March 31, 2023 – Ottawa, Ontario
Amisukallauliqtunut ukiunut, Iksirarjuarmiut sivuliqtigijangit ammalu isumaliurutinik atuliqtittijiuvaktut aaqqigiaqtaujunnailillutik suruqtirisimalirmata Canadami Inungnik ammalu Nunaqaqqaaqsimajuit inuqutinginnik. Taitsumaniutillugu Ukpirniliriniuvaktut Tunngavigillugit ullumiuliqtumilu aturnirluktaulluni Nunaqaqqaaqsimajunik aanniqtiqtauqattaqsimalirmata, ilaqaqtillugit nunagijatuqattinnik aatausimalilaurnittinnik.
Iksirarjuarmiut angijuqqaarjuangata nunagijanganirmiut ilitaqsisimalirasuaqsimaningit Ukpirnilirinikkut Tungavvigijamiktigut pilirijjutigivaktaminnik pigiaqtittisimalirutigilauqtaminnik aanniqtirivannirnik nalunaiqsijjutaummata pimmariujutigut saimmaqatigiiksimalirajarnirmut piliriniqarasulirninginnik.
Inuit Tapiriit Kanatami timiqutigijangani, kajusitittisimavugut ikajuqtuisimanittinnik Kiglisiniaqtikkut Tiliurijjutigisimajanginnik Pilirianguliqullugit, piluaqtumik taikkunanngat ukpirnilirinirmi piliriaqaqatigiiktiujut tiliurijjutigisimajanginnik piliriangusimaliqullugit. Tunngavvigilugit 2022-mi titiralauqsimajavut ammalu tuksirarutigisimalilauqtavut Iksirarjuaraapik Francis-mut, suli iksirarjuarmiut tuksiarvingat ilitaqsisimaliqullugu pasijaksauningata Johannes Rivoire, Iksirarjuarmiunut iksirarjuaq pirajaksimalilaursimajuq Inuit nutaqqanginik.