March 30, 2022 – Ottawa, Ontario
Inuit Tapiriit Kanatami nutaamik piliriamik aaqqiksuisaalaurtut makkuktunik Inungnik ukiulingnik 18-nit 30-nut pilimmaksaisimalirutiksanik ammalu piliriniaqaqataujunnaliqullugit.
Inuit Tapiriit Kanatami Makkuktut Sivuliqtiunirmut Iqqanaijaaqalirunnarningita Piliriangat atuliqsimaniartuq sitamanut (4) taqqinut 2022-mi amma sivunittinni ukiuk marrukkanniingnut. Atuni ilagijauqatauliqtunik pilimmaksaniqaqattarniaqpugut maligalirinirmi sivummugiaqtitsivannirnut, tusaumaqattautilirinirmut ammalu qaujisainirmi piliriniujunut Inuit Tapiriikkut Kanatami allavvigjuangani Ottawa-mi.
“Makkuktungit Inuit qaujimaliqsimanngitsungnarmata sunalirijiulirumanirminnik. Kisianilu Inuit inuuqatigiiktunit ajunnginnirijattinnik sivummukpalliasimajariaqaqtitaugatta piruqtitsisimaliriamik akhluittuulutik sivuniksaqaliqtitauqullugit nunaligijavut ammalu inuuqatigijavut,” uqaqsuni Tracy Sarazin, Isumataq Pilirivvilirijikkunginnut Inuit Tapiriikkut Kanatami.
“Makkuktut Sivuliqtiunirmut Iqqanajaaqalirunnarningita Piliriangat aaqqiktausimangmat ikajurutiksauniaqsuni sivullirmik ilagijauliqtunut 6-ngullutik makkuktut piruqpalliajjutiksanginnut ammalu pivaalliqatigiiksimalirutigilugit ajjigiinngiuqtunik nutaanik piliriniqarnirminnit, ilinniarutigilugit atuqtausimajut amma aullaqsimaqatigiingniuvaktutigut. Pitaqaqtitsisimajunnaqtugut qanuinninngittumiijjutiksanginik Inungnut uukturarumaniqaqtunut ajjigiinngiuqtunik pilirijiunirmut atuinnautisimaniaqtattinnik katujjiqatigiingulluta.”
Tuksirautiqaqtut nanituinnaq Canadami nunaliqaqtuujungnaqput. Niruatqtausimaliqtut maliktitaullutik kiinaujaliurutigijauvaktunut asinginnit kiinaujaliurutinik akiliqtugauvanniaqtut. Nuktiqsimaninginnut ikajurutiksanik ammalu iglutaaqsimalirutiksanginik piliriamut ilagijautillugit atuinnautittiniarmijugut. tuksirautiqaqtut ilagijaujuujariaqanngittut ilinniaqtunut tuksirautiqarumagutik.
Pinasuarumajut taassumunga ilajauliriamut apirijausimavut tunisisimaliqujaullutik ilinniarutigisimajaminnik iqqanaijaarisimajamingniklu titiraqtausimajunik ammalu titiqqanik nalunaijautinik ilaqarlugit sivurngani April 15, 2022. Tusagaksakkanniit atuinnauvut qaritaujatigut uvani www.itk.ca/youth-leadership-employment-program-multiple-positions
Apiqsuqtauviksarnik aaqqiisimalirumaguvit titirarvigiluta uvani: