ᐋᑐᕙ – ᔪᓚᐃ 1, 2021
ᐃᓄᐃᑦ ᑕᐱᕇᒃᑯᑦ ᑲᓇᑕᒥ ᐃᓚᒋᔭᐅᖃᑕᐅᕗᑦ ᑲᓇᑕᒥᐅᓕᒫᑦ ᓇᓗᓇᐃᖅᓯᓂᖃᖅᑎᓪᓗᒋᑦ ᔪᓚᐃ 1 ᐅᓪᓗᖓ ᐃᓗᒥᒃᑯᑦ ᑲᑕᒃᓯᒪᓂᖃᖅᓱᑎᒃ ᐃᖅᑲᐅᒪᓂᖏᓂᒃ ᑲᓇᑕᐅᑉ ᓄᓇᕐᔪᐊᖓᓂ ᓱᓕ ᐱᓕᕆᐊᒃᓴᖅᑕᖃᕐᓂᖓᓂᒃ ᓴᐃᒻᒪᖃᑎᒌᒃᓯᒪᓕᕋᔭᕐᓂᕐᒧᑦ ᑎᑭᓯᒪᓕᕈᑎᐅᔪᓐᓇᖅᑐᓄᑦ. ᕿᒃᓵᕈᑎᒋᕙᖅᐳᑦ ᐊᑐᓂ ᓱᕈᓯᑯᓗᐃᑦ ᐃᓅᔪᖕᓃᓚᐅᖅᑐᑦ ᐃᓕᓐᓂᐊᕆᐊᕐᑐᕐᕕᐅᕙᒃᑐᓂ ᐊᒻᒪᓗ ᐅᒡᒍᐊᓗᐊᕐᓂᕐᒧᑦ ᖁᒡᕕᐅᕈᑎᖃᕐᓂᖏᓐᓄᑦ ᐊᖏᔪᐊᓗᖕᒥᒃ ᐊᒃᑐᖅᑕᐅᕙᓪᓕᐊᓂᐅᔪᓄᑦ ᓱᓕ ᑭᒃᑯᓕᒫᓂᑦ ᖃᓄᑐᐃᓐᓇᖅ ᐅᑭᐅᖃᖅᑑᒐᓗᐊᕈᑎᒃ.
ᑕᕝᕙᓂ ᐅᓪᓗᕐᒥ ᐃᖅᑲᐅᒪᕙᖅᐳᑦ ᑕᒪᕐᒥᒃ ᑲᓇᑕᒥᐅᑕᐅᓪᓗᑎᒃ ᓱᕈᓰᑦ ᐊᒻᒪᓗ ᐃᓕᑕᕆᓪᓗᑎᒍᑦ ᐃᑉᓕᕐᓇᓪᓚᕆᒃᑑᓂᖏᓐᓄᑦ. ᓴᖖᒋᓂᕐᒥᒃ ᑎᒍᓯᓯᒪᒋᐊᖅᐳᒍᑦ ᓯᕗᓕᕕᓂᑦᑎᓐᓂᑦ ᐊᒻᒪᓗ ᐱᐅᓪᓚᕆᒃᑑᓪᓗᓂ ᐱᐅᓯᑐᖃᕐᒥᖕᓂᒃ ᑐᓂᓯᓯᒪᓕᓚᐅᕐᒪᑎᒍᑦ. ᐃᑲᔪᖅᑎᒌᒃᒍᒍᑦ ᐃᖅᑲᐅᒪᓂᑦᑎᓐᓂ ᐋᓐᓂᕐᓇᒻᒪᕆᒃᑐᒥᒃ ᐊᑐᓕᒃᑲᓐᓂᖅᓯᒪᓂᑦᑎᓐᓂᒃ ᐊᓯᐅᔨᓯᒪᓕᖅᑕᑦᑎᓐᓄᑦ. ᑕᒪᑐᒥᖓ ᐅᕙᑦᑎᓐᓄᑦ ᕿᒻᒪᑰᔪᓂᒃ ᑎᒍᒥᐊᖅᐳᒍᑦ, ᐊᒻᒪᓗ ᐊᒥᖅᑲᕈᑎᒋᓪᓗᑎᒍ ᑲᓇᑕᒥᐅᖃᑎᓕᒫᑦᑎᓐᓄᑦ ᑕᒪᕐᒥᒃ ᑲᓇᑕᒥᐅᑕᐅᔪᐃᑦ ᐄᔭᖓᕝᕕᒋᑐᕋᐅᓪᓗᑎᒃ ᐅᖁᒪᐃᑦᑐᒃᑰᕐᓂᑦᑎᓐᓂᒃ ᐊᓂᒍᐃᖃᑎᒌᒐᓱᒃᑎᓪᓗᑕ ᐃᑲᔪᖅᑐᐃᓂᖃᓕᖁᓪᓗᒋᑦ ᐊᒻᒪᓗ ᐃᓚᒋᓕᕐᓗᑕ ᓄᓇᕐᔪᐊᖅᑖᖅᓯᒪᓕᕐᓂᒃᓴᒥᒃ ᖁᕕᐊᓱᒍᑎᒋᔪᓐᓇᕐᓂᐊᖅᑕᑦᑎᓐᓂᒃ ᐱᕈᖅᑎᑦᑎᓇᓱᓕᖅᑎᓪᓗᑕ ᑲᑐᔾᔨᓗᑕ.
ᑖᒃᑯᓄᖓ ᐱᔾᔪᑎᖃᖅᑐᓂᒃ ᑐᓴᖅᑎᑕᐅᒋᐊᒃᑲᓐᓂᕈᒪᔪᑦ ᑕᐃᔭᐅᔪᓂᒃ ᑲᓇᑕᕗᑦ, ᐅᑯᓇᖖᒐᑦ ᐃᑲᔪᕈᑎᒃᓴᓕᐊᖑᓯᒪᔪᓂᑦ ᖃᐅᔨᒋᐊᕐᕕᖃᕈᓐᓇᖅᐳᑦ:
ᐃᓄᕕᐊᓗᐃᑦ ᑭᖑᓪᓕᕐᒥᒃ ᐊᖏᕈᑎᖏᑦ 101
ᑲᑉᐱᐊᑕᐃᑦᑐᑦ/Kappiataittut/Fearless
ᓇᐸᒍᓐᓇᖁᓪᓗᓯ/Napagunnaqullusi/So That You Can Stand
ᐃᓄᑦᑎᑐᑦ/Inuttitut ᐅᖃᐅᓯᖅ ᐅᓪᓗᕆᔭᑦᑎᓐᓂ
ᐃᓄᐃᑦ ᓄᓇᖓᑦ ᑕᐃᒪᖖᒐᓂᑦ/Inuit Nunangat Taimannganit
ᓄᓇᖃᖅᑳᖅᓯᒪᔪᓄᑦ ᓇᔪᖅᑕᐅᔪᓄᑦ ᓄᓇᖖᒍᐊᖅ ᑲᓇᑕᒥ (ᐃᓄᐃᑦ)/ Indigenous Peoples Atlas of Canada (Inuit)