Uncategorized @iuq

Inuit Tapiriikkunnut Kanatami Katimajingita katimaqatigiinningit tarrijautirlaktigut

Inuit Tapiriikkunnut Kanatami Katimajingita katimaqatigiinningit tarrijautirlaktigut

Iagijauqataujut Inuit Tapiriikkunnut Kanatami Katimajinginnut katinnganiqalauqput tarrijautirlaktigut tallimangautillugu aaqqiktauvagiiqsimalluni katimaqatigiinniriniaqtaminnut maliksugu. December 2019-ngutillugu kingullirmik katingmaniqalaurmata. Katimajiujut uqallausiqalauqtut gavamatuqakkut maligannguqtittivallianingannik atuliqtitauqullugit United Nation-kut Nalunaiqsijjutingannik Nunaqaqqaarsimajuit Pijunnautiqarninginnut ammalu atuliqtitauqullugit ikajuqtugausimaliqujinirmut tiliurisimalirutiujut Canada-mi Qaujigiarutigillugit Naalangniqalaurnirmit Inuaqtausimajut ammalu Asiujijausimajunut Nunaqaqqaarsimajuit Arnanginit Niviaqsianginnillu.

Uqallausiqalaurmijut piliriangujut kajusititausimaqullugit Canada-up qutsingningagut suraktiqtausimaliqullugit pilirijjutitigut kigliqalirutiuvaktut akiraqtuiniqtaqalirutiuvaksutik Inunnik, Nunaqaqqaarsimajunik ammalu Qirnirtualunnik.

“Quvipasukpunga Inuit sivuliqtigijangit katinniqarunnalaurmata tarrijautirlaktigut, pijjutiqaqtigijaujuit Inuit Nunalirinirmi Katujjiqatigiigijangit ilagijauqataullutik aviktuqsimanirijaminnit Inuit Nunangannit. Taanna katingmanirilauqtangat sivulliqpaummat Inuit Tapiriikkunnut Kanatami Katimajinginit katingmaqatigiinningita tarrijautirlaktiguuqsutik ammalu quvipasukpunga kajusitittigiarunnalaurratta

Sivummutitsigiarnittinnik piliriattinnik qangatasuukkut ingirrajunnarniujut kigliqaliqtitausimagaluaqtillugit puvvirinaqtualuk nuvagjuarnamik atuliqsimaniqarnirnit nunaligijavut qanuinngitsiaqtitauqullugit,” uqaqsuni Inuit Tapiriikkunnut Kanatami Angijuqqaangat Natan Obed.