October 26, 2021 – Ottawa, Ontario
Inuit Tapiriit Kanatami quviasuqatiqarnirminnik tusaqtittigiaqput tamainik ministait katimajinginnut ilagijauliqtitaujunik ullaaq ilitarijaullutik quviasugutigijauninginnik Rideau Hall-mi. Quviasugutigijauningit takuksautittisimalauqput nutaatigut piliriniqalirviuningita Inuit-Gavamatuqakkut Piliriaqaqatigiilirninginik, Minister-ngujuit nalunaiqsititaullutik uqallariktitauninginnit Inuulluni Queen Kiggaqtuqtinganit, Upinnartuq Mary May Simon. Inuit Tapiriit Kanatami niriunniqatsiaqput aturniqaqtutigut piliriqatiqarnitik Inuit-Gavamatuqakkut Piliriaqaqatigiingninginnut Katimajiralaangannik nutaamik iksivautauqataujumik ilijausimalirningagut Gavamatuqakkut-Nunaqaqqaaqsimajuit Piliriaqaqatigiingninginnut Minister-jumik Marc Miller. Tunngasuktippavut Minister-gijauliqtut iliusimalirningita Minister-it Katimajinginnut, taikkualu nutaanut piliriaksarijanginnut nuutitausimaliqtut, ammalu taikkua piullariktutigut pilirinirijaminnik kajusititsisimaniaqtut. Qujalivvigingmijavut anivalliajut Minister-gijaujuit pijittirattialaurninginnut piliriamiktigut. Ilagillutigu Katimajigijavut, niriungniqattiaqpugut piliriqatigiittiarniarnittinnut sivummugiaqtitsivalliatilluta amiqqarutigillugit sivulliqpautitauqujavut inuusilirinirmi naliqqautitqtinirmut ammalu qanuinngittiariaqarninginnut Inuit.