October 26, 2021 – Ottawa, Ontario
ᐃᓄᐃᑦ ᑕᐱᕇᑦ ᑲᓇᑕᒥ ᖁᕕᐊᓱᖃᑎᖃᕐᓂᕐᒥᓐᓂᒃ ᑐᓴᖅᑎᑦᑎᒋᐊᖅᐳᑦ ᑕᒪᐃᓂᒃ ᒥᓂᔅᑕᐃᑦ ᑲᑎᒪᔨᖏᓐᓄᑦ ᐃᓚᒋᔭᐅᓕᖅᑎᑕᐅᔪᓂᒃ ᐅᓪᓛᖅ ᐃᓕᑕᕆᔭᐅᓪᓗᑎᒃ ᖁᕕᐊᓱᒍᑎᒋᔭᐅᓂᖏᓐᓂᒃ ᕇᑑᓪ ᕼᐋᓪᒥ. ᖁᕕᐊᓱᒍᑎᒋᔭᐅᓂᖏᑦ ᑕᑯᒃᓴᐅᑎᑦᑎᓯᒪᓚᐅᖅᐳᑦ ᓄᑖᑎᒍᑦ ᐱᓕᕆᓂᖃᓕᕐᕕᐅᓂᖏᑕ ᐃᓄᐃᑦ-ᒐᕙᒪᑐᖃᒃᑯᑦ ᐱᓕᕆᐊᖃᖃᑎᒌᓕᕐᓂᖏᓂᒃ, ᒥᓂᔅᑕᐃᑦ ᓇᓗᓇᐃᖅᓯᑎᑕᐅᓪᓗᑎᒃ ᐅᖃᓪᓚᕆᒃᑎᑕᐅᓂᖏᓐᓂᑦ ᐃᓅᓪᓗᓂ ᑯᐃᓐ ᑭᒡᒐᖅᑐᖅᑎᖓᓂᑦ, ᐅᐱᓐᓇᕐᑐᖅ ᒥᐊᕆ ᒪᐃ ᓴᐃᒪᓐ. ᐃᓄᐃᑦ ᑕᐱᕇᑦ ᑲᓇᑕᒥ ᓂᕆᐅᓐᓂᖃᑦᓯᐊᖅᐳᑦ ᐊᑐᕐᓂᖃᖅᑐᑎᒍᑦ ᐱᓕᕆᖃᑎᖃᕐᓂᑎᒃ ᐃᓄᐃᑦ-ᒐᕙᒪᑐᖃᒃᑯᑦ ᐱᓕᕆᐊᖃᖃᑎᒌᖕᓂᖏᓐᓄᑦ ᑲᑎᒪᔨᕋᓛᖓᓐᓂᒃ ᓄᑖᒥᒃ ᐃᒃᓯᕙᐅᑕᐅᖃᑕᐅᔪᒥᒃ ᐃᓕᔭᐅᓯᒪᓕᕐᓂᖓᒍᑦ ᒐᕙᒪᑐᖃᒃᑯᑦ-ᓄᓇᖃᖅᑳᖅᓯᒪᔪᐃᑦ ᐱᓕᕆᐊᖃᖃᑎᒌᖕᓂᖏᓐᓄᑦ ᒥᓂᔅᑕᐅᔪᒥᒃ ᒫᒃ ᒥᓪᓗᕐ. ᑐᖖᒐᓱᒃᑎᑉᐸᕗᑦ ᒥᓂᔅᑕᕆᔭᐅᓕᖅᑐᑦ ᐃᓕᐅᓯᒪᓕᕐᓂᖏᑕ ᒥᓂᔅᑕᐃᑦ ᑲᑎᒪᔨᖏᓐᓄᑦ., ᑕᐃᒃᑯᐊᓗ ᓄᑖᓄᑦ ᐱᓕᕆᐊᒃᓴᕆᔭᖏᓐᓄᑦ ᓅᑎᑕᐅᓯᒪᓕᖅᑐᑦ, ᐊᒻᒪᓗ ᑕᐃᒃᑯᐊ ᐱᐅᓪᓚᕆᒃᑐᑎᒍᑦ ᐱᓕᕆᓂᕆᔭᒥᓐᓂᒃ ᑲᔪᓯᑎᑦᓯᓯᒪᓂᐊᖅᑐᑦ. ᖁᔭᓕᕝᕕᒋᖕᒥᔭᕗᑦ ᐊᓂᕙᓪᓕᐊᔪᑦ ᒥᓂᔅᑕᐃᑦ ᐱᔨᑦᑎᕋᑦᑎᐊᓚᐅᕐᓂᖏᓐᓄᑦ ᐱᓕᕆᐊᒥᒃᑎᒍᑦ. ᐃᓚᒋᓪᓗᑎᒍ ᑲᑎᒪᔨᒋᔭᕗᑦ, ᓂᕆᐅᖕᓂᖃᑦᑎᐊᖅᐳᒍᑦ ᐱᓕᕆᖃᑎᒌᑦᑎᐊᕐᓂᐊᕐᓂᑦᑎᓐᓄᑦ ᓯᕗᒻᒧᒋᐊᖅᑎᑦᓯᕙᓪᓕᐊᑎᓪᓗᑕ ᐊᒥᖅᑲᕈᑎᒋᓪᓗᒋᑦ ᓯᕗᓪᓕᖅᐸᐅᑎᑕᐅᖁᔭᕗᑦ ᐃᓅᓯᓕᕆᓂᕐᒥ ᓇᓕᖅᑲᐅᑎᑦᖅᑎᓂᕐᒧᑦ ᐊᒻᒪᓗ ᖃᓄᐃᖖᒋᑦᑎᐊᕆᐊᖃᕐᓂᖏᓐᓄᑦ ᐃᓄᐃᑦ.