Inuit Tapiriit Kanatami angijumik quviasugujjivut Canadami Angijuqqaarjuangujup Justin Trudeau ikpaksaq unnungani niruaqtausimalikkannilaurninganik ammalu qularusunnginnirminik nalunaiqsisimalaurninganut niruaqhliniqaqtillugit sannginiqatsiarlutik amisuunnginniqpaullutik gavamaqaqtitsijunnarnirminnut ammalu ikajuqtigiiksutik ammalu piliriaqarunnattiaqtuullutik amisuilingallutik gavamagijaujunit pilirijjutiqarunnarniarnirminnut. Inuit niriungniqaqput saqqiisimalirunnaqtuulluta piliriqatiqarunnarniarnittinnik gavamatuqakkunnik ammalu sivummugiaqtitaujunnarniarningita inuit-gavamatuqakkut piliriaqaqatigiinninginnik, ilaqaqtillugit amiqqarutigillugit sivulliqpautitaujarialingnik nalunaijaqtausimajunit Inuit-Gavamatuqakkut Piliriaqaqatigiingninginnut Katimajiralaanit. Malikhlugit sivulliqpautitaksaqutivut niruaqłiniqarnirmit, gavamakkunnik tiliurivugut sivulliqpautitaksauliqsimajut pijariiqtausimaliqullugit Inuit Nunanganni maligaqutiujut piliriaqaqatiqarnirminnik Inuit Tapiriikkunnik Kanatami, ammalu pigiaqtitsisimalirlutik ammalu atuliqtitsisimalirlutik taakkuninga sivulliit pingasut taqqiit atulisaaqsimatillugit piliriaksarijanginnut pigiaqtitsisimalirvingannit. Niriunniqarivugut ikajurniqarunnarniarnittinnik iluikkaujukkut ilagijauqataunirmut nalunaiqtausimalianiktunut Angijuqqaammariullutik Minister-ijaujut Katimaniqarniarninginni turaangatitaujunut nunaqaqqaarsimajuni pivalliajuliriniujunut ammalu saimmaqatigiiksimalirnilirinirmi.
September 21, 2021 – Ottawa, Ontario