ᔫᓂ 25, 2021 – ᐊᑐᕙ
ᐃᓄᐃᑦ ᕿᒃᓵᖃᑎᖃᖅᐳᑦ ᑲᐅᕕᓯᔅ ᐃᖅᑭᓕᖏᓐᓂᒃ, ᐃᓚᒋᔭᐅᔪᓂᒃ 751-ᓄᑦ ᐃᓗᕕᖏᓐᓂᒃ ᓇᓂᔭᐅᓵᓚᐅᖅᑐᓄᑦ ᖃᓂᒋᔭᖓᓂ ᒥᐊᕆᕕᐊᓪ ᐃᖅᑭᓕᖕᓄᑦ ᐃᓕᓐᓂᐊᕐᕕᐅᓚᐅᖅᑐᑉ, ᐊᒻᒪᓗ ᐊᓐᓇᒃᓯᒪᔪᓂᒃ ᐃᓕᓐᓂᐊᕆᐊᖅᐸᓚᐅᖅᑐᓂᑦ ᑲᓇᑕᒥ ᑕᕝᕙᓂ ᐱᓇᓱᐊᕈᓯᕐᒥ ᑐᑭᓯᑦᓯᐊᕆᐊᖅ ᐊᔪᕐᓇᒻᒪᕆᒃᑑᓪᓗᓂ ᓇᓂᔭᐅᔪᖃᒃᑲᓐᓂᕐᓂᖓᑕ ᓇᓗᓇᐃᒃᑯᑕᓕᖅᓯᒪᖖᒋᑐᓂᒃ ᐃᓗᕕᖕᓂᒃ ᓴᔅᑳᑦᓱᕙᓐᒥ. ᖁᔭᒋᕙᖅᐳᑦ ᐃᓱᒪᑕᒻᒪᕆᒃ ᑳᑦᒪᔅ ᑎᓗᐊᕐᒥ ᐊᒻᒪᓗ ᐱᓕᕆᖃᑎᒋᔭᖏᑦ ᐊᖏᔪᐊᓗᒻᒥᒃ ᓴᖖᒋᓂᖃᖅᑑᓂᖏᓐᓄᑦ. ᐊᓯᐅᔨᓯᒪᓂᖏᓐᓂᒃ ᐃᓚᐃᖅᓯᒪᓕᕐᓂᖏᓐᓄᑦ ᓇᒡᓕᒋᒐᑦᑎᒍᑦ ᑐᓴᖅᑎᒋᐊᖅᐸᕗᑦ, ᐊᒻᒪᓗ ᓴᖖᒋᓂᖃᖅᑐᒻᒪᕆᐅᓂᖏᓐᓂᒃ ᐊᖏᔪᒥᒃ ᐱᓕᕆᐊᒃᓴᖃᓕᖅᓯᒪᓂᖏᓐᓄᑦ ᓯᕗᓂᐅᓂᐊᖅᑐᒥ.
ᐃᓄᐃᑦ ᐊᖏᔪᒻᒪᕆᐊᓗᖕᒥᒃ ᕿᓵᕈᑎᖃᑎᖃᖃᑕᐅᕗᑦ ᑲᓇᑕᒥᐅᓕᒫᓂᒃ, ᐊᒻᒪ ᐃᖅᑭᓕᖕᓂᒃ ᑲᓇᑕᓕᒫᒥ ᓇᓂᓯᕙᓪᓕᐊᓂᖏᓐᓂ ᑕᒪᒃᑯᓂᖓ ᐊᑯᓄᐊᓗᒃ ᐃᔨᖅᑕᐅᓯᒪᓕᖅᑐᕕᓂᕐᓂᒃ. ᑕᒪᒃᑯᐊ ᓱᓕᔫᓪᓗᑎᒃ ᓴᖅᑭᑕᐅᓯᒪᓕᕐᓂᖏᑦ ᐊᒃᓱᕐᔪᐊᒻᒪᕆᐊᓗᒃ ᐆᒻᒪᑎᒥ ᐋᓐᓂᕈᑎᐅᓯᒪᒻᒪᑕ ᑕᐃᒃᑯᓄᖓ ᑐᓴᖅᓯᒪᓕᖅᑎᑕᐅᔪᒧᑦ ᐱᓗᐊᕐᔪᐊᖅᑐᒥᒃ ᐋᓐᓂᖅᑎᖅᑕᐅᕙᓚᐅᕐᓂᖏᑕ ᐃᓕᓐᓂᐊᕆᐊᕐᕕᖕᒦᑦᑐᑦ. ᐃᓚᒋᔭᐅᔪᓄᑦ ᐊᒻᒪᓗ ᐊᓐᓇᐅᒪᔾᔪᓯᖃᖅᓯᒪᔪᓄᑦ, ᐊᒻᒪᓗ ᑕᒪᐃᓐᓄᑦ ᓄᓇᖃᖅᑳᕐᓯᒪᔪᐃᑦ ᐃᓄᖁᑎᖏᓐᓄᑦ, ᓇᓂᓯᓯᒪᓕᖃᑦᑕᕐᓂᐅᕙᓪᓕᐊᔪᑦ, ᐊᑐᓂ ᓱᕈᓯᑯᓗᐃᑦ ᐃᓗᕕᒐᐅᓯᒪᔪᕕᓃᑦ ᓇᓂᔭᐅᓯᒪᓕᖅᐸᓪᓕᐊᔪᓄᑦ, ᐊᒃᓱᕈᕐᓇᓱᐊᕐᑐᒥᒃ ᐃᒃᐱᓐᓂᐊᓂᕗᑦ ᐅᖁᒪᐃᒡᓕᕙᓪᓕᐊᔾᔪᑎᐅᖃᑦᑕᖅᐳᑦ. ᑕᒪᑦᑕᐅᓪᓗᑕ ᕿᒃᓵᕈᑎᖃᖅᑎᓪᓗᑕ ᐊᒻᒪᓗ ᐅᒡᒍᐊᕐᓂᖃᖅᑎᓪᓗᑕ ᑎᓕᐅᕆᓕᖅᓯᒪᕗᒍ ᓱᒃᑲᓕᖅᑎᑉᐸᓪᓕᐊᓕᕆᐊᖅᑎᑕᐅᖁᓪᓗᒋᑦ ᓴᐃᒻᒪᖃᑎᒌᒃᓯᒪᓕᕋᔭᕐᓃᑦ ᐊᑐᓕᖅᑎᑦᓯᓂᒃᑯᑦ ᑲᓇᑕᒥ ᑭᒡᓕᓯᓂᐊᖅᑎᒃᑯᑦ ᑎᓕᐅᕆᔾᔪᑎᒋᓯᒪᔭᖏᓂᒃ ᐃᑲᔪᖅᑐᒐᐅᓐᓂᖃᓕᖁᔨᓪᓗᑎᒃ.