Inuit Tapiriikkut Kanatami Matuiqsivut Niruagaksannguqtitsinnamik Angijuqqaamik Niruaqłiniqarniarnirmi
July 28, 2021, Ottawa, Ontario
Angijuqqaangujumik Inuit Tapiriikkunnut Kanatami niruaqłiniqarniaqtut September 2021-mi, Inuit Tapiriikkut Kanatami Katimavigjuarningat isulisimaliqpat.
Inuit ukiuliit 18-nik ungataanullu niruagaksannguqtitaujunnaqput tilijausimallutik Ilagijauqataujunut Pijjutiqaqtiullutik ukununga katujjiqatigiigijaujunut: Inuvialuit Aviktuqsimaningani Kuapuriisangat, Nunavut Tunngavikkut Timiqutingat, Mmakivik Kuapuriisangat uvvaluunniit Nunatsiavut Gavamanganni; uvvaluunniit tunisisimalutik Niruagaksannguqtitsinirmut Tatatirialiqutinik.
Ilaakkuungallutik niruagaksauliqsimajut niruagaksannguqtitausimanatik Ilagijaullutik Pijjutiqaqtigijaujunit pitaqaqtitsisimajariaqaqtitauvut titiqqanik nalunaijaisimajunik piliriniqaqsimanirminnut sivuliqtiullutik, qaujimanirminnut pivalliajuliriniujunut pimmariutitaullutik Inunnut ammalu nalunaijaisimalutik sunanik piliriaqaqsimalirumaniarnirminnut Inuit Tapiriikkunnut Kanatami Angijuqqaangulirutik, ammalu 20-ujunit Inunnit atiliuqtausimajunik pisimammilutik, ukiulinnik 18-nik ungataanulluunniit, ikajuqtuiniqaqtunik niruagaksannguqsimaniminut.
Niruagaksannguqsimajut piviksaqaqtitauniaqput 10 minitsimik uqallagunnarnirmut Ilagijaujunut ammalu Katimavigjuariaqsimajunut Inuit Tapiriikkut Kanatami Katimavigjuarniqaqtillugit, ammalu ikajuqtugausimallutik saqqiisimalirniaqullugit uqausiksaminnik upagutisimaqataulutik Katimavigjuaqtunut. Katimavigjuarningat piliriangujariaqarajaqpat qaritaujatigut, niruagaksannguqsimajut tunijausimanajaqput tusagaksaqutinik ilauqatauliqujauniarnirminnut qaritaujatigut katimavigjuarniqaqtunut qaritaujatiguurlutik uvvaluunniit uqaalautitigut.
Niruagaksannguqtitsiniq isulititausimaniaqtuq Pingatsiqmi, August 18, 2021, 5-muaqpat unnuksakkut. Niruagaksannguqtitsinirmut Tatatirialiqutiit ammalu asingit titiraqsimajuqutiit atuinnautitauvut qaritaujatigut uvani pituksimavvinganni www.itk.ca/2021-itk-presidential-election.
Inuit Tapiriikkunnut Kanatami Angijuqqaap ininganut ilijaujuq niruaqtausimavaktuq isumaqsurunnautimiktigut aulatsiniujunut aaqqiksuangusimajutigut pijjutiqaqtiullutik Inulimaanut. Niruaqłiniqaqpaktut tilijausimallutik ilagijauqataujunut pijjutiqaqtigijaullutik Inuvialuit Aviktuqsimaningani Kuapuriisanganit, Nunavut Tunngavikkut Timiqutinganit, Makivik Kuapuriisanganit uvvaluunniit Nunatsiavut Gavamanganit, ilaqaqtillugit marruunnik katimavigjuariaqataujunit atuni aviktuqsimaniujunit, ammalu Inuit Tapiriikkunnut Kanatami Angijuqqaap Tungalinganit.
Niruagaksannguqtitsijjutinik Saqqiisimaliqujiniq
Inuit Tapiriikkut Kanatami Angijuqqaanganik Niruaqhliniq
Niruaqhliniqarniaqtut Inuit Tapiriikkut Kanatami Angijuqqaamik Inuit Tapiriikkut Kanatami Katimavigjuarningat isulisimaliqpat September 2021-mi. Inuit Tapiriikkut Kanatami Angijuqqaanngurniaqtumik niruaqhlisimalirniaqput amisuuniqsaujunit niruaqtausimaluni tilijausimallutik Katimavigjuaqtunut Ilagijauqataujut Pijjutiqaqtigijanginnit ammalu Katimavigjuariaqsimajunit, ammalu Inuit Tapiriikkut Kanatami Aangijuqqaap Tungalirijanganit.
Niruagaksanngurunnaqtut
inuit ukiuqatuarutit 18-nik niruagaksanngurasuarunnaqput.
Niruagaksannguqtitsijjutiit Pilirianguvalliavanningit
- Tilijausimallutik Ilagijaujut Pijjutiqaqtigijaullutik atuni ukunani: Inuvialuit Aviktuqsimaningani Kuapuriisangat, Nunavut Tunngavikkut Timiqutingat, Makivik Kuapuriisangat ammalu Nunatsiavut Gavamangat, titiraqtausimajutigut, kinatuinnamik atausirmik (1) Inuulluni niruagaksannguqtitsijunnaqput ininganut Inuit Tapiriikkut Kanatami Angijuqqaangatta.
- Kinatuinnaq Inuk niruagaksanngurumajuq Inuit Tapiriikkunnut Kanatami Angijuqqaap ininganut ammalu niruagaksannguqtitausimanngilluni tilijausimallutik ilagijaujut pijjutiqaqtigijaujumit tunisisimajariaqaqtitauvuq makuninga:
a. Tatatiqtausimajunik ammalu atiliuqsimajunik Niruagaksannguqtitsinirmut Tatatirialiqutinik ilaqaqtillugit avatinit (20) Inunnit ukiulinnik 18-nik ungataanulluunniit atiliuqtausimajunik
b. Titiqqanik nalunaijaisimajunik ajunnginnirijaminut ammalu piliriarisimajaminut
c. Nutaanik Qquttingningit 1-nganut Pirajaksimanngikkaluarmangaat Qaujigiaqtausimaniminut nalunaiqsijjutinik, atausirmik atuni puraavinsigijamini nunaliqarvigisimajaminit ukiut tallimat (5) atuqpalliasimaninginni
d. Uajamuuqtukkut ajjiliuqtausimanirminik asinginnut nunarjuanut itirunnautititut takuksauttiaqtitausimajunik (ungataani takuksaujuqaluaratik, qinngariikkutinik iggaaqsimajariaqanngittuq uvvaluunniit nasaqsimajariaqanngittuq)
e. Akiliutinik $500-nik qaritaujatigut kiinaujanik tunisisimajjutitiguuqtitausimajunik, kiinaujanngutuinnarialiit kiinaujaksatigut akiliijjutinik uvvaluunniit kiinaujanik akiliutinik niuviqtausimajutigut (mani uata), uvvaluunniit akiittuliurutitigut auktajuuktigut (Puuqtaujut utiqtitauniaqput niruagaksannguqtitausimajunit pisimalilauqtunit 10%-luanganik niruaqtausimalirnirmit niruaqhlitillugit. Puuqtausimajut aturungniiqtitaunajaqtut tainna niruagaksannguqtitausimajuq nuqqaujjikpat niruagaksannguqsimanirminit).
Niruagaksannguqtitsinnaup Isulivvinga
Tamarmik titiqqaqutigijaujut pijausimaliriaqaqtut Isumataulluni Nniruaqhlinilirijiup Tungalirijanganit sivurngani August 18, 2021 ullungata, 5-muaqpat unnuksakkut.
Niruaqhliniqaqtillugit Uqallakviqarunnarniq
Niruagaksannguqsimajut piviksaqaqtitauniaqput 10 minitsimik uqallagunnarnirmut Ilagijaujunut ammalu Katimavigjuariaqsimajunut Inuit Tapiriikkut Kanatami Katimavigjuarniqaqtillugit, ammalu ikajuqtugausimallutik saqqiisimalirniaqullugit uqausiksaminnik upagutisimaqataulutik Katimavigjuaqtunut. Katimavigjuarningat piliriangujariaqarajaqpat qaritaujatigut, niruagaksannguqsimajut tunijausimanajaqput tusagaksaqutinik ilauqatauliqujauniarnirminnut qaritaujatigut katimavigjuarniqaqtunut qaritaujatiguurlutik uvvaluunniit uqaalautitigut.
| Isumataulluni Niruaqhliniliriji | Isumataulluni Niruaqhlinilirijiup Tungalinga |
| Lawrence Lewis [email protected]
Uqaalautinga: 855-923-3006 Sukajukkut: 250-384-5416 208-852 Fort Street, Victoria, BC, V8W 1H8 |
Patricia D’Souza [email protected]
Uqaalautinga: 613-292-4482 Sukajukkut 613-234-1991 1101-75 Albert Street, Ottawa, ON K1P 5E7 |