MEDIA ADVISORY
ITK TO HOLD 2018 ANNUAL GENERAL MEETING AND PRESIDENTIAL ELECTION
AGM and Election will be live-streamed; 2018 ITK Awards, including Inuit Cultural Repatriation Award, presented to Inuit recipients
Monday, August 13, 2018 – Inuvik, Northwest Territories – Inuit Tapiriit Kanatami will hold its Annual General Meeting and presidential election in Inuvik this week. For the first time, ITK will live-stream the AGM and election proceedings. Simultaneous translation will be available at the meeting; the live-stream of the meeting will be in the language spoken by delegates at the table.
Each year, the ITK AGM is held in one of the four Inuit regions, this year, in the Inuvialuit Settlement Region. ITK would like to thank the Inuvialuit Regional Corporation (IRC) for being gracious hosts for the 2018 AGM.
On August 14, Inuit Tapiriit Kanatami will present the ITK Awards during a community feast in Inuvik. ITK worked with the IRC to recognize Inuit who are contributing to their communities with the following award categories: Advancement of Culture and Language, Community Volunteer, Advancement of Youth, and Advancement of Elders. The 2018 Inuit Cultural Repatriation Award will be presented to recognize the repatriation of local Inuit culture and history. The award was given for the first time in 2017 to the Nunatsiavut Government and the Field Museum in Chicago together for their work to repatriate the remains of 22 Inuit stolen from their graves in 1927 by a curator working on behalf of the museum.
On August 15, ITK will begin its Annual General Meeting at the Inuvik Community Corporation boardroom. The event will be livestreamed starting at 9 a.m. MDT. The link will be shared on ITK’s Facebook page at www.facebook.com/inuittapiriitkanatami. The proposed agenda includes discussions on children in care and the development of federal child and family services legislation; the interim process and development of an Inuit-specific equivalent to Jordan’s Principle known as the Child First Initiative; and ITK’s election rules and procedures. ITK’s 2018 annual report, including financial statements, will be also presented at this meeting.
On August 16, the AGM will continue to be livestreamed. The final item on the AGM agenda is the ITK presidential election, which will begin at 1 p.m. MDT.
Media attending in person are required to register by contacting [email protected]
For more information:
ITK Communications
[email protected]
613-238-8181; 613-292-4482
ᐱᕙᓕᐊᔪᓕᕆᔨᓂᑦ ᐅᖃᐅᔨᒋᐊᕈᑎ
ᐃᓄᐃᑦ ᑕᐱᕇᑦ ᑲᓇᑕᒥ (ITK) 2018−ᒥ ᐊᕐᕌᒍᑕᒪᑦ ᑕᒪᐃᑎᒍᑦ ᑲᑎᒪᕕᒡᔪᐊᖅᑎᑦᑎᓂᐊᕐᓂᖓ
ᐊᒻᒪᓗ ᐊᖓᔪᖄᒃᓴᒥᒃ ᓂᕈᐊᕐᓂᖃᕐᓗᑎᒃ
ᐊᕐᕌᒍᑕᒪᑦ ᑕᒪᐃᑎᒍᑦ ᑲᑎᒪᕕᒡᔪᐊᖅᑎᑦᑎᓂᖅ ᐊᒻᒪᓗ ᓂᕈᐊᕐᓂᖅ ᑕᑯᒃᓴᐅᖤᐅᑎᒋᑎᑕᐅᓂᐊᕐᒪᑕ;
2018 ᐃᓄᐃᑦ ᑕᐱᕇᑦ ᑲᓇᑕᒥ ᑐᓂᓯᓂᖃᕐᓗᑎᒃ, ᐱᖃᓯᐅᑎᓗᒋᑦ ᐃᓄᐃᑦ ᐃᓕᖁᓯᖏᑎᒎᑦ ᖃᐅᔨᒪᔭᐅᔪᑎᖃᕐᓂᖏᓐᓄᑦ ᑐᓯᓂᔭᐅᓗᑎᒃ, ᑐᓂᓯᔭᐅᓗᑎᒃ ᐃᓄᐃᑦ ᐱᑖᖅᑎᑕᐅᔪᑦ.
ᓇᒐᔭᐅ, ᐊᐅᒍᓯ 13, 2018 − ᐃᓅᕕᒃ, ᓄᓇᑦᓯᐊᖅ − ᐃᓄᐃᑦ ᑕᐱᕇᑦ ᑲᓇᑕᒥ ᐊᕐᕌᒍᑕᒫᑦ ᑕᒪᐃᑎᒍᑦ ᑲᑎᒪᕕᒡᔪᐊᖅᑎᑦᑎᓂᐊᕐᒪᑕ ᐊᒻᒪᓗ ᐊᖓᔪᖄᒃᓴᒥᒃ ᓂᕈᐊᕐᓂᖃᕐᓗᑎᒃ ᐃᓅᕕᖕᒥ ᑕᒪᑐᒪᓂ ᐱᓇᓱᐊᕈᓯᕐᒥ. ᓯᕗᓪᓕᖅᐹᑦᑎᐊᒥ ᐊᑐᖅᑕᐅᓂᐊᕐᒪᑦ, ᐃᓄᐃᑦ ᑕᐱᕇᑦ ᑲᓇᑕᒥ (ITK) ᑕᑯᒃᓴᐅᖤᐅᑎᒋᔪᓐᓇᕐᓂᐊᓕᕐᒪᑕ ᑕᐃᑲᓂ ᐊᕐᕌᒍᑕᒪᑦ ᑕᒪᐃᑎᒍᑦ ᑲᑎᒪᕕᒡᔪᐊᕐᓂᕐᒥ ᐊᒻᒪᓗ ᓂᕈᐊᓂᕐᒥ ᐱᓕᕆᐊᖃᒃᑎᓗᒋᑦ. ᐅᖃᓚᒃᐸᓕᐊᖤᐅᑎᒋᔪᒥᑦ ᑐᑭᓕᐅᕆᔨᖃᕐᓗᑎᒃ ᐊᑐᐃᓇᐅᔪᖃᕐᓂᐊᕐᒪᑦ ᑕᐃᑲᓂ ᑲᑎᒪᕕᐅᔪᒥ; ᑕᒃᑭᓴᐅᑦᖤᐅᑎᒋᑎᓪᓗᒋᑦ ᑲᑎᒪᔪᑦ ᐅᖃᓚᖃᑦᑕᕐᓂᐊᕐᒪᑕ ᐅᖃᐅᓯᖏᓐᓂᑦ ᑲᑎᒪᔭᖅᑐᖁᔭᐅᓯᒪᔪᑦ ᑕᐃᑲᓂ ᓵᖃᕐᕕᒋᔭᖓᓂ.
ᐊᕐᕌᒍᑕᒪᑦ, ᐃᓄᐃᑦ ᑕᐱᕇᑦ ᑲᓇᑕᒥ (ITK) ᐊᕐᕌᒍᑕᒪᑦ ᑕᒪᐃᑎᒍᑦ ᑲᑎᒪᕕᕐᔪᐊᖅᑎᑦᑎᖕᒪᑕ ᐃᓚᖓᓂ ᑎᓴᒪᐃᑦ ᐃᓄᐃᒃ ᓄᓇᖏᑕ ᐊᕕᒃᑐᖅᓯᒪᓂᖏᓐᓂ, ᑕᒪᑐᒪᓂ ᐊᕐᕌᒍᒥ, ᐃᓄᕕᐊᓗᐃᑦ ᓄᓇᖓᓂ. ᐃᓄᐃᑦ ᑕᐱᕇᑦ ᑲᓇᑕᒥ (ITK) ᖁᔭᓕᔪᒪᖕᒪᑕ ᐃᓄᕕᐊᓗᐃᑦ ᐊᕕᒃᑐᖅᓯᒪᔪᒥ ᑎᒥᖑᖅᑎᑕᐅᓯᒪᔪᖁᑎᖓᓂᑦ (IRC) ᐱᑦᑎᐊᖅᑐᐊᓘᓪᓗᑎᒃ ᖃᐃᖁᔨᓯᒪᖕᒪᑕ ᑕᒪᑐᒧᖓ 2018 ᐊᕐᕌᒍᑕᒪᑦ ᑕᒪᐃᑎᒍᑦ ᑲᑎᒪᕕᒡᔪᐊᖅᑎᑦᑎᓂᕐᒧᑦ.
ᐊᐅᒍᓯ 14−ᒥ, ᐃᓄᐃᑦ ᑕᐱᕇᑦ ᑲᓇᑕᒥ ᑐᓂᓯᖃᑦᑕᓚᕐᒪᑕ ᐃᓄᐃᑦ ᑕᐱᕇᑦ ᑲᓇᑕᒥ ᑐᓂᓯᖃᑦᑕᕐᓗᑎᒃᑦ ᓄᓇᓕᑦ ᓂᕆᕕᒡᔪᐊᖅᑎᑕᐅᑎᓪᓗᒋᑦ ᐃᓅᕕᖕᒥ. ᐃᓄᐃᑦ ᑕᐱᕇᑦ ᑲᓇᑕᒥ (ITK) ᐃᓄᕕᐊᓗᐃᑦ ᐊᕕᒃᑐᖅᓯᒪᔪᒥ ᑎᒥᖑᖅᑎᑕᐅᓯᒪᔪᖁᑎᖓᓂᑦ (IRC) ᐃᓕᓴᖅᓯᖃᑦᑕᓛᕐᒪᑕ ᐃᓄᖕᓂᑦ ᑕᐃᑯᓂᖓ ᐃᑲᔪᖅᐸᒃᑐᓂᒃ ᓄᓇᓕᒥᖕᓄᑦ ᐃᒪᓇᐃᓘᕐᓗᑎᒃ ᑐᓂᓯᕙᒡᓗᑎᒃ ᐃᒻᒥᒃᑰᖓᐅᖅᑐᓂᒃ: ᐊᔪᖏᓐᓂᖅᓴᐅᓕᖅᑎᑕᐅᓂᖏᓐᓂᑦ ᐃᓕᖅᑯᓯᕐᒥᒍ ᐊᒻᒪᓗ ᐅᖃᓚᒍᓯᕐᒥᒍᑦ, ᓄᓇᓕᖕᓂ ᐃᑲᔪᖃᑦᑕᕐᓂᖏᓐᓄᑦ, ᐊᔪᖏᓂᖅᓴᐅᓕᖅᑎᑕᐅᓂᖏᓂᑦ ᒪᒃᑯᒃᑐᑦ, ᐊᒻᒪᓗ ᐊᔪᖏᓂᖅᓴᐅᓕᖅᑎᑕᐅᓂᖏᓄᑦ ᐃᓇᒪᕇᑦ. 2018 ᐃᓄᐃᑦ ᐃᓕᖁᓯᖏᑎᒎᑦ ᖃᐅᔨᒪᔭᐅᔪᑎᖃᕐᓂᖏᓐᓄᑦ ᑐᓯᓂᔭᐅᓗᑎᒃ ᐱᓕᕆᐊᖑᓂᐊᕐᒪᑦ ᐃᓕᓴᖅᓯᔪᑕᐅᓗᓂ ᐱᖅᑯᓯᑐᖃᖓᑑᓕᖅᑎᑕᐅᓂᖏᓄᑦ ᑕᒫᓂᒥᐅᑦ ᐃᓄᐃᑦ ᐃᓕᖁᓯᖓᒍᑦ ᐊᒻᒪᓗ ᑕᐃᑦᓱᒪᓂᓕᓴᕐᓂ. ᑐᓂᓯᔪᖃᕆᐊᙵᓚᐅᖅᓯᒪᖕᒪᑦ ᓯᕗᓕᖅᐹᒥ 2017−ᒥ ᓄᓇᑦᓯᐊᕗᑦ ᒐᕙᒪᒃᑯᖏᓄᑦ ᐊᒻᒪᓗ ᓄᓇᓕᖕᓃᑦᑐᑦ ᑕᑯᔭᒐᖃᕐᕕᖓᓄᑦ ᓯᑳᒎᒥ ᐊᑕᐅᑦᑎᒃᑰᖅᑕᐅᓗᑎᒃ ᐃᖃᓇᐃᔭᖃᑦᑕᕐᓂᖏᓄᑦ ᐱᖅᑯᓯᑐᖃᖓᑑᓕᖅᑎᑦᑎᑎᓗᒋᑦ ᐊᒥᐊᒃᑯᒋᔭᐅᔪᓂᑦ 22 ᐃᓄᒥᓃᑦ ᑎᒡᓕᒐᐅᔪᒥᓂᐅᓚᐅᖅᑎᓗᒋᑦ ᐃᓗᕕᒋᓂᑦ 1927−ᒥ ᑕᑯᔭᒐᖃᕐᕕᓕᕆᔨᒧᑦ ᐃᖃᓇᐃᔭᕐᓗᓂ ᑭᒡᒐᖅᑐᕐᓗᒍ ᑕᑯᔭᖃᕐᕕᒃ.
ᐊᐅᒍᓯ 15−ᒥ, ᐃᓄᐃᑦ ᑕᐱᕇᒃᑯᑦ ᑲᓇᑕᒥ (ITK) ᐱᒋᐊᕐᓂᐊᓕᕐᒪᑕ ᐊᕐᕌᒍᑕᑦ ᑕᒪᐃᑎᒍᑦ ᑲᑎᒪᕕᒡᔪᐊᖅᑎᑦᑎᓂᕐᒥᑦ ᐃᓅᕕᒃ ᓄᓇᓕᖓᓂ ᑎᒥᖑᖅᑎᑕᐅᓯᒪᔪᑉ ᑲᑎᒪᕕᖓᓂ. ᐱᓕᕆᓂᐅᓂᐊᖅᑐᖅ ᑕᑯᒃᓴᐅᖤᐅᑎᒋᑎᑕᐅᓂᐊᖅᑐᖅ ᐱᒋᐊᕐᓗᓂ 9−ᒥ ᐅᓪᓛᒃᑯᑦ ᕿᑎᕐᒥᐅᑦ ᓯᕿᙳᔭᖓ ᒪᓕᒡᓗᒍ MDT. ᖃᕋᑕᐅᔭᒃᑰᕈᑎᖓ ᑲᑐᔾᔭᐅᓂᐊᖅᑐᖅ ᐃᓄᐃᑦ ᑕᐱᕇᒃᑯᑦ ᑲᓇᑕᒥ ᑮᓇᖅᓯᐅᕆᕕᖓᑕ ᑕᑯᒃᓴᐅᑎᑦᑎᕕᖓᒍᑦ ᐅᕘᓇ www.facebook.com/inuittapiriitkanatami. ᑐᒃᓯᕋᐅᑕᐅᔪᑦ ᑲᑎᒪᔪᑎᒃᓴᐃᑦ ᐃᓚᖃᒃᐳᑦ ᐅᖃᓚᐅᑎᖃᕐᓂᕐᒥᑦ ᓱᕈᓯᕐᓂᒃ ᐱᓯᒪᔭᐅᕙᒃᑐᓂᒃ ᐊᒻᒪᓗ ᐋᖅᑭᒃᓱᐃᓂᕐᒥᑦ ᑲᓇᑕᓕᒫᒥ ᓱᕈᓯᕐᒨᖓᔪᓂᑦ ᐊᒻᒪᓗ ᐃᓚᒋᓄᑦ ᐱᔨᑦᓯᕈᑎᓄᑦ ᒪᓕᒐᓕᐅᖅᑐᖃᖁᓗᒍ; ᐅᑕᕿᓂᖏᓐᓂ ᐱᓕᕆᐊᖑᔪᑦ ᐊᒻᒪᓗ ᐋᖅᑭᒃᓱᖅᑕᐅᔪᑦ ᐃᓄᖕᓄᑦ−ᑐᕌᖓᔪᑦ ᑕᐃᒫᓪᓗᐊᖃᑎᒋᓗᓂᒋᑦ ᔪᐊᑕᐅᑉ ᒪᓕᒃᑕᐅᔭᕆᐊᓕᖁᑎᖏᑦ ᖃᐅᔨᒪᔭᐅᓲᑦ ᐃᒪᓐᓇ ᓱᕈᓯᐅᑉ ᓯᕗᓪᓕᖅᐹᒥ ᐱᓕᕆᒋᐊᓕᕈᑎᖏᑦ; ᐊᒻᒪᓗ ᐃᓄᐃᑦ ᑕᐱᕇᒃᑯᑦ ᑲᓇᑕᒥ ᓂᕈᐊᕐᓂᕐᒧᑦ ᒪᓕᒃᑕᐅᖁᔭᐅᔪᑦ ᐊᒻᒪᓗ ᐱᓕᕆᔪᓯᑦ. ᐃᓄᐃᑦ ᑕᐱᕇᒃᑯᑦ ᑲᓇᑕᒥ 2018 ᐊᕐᕌᒍᑕᒪᑦ ᐅᓂᒃᑳᓕᐊᖏᑦ, ᐱᖃᓯᐅᑎᓗᒋᑦ ᑮᓇᐅᔭᓕᕆᓯᒪᔪᑦ ᑎᑎᕋᒃᓯᒪᓗᑎᒃ, ᐅᖃᓚᐅᑕᐅᖃᑦᑕᕐᓂᐊᕐᒥᔪᑦ ᑕᐃᒪᓇ ᑲᑎᒪᓂᖃᒃᑎᓗᒋᑦ.
ᐊᐅᒍᓯ 16−ᒥ, ᐊᕐᕌᒍᑕᒪᑦ ᑕᒪᐃᑎᒍᑦ ᑲᑎᒪᕕᒡᔪᐊᕐᓂᖅ ᑲᔪᓯᓂᐊᕐᒪᑦ ᑕᑯᒃᓴᐅᑦᖤᐅᑎᒋᑎᑕᐅᕙᒡᓗᓂ. ᑭᖑᓕᖅᐹᖅ ᐅᖃᐅᓯᒃᓴᓂ ᐊᕐᕌᒍᑕᒪᑦ ᑕᒪᐃᑎᒍᑦ ᑲᑎᒪᕕᒡᔪᐊᕐᓂᕐᒧᑦ ᑲᑎᒪᔪᑎᒃᓴᓂ ᐅᓇᐅᕗᖅ ᐃᓄᐃᑦ ᑕᐱᕇᑦ ᑲᓇᑕᒥ ᐊᖓᔪᖄᖓᓂᑦ ᓂᕈᐊᕐᓂᖅ, ᐱᒋᐊᕐᓂᐊᕐᓗᓂᓗ ᓯᕿᙳᔭᖅ 1−ᒧᖅᐸᑦ ᐅᓐᓄᓴᒃᑯᑦ ᕿᑎᕐᒥᐅᑦ ᓯᕿᖑᔭᖓᒍᑦ.
ᐱᕙᓪᓕᐊᔪᓕᕆᔨᑦ ᐅᐸᖃᑕᐅᓯᒪᔪᑦ ᓇᔫᑎᓗᑎᒃ ᐊᑎᓕᐅᖅᓯᒪᖁᔭᐅᕗᑦ ᐅᖃᐅᔨᓗᑎᒃ ᐅᑯᓂᖓ [email protected]
ᑐᑭᓯᒋᐊᒃᑲᓐᓂᓂᕐᒧᑦ:
ᐃᓄᐃᑦ ᑕᐱᕇᑦ ᑲᓇᑕᒥ (ITK) ᑐᓴᐅᒪᑎᑦᓯᔪᓕᕆᔨᒃᑯᑦ
613-238-8181; 613-292-4482
Pivaliajulirijinit uqaujigiaruti
INUIT TAPIRIIT KANATAMI (ITK) 2018−MI
ARRAAGUTAMAT TAMAITIGUT KATIMAVIGJUAQTITTINIARNINGA
AMMALU ANGAJUQAAKSAMIK NIRUARNIQARLUTIK
Arraagutamat tamaitigut katimavigjuaqtittiniq ammalu niruarniq takuksaułautigititauniarmata;
2018 Inuit Tapiriit Kanatami tunisiniqarlutik, piqasiutilugit Inuit Iliqusingitiguut Qaujimajaujutiqarninginnut Tusinijaulutik, tunisijaulutik Inuit pitaaqtitaujut.
Nagajau, Augusi 13, 2018 − Inuvik, Nunatsiaq − Inuit Tapiriit Kanatami arraagutamaat tamaitigut katimavigjuaqtittiniarmata ammalu angajuqaaksamik niruarniqarlutik Inuvingmi tamatumani pinasuarusirmi. Sivulliqpaattiami atuqtauniarmat, Inuit Tapiriit Kanatami (ITK) takuksaułautigijunnarnialirmata taikani arraagutamat tamaitigut katimavigjuarnirmi ammalu niruanirmi piliriaqaktilugit. Uqalakpaliałautigijumit tukiliurijiqarlutik atuinaujuqarniarmat taikani katimaviujumi; takkisautłautigitillugit katimajut uqalaqattarniarmata uqausinginnit katimajaqtuqujausimajut taikani saaqarvigijangani.
Arraagutamat, Inuit Tapiriit Kanatami (ITK) arraagutamat tamaitigut katimavirjuaqtittingmata ilangani tisamait Inuik Nunangita aviktuqsimaninginni, tamatumani arraagumi, Inuvialuit Nunangani. Inuit Tapiriit Kanatami (ITK) qujalijumangmata Inuvialuit Aviktuqsimajumi Timinguqtitausimajuqutinganit (IRC) pittiaqtualuullutik qaiqujisimangmata tamatumunga 2018 arraagutamat tamaitigut katimavigjuaqtittinirmut.
Augusi 14−mi, Inuit Tapiriit Kanatami tunisiqattalarmata Inuit Tapiriit Kanatami tunisiqattarlutikt nunalit nirivigjuaqtitautillugit Inuvingmi. Inuit Tapiriit Kanatami (ITK) Inuvialuit Aviktuqsimajumi Timinguqtitausimajuqutinganit (IRC) ilisaqsiqattalaarmata inungnit taikuninga ikajuqpaktunik nunalimingnut imanailuurlutik tunisivaglutik immikkuungauqtunik: Ajunginniqsauliqtitauninginnit iliqqusirmigu ammalu uqalagusirmigut, nunalingni ikajuqattarninginnut, ajunginiqsauliqtitauninginit makkuktut, ammalu ajunginiqsauliqtitauninginut inamariit. 2018 Inuit Iliqusingitiguut Qaujimajaujutiqarninginnut Tusinijaulutik pilirianguniarmat ilisaqsijutauluni piqqusituqangatuuliqtitauninginut tamaanimiut Inuit iliqusingagut ammalu taitsumanilisarni. Tunisijuqarianngalauqsimangmat sivuliqpaami 2017−mi Nunatsiavut Gavamakkunginut ammalu Nunalingniittut Takujagaqarvinganut Sikaaguumi atauttikkuuqtaulutik iqanaijaqattarninginut piqqusituqangatuuliqtittitilugit amiakkugijaujunit 22 Inuminiit tigligaujuminiulauqtilugit iluviginit 1927−mi takujagaqarvilirijimut iqanaijarluni kiggaqturlugu takujaqarvik.
Augusi 15−mi, Inuit Tapiriikkut Kanatami (ITK) pigiarnialirmata arraagutat tamaitigut katimavigjuaqtittinirmit Inuvik Nunalingani Timinguqtitausimajup katimavingani. Piliriniuniaqtuq takuksaułautigititauniaqtuq pigiarluni 9−mi ullaakkut qitirmiut siqinngujanga maliglugu MDT. Qarataujakkuurutinga katujjauniaqtuq Inuit Tapiriikkut Kanatami kiinaqsiurivingata takuksautittivingagut uvuuna www.facebook.com/inuittapiriitkanatami. Tuksirautaujut katimajutiksait ilaqakput uqalautiqarnirmit surusirnik pisimajauvaktunik ammalu aaqqiksuinirmit kanatalimaami surusirmuungajunit ammalu ilaginut pijitsirutinut maligaliuqtuqaqulugu; utaqininginni piliriangujut ammalu aaqqiksuqtaujut Inungnut−turaangajut taimaalluaqatigilunigit juataup maliktaujarialiqutingit qaujimajausuut imanna surusiup sivulliqpaami pilirigialirutingit; ammalu Inuit Tapiriikkut Kanatami niruarnirmut maliktauqujaujut ammalu pilirijusit. Inuit Tapiriikkut Kanatami 2018 arraagutamat unikkaaliangit, piqasiutilugit kiinaujalirisimajut titiraksimalutik, uqalautauqattarniarmijut taimana katimaniqaktilugit.
Augusi 16−mi, arraagutamat tamaitigut katimavigjuarniq kajusiniarmat takuksautłautigititauvagluni. Kinguliqpaaq uqausiksani arraagutamat tamaitigut katimavigjuarnirmut katimajutiksani unauvuq Inuit Tapiriit Kanatami angajuqaanganit niruarniq, pigiarniarlunilu siqinngujaq 1−muqpat unnusakkut qitirmiut siqingujangagut.
Pivalliajulirijit upaqatausimajut najuutilutik atiliuqsimaqujauvut uqaujilutik ukuninga [email protected]
Tukisigiakkanninirmut:
Inuit Tapiriit Kanatami (ITK) Tusaumatitsijulirijikkut
613-238-8181; 613-292-4482
