Juuni 1, 2021 – Aviktuqsimajunik katujjiqatigiit tisamanik aviktuqsimajunik Inuit Nunanggani, ikajuqtaullutik Inuit Tapiriit Kanatamikkunni (ITK), Inuit Ukiuqtaqtumi Katujjiqatigiit (ICC) Kanatami, ammalu Ukiuqtaqtumik Tukisiniaqatigiinik, quviasukput tusaqtittinirmi sivulliqpaat 11-ngujut piliriaksaujunik kiinaujaqtaaqtitaujut nutaamit−aaqqiktaujumik Inuit Nunanggani Qaujisarnirmu Piliriaksaujumi (INRP). Inuit Nunanggani Qaujisarnirmu Piliriaksaq (INRP) sivummuktittijuq Inuit nangminiq piliriaqarumaninginnik qaujisarnitigu saqqittillutik iniksamit inungnu aaqqiksuinirmi qaujisarnirmu piliriaksaujunik, pivalliatittinirmi ikajuqtigiingujunik ajurunniiqpallianirmu piruqtittinirmi, ammalu sannginiqtaaqtittillutik aktuiningi ammalu pilirittiarnirnginni Inuit Nunangani qaujisarnirmi inungnu turaangajunut. Aulataulluni Inuit Nunataarutinginni Katujjiqatigiingujunik Tisamanik aviktuqsimajunik Inuit Nunangganinngaaqtunik, taanna piliriaksaq sivulliqpaangujuq nunarjuami Inungnut−aulataujunit, sivuliqtaulluni, ammalu maligaliuqtaulluni qaujisarnirmu piliriaksaujuq.
“Inungnut−aulataujunit qaujisarniq nunalingnu ikajuutiniaqtuq,” uqaqtuq Carla Pamak, Inuit Qaujisarnirmu Uqaujjuqsuiji Nunatsiavummu ammalu Iksivautarijaulluni Ukiuqtaqtumik Tukisiniaqatigiinik Inuit Uqaujjuqsuiji Katimaji (IAC), atuliqujilauqłutiglu piliriaksaujunik kiinaujaqaqtitaunirmu.
Inuit Nunanggani, Inuit qaujisarnirmu piliriaqarnirmi ilauqatauvalliajut ammalu qaujisarnirmi pilirivalliallutik Inungnu atuutiqaqtunik ammalu sivulliutitaujunik. Inungnut−aulataujunit piliriaksaujut ilaqaqtut qanuinniujut ukuninga pijjutiqaqtunik uumajuliriniq, uqausirnik, aanniaqarnanngittulirinirmi ammalu asingit unuqtunik.
Inuit Uqaujjuqsuiji Katimajikkut (IAC) pikkugusukput tamarmi qaujisaqtiujunik ilauqataujunik sivummuktittinirmi qaujisarnirmu pijumaniqaqtunik inungnuungajunik Kanatami. Taanna sivulliqpaaq pijumaniujuq tuksiqtuutinik unuqtunik pilauqtuq quvvasiktunik−piujunik qaujisarniujunik inungnut pimmariujunik ammalu Inuit Uqaujjuqsuiji Katimajikkut (IAC) takujumavut takłigiaqtaujumik taassuminga piviksaujumik sivunittinni Inuit qaujisaqtiuniaqtunut.
“Pikkunaqput tamarmik kiinaujaqaqtitaunirmu tunijaujut ilisarijaujuq tamatumunga tuksiqtuutitaarniujumu. Sananirijait pivaalliqtittijuq uvattinni tamainni quvvariaqtittinirkut Inungnut−aulataujunit atuinnaujunik qaujisarnirmu ammalu ikajuqłutik piuniqsamik isumaliurinirmi akaunngiliurutinik Inungni aktuijunik.” Uqaqpuq Inuit Tapiriit Kanatamikkunnu (ITK) Angajuqqaaq Natan Obed.
Inuit tapiriit kanatami (ITK) pilirianganik uuminga Kanatami Inuit Aujisaqtulirinikkut Qanuiliurutiksanginnik (NISR) maliksimalluni, una piliriaksaq ikajuqtuisimajuq Inuit nangminiq pinasungninginnik aaqqiksuinasuktillugit matumingalu silaup asinnguqpallianinganu piliriaqaqpalliatillugi Ukiurtaqturmi. Una sivumut pivaallirutiujuq Inuit gavamalirijunnarningittigut qaujisaqtulirinikkut, Inungni ilautittiqattarlutik ammalu aaqqiksuiqatauvaglutik, ammalu pilirijiqakkannirasunglutik mauna ajurunniiqsarutiqarnikkut ammalu piliriqatiqaqattarnikkut, ammalu piliriqatiqaqattarnirmik atuqpaglutik sanngiktippaallirutiujunnaqtunik aturunnaqtutigullu Inuit Nunanggani qaujisaqartarniqmik aulataujunik ammalu piliriangujunut Inungnut.
Qaujikkannirunnaqtutit piliriaksanik ikajuusiaqaqtitaujunik uvuuna Inuit Nunanganik Qaujisaqtulirinirmut Piliriaksakkut (INRP)
Ukiurtaqturmik amma Kanataup Uangnangani, Inuit aulattiniqsauvallialirmata qaujisarniqmut pilirijjusiurnik ammalu kamagijaqarniqsauliqtutik qaujisagaksanik atuutilingnik amma sivulliutitaujunik Inuit nunanganik mauna nutaakkut Inuit Nunanganik Qaujisaqtulirinirmut Piliriaksakkut (INRP). Una Inuit Nunanganik Qaujisaqtulirinirmut Piliriaksaq (INRP) sivulliqpaaq inungnut aulataulluni, tukimuaqtaulluni, ammalu gavamakkuungalluni qaujisarniqmut piliriangujuq nunarmuarmi.
Inuit Tapiriit Kanatami (ITK) pilirianganik uuminga Kanatami Inuit Qaujisaqtulirinikkut Qanuiliurutiksanginnik (NISR) maliksimalluni, una piliriaksaq ikajuqtuisimajuq Inuit nangminiq pinasungninginnik aaqqiksuinasuktillugit matumingalu silaup asinnguqpallianinganu piliriaqaqpalliatillugi ukiurtaqturmi. Una sivumut pivaallirutiujuq Inuit gavamalirijunnarningittigut qaujisaqtulirinikkut, inungni ilautittiqattarlutik ammalu aaqqiksuiqatauvaglutik, amma pilirijiqakkannirasunglutik mauna ajurunniiqsarutiqarnikkut amma piliriqatiqaqattarnikkut, ammalu piliriqatiqaqattarnirmik atuqpaglutik sanngiktippaallirutiujunnaqtunik aturunnaqtutigullu Inuit Nunangani qaujisaqartarniqmik aulataujunik amma piliriangujunut inungnut.
Qaujisarniq Iqalungnik iqaluktauvalliajunik amma pitaqarninganut qaujisarniqmik ammalu ukiukkut pitaqarunniiqpangninginnik Tasirjuarusirmik
Piliriamut Angajuqqaaq: Noah Eetook
Aaqqiksuilutik nunalingni qaujisarutiuniaqtumut piliriaksamik iqalungnut, Eetook amma qaujisaqatiginiaqtangit tunngaviksaliurutiksaliurniaqtut Iqaluit qaujisaqtauningittigut unurnirijanginnik uvani Kangirsuk, Kupaikmit.
Aiviit Qanuinngittuuningit Amma Unurninginnut Qanuilinganik Unautillugu Silaup Asiguqpallianinga
Piliriamut Angajuqqaaq: Mathilde Lapointe St-Pierre
Aturlutik nunanngualirinirmik, maanna katirsuqtausimajunik aaqqiksuivallianiq, ammalu iliqqusikkut qaujimajaujunik aturlutik, Lapointe St-Pierre amma piliriqatingit nalunaiqsijumajut aivirnik aanniaqaqtunik niqingittigut 6-nik sigjamiittunik nunalingnik Nunavik, Kupaikmit.
Marralik qilalugarnut inigijauvaktumut piliriaksaq
Piliriamut Angajuqqaaq: James May
Aturlutik uluriananngittunik qaujisarutiksaliriniqmik, May amma piliriqatingit nuattivallianiaqtut qilalugait kisuuninginnut nalunaikkutinik maaniittunik Marralik qilalugarnut inigijaujumik, Kupaik, ukununga Iqalulirijikkunnut Amma Tariurmiutalirijikkunnut Kanatami. Ukua qaujisaqtaujuksat ikajurutiutuinnariaqaqtut qaujisarutigijauluni angunasuqujinngijjuti qimirruaqtaukkannirunnaqullugu ammalu piusivaalliqtittijunnarlutik niqiqarunnarniqmik nunalingni qanittumiittunik.
Kaujivalliajut nillikulunnik | Getting to know little geese
Piliriamut Angajuqqaaq: Meredith Purcell
Purcell piliriqatingillu pinasugumajut “qaujimalirlutik” nirlirni angiluannginniqsanik, nirliit tikiqattalitainnaqtut Nunatsiavut, Niuvaunlaan, mauna ajjigiinngittuutikkut uumajunik qaujisarutiuvaktunik aturlutik ammalu ajurunniiqsaqtittilutik nunalingniittunik.
Qaujisaqattarniq nirliit pijauvangninginnik niqiksauniarlutik Arvianik
Piliriamut Angajuqqaaq: Kukik Baker
Uvani piliriaksami, Aqqiumavvik Katujjiqatigiingit Arviat, Nunavumit, qaujisarniaqtut asiaguurutiujunnaqtunik nirlirni nirijaksaqtaarasungniqmik ammalu manningnik uumunga isumaaluutigijaujumut nirliit unursivallianinginnik ammalu niqiqakkannirunnarniqmik tamaani.
Hilap Aulaaniit Qanuq Atayut (The World and its Connections)
Piliriamut Angajuqqaaq: Pamela Hakgonak Gross
Tukimuaqtauvalliajuq Innatuqarnut amma Inuinnaqtun qamajimattiaqtunut Iqaluktuuttiaq, Nunavumit, una piliriaksaq piliriaqarutiujuq avatiliriniqmut uqausirnik amma qaujimajaujunik aaqqiksuivallianiarlutik avatilirinikkut uqausiuvaktunik inuinnaqtun.
Iqaluit Qanuinnginningit Qulluqtuuq, Nunavut qanigijangani
Piliriamut Angajuqqaaq: Eric Hitkolok
Hitkolok amma piliriqatigijangit qaujisarniaqtut iqaluit qanuittariaksanginnik amma piutigininginnik tasirnik amma kuungnik iqalugasugviuvaktunik Qugluqtuuq, Nunavumit imarni qaujisakataglutik, piujunniirutiujattunik ammalu iqalugasungniuvaktunik.
Imaup iluagut nipinik qaujisakatangni Qangiqtugaapik, Nunavumit
Piliriamut Angajuqqaaq: Malcolm Ranta
Tavvanili piliriaksamin, Kangiqtugaapingmiut, Nunavumit, pigiaqtittijumangmata imaup iluagut nipinik qaujisakatangniqmik ilaqarluni Inuit Qaujimajatuqanginnik tunngaviqarunnarsiniarmata tukisivalliujjutiulirniaqtunik tariup nipiqarusinginnik ammalu asinnguqpalliajunik qaujisaqattarlutik.
Imarmi qaujisaqtaujuksaliriniq avatiliriniqmut tunngaviqalirunnarumallutik kuungujut qanuilinganinginnik iqaluqaqtut naujaat qanigijanganiittunik
Piliriamut Angajuqqaaq: Johnny Tagornak
Tagornak amma qaujisaqatingit qaujisarniaqtut qanuilinganinginnik kuungnut, tasirnut, ammalu sigjaqpasingniittut avatinginnik isumagillugu iqaluit asianunngaauqattarninginnik ukiurkut, upirngaakkut, amma aujakkut.
Qilalugait pijaujunnaqsikkannirningit Aklaavik, Nunatsiarmin
Piliriamut Angajuqqaaq: Michelle Gruben
Tunngasuktittijiuniarlutik pingasunik pinasuarusirnik nunainnarmi aullaaqsimajunik, Gruben amma piliriqatigijangit katirsuiniarmata kinguvaariingujut nunamut qaujimajanginnik ammalu qilalugarasungniq pigiaqtitaukkannirluni Aklaavik, Nunatsiarmin.
Tukisisimaniq Inuuqatigiingnikkut Atuqtauvaktunik Inuvialuit Nunanginnik Ikajurutiunasugluni Aittuutiujattunik Aanniarijauvaktunik Aittuqsittauliniqmik Amma Aulattiniqmik
Piliriamut Angajuqqaaq: Jenn Parrott
Inuvialuit Aviktursimanikkut Kuapuriisankut aturniarmata qautamaan atuqtauvalliajunik qanuiliurusiuvaktunik inuuqatigiingniqmut Inuit nunalinginnik. Makua katirsugait tusaumatittijjutiuniaqtut qanuq aanniarijauvaktut siarmilirunnarninginnik ammalu qanuq aanniaqaqtailinikkut tamanna kamagijaujunnarmangaat.