AnnouncementsUncategorized @ius

ᐃᓄᐃᑦ ᑕᐱᕇᒃᑯᑦ ᑲᓇᑕᒥ ᑐᖖᒐᓱᒃᑎᑦᓯᓂᖏᑦ ᑐᓴᖅᑎᑕᐅᓂᕐᒥᓐᓂᒃ ᐃᑦᒪᓐᑕᓐᒥᑦ ᑲᓇᑕᒥ ᐊᖅᓴᖅᑎᒻᒪᕇᑦ ᐱᖖᒍᐊᖅᑎᖏᑕ ᐊᑦᓯᖅᑕᐅᓯᒪᓂᑐᖃᒥᓐᓂᒃ ᐊᑐᕈᖕᓃᖅᑎᑦᑎᓂᐊᕐᓂᕐᒥᓐᓄᑦ

ᐃᓄᐃᑦ ᑕᐱᕇᒃᑯᑦ ᑲᓇᑕᒥ ᑐᖖᒐᓱᒃᑎᑦᓯᓂᖏᑦ ᑐᓴᖅᑎᑕᐅᓂᕐᒥᓐᓂᒃ ᐃᑦᒪᓐᑕᓐᒥᑦ ᑲᓇᑕᒥ ᐊᖅᓴᖅᑎᒻᒪᕇᑦ ᐱᖖᒍᐊᖅᑎᖏᑕ ᐊᑦᓯᖅᑕᐅᓯᒪᓂᑐᖃᒥᓐᓂᒃ ᐊᑐᕈᖕᓃᖅᑎᑦᑎᓂᐊᕐᓂᕐᒥᓐᓄᑦ

ᐃᓄᐃᑦ ᑕᐱᕇᒃᑯᑦ ᑲᓇᑕᒥ ᑐᖖᒐᓱᒃᑎᑦᓯᓚᐅᖅᐳᑦ ᑐᓴᖅᑎᑕᐅᔾᔪᑎᒥᓐᓂᒃ ᐃᑦᒪᓐᑕᓐᒥᑦ ᑲᓇᑕᒥ ᐊᖅᓴᖅᑎᒻᒪᕇᑦ ᐱᖖᒍᐊᖅᑎᖏᑕ ᑲᑎᒪᔨᖏᓐᓂᑦ ᐊᑦᓯᖅᑕᐅᓯᒪᓂᑐᖃᒥᓐᓂᒃ ᐊᑐᕈᖕᓃᖅᑎᑦᑎᓂᐊᕐᓂᕐᒥᓐᓂᒃ ᑕᐃᒪᖖᒐᓂᑐᖃᒥᑦ ᓇᓗᓇᐃᒃᑯᑕᕆᓯᒪᓕᖅᑕᒥᓐᓂᒃ ᐊᖅᓴᖅᑎᐅᓪᓗᑎᒃ ᐊᒻᒪᓗ ᐊᓯᔾᔩᓯᒪᓕᕐᓂᐊᕐᓂᕐᒧᑦ ᓄᑖᓄᑦ, ᓱᓕ ᐃᓱᒪᓕᐅᕈᑎᐅᓯᒪᓇᓂ ᐊᑎᕆᓕᕐᓂᐊᖅᑕᒥᓐᓄᑦ. ᐃᓄᐃᑦ ᑕᐱᕇᒃᑯᑦ ᑲᓇᑕᒥ ᐊᑕᐃᓐᓇᖅᑐᒥᒃ ᐅᖃᖅᓯᒪᐃᓐᓇᕐᒪᑕ ᐊᖅᓴᖅᑎᒻᒪᕆᐅᓪᓗᑎᒃ ᐱᖖᒍᐊᖅᑏᑦ ᐊᑎᖓᑦ ᐊᓯᕈᕈᑎᐅᕙᓪᓕᐊᓂᖓᑕ ᐃᓄᓐᓄᑦ ᐊᒻᒪᓗ ᓴᐃᒻᒪᖃᑎᒌᒃᓯᒪᓕᕋᔭᕐᓂᕐᒧᑦ. ᐱᓕᕆᐊᖑᕙᓪᓕᐊᓯᒪᓂᖓ ᐃᓕᑕᕆᔭᐅᓯᒪᓕᖁᓪᓗᒍ ᐊᒻᒪᓗ ᑭᐅᔭᐅᓯᒪᓕᖁᓪᓗᒋᑦ ᑕᒪᒃᑯᐊ ᓈᒻᒪᖖᒋᑦᑐᒥᒃ ᐃᓕᖖᒐᐃᓯᒪᓂᐅᔪᓄᑦ ᐱᓗᐊᖅᑐᒥᒃ ᐊᒃᑐᐃᓯᒪᓂᖃᕐᓂᖏᓐᓄᑦ ᓴᐃᒻᒪᖃᑎᒌᒃᓯᒪᓕᕋᔭᕐᓂᖏᓐᓄᑦ ᐃᓄᐃᑦ ᐊᒻᒪᓗ ᑲᓇᑕᐅᑉ, ᐊᒻᒪᓗ ᐃᓚᒋᔭᐅᖃᑕᐅᓂᖏᑦᑕ ᐊᖏᔪᒻᒪᕆᒻᒥᒃ ᐱᓕᕆᐊᖑᔭᕆᐊᖃᕐᓂᐊᖅᑐᓄᑦ ᓄᖅᑲᖅᑎᑦᑎᓯᒪᓕᕆᐊᕐᓂᕐᒧᑦ ᐱᓕᕆᔾᔪᑎᑎᒍᑦ ᐊᑭᕋᖅᑐᐃᓂᐅᖃᑦᑕᖅᓯᒪᔪᓄᑦ.

ᖁᔭᓐᓇᒦᖅᐸᕗᑦ ᐃᑦᒪᓐᑕᓐᒥᑦ ᐊᖅᓴᖅᑎᒻᒪᕆᐅᓪᓗᑎᒃ ᐱᖖᒍᐊᖅᑎᖏᑦ ᑕᒪᑐᒥᖓ ᐱᒻᒪᕆᐅᑎᐅᓪᓗᓂ ᐃᓱᒪᓕᐅᕈᑎᖃᖅᓯᒪᓕᓚᐅᕐᓂᖏᓐᓄᑦ ᐊᒻᒪᓗ ᐱᓕᕆᐊᖃᖅᐸᓪᓕᐊᓕᕐᓂᖏᑦ ᓄᑖᒥᒃ ᐊᑎᖅᑖᕐᓯᒪᓕᕐᓂᐊᕐᓂᕐᒥᓐᓄᑦ ᐃᓱᒪᓕᐅᕈᑎᖃᕋᓱᐊᕐᓂᖏᑦ ᐃᖏᕐᕋᑦᓯᐊᕈᓐᓇᕐᓂᐊᖁᓪᓗᒋᑦ. ᖁᔭᓐᓇᒦᕐᒥᔭᕗᑦ ᐃᓄᓐᓂᒃ ᐱᓕᕆᖃᑎᖃᖃᑦᑕᖅᓯᒪᓕᕐᓂᖏᓐᓄᑦ ᐊᒥᓱᕐᓚᐅᓕᖅᑐᓄᑦ ᐅᑭᐅᓄᑦ ᐊᒻᒪᓗ ᑲᔪᓯᑦᓯᐊᖅᑎᑦᑎᖁᓪᓗᑎᒍ ᖁᕕᐊᓱᒍᑎᖃᖃᑦᑕᕐᓂᖏᓐᓂᒃ ᐃᓄᓐᓂᑦ ᐃᑲᔪᖅᑐᒐᐅᕙᓐᓂᕐᒥᓐᓂᒃ ᐊᒻᒪᓗ ᐱᓕᕆᖃᑎᖃᖃᑦᑕᕐᓂᕐᒥᓐᓂᒃ ᐃᓄᓐᓂᒃ ᓄᓇᒋᔭᑐᖃᑦᑎᓐᓂ, ᐃᓄᐃᑦ ᓄᓇᖓᓐᓂ. ᐃᓄᐃᑦ ᑕᐱᕇᒃᑯᑦ ᑲᓇᑕᒥ ᖁᔭᓕᒻᒪᕆᒃᐳᑦ ᐅᖃᐅᓯᒃᑯᑦ ᐃᑲᔪᖅᑐᒐᐅᓯᒪᓂᕐᒥᓐᓂᒃ ᐃᓚᒋᔭᐅᖃᑕᐅᓕᓚᐅᖅᑐᓄᑦ ᑕᒪᑐᒧᖓ ᐃᓱᒪᓕᐅᕈᑎᖃᖅᓯᒪᓕᕆᐊᖅᑎᓪᓗᒋᑦ – ᐃᓄᐃᑦ ᒪᒃᑯᒃᑐᖏᓂᑦ ᐱᓕᕆᕝᕕᖃᖅᑐᑦ ᑮᓇᐅᔭᖁᑎᖃᖅᑎᑦᓯᔨᐅᕙᒃᑐᓄᑦ ᐊᒻᒪᓗ ᑲᓇᑕᒥᐅᖑᔪᓂᑦ ᑐᑭᓯᐅᒪᔪᓄᑦ ᓈᒻᒪᖖᒋᑦᑐᓕᐅᕐᕕᐅᓯᒪᓂᕐᓄᑦ ᐊᒻᒪᓗ ᓂᓪᓕᐅᓯᖃᖅᓯᒪᔭᕆᐊᖃᕐᓂᕐᒥᓐᓂᒃᑕᐅᖅ ᓴᖅᑮᓯᒪᓕᕈᓐᓇᓚᐅᕐᓂᖏᓐᓄᑦ. ᓂᓪᓕᐊᔾᔪᑎᖃᖃᑦᑕᕐᓂᑦᓯᓐᓂᑦ ᑕᒪᐅᖓ ᑎᑭᓯᒪᓕᕈᓐᓇᓚᐅᕋᑦᑕ.