May 4, 2023 – London, U.K.
Canadami Isumatammarik RoseAnne Archibald Iqqiliit Katujjiqatigiinginnit, Angijuqqaarijaujuq Natan Obed Inuit Tapiriit Kanatami ammalu Angijuqqaarijajuq Cassidy Caron Allangajut Canadami katimajinginit, ilagillugu Niqturnartuq Mary Simon, King Kiggaqtuqtinga Canadami, katinngaqatiqarunnalaurmajjuk Angajuqqaarjuaq King Charles III angirrangani Buckingham Palace ullaaq.
Uqallausiqaqatigiilauqtut tamarmiullutik piliriqatigiigunnarnirminnik piviksaqaqtitauliramik itiniqsaujukkut piliriqatiqarnirivaktaminnik Gavamatuqakkunnik, ammalu Kingmik, piluaqtumik, Nunaqaqqaaqsimajunik Canadami. Taakkutuangutitaullutik naalaktaujunnalaurmata angiqtausimallutik Kingmit Canadamiungujut ilitarijausimalirviksangata sivurngani, ilitarijausimalirniaqtillugu King May 6-mi.
Canadami Nunaqaqqaaqsimajunut Sivuliqtigijaujut tamarmiullutik nalunaiqsilauqput tunngasuktittisimajumanirminnik Angajuqqaarjuaq Kingmik Iqqiliit, Inuit ammalu Allangajut nunagijatuqangannut piviksaqarunnaqsituaqpat.
Canadami Isumatammarik Archibald uqallausiqalaurpuq ipjurnaittuutitaullutik angirutiusimajunut Iqqiliit Inuuqatigiiktuqutinginnit ammalu Angajuqqaajuamit sivunikallammariani Canadami Gavamaqausiqtaalauqtinnagusuli ammalu angirutiliangusimalilauqtunut Nunarjuarmit Nunarjuarmut tunngavviqaqtitausimallutik. Isumaliurutiqalaurpuq mamisaqpallianirmi naukkuurviksaliuqsimaliriamut sivummuktittiqatigiiqujilluni tunngavviqaqtitausimalutik tamarmiullutik isumaalugutiqarviujunut ammalu sivulliqpautitauqujaujunut piliriqatigilugu Angajuqqaarjuangujuq ilaqaqtitausimajunik silaup asijjiqpallianinganut, nangminiq pilirivvilirinirnut, ammalu piusituqarijaujup papatausimalirajarninginnut.
Angijuqqaaq Obed uqallausiqalaurpuq Inuit Gavamatuqakkut Piliriqatigiingningita Katimajiralangujut piliriarijanginnik uukturautigilluniuk Angajuqqaarjuap aktuisimaniqarninganik saimmaqatigiiksimalirajarnirnut Canadami, ammalu Inuit sivuliqtigijaujut ilagijauqataujumaninginnik sivummugiaqtitausimaliqullugit uqallausiqaqatigiingniujut utiqtitausimalirniksangita piqutigijaujuit piusituqarminni pimmariutitaujut England-mi Takujaqtuivvinginnit.
Angijuqqaaq Caron uqausiqalaurpuq piliriqatigiingniujut piruqtitauvalliasimaningita tiituqatigiikpaksimallutik 100-luanik irngusirnik ammalu quviasunnirminik sivulliqpaamik tiituqatigijunnaramiuk ammalu saqqiivvigisimalirunnaqsugu Angajuqqaarjuaq King unikkaaksarijaujunik nunaligijaujunit nalunaijaijjutiginiarlugu akunimmariuliqtumik piliriqatigiiqattaqsimalirninginnik Angajuqqaarjuarijaujumit ammalu Allangajuit nunaligijanginnit.
Angijuqqaarjuaq King amiqqarutiqalaurpuq tusagaksaqutigijaminik pisimalirumallunigit ammalu sivulliqpautitauqusimajaminik, ilaqaqhlugit silaup asijjiqpallianinganik ammalu nunaqaqqaaqsimajuit qaujimajatuqanginnik, iglulirinirnut turaangajunik ammalu sivummugiaqtitausimaliqullunigit pivalliajuliriniujuit saimmaqatigiiksimalirajarnirmut.
Tamarmiullutik sivuliqtigijaujuit ilitaqsisimalauqtut naammatsiartuuningita uqallaqatigiingniujut ammalu ikpigijaqarnirminnik katimaqatigiingniujuq anginiqsaujumik nalunaiqsijjutiusimaningata kisianilu miksiqatsiaqtutigut katimaqatigiingniuningata ammalu pigiarutiusimaninganut nutaatigut piliriaqaqatigiingniulirniarmata nutaangulluni Angajuqqaarjuanguliqtumik.