᐊᖏᓗᐊᕋᑎᒃ ᐱᓕᕆᕝᕕᐅᔪᑦ ᐊᑐᖅᑐᐊᖅᑎᑕᐅᔪᓐᓇᕐᓂᖏᓄᑦ ᓇᓗᓇᐃᖅᓯᔾᔪᑎᑦ—ᓂᐅᕕᐊᒃᓴᓂᒃ ᑲᓇᑕᒥ ᓂᐅᕝᕈᑎᖃᖃᑦᑕᕐᓂᕐᒥᒃ ᐱᕙᓪᓕᐊᔪᓕᕆᔨᒃᑯᑦ (EDC)
  •  ᒥᑭᔫᓪᓗᑎᒃ ᐊᒻᒪᓗ ᐊᖏᓗᐊᕋᑎᒃ ᐱᓕᕆᕝᕕᐅᔪᓄᑦ
  • ᐊᑐᓕᖅᑎᑕᐅᓯᒪᔪᑦ ᓂᐅᕕᐊᒃᓴᓂᒃ ᓂᐅᕝᕈᑎᖃᖃᑦᑕᕐᓂᓕᕆᓂᕐᒧᑦ ᐊᒻᒪᓗ ᑲᓇᑕᒥ ᑲᒻᐸᓂᒋᔭᐅᔪᓄᑦ

ᓇᓗᓇᐃᖅᓯᓯᒪᔪᑦ ᐊᐅᓚᑦᓯᔾᔪᑎᓄᑦ ᐊᑭᓕᐅᑎᒃᓴᓂᒃ ᐊᒻᒪᓗ ᖃᓄᖅ ᐊᑯᓂᐅᑎᒋᑎᑕᐅᓗᓂ ᐊᑐᖅᑐᐊᕈᓐᓇᖅᑎᑦᓯᓂᕐᒥᒃ ᑎᑭᓪᓗᒋᑦ $6.25-ᒥᓕᐊᓐᑖᓚᓄᑦ

ᒫᔾᔨ 27, 2020

ᐊᑐᖅᑐᐊᖅᑎᑦᓯᖃᑎᒌᓐᓂᕐᒧᑦ ᐱᓕᕆᐊᖑᔪᖅ ᑐᕌᖓᓪᓗᑎᒃ ᒥᑭᔫᓪᓗᑎᒃ ᐊᒻᒪᓗ ᐊᖏᓗᐊᕋᑎᒃ ᐱᓕᕆᕝᕕᐅᔪᓄᑦ—ᑲᓇᑕᒥ ᐱᓕᕆᕝᕕᖃᖅᑐᓄᑦ ᐱᕙᓪᓕᐊᔪᓕᕆᔨᒃᑯᑦ ᑮᓇᐅᔭᒃᑯᕝᕕᖓᓂᑦ (BDC)ᒥᑭᔫᑎᐅᓪᓗᑎᒃ ᐊᒻᒪᓗ ᐊᖏᓗᐊᕋᑎᒃ ᐱᓕᕆᕝᕕᖕᓄᑦ

ᖃᓄᖅ ᐊᑯᓂᐅᑎᒋᑎᑕᐅᓯᒪᓪᓗᑎᒃ ᐊᑐᖅᑐᐊᕈᓐᓇᖅᑎᑕᐅᓂᖅ ᐊᒥᓱᕈᖅᐸᓪᓕᐊᔪᓐᓇᖅᓱᒋᑦ ᑎᑭᓪᓗᒋᑦ $6.25-ᒥᓕᐊᓐᑖᓚᓄᑦ

ᒫᔾᔨ 27, 2020

ᖃᐅᔨᒋᐊᕐᕕᒋᓗᒋᑦ ᑮᓇᐅᔭᒃᑯᕝᕕᒋᔭᓯ

10%-ᒥᒃ ᐊᑕᐃᓐᓇᕐᓂᐊᖖᒋᑦᑐᒥᒃ ᑮᓇᐅᔭᓕᐅᕈᑎᓄᑦ ᐃᑲᔫᓯᐊᖅᑖᖑᔪᓐᓇᖅᑐᑦ - ᐊᑐᐃᓐᓇᕐᓂᐊᖖᒋᑦᑐ

ᐱᑎᑕᐅᔪᓐᓇᕐᓂᐊᕈᕕᑦ ᐊᑕᐃᓐᓇᕐᓂᐊᖖᒋᑦᑐᒥᒃ ᑮᓇᐅᔭᓕᐅᕈᑎᓄᑦ ᐃᑲᔫᓯᐊᖅᑖᖑᔪᓐᓇᖅᑐᓂᑦ, ᐃᒪᓐᓇᐃᑦᑐᖃᕆᐊᖃᖅᑐᑎᑦ: 

  • ᑲᓇᑕᒥ ᐃᓐᑲᒻᑖᒃᓯᓕᕆᔨᕐᔪᐊᒃᑯᓐᓂ (CRA) ᐊᑭᓕᐅᑎᑖᕐᕕᒃᓴᓂᒃ ᑮᓇᐅᔭᖁᑎᖃᕐᕕᓂᒃ ᐱᓯᒪᓕᖅᑑᓯᒪᓗᑎᑦ ᒫᔾᔨ 18, 2020-ᒥᑦ
  • ᐊᑭᓕᖅᑐᐃᓚᐅᕋᕕᑦ ᐃᖅᑲᓇᐃᔭᖅᑎᓄᑦ ᑮᓇᐅᔭᓕᐅᕈᑎᖏᓂᒃ/ ᐊᑭᓕᐅᑎᑖᕆᕙᒃᑕᖏᓂᒃ/ᐃᓚᒋᐊᕈᑎᐅᕙᒃᑐᓂᒃ ᐱᑎᑕᐅᔪᓐᓇᖅᑑᓪᓗᓂ ᐃᖅᑲᓇᐃᔭᖅᑎᒧᑦ ᒫᔾᔨ 18-ᒥᑦ ᔫᓂ 19-ᒧᑦ, 2020-ᒥ
  • ᐊᑭᓕᖅᑐᐃᓚᐅᕋᕕᑦ ᐃᖅᑲᓇᐃᔭᖅᑎᒧᑦ ᑮᓇᐅᔭᓕᐅᕈᑎᖏᓂᒃ/ ᐊᑭᓕᐅᑎᑖᕆᕙᒃᑕᖏᓂᒃ/ᐃᓚᒋᐊᕈᑎᐅᕙᒃᑐᓂᒃ ᐱᑎᑕᐅᔪᓐᓇᖅᑑᓪᓗᓂ ᐃᖅᑲᓇᐃᔭᖅᑎᒧᑦ ᒫᔾᔨ 18-ᒥᑦ ᔫᓂ 19-ᒧᑦ, 2020-ᒥPaid
  • ᐊᑕᐅᓯᕐᒧᑦ ᐅᑯᓇᖖᒐ ᐃᓚᒋᔭᐅᓪᓗᑎᑦ:
  • ᐃᓛᒃᑰᖓᓪᓗᑎᑦ ᐅᕝᕙᓘᓐᓃᑦ ᐊᑕᐅᓯᑐᐊᖑᓪᓗᑎᑦ ᐱᑕᖃᖅᑎᑦᓯᔨᐅᕙᒃᓱᑎᑦ (ᐱᖃᓯᐅᑎᓇᒋᑦ ᐸᐸᑦᑎᕕᐅᔪᑦ)
  • ᐱᓕᕆᐊᖃᖃᑎᒋᔭᐅᓪᓗᑎᑦ
  • ᑮᓇᐅᔾᔭᒃᓴᓇᓱᐊᕋᑎᒃ ᑲᑐᔾᔨᖃᑎᒌᖑᓪᓗᓯ
  • ᑎᑎᕋᖅᑕᐅᓯᒪᓪᓗᓯ ᐃᑲᔪᖅᑎᐅᕙᓐᓂᑦᓯᓐᓄᑦ
  • ᑲᓇᑕᒥᐅᓂᑦ ᐊᐅᓚᑕᐅᓪᓗᓯ ᐃᓛᒃᑯᑦ ᑎᒥᒋᔭᐅᒐᑦᓯ (ᐱᖃᓯᐅᑎᓪᓗᒋᑦ ᑯᐊᐸᐃᑦ)

10%-ᖏᑦ ᐊᑭᓕᖅᑐᐃᓯᒪᓪᓗᓯ ᐅᑎᖅᑕᐅᕝᕕᐅᑎᑦᓯᔾᔪᑎᓂᒃ ᐱᑎᑕᐅᔪᓐᓇᖅᑑᓪᓗᑎᒃ ᐃᖅᑲᓇᐃᔭᖅᑎᓄᑦ ᒫᔾᔨ 18-ᒥᑦ ᔫᓂ 19-ᒧᑦ, ᑎᑭᑦᓱᓐᓇᖅᓱᒋᑦ $1,375-ᓄᑦ ᐊᑐᓂ ᐃᖅᑲᓇᐃᔭᖅᑎᐅᔪᓄᑦ ᐊᒻᒪᓗ ᑲᑎᓪᓗᒋᑦ ᐊᖏᓂᖅᐹᒥᒃ $25,000-ᓂᒃ ᐊᑐᓂ ᐱᑎᑕᐅᔪᓐᓇᖅᓱᑎᒃ ᐃᖅᑲᓇᐃᔭᖅᑎᖃᖅᑐᒧᑦ   

ᑲᑎᑕᐅᓯᒪᔪᓐᓇᖅᑐᑦ ᑲᓇᑕᒥ ᑐᐊᕕᐅᕐᓇᖅᑐᖃᓕᖅᓯᒪᑎᓪᓗᒍ ᐃᖅᑲᓇᐃᔭᖅᑎᓄᑦ ᑮᓇᐅᔭᓕᐅᕈᑎᓂᒃ ᐃᑲᔫᓯᐊᖅᑖᖑᔪᓐᓇᖅᑐᓄᑦ

ᑖᒃᑯᐊ ᑮᓇᐅᔭᑎᒍᑦ ᑮᓇᐅᔭᓕᐅᕈᑎᐅᔪᑦ ᐃᖅᑲᓇᐃᔭᖅᑎᓄᑦ ᐃᑲᔪᖅᑕᐅᔾᔪᑎᒃᓴᖏᑦ ᐊᑐᓕᖅᑎᑕᐅᓯᒪᓕᓚᐅᖅᑐᑦ ᒫᔾᔨ 18-ᒥᑦ ᔫᓂ 19-ᒧᑦ, 2020

  1. ᖃᐅᔨᒋᐊᕐᓗᒋᑦ ᑮᓇᐅᔭᑎᒍᑦ ᐃᑲᔫᓯᐊᖅᑖᕆᔪᓐᓇᖅᑕᑎᑦ ᑐᖖᒐᕕᒋᓗᒋᑦ ᒪᓕᒃᑕᐅᔪᒃᓴᖁᑎᐅᔪᑦ ᓇᕿᓪᓗᒍ ᐅᕙᓂ here.
  2. ᐃᓚᖖᒐᖅᓯᒪᓕᕐᓗᒋᑦ ᐊᑭᓕᐅᑎᒋᔭᐅᔪᓄᑦ ᐊᑭᓕᐅᑎᒋᕙᒃᑕᑎᑦ ᑲᓇᑕᒥ ᐃᓐᑲᒻᑖᒃᓯᓕᕆᔨᕐᔪᐊᒃᑯᓐᓄᑦ ᖃᔅᓯᐅᓂᖏᑦ ᑮᓇᐅᔭᑎᒍᑦ ᐃᑲᔫᓯᐊᖅᑖᖑᕙᑦᑐᓂᑦ.

ᑕᐃᒃᑯᐊ ᑮᓇᐅᔭᓕᐅᕈᑎᓄᑦ ᑖᒃᓯᖏᓂᒃ ᐃᓚᖖᒐᐃᕝᕕᒋᕙᒃᑕᑎᑦ ᐃᖅᑲᓇᐃᔭᖅᑎᐅᔪᑦ ᐊᑭᓕᐅᑎᑖᕆᕙᒃᑕᖏᓂᑦ ᓈᒻᒪᓕᕈᑎᐅᖃᑦᑕᖖᒋᑉᐸᑕ ᖃᖦᓯᐅᔪᓂᑦ ᐃᑲᔫᓯᐊᖅᑖᖑᕙᑦᑐᓂᑦ, ᓯᕗᓂᕐᒥ ᐊᑭᓕᐅᑎᑖᕆᕙᒃᑕᖏᓂᑦ ᐊᑭᓕᐅᑎᒋᕙᑦᑕᑎᑦ ᒥᑭᓪᓕᒋᐊᖅᓯᒪᓕᖅᑎᑦᓱᓐᓇᖅᐸᑎᑦ

  • 10%-ᒥᒃ ᐊᑕᐃᓐᓇᕐᓂᐊᖖᒋᑦᑐᒥᒃ ᑮᓇᐅᔭᓕᐅᕈᑎᓄᑦ ᐃᑲᔫᓯᐊᖅᑖᖑᔪᓐᓇᖅᑐᑦ ᐃᖅᑲᓇᐃᔭᖅᑎᖃᖅᑐᓄᑦ

ᑲᓇᑕᒥ ᑐᐊᕕᐅᕐᓇᖅᑐᖃᖅᑎᓪᓗᒍ ᐃᒡᓗᕐᔪᐊᒥᒃ ᐊᑐᖅᑐᐊᕈᑎᓄᑦ ᑮᓇᐅᔭᑎᒍᑦ ᐃᑲᔪᖅᑕᐅᓯᒪᔪᓐᓇᕐᓂᖅ

ᐱᓕᕆᕝᕕᒋᔭᐅᔪᑦ ᓇᖕᒥᓂᖅ, ᐃᑲᔪᕈᑎᒃᓴᖅᑖᕐᑎᑦᓯᔩᑦ ᑎᒥᐅᓪᓗᑎᒃ, ᐊᒻᒪᓗ ᑮᓇᐅᔾᔭᒃᓴᓇᓱᐊᕋᑎᒃ ᑎᒥᒋᔭᐅᔪᑦ ᐊᒃᑐᖅᑕᐅᓯᒪᓂᖃᖅᑐᑦ ᑮᓇᐅᔭᑎᒍᑦ ᐅᑎᕐᕕᐅᔾᔪᑎᒃᓴᖏᑦ ᑲᑕᒃᓯᒪᓕᖅᑎᓪᓗᒋᑦ ᐱᔾᔪᑎᒋᓪᓗᒍ ᓄᕙᒡᔪᐊᕐᓇᖅ-19

  • ᑮᓇᐅᔭᑎᒍᑦ ᐃᑲᔪᕈᑎᒃᓴᓂᒃ ᐱᑎᑕᐅᓯᒪᓂᐊᖅᑐᑦ ᐊᑐᖅᑐᐊᖅᑎᐅᔪᑦ, ᐊᑭᓕᐅᑎᐅᓂᐊᕐᓗᑎᒃ ᐳᕐᓴᓐᑎᖓᓂᒃ ᑮᓇᐅᔭᓂᒃ ᐊᑐᖅᑕᐅᔪᓐᓇᑐᖁᑎᓄᑦ, ᐊᓯᔾᔨᖅᐸᓪᓕᐊᓂᖃᕈᓐᓇᖅᑎᑕᐅᔪᑎᒍᑦ ᖃᓄᑎᒋᓂᐅᕙᓐᓂᐊᕐᓂᖏᑦ ᑎᑭᓪᓗᒍ 65%-ᓄᑦ ᑮᓇᐅᔭᓂᒃ ᐊᑐᖅᑕᐅᔪᓐᓇᖅᑐᓄᑦ ᑎᑭᓪᓗᒍ ᑎᓯᐱᕆ 19, 2020-ᒧᑦ. 
  • ᐱᓕᕆᐊᖅ ᑲᔪᓯᑎᑕᐅᓯᒪᓂᐊᕐᑐᖅ ᑎᑭᓪᓗᒍ ᔫᓂ 2021-ᒧᑦ
ᐱᓕᕆᕝᕕᒋᔭᐅᔪᑦ ᓇᖕᒥᓂᖅ ᐅᕝᕙᓘᓐᓃᑦ ᑲᑐᔾᔨᖃᑎᒌᒋᔭᐅᔪᑦ ᐊᑕᐃᓐᓇᕐᓂᐊᖖᒋᑦᑐᒥᒃ ᒪᑐᔭᐅᓯᒪᔪᑦ ᒪᑐᔭᕆᐊᖃᖅᑎᑕᐅᓯᒪᓪᓗᑎᒃ ᑭᒃᑯᑐᐃᓐᓇᐃᑦ ᐋᓐᓂᐊᖃᓕᖅᑕᐃᓕᒪᔪᓕᕆᔨᖏᓂᑦ ᐱᑎᑕᐅᔪᓐᓇᕐᓂᐊᕐᒥᔪᑦ 25%-ᒥᒃ ᑮᓇᐅᔭᑎᒍᑦ ᐃᑲᔪᕈᑎᒃᓴᓂᒃ ᐃᓚᐅᑎᓪᓗᒍ 65%-ᒥᒃ ᑎᑭᓪᓗᒍ ᐃᑲᔪᕈᑎᒃᓴᖅᑖᖑᔪᓐᓇᖅᑐᓂᑦ 

ᐱᑎᑕᐅᔪᓐᓇᖅᓯᓂᐊᖅᑐᑦ ᓯᑦᑎᐱᕆ 27, 2020-ᒥ

ᓇᓗᓇᐃᔭᕈᑎᒃᑲᓐᓃᑦ ᐊᑯᓂᐅᖖᒋᑦᑐᒥ ᐱᑕᖃᓕᕐᓂᐊᖅᑐᑦ

ᐅᒃᑐᐱᕆ 14-ᒥ ᑐᓴᖅᑎᑦᓯᓯᒪᓕᓚᐅᖅᑐᑦ ᐃᑲᔪᖅᑐᕈᑎᒃᓴᓂᒃ ᓇᖕᒥᓂᖅ ᐱᓕᕆᕝᕕᖃᖅᑐᓄᑦ

ᑲᓇᑕᒥ ᑮᓇᐅᔭᓕᐅᕈᑎᒋᓪᓗᒋᑦ ᐃᒡᓗᕐᔪᐊᒥᒃ ᐊᑐᖅᑐᐊᖅᑎᑦᑎᔨᓄᑦ ᐊᑭᓕᐅᑎᒃᓴᓂᒃ ᐃᑲᔫᓯᐊᖅᑖᖑᔪᓐᓇᖅᑐᑦ

ᑮᓇᐅᔭᓕᐅᕈᑎᒋᓪᓗᒋᑦ ᐊᑐᖅᑐᐊᖅᑎᑦᓯᔨᐅᔪᑦ ᐃᒡᓗᕐᔪᐊᒥᒃ ᐊᒻᒪᓗ ᒥᑭᑦᑑᓪᓗᑎᒃ ᓇᖕᒥᓂᖅ ᐱᓕᕆᕝᕕᖃᖅᑐᑦ ᐊᑐᖅᑐᐊᖅᑎᐅᔪᑦ. ᒥᑭᑦᑑᓪᓗᑎᒃ ᓇᖕᒥᓂᖅ ᐱᓕᕆᕝᕕᖃᖅᑐᑦ ᐃᒪᓐᓇᐃᑦᑑᔭᕆᐊᓖᑦ:

  • ᒪᑐᐃᖅᓯᒪᓕᓚᐅᕐᓗᑎᒃ ᓯᕗᕐᖓᓂ ᒫᔾᔨ 1, 2020
  • $50,000-ᓂᒃ ᑕᖅᑭᑕᒫᑦ ᐊᑐᓂ ᐊᑐᖅᑐᐊᕐᕕᒋᔭᒥᓐᓄᑦ ᐊᑭᓕᖅᑐᐃᕙᒃᓗᑎᒃ
  • ᐅᖓᑖᓄᐊᖅᐸᒃᑎᓐᓇᒋᑦ $20-ᒥᓕᐊᓐᑖᓚᓂᑦ ᑲᑎᓗᒃᑖᕐᓗᒋᑦ ᐅᑭᐅᑕᒫᑦ ᐅᑎᖅᑐᒃᓴᖁᑎᒋᕙᒃᑕᖏᑦ
  • ᐊᑐᖅᓯᒪᓕᖅᑑᓪᓗᓂ ᒥᑭᓂᖅᐸᐅᑎᓪᓗᒍ 70%-ᒥᒃ ᒥᑭᒡᓕᒋᐊᖅᓯᒪᓕᕐᓂᖏᑕ ᓄᕙᒡᔪᐊᕐᓇᖅ-19 ᐊᑐᓕᓚᐅᖅᑳᕐᑎᓐᓇᒍ ᐅᑎᖅᑐᒃᓴᖁᑎᒋᕙᓚᐅᖅᑕᒥᓂᑦ

50%-ᖏᑦ ᑮᓇᐅᔭᓕᐅᕈᑎᒋᓪᓗᒋᑦ ᐊᑐᖅᑐᐊᖅᑎᑦᓯᔾᔪᑎᑎᑦ ᐃᓂᖃᖅᑎᑦᓯᓂᒧᑦ; ᐊᑐᖅᑐᐊᖅᑎᐅᔪᖅ ᐊᑭᓕᖅᑐᐃᑎᓪᓗᒍ 25%-ᖓᓂᒃ ᐊᑐᖅᑐᐊᕈᑎᒥᓂᑦ ᐊᒻᒪᓗ ᐊᑐᖅᑐᐊᖅᑎᑦᓯᔨᐅᔪᖅ ᐃᓱᒪᒋᔪᓐᓇᐃᕈᑎᖃᖅᐸᒃᑎᓪᓗᒍ ᒥᑭᓂᖅᐹᒥᒃ 25%-ᖏᓂᒃ

ᐱᓕᕆᐊᖅ ᐅᐃᒍᒋᐊᖅᑕᐅᓯᒪᔪᖅ ᓯᑦᑎᐱᕆ 2020-ᒧᑦ

  • ᐱᓕᕆᕝᕕᐅᔪᑦ ᓇᖕᒥᓂᖅ ᐅᕝᕙᓘᓐᓃᑦ ᑲᑐᔾᔨᖃᑎᒌᒋᔭᐅᔪᑦ ᐊᑕᐃᓐᓇᕐᓂᐊᖖᒋᑦᑐᒥᒃ ᒪᑐᔭᐅᓯᒪᔪᑦ ᒪᑐᔭᕆᐊᖃᖅᑎᑕᐅᓯᒪᓪᓗᑎᒃ ᑭᒃᑯᑐᐃᓐᓇᑦ ᐋᓐᓂᐊᖃᓕᖅᑕᐃᓕᒪᔪᓕᕆᔨᖏᓐᓂᑦ ᐱᑎᑕᐅᔪᓐᓇᕐᓂᐊᕐᒥᔪᑦ 25%-ᒥᒃ ᑮᓴᐅᔭᑎᒍᑦ ᐃᑲᔪᕈᑎᒃᓴᓂᒃ ᐃᓚᐅᑎᓪᓗᒍ 65%-ᒥᒃ ᑎᑭᓪᓗᒍ ᐃᑲᔪᕈᑎᒃᓴᖅᑖᖑᔪᓐᓇᖅᑐᓄᑦ

Tuktirautigilugit qaritaujatigut una naqillugu hereCanadami Iglulirijirjuakkut - CECRA-qutitigut ikajuusiaqtaangujunnaqtuqutingit mikittuullutik nangminiq piliriviqaqtunut

ᐅᑭᐅᖅᑕᖅᑐᒥ ᓇᖕᒥᓂᖅ ᐱᓕᕆᕕᖃᖅᑐᑦ ᐃᑲᔫᓯᐊᖅᑖᕐᕕᒋᔪᓐᓇᖅᑕᖏᑦ ᑮᓇᐅᔭᑎᒍᑦ

ᒥᑭᑦᑑᓪᓗᑎᒃ ᐊᒻᒪᓗ ᕿᑎᖅᐸᓯᐊᓂ ᐊᖏᓂᖃᖅᑑᓪᓗᑎᒃ ᓇᖕᒥᓂᖅ ᐱᓕᕆᕕᖃᖅᑐᑦ ᐃᒪᓐᓇᐃᑦᑑᒍᑎᒃ:

  • ᐊᐅᓚᑦᓯᓂᖃᖅᑐᑦ ᐱᓕᕆᕕᒻᒥᓐᓂᒃ ᐱᓗᐊᖅᑐᒥᒃ ᐊᑕᐅᓯᕐᒥ ᐊᒥᓲᓂᖅᓴᓂᓘᓐᓃᑦ ᐊᕕᒃᑐᖅᓯᒪᓂᐅᔪᓂ
  • ᐱᓕᕆᕝᕕᒻᒥᓐᓂᒃ ᐊᐅᓚᑦᓯᓯᒪᓕᕐᓱᑎᒃ ᑕᐃᒪᖖᒐᓂᑦ ᐅᒃᑐᐱᕆ 1, 2019-ᒥᑦ
  • 100 ᑐᖔᓂ ᐃᖅᑲᓇᐃᔭᖅᑎᖃᕐᑑᓪᓗᑎᒃ
  • ᓄᕙᒡᔪᐊᕐᓇᖅ-19 ᓯᕗᕐᖓᓂ ᑮᓇᐅᔾᔭᒃᓴᓂᖃᑦᓯᐊᓚᐅᖅᓱᑎᒃ
  • ᒫᓐᓇᐅᔪᒥ ᐊᐅᓚᑦᓯᓂᖃᖅᑑᓪᓗᑎᒃ ᐊᓯᐅᔨᓯᒪᓪᓗᑎᒃ ᐊᒻᒪᓗ ᐊᓯᐅᔨᓯᒪᕙᓪᓕᐊᓂᒃᑯᑦ ᐊᐅᓚᑦᓯᓂᖃᕐᓂᐊᕋᓱᒋᓪᓗᑎᒃ

ᐅᑎᖅᑎᑕᐅᔭᕆᐊᖃᕋᑎᒃ ᐊᐃᑦᑑᓯᐊᖑᔪᑦ ᑮᓇᐅᔭᐃᑦ ᐱᒋᐊᕐᕕᖃᖅᑎᑕᐅᓪᓗᑎᒃ $2,500-ᓂᑦ ᑎᑭᓪᓗᒋᑦ ᐊᖏᓂᖅᐹᑎᒍᑦ $100,000-ᓄᑦ ᐊᑭᓕᐅᑎᐅᓂᐊᕐᓗᑎᒃ ᐊᑭᓕᐅᑎᒃᓴᕆᔭᐅᔪᓐᓇᖅᑐᓄᑦ

ᓈᒻᒪᒐᔭᖅᑎᑕᐅᓯᒪᔪᑦ ᑕᖅᑭᓄᑦ 4-ᓄᑦ ᐋᖅᑭᒃᑕᐅᓯᒪᓂᖏᑦ ᐊᐃᐱᕆ 1, 2020-ᒥᑦ ᔪᓚᐃ 31, 2020-ᒧᑦ

  • ᐆᓪᓗᒥ ᐱᑎᑕᐅᖃᑦᑕᓕᐊᓂᒃᑐᑦ ᐱᑎᑕᐅᕙᓐᓂᖏᑦ ᑲᔪᓯᑎᑕᐅᔪᓐᓇᖅᑐᑦ ᐃᑲᔪᕈᑎᒃᓴᖅᑖᕆᕙᒃᑕᖏᑦ ᐅᖓᑖᓄᐊᕐᓗᑎᒃ ᔪᓚᐃ 31
  1. ᑕᑕᑎᕆᐊᓖᑦ ᑐᒃᓯᕋᐅᑎᑦ ᐊᒻᒪᓗ ᑐᑭᒧᐊᒍᑎᒃᓴᐃᑦ ᐅᕙᖖᒐᑦ ᐱᓗᒋᑦ ᐅᓇ here
  2. ᖃᕆᑕᐅᔭᑎᒍᑦ ᑐᒃᓯᕋᐅᑎᒋᓗᒋᑦ ᐊᕕᒃᑐᖅᓯᒪᓂᕆᔭᑦᓯᓐᓂ CanNor-ᑯᑦ ᐊᓪᓚᕕᖓᓂᑦ ᐅᑯᓇᓂ:

ᓄᓇᕗᑦ: [email protected]

ᓄᓇᑦᓯᐊᖅ: [email protected]

ᐅᑭᐅᖅᑕᖅᑐᒥ ᓇᖕᒥᓂᖅ ᐱᓕᕆᕕᖃᖅᑐᑦ ᐃᑲᔫᓯᐊᖅᑖᕐᕕᒋᔪᓐᓇᖅᑕᖏᑦ ᑮᓇᐅᔭᑎᒍᑦ ᑐᑭᒧᐊᒍᑎᒃᓴᐃᑦ

ᐊᕕᒃᑐᖅᓯᒪᓂᕐᒥ ᐃᑲᔫᓯᐊᖅᑖᕐᕕᐅᔪᓐᓇᖅᑐᑦ ᐊᒻᒪᓗ ᐋᖅᑭᒃᐸᓪᓕᐊᓂᕐᒥ ᑮᓇᐅᔭᖁᑎᒃᓴᖅᑖᕐᕕᖓᑦ - ᑯᐃᐸᒃ

  • ᒥᑭᑦᑑᓪᓗᑎᒃ ᐊᒻᒪᓗ ᕿᑎᖅᐸᓯᐊᓂ ᐊᖏᓂᖃᖅᑑᓪᓗᑎᒃ ᓇᖕᒥᓂᖅ ᐱᓕᕆᕝᕕᒋᔭᐅᔪᑦ ᑎᑎᕋᖅᑕᐅᓯᒪᔪᑦ ᑯᐃᐸᒃᒥ
  • ᐊᒥᒐᖅᓯᓕᖅᓯᒪᔪᑦ ᑮᓇᐅᔭᐃᑦ ᐊᐅᓚᑕᐅᕙᓐᓂᖏᓂ ᐱᔾᔪᑎᒋᓪᓗᒍ ᓄᕙᒡᔪᐊᕐᓇᖅ-19
  • ᓈᒻᒪᒃᑐᓂᒃ ᐃᑲᔫᓯᐊᖅᑖᕈᓐᓇᕐᓂᕐᒥᒃ ᐱᓯᒪᓕᕈᓐᓇᖖᒋᑦᑐᑦ ᐊᓯᖏᓂᑦ ᑮᓇᐅᔭᑎᒍᑦ ᐃᑲᔫᓯᐊᖅᑖᕐᕕᐅᔪᓐᓇᖅᑐᓂᑦ

ᐅᑎᖅᑎᑕᐅᔪᒃᓴᐅᓪᓗᑎᒃ ᐊᐃᑦᑑᓯᐊᑦ ᑮᓇᐅᔭᐃᑦ, ᐊᑐᖅᑕᐅᔪᒃᓴᐅᓪᓗᑎᒃ ᑎᑭᓪᓗᒋᑦ 6-ᓄᑦ ᑕᖅᑭᓄᑦ; ᐊᐃᑦᑑᓯᐊᖅᑖᖑᔪᓪᓕ ᑐᖔᓃᑦᑐᑦ $40,000-ᓂᑦ, 25%-ᖏᑦ ᐅᑎᖅᑎᑕᐅᔭᕆᐊᖃᖖᒋᑦᑐᑦ ᑕᐃᒃᑯᐊ 75%-ᖏᑦ ᐅᑎᖅᑎᑕᐅᓗᑎᒃ ᐊᑭᓕᐅᑎᐅᑐᐊᖅᐸᑕ ᓯᕗᕐᖓᓂ ᑎᓯᐱᕆ 31, 2022

ᒫᔾᔨ 15, 2020

ᑮᓇᐅᔭᖁᑎᒃᓴᓂᒃ ᑐᒃᓯᕋᐅᑎᐅᔪᑦ ᐱᓕᕆᐊᖑᓕᖅᑎᒋᐊᕐᓗᒋᑦ ᐅᕙᓂ ᐅᓇ ᓇᕿᓪᓗᒍ here

ᐱᓕᕆᐊᒧᑦ ᓇᓗᓇᐃᔭᐅᑏᑦ

ᐊᕕᒃᑐᖅᓯᒪᓂᕐᒥ ᐃᑲᔫᓯᐊᖅᑖᕐᕕᐅᔪᓐᓇᖅᑐᑦ ᐊᒻᒪᓗ ᐋᖅᑭᒃᐸᓪᓕᐊᓂᕐᒥ ᑮᓇᐅᔭᖁᑎᒃᓴᖅᑖᕐᕕᖓᑦ - ᐊᑦᓛᓐᑎᒃ ᑲᓇᑕᒥ

  • ᒥᑭᑦᑑᓪᓗᑎᒃ ᐊᒻᒪᓗ ᕿᑎᖅᐸᓯᐊᓂ ᐊᖏᓂᖃᖅᑑᓪᓗᑎᒃ ᓇᖕᒥᓂᖅ ᐱᓕᕆᕝᕕᒋᔭᐅᔪᑦ ᑎᑎᕋᖅᑕᐅᓯᒪᓕᓚᐅᖅᓱᑎᒃ ᓂᐅᕙᐅᓐᓛᓐᒥ, ᓂᐅ ᐳᕋᓐᓱᕕᒃᒥ, ᓅᕙ ᓯᑰᓴᒥ, ᐳᕆᓐᔅ ᐃᑦᕗᕐᑦ ᐊᐃᓚᓐᒥ ᓯᕗᕐᖓᓂ ᒫᔾᔨ 1, 2020
  • ᐊᒥᒐᖅᓯᓕᖅᓯᒪᔪᑦ ᑮᓇᐅᔭᐃᑦ ᐊᐅᓚᑕᐅᕙᓐᓂᖏᓂ ᐱᔾᔪᑎᒋᓪᓗᒍ ᓄᕙᒡᔪᐊᕐᓇᖅ-19
  • ᓈᒻᒪᒃᑐᓂᒃ ᐃᑲᔫᓯᐊᖅᑖᕈᓐᓇᕐᓂᕐᒥᒃ ᐱᓯᒪᓕᕈᓐᓇᖖᒋᑦᑐᑦ ᐊᓯᖏᓂᑦ ᑮᓇᐅᔭᑎᒍᑦ ᐃᑲᔫᓯᐊᖅᑖᕐᕕᐅᔪᓐᓇᖅᑐᓂᑦ ᓲᕐᓗ ᑲᓇᑕᒥ ᑐᐊᕕᐅᕐᓇᖅᑐᖃᓕᖅᓯᒪᓂᖓᓂ ᓇᖕᒥᓂᖅ ᐱᓕᕆᕕᖃᖅᑐᑦ ᑮᓇᐅᔭᖁᑎᖃᕐᕕᖓᑦ (CEBA)

ᑎᑭᓪᓗᒋᑦ $40,000-ᓄᑦ, ᐅᑎᖅᑎᑕᐅᔭᕆᐊᓖᑦ ᑭᖑᓂᐊᓂᐅᒃᐸᑦ ᑎᓯᐱᕆ 31, 2022; ᑎᑭᓪᓗᒋᑦ $10,000-ᓄᑦ ᐅᑎᖅᑎᑕᐅᓗᑎᒃ ᐊᑭᓕᐅᑕᐅᔭᕆᐊᖃᖖᒋᑦᑐᑦ ᑐᖖᒐᕕᖃᖅᑎᑕᐅᓪᓗᑎᒃ ᖃᓄᐃᓕᖓᓂᐅᑎᑕᐅᔪᓄᑦ ᐃᓚᖏᓄᑦ

ᒫᔾᔨ 15, 2020

ᑕᑕᑎᕆᐊᓖᑦ ᑐᒃᓯᕋᐅᑎᑦ ᐅᕙᖖᒐᑦ ᐱᓗᒋᑦ ᐅᓇ here ᐊᒻᒪᓗ ᐊᐅᓪᓚᖅᑎᓪᓗᒋᑦ ᖃᕆᑕᐅᔭᑎᒍᑦ

ᐊᑦᓛᓐᑎᒃ ᑲᓇᑕᒥ ᐱᓕᕆᓂᖃᓕᕐᕕᐅᔪᓐᓇᖅᑐᓄᑦ ᐃᖅᑲᓇᐃᔭᕐᕕᖓᑦ - ᐊᕕᒃᑐᖅᓯᒪᓂᕐᒥ ᐃᑲᔫᓯᐊᖅᑖᕐᕕᐅᔪᓐᓇᖅᑐᑦ ᐊᒻᒪᓗ ᐋᖅᑭᒃᐸᓪᓕᐊᓂᕐᒥ ᑮᓇᐅᔭᖁᑎᒃᓴᖅᑖᕐᕕᖓᑦ

ᐃᑲᔪᕈᑎᒃᓴᐃᑦ ᓱᕈᓯᕐᓄᑦ

ᐱᓕᕆᐊᖅᑭᒃᑯᑦ ᐱᑎᑕᐅᔪᓐᓇᕐᓂᐊᖅᐸᑦ?ᖃᔅᓯᓂᒃ?ᖃᖓ ᐊᑐᓕᖅᑎᑕᐅᓯᒪᓂᖓ ᐱᒋᐊᖅᑎᑕᐅᓯᒪᓂᐊᖅᐸ? ᖃᓄᖅ ᑐᒃᓯᕋᖅᓯᒪᓕᕈᓐᓇᖅᐳᖓ?ᑕᒪᒃᑯᓄᖓ ᑐᓴᕆᐊᒃᑲᓐᓂᕈᒪᔪᑦ

ᐃᓄᐃᑦ ᓱᕈᓰᑦ ᓯᕗᓪᓕᖅᐸᐅᑎᑕᐅᓗᑎᒃ ᐱᓕᕆᐊᖓᑦ (CFI)—ᑲᓇᑕᒥ ᓄᓇᖃᖅᑳᕐᓯᒪᔪᓄᑦ ᐱᔨᑦᓯᕋᖅᑎᖏᑦ

ᑕᒪᕐᒥᓕᒫᖅ ᐃᓄᐃᑦ ᓱᕈᓯᖏᑦ, ᓇᓂᕐᒥᐅᑕᐅᒐᓗᐊᕈᑎᒃ ᑲᓇᑕᒥ ᐃᒪᓐᓇᐃᑎᑕᐅᓪᓗᑎᒃ:
  • ᐃᓕᑕᕆᔭᐅᓯᒪᓪᓗᑎᒃ ᐃᓄᐃᑦ ᓄᓇᓕᕆᓂᕐᒥ ᑲᑐᔾᔨᖃᑎᒌᖏᓂᑦ (ᐅᕝᕙᓘᓐᓃᑦ ᐊᑕᐅᓯᕐᒥ ᐊᖓᔪᒃᑳᖃᕐᓗᑎᒃ ᐃᓕᑕᕆᔭᐅᓯᒪᔪᒥᒃ); ᐊᒻᒪᓗ
  • ᓱᓕ ᐅᑭᐅᑭᓗᐊᖅᑑᓪᓗᑎᒃ ᐅᑭᐅᖃᖅᑑᔭᕆᐊᖃᖅᑎᑕᐅᓂᕐᒥᑦ ᐳᕌᕕᓐᓯᐅᒋᔭᖓᑕ/ᐊᕕᒃᑐᖅᒪᓂᕆᔭᖓᑕ ᓄᓇᓕᒋᔭᒥᓐᓂ
ᖃᔅᓯᓄᑦ ᓈᒻᒪᒋᔭᐅᓯᒪᓂᖓ ᑐᖖᒐᕝᕕᖃᖅᑎᑕᐅᔪᑦ ᑐᒃᓯᕋᐅᑎᒋᔭᐅᓯᒪᔪᓄᑦ ᐊᒻᒪᓗ ᐃᓛᒃᑰᖓᓗᓂ ᐃᓄᒻᒧᑦ ᐅᕝᕙᓘᓐᓃᑦ ᑲᑎᓐᓂᖃᖅᑐᓄᑦ ᐱᔭᐅᓯᒪᔭᕆᐊᓕᓐᓂᑦ ᓱᕈᓯᕐᒧᑦ ᐅᕝᕙᓘᓐᓃᑦ ᓱᕈᓯᕐᓄᑦ.

ᑮᓇᐅᔭᖁᑎᒃᓴᑦ ᑲᔪᓰᓐᓇᖅᓯᑕᐅᓯᒪᔪᑦ

  • ᑐᑭᓯᕋᐅᑎᑎᑦ ᑐᓂᓯᒪᓗᒋᑦ ᐃᓄᐃᑦ ᓱᕈᓯᖏᑦ ᐱᔾᔪᑎᒋᓪᓗᒋᑦ ᑲᓇᑕᒥ ᓄᓇᖃᖅᑳᕐᓯᒪᔪᓕᕆᔨᒃᑯᑦ ᐱᔨᑦᓯᕋᖅᑎᖏᓐᓄᑦ ᐊᕕᒃᑐᖅᓯᒪᓂᕐᒥ ᑭᒡᒐᖅᑐᕐᑎᐅᔪᒃᑯᑦ ᐅᕙᓂ regional representative
  • ᐅᖄᓚᕝᕕᒋᓗᒍ ᑲᓇᑕᓕᒫᒥ ᐅᖄᒪᕝᕕᐅᔪᒃᓴᖅ ᐅᕙᓂ 1-855-572-4453, ᓯᕿᖖᒍᔭᖅ ᑲᐃᕕᑦᑐᒍ ᖃᖓᑐᐃᓐᓇᖅ ᐅᖄᓚᕝᕕᐅᔪᓐᓇᕐᑐᖅ, ᐱᓇᓱᐊᕈᓯᓕᒫᒥ (ᐱᓇᓱᐊᕈᓯᓕᒫᖅ)
https://www.sac-isc.gc.ca/eng/1536348095773/1536348148664

ᐃᓕᓐᓂᐊᖅᑐᓄᑦ ᐃᑲᔪᖅᑕᐅᔾᔪᑎᒃᓴᑦ

ᐱᓕᕆᐊᖅᑭᒃᑯᑦ ᐱᑎᑕᐅᔪᓐᓇᕐᓂᐊᖅᐸᑦ?ᖃᔅᓯᓂᒃ?ᖃᖓ ᐊᑐᓕᖅᑎᑕᐅᓯᒪᓂᖓ ᐱᒋᐊᖅᑎᑕᐅᓯᒪᓂᐊᖅᐸ? ᖃᓄᖅ ᑐᒃᓯᕋᖅᓯᒪᓕᕈᓐᓇᖅᐳᖓ?ᑕᒪᒃᑯᓄᖓ ᑐᓴᕆᐊᒃᑲᓐᓂᕈᒪᔪᑦ

ᑲᓇᑕᒥ ᐃᓕᓐᓂᐊᖅᑐᑦ ᑮᓇᐅᔭᖁᑎᑖᕆᔭᐅᕙᒃᑐᑦ ᐊᒻᒪᓗ ᐊᑐᖅᑐᐊᕈᑎᖏᑦ - ᐊᒥᓱᕈᖅᑎᑕᐅᒋᐊᖅᓯᒪᔪᑦ ᑮᓇᐅᔭᐃᑦ

  • ᐊᑕᐃᓐᓇᖅᑐᒥᒃ ᐊᒻᒪᓗ ᐅᓪᓗᑉ ᐃᓚᖓᓂ ᐃᓕᓐᓂᐊᖅᑐᑦ ᐃᓕᓐᓂᐊᕆᐊᖅᐸᓐᓂᖏᑦ ᓈᒻᒪᒋᔭᐅᓯᒪᓪᓗᑎᒃ ᐱᓕᕆᐊᓂ ᓇᓗᓇᐃᖅᑕᐅᓯᒪᓪᓗᓂ ᓯᓚᑦᑐᖅᓴᖅᕕᐅᓪᓗᓂ ᐃᓕᓐᓂᐊᕐᕕᓐᓂ
ᐊᖏᓂᖅᐹᒥᒃ ᑲᓇᑕᒥ ᐃᓕᓐᓂᐊᖅᑐᑦ ᑮᓇᐅᔭᖁᑎᑖᕆᔭᐅᕙᒃᑐᓄᑦ ᖃᔅᓯᐅᓂᖏᑦ ᐊᒥᓱᕈᖅᑎᑕᐅᒋᐊᖅᓯᒪᔪᑦ $6,000-ᓄᑦ ᐊᑕᐃᓐᓇᖅᑐᒥᒃ ᐃᓕᓐᓂᐊᕆᐊᖅᐸᒃᑐᓄᑦ ᐊᒻᒪᓗ $3,600-ᓄᑦ ᐅᓪᓗᑉ ᐃᓚᖓᓂ ᐃᓕᓐᓂᐊᕆᐊᖅᐸᒃᑐᓄᑦ
  • ᐊᖏᓂᖅᐹᒥᒃ ᐱᓇᓱᐊᕈᓯᖅᑕᒫᑦ ᐊᑐᖅᑐᐊᕈᓐᓇᕐᓂᕐᓄᑦ ᑭᒡᓕᒋᔭᐅᔪᑦ ᐊᒥᓱᕈᖅᑎᑕᐅᒋᐊᖅᓯᒪᔪᑦ $210/ᐱᓇᓱᐊᕈᓯᖅᑕᒫᑦᒥᑦ $350/ᐱᓇᓱᐊᕈᓯᖅᑕᒫᑦᒧᑦ 

ᐅᒡᒍᑎ 1, 2020

ᑐᒃᓯᕋᐅᑎᒋᔭᐅᔪᓐᓇᖅᑐᑦ ᐳᕌᕕᓐᓯᐅᔪᒥ/ᐊᕕᒃᑐᖅᓯᒪᓂᕐᒥ ᐃᓕᓐᓂᐊᖅᑐᓄᑦ ᐃᑲᔫᓯᐊᖅᑖᕐᓂᓕᕆᔨᒃᑯᑦ ᐊᓪᓚᕕᖏᑎᒍᑦ - ᐱᑐᒃᓯᒪᕕᖓ ᓇᕿᓪᓗᒍ here

ᑲᓇᑕᓕᒫᒥ ᑮᓇᐅᔭᑎᒍᑦ ᐃᑲᔫᓯᐊᖅᑖᕈᑎᓂᒃ ᐱᑎᑕᐅᔪᓐᓇᕐᓂᖅ

ᑲᓇᑕᒥ ᐃᓐᑲᒻᑖᒃᓯᓕᕆᔾᔪᑎᓄᑦ ᐃᖅᑲᓇᐃᔭᕐᕕᖓᑦ

MyAccount-ᒥ (ᑮᓇᐅᔭᓕᕆᔾᔪᑎᒃᑲ) ᐃᑲᔪᖅᑎᖃᕐᓂᖅ: 1-800-959-8281
ᐃᑲᔫᓯᐊᖅᑖᖑᕙᑦᑐᓄᑦ ᐃᑲᔪᖅᑎᖃᕐᓂᖅ: 1-800-387-1193
ᐃᑲᔫᓯᐊᖅᑖᖑᕙᑦᑐᓄᑦ ᐅᖄᓚᔪᓄᑦ ᐅᑭᐅᖅᑕᖅᑐᒥᑦ ᐃᑲᔪᖅᑎᖃᕐᑎᑦᑎᓂᖅ: 1-866-426-1527

ᒐᕙᒪᒃᑯᑦ ᑲᑎᒪᕕᒡᔪᐊᕐᕕᖓᓂ ᐱᔾᔪᑎᖃᖅᑎᐅᔪᖅ

ᐅᖄᓚᕝᕕᒋᔪᓐᓇᕐᒥᔭᓯ ᒐᕙᒪᒃᑯᑦ ᑲᑎᒪᕕᒡᔪᐊᕐᕕᖓᓂ ᐱᔾᔪᑎᖃᖅᑎᐅᔪᑉ ᐊᓪᓚᕝᕕᖓᓂ ᐃᖅᑲᓇᐃᔭᖅᑎᖏᑦ. ᐃᑲᔪᕈᓐᓇᓲᖑᒻᒪᑕ ᐊᐱᖅᑯᓯᒃᓴᕆᔭᐅᔪᓄᑦ ᑭᐅᔨᐅᔪᓐᓇᕐᓂᕐᒧᑦ ᐊᒻᒪᓗ ᑐᑭᓯᒋᐊᕈᑎᔅᓴᓂᒃ ᐱᑎᑦᑎᓯᒪᔪᓐᓇᖅᐸᒃᑭᓪᓗᑎᒃ. ᖃᐅᔨᒋᐊᕐᕕᒋᔪᓐᓇᖅᑕᓯ ᓄᓇᓕᒋᔭᑦᓯᓐᓂ ᐱᔾᔪᑎᖃᖅᑎᐅᔪᖅ (ᐊᑐᕐᓗᒍ ᑎᑎᖅᑲᓂᐊᕐᕕᒃᑎᒍᑦ ᓇᓗᓇᐃᒃᑯᑕᓯ) ᐅᕙᓂ

ᐳᕈᑎᔅ ᑲᓚᒻᐱᐊ

ᐅᖄᓚᕝᕕᒋᓗᒍ: 1-888-COVID-19
ᐅᖃᓘᑎᐊᓛᒃᑯᑦ ᑎᑎᕋᕐᕕᒋᓗᒍ: 1-604-630-0300
ᐃᒻᒪᖄᓗᑦᑕᐅᖅ ᖃᐅᔨᒋᐊᕐᕕᒋᔪᓐᓇᕐᒥᔭᓯ ᐱᔾᔪᑎᖃᖅᑎᐅᔪᑉ ᐊᓪᓚᕝᕕᐊᓂ ᐃᖅᑲᓇᐃᔭᖅᑎᐅᔪᑦ. ᐅᕙᓂ ᐱᔾᔪᑎᖃᖅᑎᒋᔭᑦᓯ ᐅᖄᓚᐅᑎᖓ ᖃᐅᔨᒋᐊᕈᓐᓇᖅᐸᓯ
ᐅᖄᓚᐅᑎᑎᒍᑦ ᓇᕿᑦᑕᕐᓗᒍ  2-1-1 ᑐᓴᒐᒃᓴᖁᑎᖃᖅᑐᑦ ᐃᑲᔪᖅᑎᐅᕙᑦᑐᓄᑦ ᓄᓇᓕᒋᔭᑦᓯᓐᓂ

ᐃᐊᓪᐴᕐᑕ

ᐅᖄᓚᕝᕕᒋᓗᒍ: 1-310-0000 ᐊᑭᖃᖖᒋᑦᑐᖅ ᐳᕌᕕᓐᓯᐅᔪᑉ ᐃᓗᐊᓂ
ᐃᒻᒪᖄᓗᑦᑕᐅᖅ ᖃᐅᔨᒋᐊᕐᕕᒋᔪᓐᓇᕐᒥᔭᓯ ᐱᔾᔪᑎᖃᖅᑎᐅᔪᑉ ᐊᓪᓚᕝᕕᐊᓂ ᐃᖅᑲᓇᐃᔭᖅᑎᐅᔪᑦ. ᐅᕙᓂ ᐱᔾᔪᑎᖃᖅᑎᒋᔭᑦᓯ ᐅᖄᓚᐅᑎᖓ ᖃᐅᔨᒋᐊᕈᓐᓇᖅᐸᓯ
ᐅᖄᓚᐅᑎᑎᒍᑦ ᓇᕿᑦᑕᕐᓗᒍ 2-1-1 ᑐᓴᒐᒃᓴᖁᑎᖃᖅᑐᑦ ᐃᑲᔪᖅᑎᐅᕙᑦᑐᓄᑦ ᓄᓇᓕᒋᔭᑦᓯᓐᓂ

ᓴᔅᑳᑦᓱᕙᓐ

ᐃᒻᒪᖄᓗᑦᑕᐅᖅ ᖃᐅᔨᒋᐊᕐᕕᒋᔪᓐᓇᕐᒥᔭᓯ ᐱᔾᔪᑎᖃᖅᑎᐅᔪᑉ ᐊᓪᓚᕝᕕᐊᓂ ᐃᖅᑲᓇᐃᔭᖅᑎᐅᔪᑦ. ᐅᕙᓂ ᐱᔾᔪᑎᖃᖅᑎᒋᔭᑦᓯ ᐅᖄᓚᐅᑎᖓ ᖃᐅᔨᒋᐊᕈᓐᓇᖅᐸᓯ
ᐅᖄᓚᐅᑎᑎᒍᑦ ᓇᕿᑦᑕᕐᓗᒍ 2-1-1 ᑐᓴᒐᒃᓴᖁᑎᖃᖅᑐᑦ ᐃᑲᔪᖅᑎᐅᕙᑦᑐᓄᑦ ᓄᓇᓕᒋᔭᑦᓯᓐᓂ

ᒫᓂᑑᐸ

ᐅᖄᓚᕝᕕᒋᓗᒍ: 1-866-626-4862
ᐃᒻᒪᖄᓗᑦᑕᐅᖅ ᖃᐅᔨᒋᐊᕐᕕᒋᔪᓐᓇᕐᒥᔭᓯ ᐱᔾᔪᑎᖃᖅᑎᐅᔪᑉ ᐊᓪᓚᕝᕕᐊᓂ ᐃᖅᑲᓇᐃᔭᖅᑎᐅᔪᑦ. ᐅᕙᓂ ᐱᔾᔪᑎᖃᖅᑎᒋᔭᑦᓯ ᐅᖄᓚᐅᑎᖓ ᖃᐅᔨᒋᐊᕈᓐᓇᖅᐸᓯ
ᐅᖄᓚᐅᑎᑎᒍᑦ ᓇᕿᑦᑕᕐᓗᒍ 2-1-1 ᑐᓴᒐᒃᓴᖁᑎᖃᖅᑐᑦ ᐃᑲᔪᖅᑎᐅᕙᑦᑐᓄᑦ ᓄᓇᓕᒋᔭᑦᓯᓐᓂ

ᐋᓐᑎᐊᕆᐅ

ᐅᖄᓚᕝᕕᒋᓗᒍ: 1-888-789-4199 (ᒥᓂᔅᑕᐅᑉ ᐊᓪᓚᕝᕕᖓᑦ ᓱᕈᓯᓕᕆᔨᒃᑯᑦ, ᓄᓇᓕᓐᓂ ᐊᒻᒪᓗ ᐃᓅᓯᓕᕆᔨᒃᑯᑦ ᐱᔨᑦᓯᕋᖅᑎᖏᓄᑦ – ᐱᓕᕆᔨᐅᒻᒪᑕ ᐃᑲᔪᖅᑕᐅᔾᔪᓯᐊᖅᑖᖑᕙᑦᑐᓄᑦ ᐊᒻᒪᓗ ᑮᓇᐅᔭᑎᒍᑦ ᐃᑲᔫᓯᐊᖅᑖᖑᕙᑦᑐᓄᑦ ᐋᓐᑎᐊᕆᐅᒥᐅᑕᐅᔪᓄᑦ)
ᐃᒻᒪᖄᓗᑦᑕᐅᖅ ᖃᐅᔨᒋᐊᕐᕕᒋᔪᓐᓇᕐᒥᔭᓯ ᐳᕌᕕᓐᓯᐅᔪᒥ ᐱᔾᔪᑎᖃᖅᑎᐅᔪᑉ ᐊᓪᓚᕝᕕᐊᓂ ᐃᖅᑲᓇᐃᔭᖅᑎᐅᔪᑦ. ᐅᕙᓂ ᐱᔾᔪᑎᖃᖅᑎᒋᔭᑦᓯ ᐳᕌᕕᓐᓯᐅᔪᒥ ᐅᖄᓚᐅᑎᖓ ᖃᐅᔨᒋᐊᕈᓐᓇᖅᐸᓯ
ᐅᖄᓚᐅᑎᑎᒍᑦ ᓇᕿᑦᑕᕐᓗᒍ 2-1-1 ᑐᓴᒐᒃᓴᖁᑎᖃᖅᑐᑦ ᐃᑲᔪᖅᑎᐅᕙᑦᑐᓄᑦ ᓄᓇᓕᒋᔭᑦᓯᓐᓂ

ᑯᐃᐸᒃ

ᐅᖄᓚᐅᑎᑎᒍᑦ ᐃᑲᔪᖅᑎᐅᑎᑕᐅᔪᑦ ᐊᐅᓚᑕᐅᓪᓗᑎᒃ ᕆᐊᑦ ᑯᕌᔅᑯᓐᓂᑦ: 1-800-863-6582
Financial Assistance: 1-877-644-4545
ᐃᒻᒪᖄᓗᑦᑕᐅᖅ ᖃᐅᔨᒋᐊᕐᕕᒋᔪᓐᓇᕐᒥᔭᓯ ᐱᔾᔪᑎᖃᖅᑎᒋᔭᐅᔪᑉ ᑲᓇᑕᒥ ᑲᑎᒪᔨᕐᔪᐊᖑᔪᓄᑦ ᐊᓪᓚᕝᕕᖓᓂ (MNA). ᐅᕙᓂ ᐱᔾᔪᑎᖃᖅᑎᒋᔭᑦᓯ ᐅᖄᓚᐅᑎᖓ ᖃᐅᔨᒋᐊᕈᓐᓇᖅᐸᓯ
ᐅᖄᓚᐅᑎᑎᒍᑦ ᓇᕿᑦᑕᕐᓗᒍ 2-1-1 ᑐᓴᒐᒃᓴᖁᑎᖃᖅᑐᑦ ᐃᑲᔪᖅᑎᐅᕙᑦᑐᓄᑦ ᓄᓇᓕᒋᔭᑦᓯᓐᓂ

ᓂᐅ ᐳᕋᓐᓱᕕᒃ

ᐅᖄᓚᕝᕕᒋᓗᒍ: 1-800-442-9799 (ᑐᐊᕕᐅᕐᓇᖅᑐᒥᒃ ᑮᓇᐅᔭᑎᒍᑦ ᐃᑲᔫᓯᐊᖅᑖᖑᕙᑦᑐᓄᑦ)
ᐃᒻᒪᖄᓗᑦᑕᐅᖅ ᖃᐅᔨᒋᐊᕐᕕᒋᔪᓐᓇᕐᒥᔭᓯ ᐱᔾᔪᑎᖃᖅᑎᐅᔪᑉ ᐊᓪᓚᕝᕕᐊᓂ (ᓂᕈᐊᖅᖠᓂᓕᕆᔨᒃᑯᑦ) ᐃᖅᑲᓇᐃᔭᖅᑎᐅᔪᑦ. ᐅᕙᓂ ᐱᔾᔪᑎᖃᖅᑎᒋᔭᑦᓯ ᐅᖄᓚᐅᑎᖓ ᖃᐅᔨᒋᐊᕈᓐᓇᖅᐸᓯ
ᓄᓇᓕᒋᔭᑦᓯᓐᓂ ᑐᓴᒐᔅᓴᖁᑎᓂᒃ ᖃᐅᔨᒋᐊᕈᓐᓇᖅᐳᓯ ᐅᕙᓂ

ᓅᕙ ᓯᑰᓴ

ᐅᖄᓚᕝᕕᒋᓗᒍ: 1-800-670-4357
ᐃᒻᒪᖄᓗᑦᑕᐅᖅ ᖃᐅᔨᒋᐊᕐᕕᒋᔪᓐᓇᕐᒥᔭᓯ ᐱᔾᔪᑎᖃᖅᑎᐅᔪᑉ ᐊᓪᓚᕝᕕᐊᓂ (ᓂᕈᐊᖅᖠᓂᓕᕆᔨᒃᑯᑦ) ᐃᖅᑲᓇᐃᔭᖅᑎᐅᔪᑦ. ᐅᕙᓂ ᐱᔾᔪᑎᖃᖅᑎᒋᔭᑦᓯ ᐅᖄᓚᐅᑎᖓ ᖃᐅᔨᒋᐊᕈᓐᓇᖅᐸᓯ
ᐅᖄᓚᐅᑎᑎᒍᑦ ᓇᕿᑦᑕᕐᓗᒍ 2-1-1 ᑐᓴᒐᒃᓴᖁᑎᖃᖅᑐᑦ ᐃᑲᔪᖅᑎᐅᕙᑦᑐᓄᑦ ᓄᓇᓕᒋᔭᑦᓯᓐᓂ

ᐳᕆᓐᔅ ᐃᐊᑦᕗᕐᑦ ᐊᐃᓚᓐ

ᐅᖄᓚᕝᕕᒋᓗᒍ: 1-800-236-5196
ᐅᖄᓚᕝᕕᒋᓗᒍ: 902-368-6440 (for social assistance)
ᐃᒻᒪᖄᓗᑦᑕᐅᖅ ᖃᐅᔨᒋᐊᕐᕕᒋᔪᓐᓇᕐᒥᔭᓯ ᐱᔾᔪᑎᖃᖅᑎᐅᔪᑉ ᐊᓪᓚᕝᕕᐊᓂ (ᓂᕈᐊᖅᖠᓂᓕᕆᔨᒃᑯᑦ) ᐃᖅᑲᓇᐃᔭᖅᑎᐅᔪᑦ. ᐅᕙᓂ ᐱᔾᔪᑎᖃᖅᑎᒋᔭᑦᓯ ᐅᖄᓚᐅᑎᖓ ᖃᐅᔨᒋᐊᕈᓐᓇᖅᐸᓯ
ᐅᖄᓚᐅᑎᑎᒍᑦ ᓇᕿᑦᑕᕐᓗᒍ  2-1-1 ᑐᓴᒐᒃᓴᖁᑎᖃᖅᑐᑦ ᐃᑲᔪᖅᑎᐅᕙᑦᑐᓄᑦ ᓄᓇᓕᒋᔭᑦᓯᓐᓂ

ᓂᐅᕙᐅᓐᓛᓐ ᐊᒻᒪᓗ ᓛᐸᑐᐊᕐ

ᐅᖄᓚᕝᕕᒋᓗᒍ: 1-833-771-0696
ᐃᒻᒪᖄᓗᑦᑕᐅᖅ ᖃᐅᔨᒋᐊᕐᕕᒋᔪᓐᓇᕐᒥᔭᓯ ᐱᔾᔪᑎᖃᖅᑎᐅᔪᑉ ᐊᓪᓚᕝᕕᐊᓂ (ᓂᕈᐊᖅᖠᓂᓕᕆᔨᒃᑯᑦ) ᐃᖅᑲᓇᐃᔭᖅᑎᐅᔪᑦ. ᐅᕙᓂ ᐱᔾᔪᑎᖃᖅᑎᒋᔭᑦᓯ ᐅᖄᓚᐅᑎᖓ ᖃᐅᔨᒋᐊᕈᓐᓇᖅᐸᓯ
ᖃᐅᔨᒋᐊᕐᕕᒋᔪᓐᓇᕐᒥᔭᓯ ᓄᓇᓕᒋᔭᑦᓯᓐᓂ ᐊᐅᓚᑦᓯᓂᖃᖅᑏᑦ ᐊᓪᓚᕝᕕᖓᓂ ᐃᖅᑲᓇᐃᔭᖅᑎᖏᑦ ᐅᕝᕙᓘᓐᓃᑦ ᓇᕿᑦᑕᕐᓗᒍ 3-1-1 ᐅᖄᓚᐅᑎᒥ

ᔫᑳᓐ

ᐅᖄᓚᕝᕕᒋᓗᒍ: 1-800-661-0408

ᓄᓇᑦᓯᐊᖅ

ᐅᖄᓚᕝᕕᒋᓗᒍ: (867) 767-9000

ᓄᓇᕗᑦ

ᐅᖄᓚᕝᕕᒋᓗᒍ: (867) 975-5400

ᑖᒃᑯᐊ ᑎᑎᕋᖅᑕᐅᓯᒪᔪᑦ ᐋᖅᑭᒋᐊᖅᑕᐅᓚᐅᖅᐳᑦ ᑐᓴᒐᔅᓴᖁᑎᓂᑦ ᑲᑎᖅᓱᐊᖑᓚᐅᖅᑐᓂᑦ ᐊᒻᒪᓗ ᐅᖃᓕᒫᒐᖖᒍᖅᑎᑕᐅᓯᒪᓪᓗᑎᒃ ᐃᓱᒪᖅᓲᑕᐅᓂᐊᖅᓱᑎᒃ ᓘᑦᑖᖅ ᔨᓂᕗᕐ ᕌᑉᓴᓐᒥᑦ, ᐃᓕᓴᐃᔨᕐᔪᐊᖑᖃᑕᐅᔪᖅ ᒐᕙᒪᓕᕆᓂᕐᒥ ᐊᐅᓚᑦᓯᓂᐅᔪᓄᑦ ᑳᕈᓪᑕᓐ ᓯᓚᑦᑐᖅᓴᖅᕕᖓᓂ. ᐅᖃᓕᒫᕈᓐᓇᖅᐸᓯ ᓯᕗᓪᓕᖅᐸᐅᓪᓗᑎᒃ ᑎᑎᕋᖅᓯᒪᓕᓚᐅᖅᑕᖏᑦ ᑕᕝᕙᓂ. ᓘᑦᑖᖅ ᕌᑉᓴᓐ ᐃᓄᐃᑦ ᑕᐱᕇᒃᑯᓐᓄᑦ ᑲᓇᑕᒥ (ITK) ᐃᓚᒋᔭᐅᖃᑕᐅᔫᖖᒋᑦᑐᖅ. ᖃᓄᑐᐃᓐᓇᖅ ᑕᒻᒫᔭᖅᓯᒪᔪᖃᖅᐸᑕ ᐅᕝᕙᓘᓐᓃᑦ ᐃᓕᔭᐅᓯᒪᖖᒋᑦᑐᖃᕐᓂᖅᐸᑕ ᐱᔮᕆᑦᔪᑕᐅᓯᒪᖖᒋᓚᑦ.

Latest News

BMO ᑮᓇᐅᔭᓕᕆᔩᑦ ᐱᓕᕆᖃᑎᖃᓕᕐᒥᔪᑦ ᐃᓄᐃᑦ ᑕᐱᕇᒃᑯᓐᓂᑦ ᑲᓇᑕᒥ ᐊᐃᑦᑐᖅᑕᐅᔾᔭᐃᒃᑯᑎᓂᑦ ᐃᓄᐃᑦ ᓄᓇᓕᖏᓐᓅᖅᑲᐃᓂᐊᕐᖓᑕ

By Announcements, COVID-19, Uncategorized @ius

ᐅᖓᑖᓃᑦᑐᓂᑦ 113,900 ᑮᓇᕐᒧᑦ ᒪᑐᐊᑦ, 563,000 ᖃᐅᔨᖅᑐᑦ ᐊᓪᓚᕈᑏᑦ ᐊᒻᒪᓗ 438ᓂᑦ ᐊᖏᓂᓕᒻᒥᒃ ᑲᑎᓪᓗᒋᑦ ᐃᒪᓕᓐᓂᑦ ᐅᐊᓴᐅᑎᓂᑦ ᓇᔅᓯᐅᔾᔨᓯᒪᔪᑦ ᐃᑲᔪᖅᑐᒋᑦ ᓴᐳᑎᓯᒪᒍᓐᓇᖁᓪᓗᒋᑦ ᐃᓄᐃᑦ ᖃᓂᒪᓇᖅᑐᖅᑕᖃᕐᓂᖓᓂ ᓄᓇᓕᐅᔪᓂᑦ ᓄᓇᕗᒥ, ᓄᓇᕕᒻᒥ, ᐃᓄᕕᐊᓗᐃᑦ ᓄᓇᖓᓐᓂ ᐊᒻᒪᓗ ᓄᓇᑦᓯᐊᕗᒻᒥ.

Read More

ᓄᕙᒡᔪᐊᕐᓇᖅ 19-ᒧᑦ ᐋᓐᓂᐊᓕᕇᒃᑯᑎᒥᒃ ᑲᐱᔭᐅᓯᒪᓕᕐᓂᖅ

By COVID-19, Publications

ᓇᓕᐊᓪᓘᓐᓃᑦ ᓄᓇᕐᔪᐊᕆᔭᐅᔪᓂᑦ, ᐃᓄᖁᑎᖏᓐᓂᑦ ᐅᕝᕙᓘᓐᓃᑦ ᐃᓄᑐᐊᖑᓗᓂ ᑭᓇᑐᐃᓐᓇᖅ ᓵᓚᒃᓴᖅᓯᒪᓕᕈᓐᓇᖖᒋᒻᒪᑦ ᓄᕙᒡᔪᕐᓇᖅ-19-ᒥᒃ ᑕᕝᕙᑐᐊᖑᓗᓂ. ᑕᒪᑦᑕᐅᓗᑕ ᑭᓯᐊᓂ ᐅᕙᑦᑎᓐᓂᓕᒫᖅ ᒥᐊᓂᕆᓯᒪᓕᕈᓐᓇᕐᓂᐊᕋᑦᑕ

Read More

ᐱᖓᓱᐊᖅᑎᓕᖅᓱᒍ ᓄᓇᖃᖅᑳᖅᓯᒪᔪᓂ ᓄᓇᓕᒋᔭᐅᔪᑦ ᐃᑲᔪᖅᑕᐅᔾᔪᑎᒃᓴᖏᓂᒃ ᑮᓇᐅᔭᑎᒍᑦ ᓴᓂᕐᕙᐃᕕᐅᓯᒪᓕᖅᑐᑦ

By Announcements, COVID-19, Uncategorized @ius

ᐃᓄᐃᑦ ᑕᐱᕇᒃᑯᑦ ᑲᓇᑕᒥ (ITK) ᖁᔭᓕᓚᐅᖅᐳᑦ ᑲᓇᑕᒥ ᒐᕙᒪᖓᓐᓂᒃ ᐃᓕᑕᑕᖅᓯᓯᒪᓂᖏᓐᓂᒃ ᐊᒻᒪᓗ ᑭᐅᓯᒪᓕᓚᐅᕐᓂᖏᓐᓂᒃ ᐃᓄᐃᑦ ᐱᓯᒪᓕᕆᐊᖃᖅᑕᖏᓂᒃ ᑐᒡᓕᕆᔭᖓᓂᒃ ᓄᕙᒡᔪᐊᕐᓇᖅ-19-ᒥᑦ ᓯᓚᕐᔪᐊᓕᒫᒥ ᐊᒃᑐᒐᐅᓯᒪᓕᕐᓂᖓᓐᓂᒃ, ᐃᓄᐃᑦ ᓄᓇᓕᒋᔭᖏᑦ ᐱᓗᐊᒻᒪᕆᒃᑐᒥᒃ ᐊᒃᑐᖅᑕᐅᓯᒪᓕᕈᑎᒋᓚᐅᖅᑕᖏᓐᓄᑦ.

Read More