ᔫᓂ 1, 2021 – ᐊᕕᒃᑐᖅᓯᒪᔪᓂᒃ ᑲᑐᔾᔨᖃᑎᒌᑦ ᑎᓴᒪᓂᒃ ᐊᕕᒃᑐᖅᓯᒪᔪᓂᒃ ᐃᓄᐃᑦ ᓄᓇᖕᒐᓂ, ᐃᑲᔪᖅᑕᐅᓪᓗᑎᒃ ᐃᓄᐃᑦ ᑕᐱᕇᑦ ᑲᓇᑕᒥᒃᑯᓐᓂ (ITK), ᐃᓄᐃᑦ ᐅᑭᐅᖅᑕᖅᑐᒥ ᑲᑐᔾᔨᖃᑎᒌᑦ (ICC) ᑲᓇᑕᒥ, ᐊᒻᒪᓗ ᐅᑭᐅᖅᑕᖅᑐᒥᒃ ᑐᑭᓯᓂᐊᖃᑎᒌᓂᒃ, ᖁᕕᐊᓱᒃᐳᑦ ᑐᓴᖅᑎᑦᑎᓂᕐᒥ ᓯᕗᓪᓕᖅᐹᑦ 11-ᖑᔪᑦ ᐱᓕᕆᐊᒃᓴᐅᔪᓂᒃ ᑮᓇᐅᔭᖅᑖᖅᑎᑕᐅᔪᑦ ᓄᑖᒥᑦ−ᐋᖅᑭᒃᑕᐅᔪᒥᒃ ᐃᓄᐃᑦ ᓄᓇᖕᒐᓂ ᖃᐅᔨᓴᕐᓂᕐᒧ ᐱᓕᕆᐊᒃᓴᐅᔪᒥ (INRP). ᐃᓄᐃᑦ ᓄᓇᖕᒐᓂ ᖃᐅᔨᓴᕐᓂᕐᒧ ᐱᓕᕆᐊᒃᓴᖅ (INRP) ᓯᕗᒻᒧᒃᑎᑦᑎᔪᖅ ᐃᓄᐃᑦ ᓇᖕᒥᓂᖅ ᐱᓕᕆᐊᖃᕈᒪᓂᖏᓐᓂᒃ ᖃᐅᔨᓴᕐᓂᑎᒍ ᓴᖅᑭᑦᑎᓪᓗᑎᒃ ᐃᓂᒃᓴᒥᑦ ᐃᓄᖕᓄ ᐋᖅᑭᒃᓱᐃᓂᕐᒥ ᖃᐅᔨᓴᕐᓂᕐᒧ ᐱᓕᕆᐊᒃᓴᐅᔪᓂᒃ, ᐱᕙᓪᓕᐊᑎᑦᑎᓂᕐᒥ ᐃᑲᔪᖅᑎᒌᖑᔪᓂᒃ ᐊᔪᕈᓐᓃᖅᐸᓪᓕᐊᓂᕐᒧ ᐱᕈᖅᑎᑦᑎᓂᕐᒥ, ᐊᒻᒪᓗ ᓴᙱᓂᖅᑖᖅᑎᑦᑎᓪᓗᑎᒃ ᐊᒃᑐᐃᓂᖏ ᐊᒻᒪᓗ ᐱᓕᕆᑦᑎᐊᕐᓂᕐᖏᓐᓂ ᐃᓄᐃᑦ ᓄᓇᖓᓂ ᖃᐅᔨᓴᕐᓂᕐᒥ ᐃᓄᖕᓄ ᑐᕌᖓᔪᓄᑦ. ᐊᐅᓚᑕᐅᓪᓗᓂ ᐃᓄᐃᑦ ᓄᓇᑖᕈᑎᖏᓐᓂ ᑲᑐᔾᔨᖃᑎᒌᖑᔪᓂᒃ ᑎᓴᒪᓂᒃ ᐊᕕᒃᑐᖅᓯᒪᔪᓂᒃ ᐃᓄᐃᑦ ᓄᓇᖕᒐᓂᙶᖅᑐᓂᒃ, ᑖᓐᓇ ᐱᓕᕆᐊᒃᓴᖅ ᓯᕗᓪᓕᖅᐹᖑᔪᖅ ᓄᓇᕐᔪᐊᒥ ᐃᓄᖕᓄᑦ−ᐊᐅᓚᑕᐅᔪᓂᑦ, ᓯᕗᓕᖅᑕᐅᓪᓗᓂ, ᐊᒻᒪᓗ ᒪᓕᒐᓕᐅᖅᑕᐅᓪᓗᓂ ᖃᐅᔨᓴᕐᓂᕐᒧ ᐱᓕᕆᐊᒃᓴᐅᔪᖅ.
“ᐃᓄᖕᓄᑦ−ᐊᐅᓚᑕᐅᔪᓂᑦ ᖃᐅᔨᓴᕐᓂᖅ ᓄᓇᓕᖕᓄ ᐃᑲᔫᑎᓂᐊᖅᑐᖅ,” ᐅᖃᖅᑐᖅ ᑳᓚ ᐸᒪᒃ, ᐃᓄᐃᑦ ᖃᐅᔨᓴᕐᓂᕐᒧ ᐅᖃᐅᔾᔪᖅᓱᐃᔨ ᓄᓇᑦᓯᐊᕗᒻᒧ ᐊᒻᒪᓗ ᐃᒃᓯᕙᐅᑕᕆᔭᐅᓪᓗᓂ ᐅᑭᐅᖅᑕᖅᑐᒥᒃ ᑐᑭᓯᓂᐊᖃᑎᒌᓂᒃ ᐃᓄᐃᑦ ᐅᖃᐅᔾᔪᖅᓱᐃᔨ ᑲᑎᒪᔨ (IAC), ᐊᑐᓕᖁᔨᓚᐅᖅᖢᑎᒡᓗ ᐱᓕᕆᐊᒃᓴᐅᔪᓂᒃ ᑮᓇᐅᔭᖃᖅᑎᑕᐅᓂᕐᒧ.
ᐃᓄᐃᑦ ᓄᓇᖕᒐᓂ, ᐃᓄᐃᑦ ᖃᐅᔨᓴᕐᓂᕐᒧ ᐱᓕᕆᐊᖃᕐᓂᕐᒥ ᐃᓚᐅᖃᑕᐅᕙᓪᓕᐊᔪᑦ ᐊᒻᒪᓗ ᖃᐅᔨᓴᕐᓂᕐᒥ ᐱᓕᕆᕙᓪᓕᐊᓪᓗᑎᒃ ᐃᓄᖕᓄ ᐊᑑᑎᖃᖅᑐᓂᒃ ᐊᒻᒪᓗ ᓯᕗᓪᓕᐅᑎᑕᐅᔪᓂᒃ. ᐃᓄᖕᓄᑦ−ᐊᐅᓚᑕᐅᔪᓂᑦ ᐱᓕᕆᐊᒃᓴᐅᔪᑦ ᐃᓚᖃᖅᑐᑦ ᖃᓄᐃᓐᓂᐅᔪᑦ ᐅᑯᓂᖓ ᐱᔾᔪᑎᖃᖅᑐᓂᒃ ᐆᒪᔪᓕᕆᓂᖅ, ᐅᖃᐅᓯᕐᓂᒃ, ᐋᓐᓂᐊᖃᕐᓇᙱᑦᑐᓕᕆᓂᕐᒥ ᐊᒻᒪᓗ ᐊᓯᖏᑦ ᐅᓄᖅᑐᓂᒃ.
ᐃᓄᐃᑦ ᐅᖃᐅᔾᔪᖅᓱᐃᔨ ᑲᑎᒪᔨᒃᑯᑦ (IAC) ᐱᒃᑯᒍᓱᒃᐳᑦ ᑕᒪᕐᒥ ᖃᐅᔨᓴᖅᑎᐅᔪᓂᒃ ᐃᓚᐅᖃᑕᐅᔪᓂᒃ ᓯᕗᒻᒧᒃᑎᑦᑎᓂᕐᒥ ᖃᐅᔨᓴᕐᓂᕐᒧ ᐱᔪᒪᓂᖃᖅᑐᓂᒃ ᐃᓄᖕᓅᖓᔪᓂᒃ ᑲᓇᑕᒥ. ᑖᓐᓇ ᓯᕗᓪᓕᖅᐹᖅ ᐱᔪᒪᓂᐅᔪᖅ ᑐᒃᓯᖅᑑᑎᓂᒃ ᐅᓄᖅᑐᓂᒃ ᐱᓚᐅᖅᑐᖅ ᖁᕝᕙᓯᒃᑐᓂᒃ−ᐱᐅᔪᓂᒃ ᖃᐅᔨᓴᕐᓂᐅᔪᓂᒃ ᐃᓄᖕᓄᑦ ᐱᒻᒪᕆᐅᔪᓂᒃ ᐊᒻᒪᓗ ᐃᓄᐃᑦ ᐅᖃᐅᔾᔪᖅᓱᐃᔨ ᑲᑎᒪᔨᒃᑯᑦ (IAC) ᑕᑯᔪᒪᕗᑦ ᑕᒃᖠᒋᐊᖅᑕᐅᔪᒥᒃ ᑖᔅᓱᒥᖓ ᐱᕕᒃᓴᐅᔪᒥᒃ ᓯᕗᓂᑦᑎᓐᓂ ᐃᓄᐃᑦ ᖃᐅᔨᓴᖅᑎᐅᓂᐊᖅᑐᓄᑦ.
“ᐱᒃᑯᓇᖅᐳᑦ ᑕᒪᕐᒥᒃ ᑮᓇᐅᔭᖃᖅᑎᑕᐅᓂᕐᒧ ᑐᓂᔭᐅᔪᑦ ᐃᓕᓴᕆᔭᐅᔪᖅ ᑕᒪᑐᒧᖓ ᑐᒃᓯᖅᑑᑎᑖᕐᓂᐅᔪᒧ. ᓴᓇᓂᕆᔭᐃᑦ ᐱᕚᓪᓕᖅᑎᑦᑎᔪᖅ ᐅᕙᑦᑎᓐᓂ ᑕᒪᐃᓐᓂ ᖁᕝᕙᕆᐊᖅᑎᑦᑎᓂᕐᑯᑦ ᐃᓄᖕᓄᑦ−ᐊᐅᓚᑕᐅᔪᓂᑦ ᐊᑐᐃᓐᓇᐅᔪᓂᒃ ᖃᐅᔨᓴᕐᓂᕐᒧ ᐊᒻᒪᓗ ᐃᑲᔪᖅᖢᑎᒃ ᐱᐅᓂᖅᓴᒥᒃ ᐃᓱᒪᓕᐅᕆᓂᕐᒥ ᐊᑲᐅᙱᓕᐅᕈᑎᓂᒃ ᐃᓄᖕᓂ ᐊᒃᑐᐃᔪᓂᒃ.” ᐅᖃᖅᐳᖅ ᐃᓄᐃᑦ ᑕᐱᕇᑦ ᑲᓇᑕᒥᒃᑯᓐᓄ (ITK) ᐊᖓᔪᖅᑳᖅ ᓇᐃᑕᓐ ᐆᐱᐊᑦ.
ᐃᓄᐃᑦ ᑕᐱᕇᑦ ᑲᓇᑕᒥ (ITK) ᐱᓕᕆᐊᖓᓂᒃ ᐆᒥᖓ ᑲᓇᑕᒥ ᐃᓄᐃᑦ ᖃᐅᔨᓴᖅᑐᓕᕆᓂᒃᑯᑦ ᖃᓄᐃᓕᐅᕈᑎᒃᓴᖏᓐᓂᒃ (NISR) ᒪᓕᒃᓯᒪᓪᓗᓂ, ᐅᓇ ᐱᓕᕆᐊᒃᓴᖅ ᐃᑲᔪᖅᑐᐃᓯᒪᔪᖅ ᐃᓄᐃᑦ ᓇᖕᒥᓂᖅ ᐱᓇᓱᖕᓂᖏᓐᓂᒃ ᐋᖅᑭᒃᓱᐃᓇᓱᒃᑎᓪᓗᒋᑦ ᒪᑐᒥᖓᓗ ᓯᓚᐅᑉ ᐊᓯᙳᖅᐸᓪᓕᐊᓂᖓᓄ ᐱᓕᕆᐊᖃᖅᐸᓪᓕᐊᑎᓪᓗᒋ ᐅᑭᐅᕐᑕᖅᑐᕐᒥ. ᐅᓇ ᓯᕗᒧᑦ ᐱᕚᓪᓕᕈᑎᐅᔪᖅ ᐃᓄᐃᑦ ᒐᕙᒪᓕᕆᔪᓐᓇᕐᓂᖏᑦᑎᒍᑦ ᖃᐅᔨᓴᖅᑐᓕᕆᓂᒃᑯᑦ, ᐃᓄᖕᓂ ᐃᓚᐅᑎᑦᑎᖃᑦᑕᕐᓗᑎᒃ ᐊᒻᒪᓗ ᐋᖅᑭᒃᓱᐃᖃᑕᐅᕙᒡᓗᑎᒃ, ᐊᒻᒪᓗ ᐱᓕᕆᔨᖃᒃᑲᓐᓂᕋᓱᖕᓗᑎᒃ ᒪᐅᓇ ᐊᔪᕈᓐᓃᖅᓴᕈᑎᖃᕐᓂᒃᑯᑦ ᐊᒻᒪᓗ ᐱᓕᕆᖃᑎᖃᖃᑦᑕᕐᓂᒃᑯᑦ, ᐊᒻᒪᓗ ᐱᓕᕆᖃᑎᖃᖃᑦᑕᕐᓂᕐᒥᒃ ᐊᑐᖅᐸᒡᓗᑎᒃ ᓴᙱᒃᑎᑉᐹᓪᓕᕈᑎᐅᔪᓐᓇᖅᑐᓂᒃ ᐊᑐᕈᓐᓇᖅᑐᑎᒍᓪᓗ ᐃᓄᐃᑦ ᓄᓇᖕᒐᓂ ᖃᐅᔨᓴᖃᕐᑕᕐᓂᖅᒥᒃ ᐊᐅᓚᑕᐅᔪᓂᒃ ᐊᒻᒪᓗ ᐱᓕᕆᐊᖑᔪᓄᑦ ᐃᓄᖕᓄᑦ.
ᖃᐅᔨᒃᑲᓐᓂᕈᓐᓇᖅᑐᑎᑦ ᐱᓕᕆᐊᒃᓴᓂᒃ ᐃᑲᔫᓯᐊᖃᖅᑎᑕᐅᔪᓂᒃ ᐅᕘᓇ ᐃᓄᐃᑦ ᓄᓇᖓᓂᒃ ᖃᐅᔨᓴᖅᑐᓕᕆᓂᕐᒧᑦ ᐱᓕᕆᐊᒃᓴᒃᑯᑦ (INRP)
ᐅᑭᐅᕐᑕᖅᑐᕐᒥᒃ ᐊᒻᒪ ᑲᓇᑕᐅᑉ ᐅᐊᖕᓇᖓᓂ, ᐃᓄᐃᑦ ᐊᐅᓚᑦᑎᓂᖅᓴᐅᕙᓪᓕᐊᓕᕐᒪᑕ ᖃᐅᔨᓴᕐᓂᖅᒧᑦ ᐱᓕᕆᔾᔪᓯᐅᕐᓂᒃ ᐊᒻᒪᓗ ᑲᒪᒋᔭᖃᕐᓂᖅᓴᐅᓕᖅᖢᑎᒃ ᖃᐅᔨᓴᒐᒃᓴᓂᒃ ᐊᑑᑎᓕᖕᓂᒃ ᐊᒻᒪ ᓯᕗᓪᓕᐅᑎᑕᐅᔪᓂᒃ ᐃᓄᐃᑦ ᓄᓇᖓᓂᒃ ᒪᐅᓇ ᓄᑖᒃᑯᑦ ᐃᓄᐃᑦ ᓄᓇᖓᓂᒃ ᖃᐅᔨᓴᖅᑐᓕᕆᓂᕐᒧᑦ ᐱᓕᕆᐊᒃᓴᒃᑯᑦ (INRP). ᐅᓇ ᐃᓄᐃᑦ ᓄᓇᖓᓂᒃ ᖃᐅᔨᓴᖅᑐᓕᕆᓂᕐᒧᑦ ᐱᓕᕆᐊᒃᓴᖅ (INRP) ᓯᕗᓪᓕᖅᐹᖅ ᐃᓄᖕᓄᑦ ᐊᐅᓚᑕᐅᓪᓗᓂ, ᑐᑭᒧᐊᖅᑕᐅᓪᓗᓂ, ᐊᒻᒪᓗ ᒐᕙᒪᒃᑰᖓᓪᓗᓂ ᖃᐅᔨᓴᕐᓂᖅᒧᑦ ᐱᓕᕆᐊᖑᔪᖅ ᓄᓇᕐᒧᐊᕐᒥ.
ᐃᓄᐃᑦ ᑕᐱᕇᑦ ᑲᓇᑕᒥ (ITK) ᐱᓕᕆᐊᖓᓂᒃ ᐆᒥᖓ ᑲᓇᑕᒥ ᐃᓄᐃᑦ ᖃᐅᔨᓴᖅᑐᓕᕆᓂᒃᑯᑦ ᖃᓄᐃᓕᐅᕈᑎᒃᓴᖏᓐᓂᒃ (NISR) ᒪᓕᒃᓯᒪᓪᓗᓂ, ᐅᓇ ᐱᓕᕆᐊᒃᓴᖅ ᐃᑲᔪᖅᑐᐃᓯᒪᔪᖅ ᐃᓄᐃᑦ ᓇᖕᒥᓂᖅ ᐱᓇᓱᖕᓂᖏᓐᓂᒃ ᐋᖅᑭᒃᓱᐃᓇᓱᒃᑎᓪᓗᒋᑦ ᒪᑐᒥᖓᓗ ᓯᓚᐅᑉ ᐊᓯᙳᖅᐸᓪᓕᐊᓂᖓᓄ ᐱᓕᕆᐊᖃᖅᐸᓪᓕᐊᑎᓪᓗᒋ ᐅᑭᐅᕐᑕᖅᑐᕐᒥ. ᐅᓇ ᓯᕗᒧᑦ ᐱᕚᓪᓕᕈᑎᐅᔪᖅ ᐃᓄᐃᑦ ᒐᕙᒪᓕᕆᔪᓐᓇᕐᓂᖏᑦᑎᒍᑦ ᖃᐅᔨᓴᖅᑐᓕᕆᓂᒃᑯᑦ, ᐃᓄᖕᓂ ᐃᓚᐅᑎᑦᑎᖃᑦᑕᕐᓗᑎᒃ ᐊᒻᒪᓗ ᐋᖅᑭᒃᓱᐃᖃᑕᐅᕙᒡᓗᑎᒃ, ᐊᒻᒪ ᐱᓕᕆᔨᖃᒃᑲᓐᓂᕋᓱᖕᓗᑎᒃ ᒪᐅᓇ ᐊᔪᕈᓐᓃᖅᓴᕈᑎᖃᕐᓂᒃᑯᑦ ᐊᒻᒪ ᐱᓕᕆᖃᑎᖃᖃᑦᑕᕐᓂᒃᑯᑦ, ᐊᒻᒪᓗ ᐱᓕᕆᖃᑎᖃᖃᑦᑕᕐᓂᕐᒥᒃ ᐊᑐᖅᐸᒡᓗᑎᒃ ᓴᙱᒃᑎᑉᐹᓪᓕᕈᑎᐅᔪᓐᓇᖅᑐᓂᒃ ᐊᑐᕈᓐᓇᖅᑐᑎᒍᓪᓗ ᐃᓄᐃᑦ ᓄᓇᖓᓂ ᖃᐅᔨᓴᖃᕐᑕᕐᓂᖅᒥᒃ ᐊᐅᓚᑕᐅᔪᓂᒃ ᐊᒻᒪ ᐱᓕᕆᐊᖑᔪᓄᑦ ᐃᓄᖕᓄᑦ.
ᖃᐅᔨᓴᕐᓂᖅ ᐃᖃᓗᖕᓂᒃ ᐃᖃᓗᒃᑕᐅᕙᓪᓕᐊᔪᓂᒃ ᐊᒻᒪ ᐱᑕᖃᕐᓂᖓᓄᑦ ᖃᐅᔨᓴᕐᓂᖅᒥᒃ ᐊᒻᒪᓗ ᐅᑭᐅᒃᑯᑦ ᐱᑕᖃᕈᓐᓃᖅᐸᖕᓂᖏᓐᓂᒃ ᑕᓯᕐᔪᐊᕈᓯᕐᒥᒃ
ᐱᓕᕆᐊᒧᑦ ᐊᖓᔪᖅᑳᖅ: ᓄᐊ ᐃᑐᒃ
ᐋᖅᑭᒃᓱᐃᓗᑎᒃ ᓄᓇᓕᖕᓂ ᖃᐅᔨᓴᕈᑎᐅᓂᐊᖅᑐᒧᑦ ᐱᓕᕆᐊᒃᓴᒥᒃ ᐃᖃᓗᖕᓄᑦ, ᐃᑐᒃ ᐊᒻᒪ ᖃᐅᔨᓴᖃᑎᒋᓂᐊᖅᑕᖏᑦ ᑐᙵᕕᒃᓴᓕᐅᕈᑎᒃᓴᓕᐅᕐᓂᐊᖅᑐᑦ ᐃᖃᓗᐃᑦ ᖃᐅᔨᓴᖅᑕᐅᓂᖏᑦᑎᒍᑦ ᐅᓄᕐᓂᕆᔭᖏᓐᓂᒃ ᐅᕙᓂ ᑲᖏᕐᓱᒃ, ᑯᐸᐃᒃᒥᑦ.
ᐊᐃᕖᑦ ᖃᓄᐃᙱᑦᑑᓂᖏᑦ ᐊᒻᒪ ᐅᓄᕐᓂᖏᓐᓄᑦ ᖃᓄᐃᓕᖓᓂᒃ ᐅᓇᐅᑎᓪᓗᒍ ᓯᓚᐅᑉ ᐊᓯᒍᖅᐸᓪᓕᐊᓂᖓ
ᐱᓕᕆᐊᒧᑦ ᐊᖓᔪᖅᑳᖅ: ᒪᑎᐅᑕ ᓚᐳᐊᐃᓐ ᓴᐃ-ᐱᐊ
ᐊᑐᕐᓗᑎᒃ ᓄᓇᙳᐊᓕᕆᓂᕐᒥᒃ, ᒫᓐᓇ ᑲᑎᕐᓱᖅᑕᐅᓯᒪᔪᓂᒃ ᐋᖅᑭᒃᓱᐃᕙᓪᓕᐊᓂᖅ, ᐊᒻᒪᓗ ᐃᓕᖅᑯᓯᒃᑯᑦ ᖃᐅᔨᒪᔭᐅᔪᓂᒃ ᐊᑐᕐᓗᑎᒃ, ᓚᐳᐊᐃᓐ ᓴᐃ-ᐱᐊ ᐊᒻᒪ ᐱᓕᕆᖃᑎᖏᑦ ᓇᓗᓇᐃᖅᓯᔪᒪᔪᑦ ᐊᐃᕕᕐᓂᒃ ᐋᓐᓂᐊᖃᖅᑐᓂᒃ ᓂᕿᖏᑦᑎᒍᑦ 6-ᓂᒃ ᓯᒡᔭᒦᑦᑐᓂᒃ ᓄᓇᓕᖕᓂᒃ ᓄᓇᕕ, ᑯᐸᐃᒃᒥᑦ.
ᒪᕐᕋᓕᒃ ᕿᓚᓗᒐᕐᓄᑦ ᐃᓂᒋᔭᐅᕙᒃᑐᒧᑦ ᐱᓕᕆᐊᒃᓴᖅ
ᐱᓕᕆᐊᒧᑦ ᐊᖓᔪᖅᑳᖅ: ᔭᐃᒥᓯ ᒪᐃ
ᐊᑐᕐᓗᑎᒃ ᐅᓗᕆᐊᓇᙱᑦᑐᓂᒃ ᖃᐅᔨᓴᕈᑎᒃᓴᓕᕆᓂᖅᒥᒃ, ᒪᐃ ᐊᒻᒪ ᐱᓕᕆᖃᑎᖏᑦ ᓄᐊᑦᑎᕙᓪᓕᐊᓂᐊᖅᑐᑦ ᕿᓚᓗᒐᐃᑦ ᑭᓲᓂᖏᓐᓄᑦ ᓇᓗᓇᐃᒃᑯᑎᓂᒃ ᒫᓃᑦᑐᓂᒃ ᒪᕐᕋᓕᒃ ᕿᓚᓗᒐᕐᓄᑦ ᐃᓂᒋᔭᐅᔪᒥᒃ, ᑯᐸᐃᒃ, ᐅᑯᓄᖓ ᐃᖃᓗᓕᕆᔨᒃᑯᓐᓄᑦ ᐊᒻᒪ ᑕᕆᐅᕐᒥᐅᑕᓕᕆᔨᒃᑯᓐᓄᑦ ᑲᓇᑕᒥ. ᐅᑯᐊ ᖃᐅᔨᓴᖅᑕᐅᔪᒃᓴᑦ ᐃᑲᔪᕈᑎᐅᑐᐃᓐᓇᕆᐊᖃᖅᑐᑦ ᖃᐅᔨᓴᕈᑎᒋᔭᐅᓗᓂ ᐊᖑᓇᓱᖁᔨᙱᔾᔪᑎ ᕿᒥᕐᕈᐊᖅᑕᐅᒃᑲᓐᓂᕈᓐᓇᖁᓪᓗᒍ ᐊᒻᒪᓗ ᐱᐅᓯᕚᓪᓕᖅᑎᑦᑎᔪᓐᓇᕐᓗᑎᒃ ᓂᕿᖃᕈᓐᓇᕐᓂᖅᒥᒃ ᓄᓇᓕᖕᓂ ᖃᓂᑦᑐᒦᑦᑐᓂᒃ.
Kaujivalliajut nillikulunnik | ᖃᐅᔨᕙᓪᓕᐊᔪᑦ ᓂᕐᓕᑯᓗᓐᓂᒃ
ᐱᓕᕆᐊᒧᑦ ᐊᖓᔪᖅᑳᖅ: ᒥᐅᕆᑎᑦ ᐳᓯᐊᓪ
ᐳᓯᐊᓪ ᐱᓕᕆᖃᑎᖏᓪᓗ ᐱᓇᓱᒍᒪᔪᑦ “ᖃᐅᔨᒪᓕᕐᓗᑎᒃ” ᓂᕐᓕᕐᓂ ᐊᖏᓗᐊᙱᓐᓂᖅᓴᓂᒃ, ᓂᕐᓖᑦ ᓄᓇᑦᓯᐅᕗᑦᒧᑦ ᑎᑭᖃᑦᑕᓕᑕᐃᓐᓇᖅᑐᑦ, ᓂᐅᕙᐅᓐᓛᓐ, ᒪᐅᓇ ᐊᔾᔨᒌᙱᑦᑑᑎᒃᑯᑦ ᐆᒪᔪᓂᒃ ᖃᐅᔨᓴᕈᑎᐅᕙᒃᑐᓂᒃ ᐊᑐᕐᓗᑎᒃ ᐊᒻᒪᓗ ᐊᔪᕈᓐᓃᖅᓴᖅᑎᑦᑎᓗᑎᒃ ᓄᓇᓕᖕᓃᑦᑐᓂᒃ.
ᖃᐅᔨᓴᖃᑦᑕᕐᓂᖅ ᓂᕐᓖᑦ ᐱᔭᐅᕙᖕᓂᖏᓐᓂᒃ ᓂᕿᒃᓴᐅᓂᐊᕐᓗᑎᒃ ᐊᕐᕕᐊᓂᒃ
ᐱᓕᕆᐊᒧᑦ ᐊᖓᔪᖅᑳᖅ: ᑯᑭᑦ ᐸᐃᑯ
ᐅᕙᓂ ᐱᓕᕆᐊᒃᓴᒥ. ᐊᖅᑭᐅᒪᕝᕕᒃ ᑲᑐᔾᔨᖃᑎᒌᖏᑦ ᐊᕐᕕᐊᑦ, ᓄᓇᕗᒥᑦ, ᖃᐅᔨᓴᕐᓂᐊᖅᑐᑦ ᐊᓯᐊᒎᕈᑎᐅᔪᓐᓇᖅᑐᓂᒃ ᓂᕐᓕᕐᓂ ᓂᕆᔭᒃᓴᖅᑖᕋᓱᖕᓂᖅᒥᒃ ᐊᒻᒪᓗ ᒪᓐᓂᖕᓂᒃ ᐆᒧᖓ ᐃᓱᒫᓘᑎᒋᔭᐅᔪᒧᑦ ᓂᕐᓖᑦ ᐅᓄᕐᓯᕙᓪᓕᐊᓂᖏᓐᓂᒃ ᐊᒻᒪᓗ ᓂᕿᖃᒃᑲᓐᓂᕈᓐᓇᕐᓂᖅᒥᒃ ᑕᒫᓂ.
ᕼᐃᓚᑉ ᐊᐅᓪᓛᓃᑦ ᖃᓄᖅ ᐊᑕᔪᑦ (The World and its Connections)
ᐱᓕᕆᐊᒧᑦ ᐊᖓᔪᖅᑳᖅ: ᐹᒥᓚ ᕼᐊᒍᓇᒃ ᒍᕉᔅ
ᑐᑭᒧᐊᖅᑕᐅᕙᓪᓕᐊᔪᖅ ᐃᓐᓇᑐᖃᕐᓄᑦ ᐊᒻᒪ ᐃᓄᐃᓐᓇᖅᑐᓐ ᖃᒪᔨᒪᑦᑎᐊᖅᑐᓄᑦ ᐃᖃᓗᒃᑑᑦᑎᐊᖅ, ᓄᓇᕗᒥᑦ, ᐅᓇ ᐱᓕᕆᐊᒃᓴᖅ ᐱᓕᕆᐊᖃᕈᑎᐅᔪᖅ ᐊᕙᑎᓕᕆᓂᖅᒧᑦ ᐅᖃᐅᓯᕐᓂᒃ ᐊᒻᒪ ᖃᐅᔨᒪᔭᐅᔪᓂᒃ ᐋᖅᑭᒃᓱᐃᕙᓪᓕᐊᓂᐊᕐᓗᑎᒃ ᐊᕙᑎᓕᕆᓂᒃᑯᑦ ᐅᖃᐅᓯᐅᕙᒃᑐᓂᒃ ᐃᓄᐃᓐᓇᖅᑐᓐ.
ᐃᖃᓗᐃᑦ ᖃᓄᐃᙱᓐᓂᖏᑦ ᖁᓪᓗᖅᑑᖅ, ᓄᓇᕗᑦ ᖃᓂᒋᔭᖓᓂ
ᐱᓕᕆᐊᒧᑦ ᐊᖓᔪᖅᑳᖅ: ᐃᐅᕆᒃ ᕼᐃᑯᑭᒃ
ᕼᐃᑯᑭᒃ ᐊᒻᒪ ᐱᓕᕆᖃᑎᒋᔭᖏᑦ ᖃᐅᔨᓴᕐᓂᐊᖅᑐᑦ ᐃᖃᓗᐃᑦ ᖃᓄᐃᑦᑕᕆᐊᒃᓴᖏᓐᓂᒃ ᐊᒻᒪ ᐱᐅᑎᒋᓂᖏᓐᓂᒃ ᑕᓯᕐᓂᒃ ᐊᒻᒪ ᑰᖕᓂᒃ ᐃᖃᓗᒐᓱᒡᕕᐅᕙᒃᑐᓂᒃ ᖁᒡᓗᖅᑑᖅ, ᓄᓇᕗᒥᑦ ᐃᒪᕐᓂ ᖃᐅᔨᓴᑲᑕᒡᓗᑎᒃ, ᐱᐅᔪᓐᓃᕈᑎᐅᔭᑦᑐᓂᒃ ᐊᒻᒪᓗ ᐃᖃᓗᒐᓱᖕᓂᐅᕙᒃᑐᓂᒃ.
ᐃᒪᐅᑉ ᐃᓗᐊᒍᑦ ᓂᐱᓂᒃ ᖃᐅᔨᓴᑲᑕᖕᓂ ᖃᖏᖅᑐᒑᐱᒃ, ᓄᓇᕗᒥᑦ
ᐱᓕᕆᐊᒧᑦ ᐊᖓᔪᖅᑳᖅ: ᒫᑲᒻ ᕌᓐᑕ
ᑕᕝᕙᓂᓕ ᐱᓕᕆᐊᒃᓴᒥᓐ, ᑲᖏᖅᑐᒑᐱᖕᒥᐅᑦ, ᓄᓇᕗᒥᑦ, ᐱᒋᐊᖅᑎᑦᑎᔪᒪᖕᒪᑕ ᐃᒪᐅᑉ ᐃᓗᐊᒍᑦ ᓂᐱᓂᒃ ᖃᐅᔨᓴᑲᑕᖕᓂᖅᒥᒃ ᐃᓚᖃᕐᓗᓂ ᐃᓄᐃᑦ ᖃᐅᔨᒪᔭᑐᖃᖏᓐᓂᒃ ᑐᙵᕕᖃᕈᓐᓇᕐᓯᓂᐊᕐᒪᑕ ᑐᑭᓯᕙᓪᓕᐅᔾᔪᑎᐅᓕᕐᓂᐊᖅᑐᓂᒃ ᑕᕆᐅᑉ ᓂᐱᖃᕈᓯᖏᓐᓂᒃ ᐊᒻᒪᓗ ᐊᓯᙳᖅᐸᓪᓕᐊᔪᓂᒃ ᖃᐅᔨᓴᖃᑦᑕᕐᓗᑎᒃ.
ᐃᒪᕐᒥ ᖃᐅᔨᓴᖅᑕᐅᔪᒃᓴᓕᕆᓂᖅ ᐊᕙᑎᓕᕆᓂᖅᒧᑦ ᑐᙵᕕᖃᓕᕈᓐᓇᕈᒪᓪᓗᑎᒃ ᑰᖑᔪᑦ ᖃᓄᐃᓕᖓᓂᖏᓐᓂᒃ ᐃᖃᓗᖃᖅᑐᑦ ᓇᐅᔮᑦ ᖃᓂᒋᔭᖓᓃᑦᑐᓂᒃ
ᐱᓕᕆᐊᒧᑦ ᐊᖓᔪᖅᑳᖅ: ᔮᓂ ᑕᒍᕐᓈᖅ
ᑕᒍᕐᓈᖅ ᐊᒻᒪ ᖃᐅᔨᓴᖃᑎᖏᑦ ᖃᐅᔨᓴᕐᓂᐊᖅᑐᑦ ᖃᓄᐃᓕᖓᓂᖏᓐᓂᒃ ᑰᖕᓄᑦ, ᑕᓯᕐᓄᑦ, ᐊᒻᒪᓗ ᓯᒡᔭᖅᐸᓯᖕᓃᑦᑐᑦ ᐊᕙᑎᖏᓐᓂᒃ ᐃᓱᒪᒋᓪᓗᒍ ᐃᖃᓗᐃᑦ ᐊᓯᐊᓄᙶᐅᖃᑦᑕᕐᓂᖏᓐᓂᒃ ᐅᑭᐅᕐᑯᑦ, ᐅᐱᕐᖔᒃᑯᑦ, ᐊᒻᒪ ᐊᐅᔭᒃᑯᑦ.
ᕿᓚᓗᒐᐃᑦ ᐱᔭᐅᔪᓐᓇᖅᓯᒃᑲᓐᓂᕐᓂᖏᑦ ᐊᒃᓛᕕᒃ, ᓄᓇᑦᓯᐊᕐᒥᓐ
ᐱᓕᕆᐊᒧᑦ ᐊᖓᔪᖅᑳᖅ: ᒥᓯᐊᓪ ᒍᕉᐸᓐ
ᑐᙵᓱᒃᑎᑦᑎᔨᐅᓂᐊᕐᓗᑎᒃ ᐱᖓᓱᓂᒃ ᐱᓇᓱᐊᕈᓯᕐᓂᒃ ᓄᓇᐃᓐᓇᕐᒥ ᐊᐅᓪᓛᖅᓯᒪᔪᓂᒃ, ᒍᕉᐸᓐ ᐊᒻᒪ ᐱᓕᕆᖃᑎᒋᔭᖏᑦ ᑲᑎᕐᓱᐃᓂᐊᕐᒪᑕ ᑭᖑᕚᕇᖑᔪᑦ ᓄᓇᒧᑦ ᖃᐅᔨᒪᔭᖏᓐᓂᒃ ᐊᒻᒪᓗ ᕿᓚᓗᒐᕋᓱᖕᓂᖅ ᐱᒋᐊᖅᑎᑕᐅᒃᑲᓐᓂᕐᓗᓂ ᐊᒃᓛᕕᒃ, ᓄᓇᑦᓯᐊᕐᒥᓐ.
ᑐᑭᓯᓯᒪᓂᖅ ᐃᓅᖃᑎᒌᖕᓂᒃᑯᑦ ᐊᑐᖅᑕᐅᕙᒃᑐᓂᒃ ᐃᓄᕕᐊᓗᐃᑦ ᓄᓇᖏᓐᓂᒃ ᐃᑲᔪᕈᑎᐅᓇᓱᒡᓗᓂ ᐊᐃᑦᑑᑎᐅᔭᑦᑐᓂᒃ ᐋᓐᓂᐊᕆᔭᐅᕙᒃᑐᓂᒃ ᐊᐃᑦᑐᖅᓯᑦᑕᐅᓕᓂᖅᒥᒃ ᐊᒻᒪ ᐊᐅᓚᑦᑎᓂᖅᒥᒃ
ᐱᓕᕆᐊᒧᑦ ᐊᖓᔪᖅᑳᖅ: ᔭᓐ ᐱᐅᕋᑦ
ᐃᓄᕕᐊᓗᐃᑦ ᐊᕕᒃᑐᕐᓯᒪᓂᒃᑯᑦ ᑯᐊᐳᕇᓴᓐᑯᑦ ᐊᑐᕐᓂᐊᕐᒪᑕ ᖃᐅᑕᒫᓐ ᐊᑐᖅᑕᐅᕙᓪᓕᐊᔪᓂᒃ ᖃᓄᐃᓕᐅᕈᓯᐅᕙᒃᑐᓂᒃ ᐃᓅᖃᑎᒌᖕᓂᖅᒧᑦ ᐃᓄᐃᑦ ᓄᓇᓕᖏᓐᓂᒃ. ᒪᑐᐊ ᑲᑎᕐᓱᒐᐃᑦ ᑐᓴᐅᒪᑎᑦᑎᔾᔪᑎᐅᓂᐊᖅᑐᑦ ᖃᓄᖅ ᐋᓐᓂᐊᕆᔭᐅᕙᒃᑐᑦ ᓯᐊᕐᒥᓕᕈᓐᓇᕐᓂᖏᓐᓂᒃ ᐊᒻᒪᓗ ᖃᓄᖅ ᐋᓐᓂᐊᖃᖅᑕᐃᓕᓂᒃᑯᑦ ᑕᒪᓐᓇ ᑲᒪᒋᔭᐅᔪᓐᓇᕐᒪᖔᑦ.