June 25, 2021 – Ottawa
Inuit qiksaaqatiqaqput Cowessess Iqqilinginnik, ilagijaujunik 751-nut iluvinginnik nanijausaalauqtunut qanigijangani Marieval Iqqilingnut Ilinniarviulauqtup, ammalu annaksimajunik ilinniariaqpalauqtunit Canadami tavvani pinasuarusirmi tukisitsiariaq ajurnammariktuulluni nanijaujuqakkannirningata nalunaikkutaliqsimanngitunik iluvingnik Saskatchewan-mi. Qujagivaqput Isumatammarik Cadmus Delorme ammalu piliriqatigijangit angijualummik sannginiqaqtuuninginnut. Asiujisimaninginnik ilaiqsimalirninginnut nagligigattigut tusaqtigiaqpavut, ammalu sannginiqaqtummariuninginnik angijumik piliriaksaqaliqsimaninginnut sivuniuniaqtumi.
Inuit angijummarialungmik qisaarutiqatiqaqatauvut Canadamiulimaanik, amma Iqqilingnik Canadalimaami nanisivallianinginni tamakkuninga akunualuk ijiqtausimaliqtuvinirnik. tamakkua sulijuullutik saqqitausimalirningit aksurjuammarialuk uummatimi aannirutiusimammata taikkununga tusaqsimaliqtitaujumut piluarjuaqtumik aanniqtiqtauvalaurningita ilinniariarvingmiittut. Ilagijaujunut ammalu annaumajjusiqaqsimajunut, ammalu tamainnut Nunaqaqqaarsimajuit Inuqutinginnut, nanisisimaliqattarniuvalliajut, atuni surusikuluit iluvigausimajuviniit nanijausimaliqpalliajunut, aksururnasuartumik ikpinnianivut uqumaiglivalliajjutiuqattaqput. Tamattaulluta qiksaarutiqaqtilluta ammalu ugguarniqaqtilluta tiliuriliqsimavugu sukkaliqtippallialiriaqtitauqullugit saimmaqatigiiksimalirajarniit atuliqtitsinikkut Canadami Kiglisiniaqtikkut Tiliurijjutigisimajanginik Ikajuqtugaunniqaliqujillutik
.