Skip to main content
Tusaqtitsijjutiit

Inuit Tapiriiit Kanatami katinngajingit Aatuvaami katijuviniit, angirutiqarsutilu Inuit Nunanganit ilinniavirjuap nuitaunitsanganit

By December 15, 2023 No Comments

Tiisimpiri 14, 2023 – Aatuvaa

Inuit Tapiriit Kanatami katinngajingit katijuviniit Aativaami Tiisimpiri 11-ngutillugu.

Katinngajiit angirutiqarsimajut atasusiunngitunik unnituutiliangusimajunit sivumuarpaliarutiuniartunik nuitaunitsanganut ilinniavirjuaq Inuit Nunanganit. Pijatsaliangusimajut ilaliit naniigajarninganit nalunairsinirmik qanuittunillu ilinniarutitsaqarnianinganit, ammalu maannasiutiulutik inillatirijiuniartunik allasimajunngutitsinirmik piqujaapitsanginnit, ingirratitsinirmut maliganginni5 ammalu piqujanngutitaunitsanganut ilinniavirjuamik aulatsigutiuniartunut.

Katinngajiit angirutiqarsimajut Inuit Tapiriit Kanatami parnasimautitsanganit 2024-2028-mut ilingajunit, timiujuup tilijaumautiginiartanga arraagunut sitamanut. Parnasimautik turaarnilik Inuit Tapiriit Kanatami sivulliujigutiginiartanginnit sitamaujunngigartunik, ilaqarsutik: nukitaaliumititsinirmik Inuit namminiq aulatsigumaninginnit; piusiumititsinirmik illinnianirmik pivitsaujunit ammalu ilusilirijaunirmut pigutjiutinit; Inuktitut uqausiq suungusiliumititauninga, asiutuinnatitauttailininga qaujisaarigutauningalu; ammalu Inuit Nunanganit illujuaqanngiluarniq qanurtuurutauninga. Parnasimautik naulimaanut siammatitaulaartuq tusaratsauluni arraagumi nutaami.

Alliriirtuni katimaniqarsutik, katinngajiit tukitaalaurtut kiinaujarturutiugajartut kiinaujaqartitaugutiugajartuilu nautsiturtaugutingnnit, inillatirigutiuniarsuni Inuktut uqausirmik pinasuutitsanik. Pinasuartauninga pitaqartisilangajuq atjigiittisitsianirmik ammalu sullituinirmik kavamatuqakkunit kiinaujait pijut nunalinnuujartauqattaniarmata kinnguumagijangit malillugit.

2023-2024-mit, Inuktut uqausirmuulingajut kiinaujait kanatami ilurqusiliriviup turqatarvinganit pijut mitsausaarsugu $23-milianngulaujut. Inuktut uqausiup kiinaujarturajarninga tusartisigutiulaujuq Inuit Tapiriit Kanatami 2024-mit kiinaujait turaagarilaartanginnut, amujaugasuarnianinginnut $1-pilianntaalait ilingagajartut arraagunut 10-nut Inuktut uqausiup asiujijauttailigasuarninganut, uummatitaugiallarasuarninganut, surratauttailititaugasuarninganullu naammangittukut.

Katinngajiit angirutiqalaurmijut Inuit namminiqutiliit qaangirnikuliurasuarnimik Inuit Nunngata silataaniittut aturtaugunnariaqarninginnik kavamakkut kiinaujaqartisippata pigutjiutitsanik. Kavatuqakkut angirutiqarsimammata tallimait nunaqarqaasimajut nammitiqutingit pigutjigunnariaqarninginnit.