Announcements

ITK 2019 AGM: Media Advisory

By September 9, 2019 No Comments

MEDIA ADVISORY

 

ITK TO HOLD 2019 AGM IN RANKIN INLET; LAUNCH NATIONAL INUIT HEALTH SURVEY

 

AGM and launch will be livestreamed;
2019 ITK Awards, including Inuit Cultural Repatriation Award, presented to Inuit recipients

 

Monday, September 9, 2019 –Rankin Inlet, Nunavut – Inuit Tapiriit Kanatami will hold its Annual General Meeting and launch the National Inuit Health Survey this week in Rankin Inlet, Nunavut. ITK’s 2019 annual report, including audited financial statements, will be presented during the meeting.

 

The AGM will run from September 11-12. The ITK Awards will be presented during a community feast on September 11. The awards recognize Inuit who are contributing to their communities. The 2019 Inuit Cultural Repatriation Award will also be presented. The award was presented for the first time in 2017 to encourage the repatriation of Inuit cultural property.

On September 12, Inuit leaders will formally launch Qanuippitaa? National Inuit Health Survey, which was created following a 2018 federal budget announcement of $82 million over 10 years and $6 million a year ongoing.

 

Wednesday September 11, 2019

2 pm CDT                    Qanuippitaa? National Inuit Health Survey technical briefing for media

Media registration required’

 

2:30 pm CDT               ITK AGM, Mary Our Mother Catholic Church Hall

Media registration required; open to the public; livestream available*

 

6:30 pm CDT               Community Feast and ITK Awards, Simon Alaittuq School

Open to the public

 

Thursday September 12, 2019

9 am CDT                    Launch of Qanuippitaa? Inuit Health Survey Launch, NTI lobby

Media registration required; livestream available*

 

10 am CDT                  Continuation of ITK AGM

Media registration required; open to the public; livestream available*

 

*The livestream will be available on the ITK Facebook page (www.facebook.com/inuittapiriitkanatami) unless Internet-related issues prevent streaming.

 

Simultaneous interpretation will be available for those attending the meeting in Rankin Inlet; the live-stream will broadcast floor feed only. All times are local and subject to change.

 

Media attending in person are required to register by contacting [email protected]

 

For more information:

 

ITK Communications

[email protected]

office 613-238-8181

cell 613-292-4482

ᑐᓴᒐᒃᓴᓕᕆᔨᓄᑦ

 

ᐃᓄᐃᑦ ᑕᐱᕇᑦ ᑲᓇᑕᒥ 2019 ᐊᕐᕌᒍᑕᒫᖅᓯᐅᑎ ᑲᑎᒪᓂᖅ ᑲᖏᖅᖠᓂᕐᒥᑦ; ᐱᒋᐊᖅᑎᓪᓗᒍ ᐃᓄᓗᒃᑖᑦ ᐋᓐᓂᐊᖃᖅᑕᐃᓕᒪᓂᖏᓐᓄᑦ ᐊᐱᖅᓱᐃᓂᖅ

 

ᐊᕐᕌᒍᑕᒫᖅᓯᐅᑎ ᑲᑎᒪᓂᖅ ᐊᒻᒪᓗ ᐱᒋᐊᖅᑎᑎᑦᑎᓂᖅ ᖃᕆᑕᐅᔭᒃᑯᑦ ᑕᑯᒃᓴᐅᑎᑕᐅᓂᐊᖅᑐᖅ; 2019 ᐃᓄᐃᑦ ᑕᐱᕇᑦ ᑲᓇᑕ ᐃᓕᑕᖅᓯᓂᐊᖅᑐᖅ ᐃᓄᐃᑦ ᐃᓕᖅᑯᓯᖏᓐᓂᒃ ᓴᑐᖅᓯᕙᓪᓕᐊᓂᕐᒧᑦ, ᑐᓂᔭᐅᓂᐊᖅᖢᑎᒃ ᐃᓄᖕᓄᑦ

 

 ᓴᓇᑦᑕᐃᓕᐅᒐᓂᒃᑐᑎᖅ, ᐊᒥᕋᐃᔭᕐᕕᒃ 9, 2019 –ᑲᖏᖅᖠᓂᖅ, ᓄᓇᕗᑦ – ᐃᓄᐃᑦ ᑕᐱᕇᑦ ᑲᓇᑕᒥ ᐊᕐᕌᒍᑕᒫᖅᓯᐅᑎᖓᓐᓂᒃ ᑲᑎᒪᓂᐊᖅᑐᑦ ᐊᒻᒪᓗ ᐱᒋᐊᖅᑎᓪᓗᒍ ᐃᓄᓗᒃᑖᑦ ᐋᓐᓂᐊᖃᖅᑕᐃᓕᒪᓂᖏᓐᓄᑦ ᐊᐱᖅᓱᐃᓂᖅ ᐱᓇᓱᐊᕈᓯᐅᓂᐊᖅᑐᒥᑦ ᑲᖏᖅᖠᓂᖅ, ᓄᓇᕗᒻᒥᑦ.  ᐃᓄᐃᑦ ᑕᐱᕇᑦ ᑲᓇᑕᒥᒃᑯᑦ 2019 ᐊᕐᕌᒍᑕᒫᖅ ᐅᓂᑉᑳᖓᓐᓂᒃ, ᐃᓚᐅᓗᑎᒃ ᓈᓴᖅᑕᐅᓯᒪᔪᑦ ᑮᓇᐅᔭᐃᑦ ᒥᒃᓵᓄᑦ ᑎᑎᖅᑲᐅᑎᖏᑦ, ᑕᑯᑎᑕᐅᓂᐊᖅᑐᑦ ᑲᑎᒪᓂᕐᒥᑦ.

 

ᐊᕐᕌᒍᑕᒫᖅᓯᐅᑎᒥᑦ ᑲᑎᒪᓂᐊᖅᑐᑦ ᐊᒥᕋᐃᔭᕐᕕᒃ 11-ᒥᑦ 12-ᒧᑦ.  ᐃᓄᐃᑦ ᑕᐱᕇᑦ ᑲᓇᑕᒥ ᐃᓕᑕᖅᓯᓂᐊᖅᑐᑦ ᓄᓇᓕᖕᒥᑦ ᓂᕆᕕᒡᔪᐊᖅᑎᑦᓯᓂᕐᒥᑦ ᐊᒥᕋᐃᔭᕐᕕᒃ 11.  ᐃᓕᑕᖅᓯᖃᑦᑕᖅᑐᑦ ᐃᓄᖕᓂᒃ ᐃᑲᔪᐃᓂᖃᖅᑐᓂᒃ ᓄᓇᓕᖏᓐᓂᑦ.  2019 ᐃᓄᐃᑦ ᐃᓕᖅᑯᓯᖏᓐᓂᒃ ᓴᑐᖅᓯᕙᓪᓕᐊᓂᕐᒧᑦ ᐃᓕᑕᖅᓯᓂᕐᒥᒃ ᑐᓯᓂᐊᕐᒥᔪᑦ.  ᐃᓕᑕᖅᓯᓂᖃᓚᐅᖅᑐᑦ ᓯᕗᓪᓕᖅᐹᒥᒃ 2017-ᒥᑦ ᐃᑲᔪᖅᑐᐃᑉᓗᑎᒃ ᓴᑐᖅᓯᓂᕐᒥᒃ ᐃᓄᐃᑦ ᐃᓕᖅᑯᓯᕆᔭᖏᓐᓄᑦ ᐱᒋᔭᐅᔪᓂᒃ.

ᐊᒥᕋᐃᔭᕐᕕᒃ 12-ᒥᑦ ᐃᓄᐃᑦ ᓯᕗᓕᖅᑎᐅᔪᑦ ᓴᖅᑭᑎᑦᓯᓂᐊᖅᑐᑦ ᖃᓄᐃᑉᐱᑕ?-ᒥᒃ  ᐃᓄᓗᒃᑖᑦ ᐋᓐᓂᐊᖃᖅᑕᐃᓕᒪᓂᖏᓐᓂᒃ ᐊᐱᖅᓱᐃᓂᖅ, ᓴᖅᑭᑕᐅᓚᐅᖅᑐᖅ 2018-ᒥᑦ ᑲᓇᑕᒥᑦ ᑮᓇᐅᔭᖅᑑᑎ ᐅᖃᐅᓯᐅᖕᒪᑦ $82 ᒥᓕᔭᓐ ᐅᑭᐅᑦ ᖁᓕᓄᑦ ᐊᒻᒪᓗ $6 ᒥᓕᔭᓐ ᑲᔪᓯᔪᒥᒃ ᐅᑭᐅᑕᒫᒃᑯᑦ.

 

ᐱᖓᔪᐊᑦ ᐊᒥᕋᐃᔭᕐᕕᒃ 11, 2019

2-ᒥ ᐅᓐᓄᒃᓴᒃᑯᑦ ᑭᕙᓪᓕᕐᒥ         ᖃᓄᐃᑉᐱᑕ? ᐃᓄᓗᒃᑖᑦ ᐋᓐᓂᐊᖃᖅᑕᐃᓕᒪᓂᖏᓐᓂᒃ ᐊᐱᖅᓱᐃᓂᕐᒧᑦ ᐱᓕᕆᐊᕐᒥᒃ ᓇᓗᓇᐃᖅᓯᓂᖅ ᑐᓴᒐᒃᓴᓕᕆᔨᓄᑦ

ᑐᓴᒐᒃᓴᓕᕆᔨᐅᔪᑦ ᐊᑎᓕᐅᕆᐊᖃᕐᓂᐊᖅᑐᑦ

2:30-ᒥ ᐅᓐᓄᒃᓴᒃᑯᑦ ᑭᕙᓪᓕᕐᒥᑦ      ᐃᓄᐃᑦ ᑕᐱᕇᑦ ᑲᓇᑕᒥ ᐊᕐᕌᒍᑕᒫᖅᓯᐅᑎᖓᓐᓂᒃ ᑲᑎᒪᓂᖅ ᐃᒃᓯᕋᕐᔪᐊᑦ ᑐᒃᓯᐊᕐᕕᖓᓐᓂᑦ

ᑐᓴᒐᒃᓴᓕᕆᔩᑦ ᐊᑎᓕᐅᕆᐊᖃᕐᓂᐊᖅᑐᑦ; ᐅᒃᑯᐃᖓᔪᖅ ᐃᓄᓗᒃᑖᓄᑦ; ᖃᕆᑕᐅᔭᒃᑯᑦ ᒪᓂᒪᔪᖅ*

 

6:30-ᒥᑦ ᐅᓐᓄᒃᓴᒃᑯᑦ ᑭᕙᓪᓕᕐᒥᑦ     ᓄᓇᓕᖕᒥ ᓂᕆᕕᒡᔪᐊᖅᑎᑦᓯᓂᖅ ᐊᒻᒪᓗ ᐃᓕᑕᕆᔭᐅᔪᑦ ᑐᓂᐅᖅᑲᖅᑕᐅᓗᑎᒃ, ᓴᐃᒪᓐ ᐊᓚᐃᑦᑐᖅ ᐃᓕᓐᓂᐊᕐᕕᖕᒥᑦ

ᐅᒃᑯᐃᖓᔪᖅ ᐃᓄᓗᒃᑖᓄᑦ

 ᓯᑕᒫᑦ ᐊᒥᕋᐃᔭᕐᕕᒃ 12, 2019

9-ᒥᑦ ᐅᑉᓛᒃᑯᑦ ᑭᕙᓪᓕᕐᒥᑦ          ᓴᖅᑭᓪᓗᒋᑦ ᖃᓄᐃᑉᐱᑕ? ᐃᓄᐃᑦ ᐋᓐᓂᐊᖃᖅᑕᐃᓕᒪᓂᖏᓐᓂᒃ ᐊᐱᖅᓱᐃᓂᖅ ᓴᖅᑭᑕᐅᓗᓂ, ᓄᓇᕗᑦ ᑐᙵᕕᒃᑯᑦ ᑎᑎᕋᕐᕕᖃᕐᕕᖓᓐᓂᑦ

ᑐᓴᒐᒃᓴᓕᕆᔨᐅᔪᑦ ᐊᑎᓕᐅᕆᐊᖃᕐᓂᐊᖅᑐᑦ; ᖃᕆᑕᐅᔭᒃᑯᑦ ᒪᓂᒪᔪᖅ*

 

10-ᒥᑦ ᐅᑉᓛᒃᑯᑦ ᑭᕙᓪᓕᕐᒥᑦ         ᐃᓄᐃᑦ ᑕᐱᕇᑦ ᑲᓇᑕᒥ ᐊᕐᕌᒍᑕᒫᖅᓯᐅᑎ ᑲᔪᓯᔪᖅ

ᑐᓴᒐᒃᓴᓕᕆᔨᐅᔪᑦ ᐊᑎᓕᐅᕆᐊᖃᕐᓂᐊᖅᑐᑦ; ᐅᒃᑯᐃᖓᔪᖅ ᐃᓄᓗᒃᑖᓄᑦ; ᖃᕆᑕᐅᔭᒃᑯᑦ ᒪᓂᒪᔪᖅ*

 

*ᖃᕆᑕᐅᔭᒃᑯᑦ ᒪᓂᒪᓂᐊᖅᑐᖅ ᐃᓄᐃᑦ ᑕᐱᕇᑦ ᑲᓇᑕᒥ Facebook-ᑯᑦ ᒪᒃᐱᖅᑐᒐᖓᓐᓂᑦ (www.facebook.com/inuittapiriitkanatami) ᑭᓯᐊᓂ ᖃᕆᑕᐅᔭᒃᑯᑦ ᑕᑯᒃᓴᐅᔪᖕᓇᕐᓂᐅᔪᑦ ᐊᔪᕐᓇᖅᑎᑦᓯᒃᐸᑕ

 

ᐃᓄᒃᑎᑑᓕᕆᔪᖅᑕᖃᕐᓂᐊᖅᑐᖅ ᑲᖏᖅᖠᓂᕐᒥ; ᖃᕆᑕᐅᔭᒃᑯᑦ ᑐᓴᖅᓴᐅᓂᐊᖅᑐᑦ ᑕᐃᑲᓃᓐᓂᕐᒥᑐᐃᓐᓇᖅ.  ᓄᓇᓕᖕᒦᓐᓂᐊᖅᑐᑦ ᐊᒻᒪᓗ ᐊᓯᐊᙳᕈᖕᓇᖅᖢᓂ.

 

ᑐᓴᒐᒃᓴᓕᕆᔩᑦ ᑕᐃᑲᓃᑦᑐᑦ ᐊᑎᓕᐅᕆᐊᖃᖅᑎᑕᐅᔪᑦ ᖃᐅᔨᒋᐊᕐᕕᒋᓗᒍ ᐅᓇ [email protected]

 

ᑐᑭᓯᐅᒪᔾᔪᑎᒃᑲᓐᓂᕐᓂᒃ ᐱᔪᒪᒍᕕᑦ:

 

ᐃᓄᐃᑦ ᑕᐱᕇᑦ ᑲᓇᑕᒥ ᑐᓴᐅᒪᖃᑦᑕᐅᑎᓕᕆᔨᒃᑯᖏᑦ

[email protected]

ᑎᑎᕋᕐᕕᒃ 613-238-8181

ᐅᖃᓘᑎᐊᓛᖅ 613-292-4482

Tusagaksalirijinut

 

Inuit Tapiriit Kanatami 2019 Arraagutamaaqsiuti katimaniq Kangiq&inirmit; pigiaqtillugu inuluktaat aanniaqaqtailimaninginnut apiqsuiniq

 

Arraagutamaaqsiuti Katimaniq ammalu pigiaqtititsiniq qaritaujakkut takuksautitauniaqtuq; 2019 Inuit Tapiriit Kanata ilitaqsiniaqtuq Inuit Iliqqusinginnik Satuqsivallianirmut, tunijauniaq&utik Inungnut

 

Sanattailiuganiktuq, Amiraijarvik 9, 2019 –Kangiq&iniq, Nunavut – Inuit Tapiriit Kanatami Arraagutamaaqsiutingannik Katimaniaqtut ammalu pigiaqtillugu Inuluktaat Aanniaqaqtailimaninginnut Apiqsuiniq pinasuarusiuniaqtumit Kangiq&iniq, Nunavummit. Inuit Tapiriit Kanatamikkut 2019 arraagutamaaq unipkaangannik, ilaulutik naasaqtausimajut kiinaujait miksaanut titiqqautingit, takutitauniaqtut katimanirmit.

 

Arraagutamaaqsiutimit Katimaniaqtut Amiraijarvik 11-mit 12-mut. Inuit Tapiriit Kanatami ilitaqsiniaqtut nunalingmit nirivigjuaqtitsinirmi Amiraijarvik 11. Ilitaqsiqattaqtut Inungnik ikajuiniqaqtunik nunalinginnit. 2019 Inuit Iliqqusinginnik Satuqsivallianirmut ilitaqsinirmik tusiniarmijut. Ilitaqsiniqalauqtut sivulliqpaamik 2017-mit ikajuqtuiplutik satuqsivalliainirmik Inuit iliqqusirijanginnut pigijaujunik.

Amiraijarvik 12-mit Inuit sivuliqtiujut saqqitsiniaqtut Qanupipitaa?-mik Inuluktaat Aanniaqaqtailimaninginnik Apiqsuiniq, saqqitaulauqtuq 2018-mit Kanatami kiinaujaqtuuti uqausiungmat $82 milijan ukiut qulinut ammalu $6 milijan kajusijumik ukiutamaakkut.

Pingajuat Amiraijarvik 11, 2019

2-mi unnuksakkut Kivallirmi      Qanuippitaa? Inuluktaat Aanniaqaqtailimaninginnik Apiqsuinirmut piliriarmik nalunaiqsiniq tusagaksalirijinut

Tusagaksalirijiujut atiliuriaqarniaqtut

 

2:30-mi unnuksakkut Kivallirmi Inuit Tapiriit Kanatami Arraagutamaaqsiutingannik Katimaniq Iksirarjuat Tuksiarvingannit tusagaksalirijiit atiliuriaqarniaqtut; ukkuingajuq inuluktaanut; qaritaujakkut manimajuq*

 

6:30-mi unnuksakkut Kivallirmi Nunalingmit nirivigjuaqtitsiniq ammalu ilitarijaujut tuniuqqaqtaulutik, Simon Alaittuq Ilinniarvingmit

ukkuingajuq inuluktaanut

 

Sitamaat Amiraijarvik 12, 2019

9-mi uplaakkut Kivallirmi           Saqqillugit Qanuippitaa? Inuit Aanniaqaqtailimaninginnik Apiqsuiniq saqqitauluni, Nunavut Tunngavikkut titirarviqarvingannit

tusagaksalirijiujut atiliuriaqarniaqtut; qaritaujakkut manimajuq*

 

10-mi uplaakkut Kivallirmi         Inuit Tapiriit Kanatami Arraagutamaaqsiuti kajusijuq

tusagaksalirijiujut atiliuriaqarniaqtut; ukkuingajuq inuluktaanut; qaritaujakkut manimajuq*

 

*Qaritaujakkut manimaniaqtuq Inuit Tapiriit Kanatami Facebook-kut makpiqtugangannit (www.facebook.com/inuittapiriitkanatami) kisiani qaritaujakkut takuksaujungnarniujut ajurnaqtittikpata

 

Inuktituulirijuqtaqarniaqtuq Kangiqłinirmi; qaritaujakkut tusaqsauniaqtut taikaniinnirmituinnaq.  Nunalingmiinniaqtut ammalu asianngurungnaqłuni.

 

Tusagaksalirijiit taikaniittut atiliuriaqaqtitaujut qaujigiarvigilugu una [email protected]

 

Tukisiumajjutikkannirnik pijumaguvit:

 

Inuit Tapiriit Kanatami tusaumaqattautilirijikkungit

[email protected]

Titirarvik 613-238-8181

Uqaluutialaaq 613-292-4482