AnnouncementsUncategorized @iuq

Inuit Tapiriikkut Kanatami Tunngasuktitsiningit Tusaqtitaunirminnik Edmonton-mit Canada-mi Aqsaqtimmariit Pinnguaqtingita Atsiqtausimanituqaminnik Aturungniiqtittiniarnirminnut

Inuit Tapiriikkut Kanatami Tunngasuktitsiningit Tusaqtitaunirminnik Edmonton-mit Canada-mi Aqsaqtimmariit Pinnguaqtingita Atsiqtausimanituqaminnik Aturungniiqtittiniarnirminnut

Inuit Tapiriikkut Kanatami tunngasuktitsilauqput tusaqtitaujjutiminnik Edmonton-mit Canada-mi Aqsaqtimmariit Pinnguaqtingita Katimajinginnit atsiqtausimanituqaminnik aturungniiqtittiniarnirminnik taimannganituqamit nalunaikkutarisimaliqtaminnik aqsaqtiullutik ammalu asijjiisimalirniarnirmut nutaanut, suli isumaliurutiusimanani atirilirniaqtaminnut. Inuit Tapiriikkut Kanatami atainnaqtumik uqaqsimainnarmata aqsaqtimmariullutik pinnguaqtiit atingat asirurutiuvallianingata Inunnut ammalu saimmaqatigiiksimalirajarnirmut. Pilirianguvalliasimaninga ilitarijausimaliqullugu ammalu kiujausimaliqullugit tamakkua naammanngittumik ilinngaisimaniujunut piluaqtumik aktuisimaniqarninginnut saimmaqatigiiksimalirajarninginnut Inuit ammalu Canada-up, ammalu ilagijauqatauningitta angijummarimmik piliriangujariaqarniaqtunut nuqqaqtittisimaliriarnirmut pilirijjutitigut akiraqtuiniuqattaqsimajunut.

Qujannamiiqpavut Edmonton-mit aqsaqtimmariullutik pinnguaqtingit tamatuminga pimmariutiulluni isumaliurutiqaqsimalilaurninginnut ammalu piliriaqaqpallialirningit nutaamik atiqtaarsimalirniarnirminnut isumaliurutiqarasuarningit ingirratsiarunnarniaqullugit. Qujannamiirmijavut Inunnik piliriqatiqaqattaqsimalirninginnut amisurlauliqtunut ukiunut ammalu kajusitsiaqtittiqullutigu quviasugutiqaqattarninginnik Inunnit ikajuqtugauvannirminnik ammalu piliriqatiqaqattarnirminnik Inunnik nunagijatuqattinni, Inuit Nunanganni. Inuit Tapiriikkut Kanatami qujalimmarikput uqausikkut ikajuqtugausimanirminnik ilagijauqataulilauqtunut tamatumunga isumaliurutiqaqsimaliriaqtillugit – Inuit makkuktunginit pilirivviqaqtut kiinaujaqutiqaqtitsijiuvaktunut ammalu Canada-miungujunit tukisiumajunut naammanngittuliurviusimanirnut ammalu nilliusiqaqsimajariaqarnirminniktauq saqqiisimalirunnalaurninginnut. Nilliajjutiqaqattarnitsinnit tamaunga tikisimalirunnalauratta.