Announcements

ᒐᕙᒪᑐᖃᒃᑯᑦ ᐅᑭᐊᔅᓵᖅ ᒪᑭᒪᓇᓱᐊᕈᑎᓅᖓᔪᑦ ᓇᓗᓇᐃᕐᓯᒍᑎᖏᑦ ᑐᓴᕈᒥᓇᖅᑐᖅᑕᓖᑦ ᐃᓄᓐᓄᑦ ᑐᕌᖓᔪᓂᑦ

By December 1, 2020 No Comments

ᑎᓯᐱᕆ 1, 2020

ᑖᒃᑯᐊ ᐅᑭᐊᔅᓵᖅ ᒪᑭᒪᓇᓱᐊᕈᑎᓅᖓᔪᑦ ᓇᓗᓇᐃᕐᓯᒍᑎᖏᑦ ᓴᖅᑭᖅᑕᐅᓚᐅᖅᑐᑦ ᐃᑉᐸᔅᓴᖅ ᑲᓇᑕᐅᑉ ᒐᕙᒪᒃᑯᖏᓐᓂ ᑐᓴᕈᒥᓇᖅᑐᖅᑕᖃᕐᖓᑕ ᐃᓄᓐᓄᑦ ᑐᕌᖓᔪᓂᑦ. ᐃᓄᐃᑦ ᑕᐱᕇᑦ ᑲᓇᑕᒥ ᑐᑭᓯᒃᑲᓐᓂᕈᒪᓂᐊᖅᑐᑦ ᐅᓪᓗᓂᑦ ᐊᒡᒋᖅᑐᓂᑦ ᒫᓐᓇᒫᒃᑯᑦ ᖃᓄᖅ ᑮᓇᐅᔭᐃᑦ ᓇᓗᓇᐃᖅᑕᐅᓯᒪᒻᒪᖔᑕ ᑎᑎᖅᑲᓂᑦ ᐃᓕᔭᐅᓂᐊᖅᑐᑦ ᐃᓄᓐᓄᑦ ᑐᕌᖓᓗᐊᖅᑐᑦ, ᐊᒥᓱᑦ ᐱᕈᕐᐸᓪᓕᐊᑎᑦᑎᔾᔪᑕᐅᓂᐊᖅᑐᑦ ᓇᓗᓇᐃᖅᑕᐅᓚᐅᖅᑐᑦ ᐃᑉᐸᔅᓴᖅ ᑕᐃᔭᐅᓯᒪᓚᐅᕐᖓᑕ ᓄᓇᖃᖅᑐᑐᖃᕐᓄᑦ ᐱᕈᕐᐸᓪᓕᐊᑎᑦᑎᔾᔪᑎᔅᓴᐅᓪᓗᑎᒃ.

ᓇᓗᓇᐃᕐᓯᒍᑎᖓᑦ ᐅᑯᓂᖓ ᐱᖃᓯᐅᔾᔨᓯᒪᒻᒪᑦ ᓄᑖᓂᑦ ᖃᓂᒪᓇᖅᑐᖅ ᐱᔾᔪᑎᒋᓪᓗᒍ ᑮᓇᐅᔭᓂᑦ ᐊᒥᓲᓂᓕᓐᓂᑦ $380 ᒥᓕᐊᓐᓂᑦ 2020-21 ᐊᕐᕌᒍᒥ ᐃᓄᓐᓄᑦ, ᐊᓪᓚᓄᑦ ᐊᓪᓚᖓᔪᓄᓪᓗ ᑐᕌᖓᓪᓗᑎᒃ ᐃᓚᒋᔭᐅᓪᓗᑎᒃ ᓄᓇᖃᖅᑐᑐᖃᕐᓄᑦ ᐃᑲᔫᑎᓄᑦ ᑮᓇᐅᔭᓄᑦ. ᐃᓚᒋᔭᐅᒃᑲᓂᕐᓂᐊᕐᒥᔪᑦ $174.3 ᒥᓕᐊᓐ ᐱᖓᓱᑦ ᐊᕐᕌᒍᑦ ᐅᖓᑖᓄᑦ ᐃᓕᔭᐅᒻᒥᔪᑦ ᐃᑲᔫᑎᐅᓂᐊᕐᖓᑕ ᖃᖓᑕᓲᖃᖃᑦᑕᕆᐊᖃᓪᓚᕆᓐᓂᖏᓐᓂᒃ ᐅᖓᓯᑦᑐᒥᐅᑕᐃᑦ ᓄᓇᓕᐅᔪᑦ.

ᐃᓱᒪᒋᓪᓗᒋᑦ ᐊᑑᑎᓂᖏᑦ ᖃᓂᒪᓇᖅᑑᑉ ᓄᓇᕐᔪᐊᓕᒫᒥ ᐊᕐᓇᓄᑦ, ᓱᕈᓯᕐᓄᑦ ᐃᓚᒌᓄᓪᓗ, ᑕᐱᕇᒃᑯᑦ ᖁᕕᐊᓱᑉᐳᑦ ᒫᓐᓇ ᐊᑐᖅᑕᐅᖏᓐᓇᕐᓂᐊᓕᖅᑐᓂᑦ ᐃᓄᓐᓄᑦ−ᑐᕌᖓᔪᓂᑦ ᑮᓇᐅᔭᖅᑕᖃᕐᓂᐊᓕᕐᖓᑦ ᓱᕈᓯᓛᕐᓄᑦ ᐃᓕᓐᓂᐊᕆᐅᕐᓴᑎᑦᑎᖃᑦᑕᓂᕐᒧᑦ ᐸᐃᕆᕕᓕᕆᓂᕐᒧᓪᓗ ᑐᕌᖓᔪᓂᑦ ᐊᒻᒪᓗ ᐅᑕᖅᑭᓪᓗᑕ ᑐᑭᓯᑎᑕᐅᒃᑲᓂᕐᓂᐊᓂᑦᑎᓐᓂᒃ ᐱᔾᔪᑎᒋᓪᓗᒋᑦ ᑖᒃᑯᐊ ᓴᖅᑭᖅᑕᐅᕋᑖᕐᓯᒪᔪᑦ.

ᑭᖑᓪᓕᕐᐹᒥ, ᑕᐱᕇᒃᑯᑦ ᓂᕆᐅᓐᓂᖃᑦᑎᐊᕐᒥᔪᑦ ᐅᖃᒻᒪᕆᒍᑕᐅᓯᒪᔪᓂᑦ $1.8 ᕕᓕᐊᓐᓂᑦ ᐃᑲᔫᑎᐅᓂᐊᖅᑐᓂᑦ ᐱᖁᑎᕐᔪᐊᓕᕆᓂᕐᒧᑦ ᓄᓇᖃᖅᑐᑐᖃᕐᓄᑦ ᓄᓇᓕᐅᔪᓄᑦ ᖃᓄᐃᓕᖓᑦᑕᓂᐊᕐᒪᖔᑕ ᐃᓄᓐᓄᑦ ᑐᕌᖓᔪᑦ. ᐃᓱᒪᒋᓪᓗᒋᑦ ᐊᑭᑐᓂᖏᑦ ᐱᖁᑎᕐᔪᐊᓕᕆᓂᕐᒧᑦ ᐊᑭᓕᔅᓴᕆᔭᐅᔪᑦ ᐃᓄᐃᑦ ᓄᓇᖓᓐᓂ, ᐱᖁᑎᕐᔪᐊᓕᕆᓂᖅ ᓱᓕ ᓯᕗᓪᓕᐸᐅᑦᑎᐅᔾᔭᐅᓯᒪᓪᓚᕆᒻᒪᑦ ᐃᓄᓐᓂᑦ ᑲᓇᑕᐅᓪᓗ ᒐᕙᒪᒃᑯᓐᓂ ᑲᑐᔾᔨᖃᑎᒌᓐᓂᕐᒧᑦ ᑲᑎᒪᔨᕋᓛᕐᓂᑦ.