Ottawa – July 1, 2021
Inuit Tapiriikkut Kanatami ilagijauqatauvut kanatamiulimaat nalunaiqsiniqaqtillugit July 1 ullunga ilumikkut kataksimaniqaqsutik iqqaumaninginik Canadaup nunarjuangani suli piliriaksaqtaqarninganik saimmaqatigiiksimalirajarnirmut tikisimalirutiujunnaqtunut. Qiksaarutigivaqput atuni surusikuluit inuujungniilauqtut ilinniariarturviuvaktuni ammalu uggualuarnirmut qugviurutiqarninginnut angijualungmik aktuqtauvallianiujunut suli kikkulimaanit qanutuinnaq ukiuqaqtuugaluarutik.
Tavvani ullurmi iqqaumavaqput tamarmik Canadamiutaullutik surusiit ammalu ilitarillutigut iplirnallariktuuninginnut. Sanngginirmik tigusisimagiaqpugut sivulivinittinnit ammalu piullariktuulluni piusituqarmingnik tunisisimalilaurmatigut. Ikajuqtigiikgugut iqqaumanittinni aannirnammariktumik atulikkanniqsimanittinnik asiujisimaliqtattinnut. Tamatuminga uvattinnut qimmakuujunik tigumiaqpugut, ammalu amiqqarutigillutigu kanatamiuqatilimaattinnut tamarmik kanatamiutaujuit iijangavvigituraullutik uqumaittukkuurnittinnik aniguiqatigiigasuktilluta ikajuqtuiniqaliqullugit ammalu ilagilirluta nunarjuaqtaaqsimalirniksamik quviasugutigijunnarniaqtattinnik piruqtittinasuliqtilluta katujjiluta.
Taakkununga pijjutiqaqtunik tusaqtitaugiakkannirumajut taijaujunik kanatavut, ukunannggat ikajurutiksaliangusimajunit qaujigiarviqarunnaqput:
Inuvialuit Kingullirmik Angirutingit 101
Kappiataittut/Fearless
Napagunnaqullusi/Napagunnaqullusi/So That You Can Stand
Inuttitut uqausiq ullurijattinni
Inuit Nunangat Taimannganit
Nunaqaqqaaqsimajunut Najuqtaujunut Nunanngguaq Canadami (Inuit)/ Indigenous Peoples Atlas of Canada (Inuit)