Inuit Tapiriit Kanatami 2022-mut kiinaujaqtuutiksanut aaqqiisimalilauqqaaratik tunisimajangit turaangatitauvut pimmariuluarningita angijummaringmik kiinaujanik qiturngiuqtittisimanirnut nalunaiqtausimallutik sivulliqpautitaksaujuni pilirianit pitaqaliqpallianiqarlutik ikajurutiksanik inulimaanut saqqippalliatitsilirumaaqtunit. Inuit Nunangat angiluammariktumik iglulirinirni tuaviurnaqsisimajuqarmata ammalu quttiluaqtumik titiraqtausimallutik niqigijaksanik pisimaliqattarunnannginningit taimaunginnaujarmata nalituinnangini nunaqaqqaarsimajut inuuqatigiiktuqutinginni nunaqaqsutik pivalliatitausimattiaqtuni nunarjuami. tamakkua naammanngittukkut aktuisimalirmata aanniaqaliqtailimaniujunut ammalu qanuinngittiariaqarnirnut, ilinniarnilirinirnut, iqqanaijarnilirinirnut, kiinaujaliurasugutauvaktunut, piusituqarijaujut kajusiinnarunnarninginnut ammalu katujjiniqarluta sivummugiaqtitsijunnarnittinnut amiqqarsutigu piliriaksarijattinnik piliriniqarunnarnittinnut nungutitausimaliqullugu puvaglungnirmik aanniarniqalirniuvaktumut inuit nunanganni ukiungata 2030 sivurngani. 2022-2023 kiinaujalirinnaup ukiungani, Inuit Tapiriit Kanatami qiniliqsimavut ilijauqatausimaliqullugit inungnut turaangatitaullutik sivulliqpautitaksaujunik gavamatuqakkut kiinaujaqutiksaqartittininginni sivummugiaqtitsisimajunik pisimalirnirmut tunngaviqutiksaujunik ammalu sivulliqpautitauqujaujunik nalunaiqtausimallutik Inuit Nunanganni Nalunaiqsisimajjutingini Inuit-Gavamatuqakkut Piliriaqaqatigiingninginni.
