Skip to main content
AnnouncementsTusaqtitsijjutiit

Inuit Tapiriit Kanatami ammalu Silattuqsaqvingat Saskatchewan atiliurivuk pilirijjusiuvaksimanani angirutiliangusimajunik Inuit pijunnautingit mianirijausimaliqullugit

By July 4, 2024 No Comments

June 28, 2024

Saskatoon—Silattuqsaqvingat Saskatchewanmi (USask) ammalu Inuit Tapiriit Kanatami (ITK) piliriqatigiiliqtut naammanngiluaqtutigut aturnirluktauqattaqunagit Inuit kinauningit ammalu kikkutuinnait ilaakkuungajut ikajuusiaqtaarutinik pititaujunnaqpaktut tunngavvigillutik inuuniminnit ilinniariarunnarnirnik pisimajunnaqtitauvaqullugit pijjutigillugit Inuunitik.

Marruuk katujjiqatigiingujuuk atiliurisimalilauqtut sivulliqpaammaringmi taimannaittumik Tukisiumaturaunnirmut Titiqqanik ullumi aaqqiisimalirutiulluni piliriaksaqalirninginnik turaarviksaqutiginiaqtaminnik ammalu pisimalirutiuniaqtunik piliriangulirniaqtunut nalunaijaijjutiuvanniarlutik ilinniariarumanirnut tatatiqtauvaktunit Inungni tuksirautiqaqsimallutik Silattuqsaqvingannit Saskatchewan-mi (USask) tunngaviqaqsutik nunaqaqqaarsimajunut turaangallutik piliriniqarviujunnaqtunut uvvaluunniit inigijaulirunnaqtunut.

“Tamatuma Tukisiumaturaunnirmut Titiqqaqutiujut (MOU) pimmariutitauninga angijummariummat, uqaqsuni Dr. Angela Jaime (PhD), silattuqsaqvingmi isumatammariujumut tungalirijaujuq nunaqaqqaaqsimajulirijini. “Canadami asianik silattuqsaqviktaqanngimmat taimanna quttingniqaqtunik angirutiliuqatiqaqsimajunik inungnik mianirijausimalirutinik ilagijauqatauninginnut angirutiusimajunut. upigusuktugut Inuit Tapiriit Kanatami (ITK) uvattinnik pimmariutiullutik angirutitigut piliriaqaqatiqalirninginik.

ITK-kut Canadami pijjutiqaqtigijaullutik katujjiqatigiigijauvut 70,000-luanut Inunginnut Canadami, amisuuniqsaujut nunaqaqtunit sitamaullutik aviktuqsimanirijaujunit Canadami, Inuvialuit Aviktuqsimaningat (Nunatsiaq), Nunavut; Nunavik (Quebec Tarrangani); ammalu Nunatsiavut (Labrador uangnangani). Taakkua aviktuqsimanirijaujut piliriaqaqtigijauvaktut ilagijauqatauliqtittivannirnut tunngavvigillugit amisuilingallutik nunalirinirmi angirutiusimajut aaqqiktausimalilauqtut Inuit Nunanganni ammalu aaqqiksuivalliajjutiunginnaqpaktunut Inuit Tapiriit Kanatami (ITK) piliriaksarijanginnik. Ilagijaullutik Tukisiumaturaunnirmut Angirutinut (MOU), ITK-kut kamajiuniaqput piliriaqarninginnik Silattuqsaqvingata Saskatchewan ammalu sitamaullutik Inuit Angirutitigut Katujjiqatigiingujunit:

  • Inuvialuit Aviktuqsimanirmi Kuapuriisan
  • Nunavut Tunngavik Timiqutingat
  • Makivvik
  • Nunatsiavut Gavamangat

“Taakkua angirutiit pijjutiqarmata nutaatigut piliriaqaqatigiiliqsimallutik piliriniuvalirniaqtunit Inunnit ammalu Canadami silattuqsaqvigijaujunit. ilitaqsisimajjutiummata Inuit ajjiqaratik; pijunnautigijaujunik tigumiaqsutik Nunaqaqqaarsimajuuninginnik ilagijauqataujunut tunngavvigillugit Piqujarjuanit mianirijausimallutik angirutiusimajunut. Niriungniqaqpugut taakkua Tukisiumaturaunnirmut Ttitiqqaqutiit (MOU) atuqtaulirniarmat sivunirmi angirutilianguvalirniaqtunut ikajurutiuluni, ammalu qujannamiiqtavut Silattuqsaqvingat Saskatchewan (USask) tamatumunga pilirianguliqtumut sivuliqtiusimaninginnik, pimmariutitauluaqtumik Nunaqaqqaarsimajulimaanut Canadami,” uqaqsuni Inuit Tapiriit Kanatami Angijuqqaangat Natan Obed.

“Taakkua angirutiit sulillutik ilitaqsisimammata Inuit Angirutitigut Katujjiqatigiinginik ammalu pijunnautiqarninginik isumaliuqtiuvannirmut ilagijaujuqutigijaminnik ammalu kinaunirautigijanginnut,” uqaqsuni Jaime. “Silattuqsaqvingmi piliriaksaqaratta Nunaqaqqaaqmajuit iniqaqtitaujunnarningit pisimajausimavanniarningita Nunaqaqqaarsimajunut.”

Taakkutiguunaq angirutitigut, USask-kut ammalu ITK-kut angiqsimammata piliriaqaqatigiingniarnirminnut pilirianguvalliavanniaqtunik aaqqiksuisimaliriarnirmik:

  • Ilinniaqtut ilinniariaqsimallutik Silattuqsaqvingani Saskatchewan (USask) ilitarijaujjutitaangujunnaqtunik, kiinaujatigut ikajurutiksanik; inigijaulirunnaqtunik uvvaluunniit asinginik pijausimalirunnaqtunik atuinnauviusimajut Inuullutik ilagijauqataunirminnut ilitarijausimajut Inuuninginnut
  • Piliriaqaqtiujuit iqqanaijaqtimmarigingijaullutik Silattuqsaqvingani Saskatchewan (USask) tunngavigillugit Inungnut ilitarijaujjutinik pisimajut Inuuninginnut
  • Qaujisainirmi kiinaujaqutiksaqaqtitaujut sanirvaqtausimallutik Inungnut pitaqaqtitauvakput ilaakkuungallutik kisiani taikkununga Inuit Angirutitigu Katujjiqatigiingujunut ilagijaujunut
  • Niuviqattarunnarniq sanirvaqtausimallutik Inungnut pitaqaqtitauvakput ilaakkuungallutik Inungnut kisiani ilagijauqataujunut Inuit Angirutitigut Katujjiqatigiigijanginnut

Taakkua angirutiusimaliqtut ikajurutiusimallutik Canadami Gavamangata Inuit Nunanganni Maligaqutinginnut, aaqqiksuangusimalilauqtunut piliriqatigisimallugit Inuit.

Taakkua angirutiusimaliqtut ikajurutiusimammijut Silatuqsaqvingata Saskatchewan deybwewin | taapwaywin | tapwewin maligaqutingannik, pitaqaqtitsijunik tunngavviqutinik atuliqtitauqullugit nunaqaqqaaqsimajuit ilagijauqataujjutingit/nunaqaqatauninginnut nalunaiqsijjutit titiraqtausimajunut ilaullutik. Silattuqsaqvik piliriaksaqarmata mianiqsijiugiamik pijunnautinginnik, iliqqusituqangannik ammalu sulitsiaqtuuningita nunaqaqqaaqsimajuit, Nunaqaqqaaqsimajut aturniqaqtitanginik, ammalu Nunaqaqqaarsimajut uqausinginik silattuqsaqviup iluani.

“Tukimuagutigillugit ohpahotân | oohpaahotaan, Nunaqaqqaarsimajuit Qanuqtuurutiliurutinginnut uvattinnut tunijausimajunut, piliriniqaqpugut silattuqsarvingimi iqqanaijarviujuq piuniqpautitaujunnarluni iniqarviujunnaqattarniksanganut Nunaqaqqaarsimajunut ilinniaqtunut, iqqanaijaqtinut ammalu ilisaijirjuangujunut,” uqaqsuni Peter Stoicheff, Angijuqqaaq ammalu Angijuqqaamut Tungalirijaujuq Silattuqsaqvingani Saskatchewan. “Piliriaksaqaratta Nunaqaqqaarsimajuqtaqaliqtittigiamik, gavamaujuit aulatsiniqarvituqangita aturungniiqtitausimalirniksanginik ammalu saimmaqatigiiksimalirniujut tuqqajaaqtitausimanngiliqullugit, ammalu piliriaqaqatiqalirnivut suurlu Inuit Tapiriit Kanatami katujjiqatigiinginik sanngiktigiarutiummata taakkununga piliriaksaujunut ammalu upigusulirutigillutigut Nunaqaqqaarsimajuullutik inuuqatigiingujunik, katinniqaqtunik ammalu ilagijauqataujunnarnirmut pijunnautigijanginnik.”

“Niriungniqarvigivara taakkua akuniiqtualummut piliriqatigiiqattarniuniaqtunut pigiarviuningita,” Jaime uqaqsuni: “Silattuqsaqviujuq aaqqiksisimaliriaqarmata qanuinnanngittumik ammalu pilirinirijaminnik saqqiiniqarunnatsiarlutik turaangajunut pisimajattinnut ammalu mianirijattinnut. Tamanna pijjutiqarmat iniqaqtittinirnut Inungnik.”

Taakkununga tusariakkanniqtitaujumajut, qaujigiakkannirunnaqput uvani:

[email protected]