June 28, 2022 — Inuvik, Nunatsiaq
Canadami Gavamangat ammalu Inuit sivuliqtingit piliriqatigiitsiarasuksimaliqtut piliriaksarijaminnik Inuit-Canadami Gavamakkut Piliriqatigiingninginnut Katimajiralaangujutigut (ICPC) sivummugiaqtitausimaliqullugit, sanngiktigiaqtitausimalirlutiklu Inuit-Canadami Gavamakkut piliriqatigiingningit, ammalu aaqqiisimalirlutik akłuinniqsauliqtitsijjutiksanik Inuit Nunangannik miksiqatsiaqtutigut ikajuqtigiingnirmiktigut piliriangujuni.
Naggajjaumi, June 27, Canadami Gavamakkut-Nunaqaqqaaqsimajulirijini Minister-gijaujuq Marc Miller ammalu Inuit Tapiriit Kanatami Angijuqqaangat Natan Obed asinginik ilagijaujunik ICPC-kut Katimajiralaanginnut katinngaqatiqalauqtut InuvialuitAaviktuqsimaningani Inuit Nunanganni uqallausiqarniarsutik amiqqarutigillugit sivulliqpautitauqujaujunut, ammalu atuliqtitauqullugit Inuit nunanganni maligaqutit, atiliuqtausimalilauqtunut Canadami Gavamangannit ammalu Inuit sivuliqtinginnit April 2022-mi.
Maligaqutiliangusimajut tukimuagutiuniarmata qanuq gavamatuqakkunni iqqanaijarviujuit piliriqatiqarniarninginnut Inungnik piliriaqaqatigijaujunik piliriangujup tautturiniaqtanganik, aaqqiksuinirmi ammalu saqqiisimalirnirmi nutaangullutik ammalu nutauliriaqtausimallutik maligaqutiujunik, pilirianik, pijitsirarutiksanik ammalu pilirianguliqsimajunik atuliqtitausimaniaqtunut Inuit Nunanganni uvvaluunniit ikajurutiulirniaqtunut inungnut. gavamakkut nalunaiqsisimalirmata kiinaujaqutiksaqaqtitsiniarnirminnik $25.4-million-nik atuqtauvallianajaqtunut ukiut tallimat (5) atuqpalliatillugit sukkaliriaqtitauqullugit atuliqtitauvallianingit maligaqutiujut. Inuit ammalu gavamatuqakkut maannaujuq piliriniqaliqsimavut pigiaqtittisimalirniksaminnut aulatsijiunirmut tunngavviqutigijauniaqtunik ammalu gavamakkunni iqqanaijarviujunit ikajuqsiqtausimalirniksaminnut tamakkununga piliriariliqsimajaminnut.
Nagjajjaumi katimaniqaqsutik, isumatammariit atiliurisimalilauqtut piliriangujumallutik parnautiliangusimajunik marruullutik Inuit-Canadami Gavamakkut Piliriqatigiingninginnut Katimajiralaangujut (ICPC) nutaangullutik sivulliqpautitauqujanginnik:
- Aulatsijiuniq, Sapujjijigijauniq ammalu Mianiqsijigijauniq
- Nautsiqtuivanniq, Qaujigiaqattarniq, ammalu Ilinniarutiqarpallianiq
Canadami Gavamangat kajusitittisimaniaqtut piliriqatiqarnirminnik Inuit sivuliqtigijanginik ICPC-kutigut piruqtitsigiarnirminni nutauliriaqtitauqullugit Inuit-Canadami Gavamakkut piliriqatigiingningit ammalu sivummugiaqtitausimaliqullugit saimmaqatigiiksimalirniksait tunngavviqaqtitaulutik nalunaiqtausimaninginnut pijunnautiqarniujunut, upigituraunnirmut, ammalu piliriqatigiingniujunut.
Junei 27-mi katimaniqaqtillugit ilagijauqataujunut ukuangulauqpu:
Marc Miller, Canadami Gavamakkut-Nunaqaqqaaqsimajulirijini Minister-gijaujuq (upaksimaqataulluni)
Natan Obed, Angijuqqaaq Inuit Tapiriit Kanatami (upaksimaqataulluni)
Duane Smith, Iksivautaq ammalu Allavvingmi Isumatammarik, Inuvialuit Aviktuqsimaningani Kuapuriisan (upaksimaqataulluni)
Aluki Kotierk, Angijuqqaaq, Nunavut Tunngavik Timiqutingat (upaksimaqataulluni)
Pita Aatami, Angijuqqaaq, Makivik Kuapuriisangat (qaritaujatigut)
Johannes Lampe, Angijuqqaaq, Nunatsiavut Gavamangat (qaritaujatigut)
Monica Ell-Kanayuk, Angijuqqaaq, Inuit Ukiuqtaqtumi Katimajingit (qaritaujatigut)
Gerri Sharpe, Angijuqqaaq, Pauktuutit Arnait Inuit Canadami (qaritaujatigut)
Brian Pottle, Angijuqqaaq, Canadami Makkuktut Inuit Katimajirjuangit (qaritaujatigut)
Minister Daniel Vandal, Minister-gijaujuq Ukiuqtaqtumiutalirijikkut (qaritaujatigut)
Minister David Lametti, Minister-gijaujuq Iqqaqtuivvilirijikkut (upaksimaqataulluni)
Minister Patty Hajdu, Minister-gijaujuq Nunaqaqqaaqsimajulirijingit Canadami (qaritaujatigut)
Minister Omar Alghabra, Minister-gijaujuq Ingirrautilirijikkunnut (qaritaujatigut)
Minister Mona Fortier, Kiinaujalirijirjuakkut Katimajingit (qaritaujatigut)
Minister Pablo Rodriguez, Itsarnitalirijikkut Canadami (qaritaujatigut)
Minister Anita Anand, Canadami Unataqtuksalirijikkut (qaritaujatigut)
Uqaqtausimajut
“Qujalijunga ullumi Inuit Nunanganniigiannik katimaqatiginiaqsugit piliriqatigijavut amiqqarutigillugit sivulliqpautitauqujaujunut isumatammaringnit atiliqtausimaliqtillugit Inuit Nunanganni Maligaqutit. niriungniqaqpunga kajusitittiniarnittinnut ikajuqtigiiksuta piliriniqarniujunut atuliqtittivalliatilluta sivulliqpautitauqujaujunik maligaqutinit ammalu saimmaqatigiiksimalirniksamut piliriniqarnittinni.”
Minister Marc Miller
Minister-gijaujuq Canadami Gavamakkut-Nunaqaqqaaqsimajulirijini
“Quviasuktugut ullumi tunngasuktittigiattinnik gavamatuqakkunni Ministerngijaujunik Inuit Nunangannut, sivummuktittisimaliriarnittinni pimmariutiullutik piliriarijanginik Inuit-Canadami Gavamakkut Piliriqatigiingninginnut Katimajiralaangujunit Inuit Nunanganniitsuta. Ukiunut amisunut aaqqiksuiqatigiiksimaliqtilluta, quvianallaringmat takusimaliriamik Inuit Nunanganni Maligaqutiujut atuliqtitauvalliasimalirunnarninginnut. Niriungniqaqtugut tamakkua piliriangujut kajusititausimaniarninginnut ammalu asingita maligarjuaqutini sivulliqpautitauqujaujunut.”
Natan Obed, Angijuqqaaq Inuit Tapiriit Kanatami
Qanuillattaarniujunut saqqitausimajut
Inuit-Canadami Gavamakkut Piliriqatigiingninginnut Katimaralaangujut pigiaqtitausimalilauqtut tunngavviqaqtitaullutik maligaqutinut naliqqauqatigiiklutik piliriqatigiingniarningita Inuit ammalu Canadami Gavamakkut taimaujariaqarningita saimmaqatigiiksimalirniksamut piliriangujunut. Katimajiralaangujut ukiuq atuqpalliatillugu pingasuiqsutik katingmaniqaqpaktut. Ukiuq atausiiqsugu iksivautauqatigiikpaktut Canadami Angijuqqaarjuaq ammalu Angijuqqaangujuq Inuit Tapiriikkunnut Kanatami.
Katimajiralaangujut ukuninga ilaqarmijut, atainnaqtumik, angijuqqaarijaujut Inuit Ukiuqtaqtumi Katimajingit Canadami, Canadami Makkuktut Inuit Katimajirjuangit, ammalu Pauktuutit Arnait Inuit Canadami.
Inuit Nunangat Inungnit nunagijaujutuqauvuq Canadami. Avatigijalimaangini nunaup, imait, ammalu sikuit Inuit nunalirinirmi aviktuqsimanirijanginni Inuvialuit Aviktuqsimaningani Nunatsiarmi, Nunavutmi, Nunavikmi Quebec Taqrangani, ammalu Nunatsiavutmi Ukiuqtaqtungani Labrador.