Inuit Nunanganni Qaujisainirmut Piliriaq

Inunnik Qaujisaijiqarniq, Inuit Pijjutigillugit

Inuit Nunanganni Qaujisainirmut Ppiliriaq (INRP) Inunnik Sivuliqtiqaqsutik pilirianut ilagijauvuq ukununga Ukiuqtaqtuq Ukiuqtaqtumiunit, piliriamit aulataulluni Ukiuqtaqtumik Tukisiniaqtikkut Quttingniqpaatigut Iqqanaijarvingannit. Atautsikkuuqataullutik Inuit Tapiriikkunnut Kanatami piliriangannut Canadami Inuit Qaujisainirmut Parnautingita (NISR) atuliqtitauvallianinginnut, Inuit Nunanganni Qaujisainirmut Piliriaq (INRP) sivummugiaqtitsivut Inuit nangminiq aulatsijiujunnarninginik qaujisainiqarnirni aaqqiisimalirnikkut piliriniqarviksanginik Inuit tautturiniaqtanginik qaujisainiullutik pilirianik aaqqiksuilutik, aaqqiisimaliqtittilutik ikajuqtigiiglutik piliriqatigijauniaqtunik piliriaqarunnarnirnik piruqtitsivallianirni ammalu sanngiktitsigiarnirni aktuisimaniujunik ammalu aturniqaqtutigut Inuit Nunanganni Inuit pijjutigillugit qaujisainiujunut .

Taakkua INRP-ngullutik piliriat kiinaujaqutiksaqaqtitauvut $900,000-luanik ukiutamaat ukiunguniaqtunut sitamanut (4) piliriniqaqtillugit. Piliriami isumaksaqsiurutiqarniaqput qanuq kiinaujaqutiksarijauniaqtut aaqqiksugausimaniarmangaata ukiungini 1-2-nut ilaqaqtillugit isumaliurutinik pisimaliqtitaujumajjutinik tuksirautiqakkannirniaqtillugit pijariaqaliraangamik.

Qaujisagausimalirunnaqtunik isumaliurutinik pititauqattalirumaniq

Inuit nunanganni qaujisainirmut piliriaqaqtiujut pititauqattalirumavut qaujisagausimalirunnaqtunik isumaliurutinik kiinaujalirinnaup ukiunga 2020-2021 atuqtillugu.

Aulatsijiuniq

Taakkua INRP-ngullutik piliriat aulatauvut Inunnit Inuit Uqaujjuigiaqtiullutik Katimajiralaanginnit (IAC), iqqanaijarvinnit katujjillutik ikajuqtiqaqtitaullutik Inuit Tapiriikkunnit Kanatami ammalu Ukiuqtaqtumik Tukisiniaqtikkut. Katimajiralaanginnit pijjutiqaqtunut Inuvialuit Aviktuqsimaningani Kuapuriisangannik, Makivik Kuapuriisangannik, Kativik Aviktuqsimanirmi Government-ngannik, Nunavut Tunngavikkut tTimingannik, Nunatsiavut Government-ngannik, ammalu Inuit Ukiuqtaqtungini Katimajinginik-Canadami.

Turaarviksaqutingit

Taakkua INRP-ngullutik piliriaq pigiaqtitaulaurmat piusigiaqtitauqullugit Inuit qaujisainirivaktangit pijjutigisimallugit Inuit, piruqtitausimaliqullugit qaujisainirmi pilirijiujunnarningit nunaligijatta, pilirianguliqullugit nunaliujuni isumaalugutiqarviujut, ammalu ikajurutiksanik pitaqaliqtitsiqatauqullugit Inuit akłuiliqtitauniksanginnut pitaqaqtitsisimaniqtigut inunnut tusagaksanik, sanarrutiksanik ammalu kiinaujaqutiksanik pisimaliriaqaqtattinnik naammatsiaqtutigut isumaliurutiliuqpaqulluta ilaqaqtillugit tusaumaliqtittigiaqpannittinnik maligaqutiujunik ammalu pilirianik ikajurutiunajaqtunik annaumajjutiksarijattinnut piusigiaqtittisimalirnirmut

Piusigiaqtitauqullugit Inuit qaujisainirivaktangit

Piruqtitausimaliqullugit qaujisainirmi pilirijiujunnarniit

Pilirianguliqullugit nunaliujuni isumaalugutiqarviujut

Ikajurutiksanik pitaqaliqtitsiqatauqullugit Inuit akłuiliqtitauniksanginnut

Qanuq Tuksirautiqarajarniq

Piliriaq taanna matuinngatitauvuq tamainnut Inuit nunaligijaujunut ammalu katujjiqatigiingujunut.

Taakkua INRP-ngullutik piliriaq ilitaqsisimaniarmijut taimaulianiksutik piliriqatigiingniujunik qallunaat nunangannit qaujisaqtiujut ammalu Inuit nunalinginnit, piliriangujut sivuliqtiuqatautuaqpata Inuit ammalu nalunaiqsisimatuaqpata tamaitigut makuninga:

  • Inunnik ilagijautittisimallutik tamaitigut piliriangukainnaqtut pilirianguvallianinginni;
  • Isumaliurutiit aaqqiksuangusimallutik piliriqatigisimallugu inuulluni piliriaqaqatigijatik uvvaluunniit Inuit nunangannit piliriaqaqatigijaminnik;
  • Naammaktutigut parnautinik ilisisimalianiksutik tusaumaqattautiniujut kajusiinnaqtitausimaqullugit piliriangukainnaqtup pilirianguningani;
  • Inunnik piliriaqaqtiujunnarninginik piruqtittisimaliriarsutik; ammalu
  • Kiinaujaqutiksauniaqtunik turaaqtittisimajunik nunaliujumi piliriaqaqatigijaminnungaaq qallunaat nunanganni qaujisaqtimuunngittuq.

Qaritaujatigut uvani [email protected] tusaqtisimalirlugit. uqausirilugit uqausirnik iłuarijarnut, makuninga pijjutiqaqtunut:

  • Qaujisainirmut turaangallutik apiqqusiksarnik uvvaluunniit qaujisainirnut pijjutiqaqtunik
  • Nani piliriniqarnirnut qaujisailutik
  • Qanga pigiarviqarlutik piliriat ammalu isulivviksanganik
  • Kikkut qaujisaijiuniaqpat?
  • Qanuq qaujisainirmut apiqqusiujuq kiusimalirniaqpiuk?
  • Nunaliujumi piliriaqaqatigijaujut

Atii qaujitinniaqpattigut asiagut ikajuqtaujariaqarniarniruvit isumaliurutinnik aaqqiksuinirni qaujisaqtausimaliqullugit isumagijatit naammagijausimalirajaqpata.

Isumagijarnik uqausiqangaarumaguvit uqaalautitigut, uqausirmik aturumajarnik aturlutit, uqaalautitigut uqalaavviujumanirarlutit qimaijunnaqputit akiqanngittukkut uvani: 1-866-262-8181. Atiit, nalliakkut qaujititsisimalirumanirnut (uqaalautikkut, qaritaujatigut), ammalu tusaqtitsijjutiksarnik uqausiqarlutik qaujisainirmi apiqqutiksarijarnut uvvaluunniit pijjutigijarnut uqaalautikkut qimaisimalirlutit uqausirilugit.

Taimalu INRP-kut qaujisaqtausimaliqullugit isumagijarnik pisimaliqpata qimirrujaulirajaqtut Inuit Uqaujjuigiaqtiullutik Qaujisainirmut Katimajiralaanginnit (IAC) taimalu qimirruiraanikkumik isumaliurutiqalirajaqtut atausirmik makunanngat piliriniujunnaqtunit:

  • Qaujisaqtausimaliqujaujut naammagijauningit: atii iluikkautillugit isumaliurutinik aaqqiksuisimalirlutit (takulugit isumaliurutiliurnirmi tukimuagutiksat)
  • Qaujisaqtausimaliqujaujut ikajuqtugauningit: Asikkanninginik tusagaksanik pisimaliriaqaqtut
  • Qaujisaqtausimaliqujaujut qipiluktauningit: qaujisaqtausimaliqujaujut qipiluktausimalirunnaqput amisurlaujunik pijjutiqarlutik. Uukturautiujunnaqtut ilaqaqput, kiinaujatigut akiqarajarningit pijariiqtausimaliqullugu piliriangukainnartuq ungataanuaqsimajunnarmata kiinaujaqutiksaujut atuinnautitaujunit, qaujisaqtausimaliqujaujut asinginit qaujisaqtiujunit pilirianguaniksimalirmata, uvvaluunniit immaqaa piliriangukainnarajartuq piliriangunajaqpat asinginnit sanavvinnit naammangniqsaunajarninganut. Katimajiralaanut ilagijaujunit isumagisimajarnut tusaqtitausimalirniaqputit ammalu kikkunnut ikajuqtigilirunnaqtarnut nalunaiqsivviulutit.
Iqqaumagiarlutit: qaujisaqtausimaliqullugit isumagijatit naammagijaunajaqpata tuksirarunnaqtitaugavit ikajuqtaujumanirarlutit piliriniuliriaqaqtunut, aaqqiksuinirmi isumaliurutinik. Isumalirutinut pijjutiqaqtut saqqitausimalikautiginiaqtut.

Akaunaarniqpaarmik tatatirijjutigilugu Inuit Nunanganni Qaujisarnirmut Piliriarmut, minarlugu ililugulu Adobe Acrobat Reader DC, atulirlugulu aulattijjut aaqqigiarlugu tatatigaq.

Minarlugu Acrobat Reader

Minaliruviuk tatatigaq, jagagjairiarlugu namiingninga naipigiingnautigiarlugu uvaksiaruuniaqtumut, makpingaanngillugulli tatatigaq ikiaqqivikkuurutikkut. Jagagjairiaqsimaliruviuk sunakkutaarnut, makpirlugu aturlugu Adobe Acrobat aaqqigialirlugulu.

Minarlugu Pijuumisaaruti Tatatigaq

Inuit Nunanganni Qaujisarnirmut Piliriarmut pijuumisaarut makpiqsimaliruviuk Adobe Acrobat-mi, aaqqigiarunnaqtait tatatigaq, jagagjairiarlugit aaqqisuqsimajatit, ukkuarlugulu titiqqaq jagainngillugu aaqqisuqtait. Ungaliani makpikkannirunnaqtait titiqqaq – allaaluunniit aullaqtigunnaqtait irngiirnaaqtautikkut piliriqatinnut, makpirunnarluniuk – pigiakkannirluni nuqqarvigisimajarnik. Tatatiqsimajalimaasi piliriqatiillu kinguniagut tatatiriiqsimaniaqtut, jagagjairiaqtausimagutit.

The call for research ideas is now open. Applications to this first Call for Proposals are due by the end of the day on December 14, 2020.

If there is funding still available after this first call, we will open another call for research ideas in summer of 2021.

We urge you to contact us at [email protected] or contact any of the Regional Inuit Research Advisors (see contacts).

Qaujigiarviksait

Qaritaujatigut: [email protected]
Uqaalautikkut: 1 866 262 8181

Nunatsiavut

Carla Pamak

Inuit Qaujisainirmut uUqaujjuigiaqtingat
Nunatsiavut Government
  • P.O. Box 70
    Nain, NL A0P 1L0

Nunavik

Lucy Grey

Inuit Qaujisainirmut Uqaujjuigiaqtingat
Kativik Regional Government (KRG)
  • P.O. Box 9
    Kuujjuaq, J0M 1C0

Nunavut

TBD

Inuit Qaujisainirmut Uqaujjuigiaqtingat
Inuusilirijikkut ammalu Piusituqalirijiit
Nunavut Tunngavik Incorporated

Inuvialuit Aviktuqsimaningat

Kendra Tingmiak

Inuit Qaujisainirmut Uqaujjuigiaqtingat
Sunatuinnanik Qaujisaijit, Nutaatigut Piliriaqaqtit, ammalu Silaup Asitjiqpalliajulirijingit
Inuvialuit Regional Corporation (IRC)
  • Bag Service #21
    Inuvik, NT, X0E 0T0

Kiinaujaqutiksattut Atuinnautitausimajut

Taassumunga piliriamut kiinaujaqutiksait amisuuluanngittiarmata. taakkua INRP-nut piliriaq kiinaujaqutiksaqaqtitaummat ukiutamaat $900,000-luanik ukiunut sitamauniaqtunut. Kiinaujaqutiksarijaujut siammaktiqtausimalirniaqtut ajjigiiktitaugiaqsimalutik qassiuningit Inuit Nunanganni. Piliriangukainnaqtut mikiniqsaujunik kiinaujaqutiksaqaqsutik ikajuqtugausimavut tuksiraqsimaliqujaullutik.

Piliriamut kiinaujaqutiksarijaujut turaangatitaujunnaqput makununga suurlu:

  • iqqanaijaqtit kiinaujaliurutinginut ammalu akiliutiksanut pilirijinut;
  • qangattautit (nuvagjuarnaq 19 kigliqaliqtittisimajunnartuq);
  • pilimmaksainiq ammalu katimaqatigiiktittiniq;
  • iqqanaijaqtimmariit akiliusiangit (qaujisaqtiit, pilirivviksat, asingillu);
  • tusaumaqattautilirijjuti;
  • aulatsinirmi akigijauvaktut; ammalu
  • allavvingmi piqutiit;
  • ammalu sanarrutiksait piliriangukainnaqtumut atuqtaujuksat.

Apiqqusiusimajut ammalu Kiujjutiit

Apiqqusiksaqaqpit? Uqaqatiqarumavit qaujisaqtimik? Ikajurunnaqtattigit. Attataqsimaniqaratta piullariktuullutik qaujisaqtiujunut ikajurunnatuinnarialinnut ilinnik qaujisainirmut apiqqusiksarijarnut, uvvaluunniit ikajuqtiujunnaqtunik aaqqiksuinirni isumagisimajarnut turaangatillugit aanniaqaliqtailimanirmut, uumajulirinirmut, silaup asijjiqpallianinganut, ammalu asikkanninginnut. Qanutuinnaq apiqqutiksaqarniruvit apirittailinngillutit, angijuukpata mikijuupataluunniit.

Uqausiksanik Pititaujumaningit Pijjutigillugu Piliriaq

Niriungniqainnaqpaktugut piusigiaqtitsijjutiksattinnik piliriamut qanutuinnaq taakkununga uqausiksaqarnirutsi, isumaliurutiksaqarutsi, uqaujjuijjutiksaqarutsi piusigiarutiujunnaqtunut piliriamut atii tusaqtilauqtigut. [email protected] uvvaluunniit

Nunatsiavut
Carla Pamak
(709) 922-2380
Nunavik
Lucy Grey
(819) 964-2961
Nunavut
Jean Allen
(867) 975-4950
ISR
Kendra Tingmiak
(867) 777-7026

Canadalimaami ammalu Silarjualimaamit ikajuqtiksait

Inuit Tapiriit Kanatami
Eric Loring
Inuit Ukiuqtaqtungini Katimajingit
Stephanie Meakin