Inuit Tapiriit Kanatami Katimajingit arraagutamaaqsiutimullu katimagiaqtuqsimajut katilauqtut Iqalunni Sitipiri 28mi 30-mut sivulliqpaarillugu najuutinikkut katimallutit taimannganik Maatsi 2020. Attanaqtumiiqunagit ilaujulimaat, ilangit ilaujut, ilaulluni atausiq Katimaji qatsigalaullu katimagiaqtuqsimajut, ilauqataulauqtut ajjiliurutikkut saqkijaaqtutit angirraminniittutit.
Katimajiit kajusititsilauqtut qatsigalannik piqujivungaarutausimajurnik, piqataullugu Inuit Nunanganni Nunataaknirmut Timiqutiujut Titiqtausimaniaqtut Nunalinnut ataani Ontario Nutaqkanut, Makkuttunut Ilagiittunullu Pijitsiqtauninginnut Maligarmi, tauqsiqtaulluni Inuit Tapiriit Kanatami, tigumiaqtiusimalauqtuq taimannganik Julai 1, 2019. Inuit Tairiit Kanatamiikkut tukisiqattanginnarniaqtut tukisigiarutitsarnik qaujimajitaunirmillu, kisiani tamanna asijjirniujuq aturiaqtuq aturumasimajaujunik pijjutisimajunillu gavamatuqakkut maliganganni. Pitsiarniq allanik, inunnik, allangajunillu nutaqkanik, makkuttunik ilagiittunillu, maanna atuliqtitausimaliqtuq.
Katimajiit angirutiqalauqtut ilaugutiqanirmut nutaarmik Inuit Tukisisarnirmut Pitsiaraluarmangaata Katimajiralaaknut qimirrugiarniaqtillugu sivulliqpaanganni piliriani Qanuippitaa?-mi Kanatalimaarmi Inuit Ilusilirinirmut Apiqsuutiqakkut. Tukisisarniq Inuit Nunanganni qimirrujaugiaqpalauqtuugaluat Pitsiaraluarmangaata Katimajiralaarnut Inunnik ilautitsisimanngittuni, Inuillu Nunangata silataaniittuni. Inuit Tukisisarnirmut Pitsiaraluarmangaata Katimajiralaat sivulliqpangujuq Kanatami. Ilauqatauniq tikkuaqtauvakkaluaqtillugu Inuit Tapiriit Kanatami katimajinginnut, katimajiralaat imminiqsunginnarniaqtut tukitaarunnarlutit timiunikkut.
Tukitaalauqtut ungagvariaqtauqullugu nanilavut pigiaqtitausimajuq arraagurnut tallimanut tikillugu 2026 tunitiuqkarlugulu amiakkunga $19.25 milijan kiinaujaqaqtitauniusimajuq gavamatuqakkunnut malillugu Inuit Tapiriit Kanatamikkut tunitiuqkainirmut kiinaujalirinirmut aaqkitsimaninga. Nanilavut pingasunik arraagurnik pijariirvitsaqaqtitaulauqtuugaluat kisianili pigunnaqsilaunngittut atangirlugit mamianniq, iqkanaijaqtitaarniq pilimmatsainirlu piliriatsanik aulatsijitsanik nunani avittuqsimajuni piliriarilugillu turaagarijangit piliriatsaup iluani pivitsaqaqtitaunirmut. Qanimannatukkuurnivut kingugvariaqtitsisimajuq aullarvitsarnik iluviqarvinnut iqkaumatsinirmullu piliriangugialinnik arraagurilauqtattinni. Pingasuujuqtuit utaqkijuq aullaqsiqtutit attanarunniiqpat amisunnguriaqsimaliqtutillu qiniqujijut aullarunnarniq matuiqpalliakkanniqsimaliqtillugu.
Katimajiit tukimuattitsilaurmijut Inuit Tapiriit Kanatamiikkunnik ilauqujillutit gavamatuqakkut pilirianganni nunaqaqkaaqsimajuit iqkaqtuivilirinirmut qanuqtuurutimik gavamatuqakkunni piqasiullugit Allait Allangajuillu piliriqatiujut. Tukitaalauqtut kiinaujait tunitiuqkaqtaulutiq $527.8 milijan Inuit tunijaujjutigisimajangit ataani Nunaqaqkaaqsimajuit Nunalingitta Sunakkutaaqariarnirmut Kiinaujaqaqtitaunirmut, pijariiqtaullutillu ilulingit atuagarmut Kanatalimaarmi Inuit Tariulirinirmut Katimajiralaarnut.
Arraagutamaaqsiutimi katimaniqaqtillugit pinasuarusingani, ilauqatautillugit katimajingit Inuit Tapiriit Kanatami ilallutit marruunnik katimajiinnik avittuqsimajuniinngaaqtuni Inuit nunanganni, ilauqataujut tusaqtitaulauqtut nutausiliriaqsimajurnik sunagalannik, piqasiulluni maligaq angiqtaulauqtuq kingunittin gavamakkut katimaniqalauqtillugit, Nuvajjuarnaq-19, Inuit Nunanganni Niqiqatsiarnirmut Qanuqtuuruti, Inuit Inuusirmik Kipisititsittailinirmut Qanuqtuuruti, aliqkusiqatigiinngittunut-turaanganiqaqtunik sunakkutaaqariarnirmut kiinaujaqaqtitauniq ammalu Inuit Nutaqkat Sivuliit Pigiaqtitausimajuq.
Inuit Tapiriit Kanatami Katimajingit, saumianik: Brian Pottle, Angijuqkaaq Kanatalimaarmi Makkuttunut Katimajinut; Rebecca Kadloo, Angijuqkaaq Pauktuutiit Arnait Kanatami katimajinut; Monica Ell-Kanayuk, Angijuqkaaq Inuit Ukiuqtaqtumiutauqatigiit Katimajinut Kanatami; Johannes Lampe, Angijuqkaaq Nunatsiavut Aavamakkunginnut; Aluki Kotierk, Angijuqkaaq Nunavut Tunngavik Timiqutianut; Pita Aatami, Angijuqkaaq Makivik Kuapariisakkunnut, Natan Obed, Angijuqkaaq Inuit Tapiriit Kanatamikkunnut. [Pitaqanngittuq: Duane Smith, itsivautaq tukimuattitsijimmariullunillu Inuvialuit Nunaqutinganni Kuapariisankunni
2021 ITK AGM participants, from left (back row): Aluki Kotierk, President of Nunavut Tunngavik Incorporated; Rebecca Kudloo, President of Pauktuutit Inuit Women of Canada; Johannes Lampe, President of Nunatsiavut; Natan Obed, President of Inuit Tapiriit Kanatami; Pita Aatami, President of Makivik Corporation; Maggie Emudluk, Vice-President Economic Development of Makivik Corporation; Kono Tattuinee, President of the Kivalliq Inuit Association. (Front row): Brian Pottle, President of the National Inuit Youth Council; Tyler Edmunds, First Minister of Nunatsiavut; Lisa Koperqualuk, Vice-President International of Inuit Circumpolar Council Canada; George Berthe, Treasurer of Makivik Corporation. (Missing: Duane Smith, Chair and CEO of Inuvialuit Regional Corporation; Gerald Inglangasuk, Vice-Chair of Inuvialuit Regional Corporation; Lucy Kuptana, Director of Operations of Inuvialuit Regional Corporation; Stanley Anablak, President of Kivalliq Inuit Association; Gerald Asivak, Nunatsiavut Minister of Health and Social Services.)