Inuit Tapiriit Kanatami arraagumi tisamairaqtiqq qaujisarnirmut tukisigiaqtittigutingit qaujisasuunguvut kinguvanngittukkut atuagalirinirmuungajunit turaanganiqauttiaqtunik inungnut. Tukisigiaqtittigutiit upalungaijaqtausuunguvut Inuit qaujisarvinganut, Inuit Tapiriit Kanatami qaujisaqtulirijikkut pilirivvinga, ajjiqainnaqtuni pilirivvip pinasuaganganik qaujisaqattasuut ammalu qimirrullutit qaujisaarijaullutit atuqtaugunnarajarmata ikajuqtuqtaulutit sivumuattitauningit Inuit sivulliutiqujangit. Inuit Tapiriit Kanatami arraagumi tisamairaqtiqq qaujisarnirmut tukisigiaqtittigutingit aulatauqattasuut Inuit Tapiriit Kanatami 2020-2023 qanuqtuurutingatigut ammalu qanuiliurutiqarniarnirmut parnautingatigut.

 

Salumajumik imiraksaujumik pijaujariaqaqtuuvuq annaumajuqaqullugu inungnik ammalu inuuqatigiit piruqpalliajukuluuliqullugit. Nuvagjuarnaq-19 aittuutaaluuqattaliqtillugu qaujikkannirutigijausimavuq imittiavaqattiaq – pannginningingnut amisut Inuit Nunalingit ammalu Inuit kikkutuinnait aannialirunnaqtutit imirmut piqutirjuaqauttian -nginningingnut. Nunalirjuat Gavamangita Katujiqatigiingit Katimajiralaat Pivalliajulirinirmut, Inuusilirinirmut ammalu Iliqqusilirinirmut Pijunnautigijaujut tukitaaqtittisimavut Inuiti kikkutuinnait pijunnautingit imittiavaqariaqarningingnut kikkulimaat pijunnariaqarmata naammattumik, attananngittumik, naammagijaujumik, imiqtaraksakkut ammalu akituluanngillugu imiq inungnut angirranillu atuqtaujunnaqattarajaqtuni. Ukua qaujisarutausimajut nainaaqsimaningit nalunaiqsisimavut aksururutigijaujunit inungnik pittailigutauluasuut quviagijaqarunnarlutit imirmik pijunnaqattariaqarutingingnuungajunit.