Taakkua qanuilingaqujiningita titiqqaqutiliarisimajavut takuksautittivut Kanatami Inuit sivulliujjauqujangit Gavamatuqakkut piqujangani, atuliqtitauqullugu Nunarjuat Katujjiqatigiit Ilisaqsisimaningingnik Nunaqaqqaaqsimajut Inuit Pijunnautingingnik. Titiraqsimauqput niriunnirijaujunik ammalu sivulliujjauqu- jaujunik qanutigi ammalu attuiniqaqtitaunasuarningingnik piqujap, nalunaiqsimallutillu piqujaqtigut ilulirijangit taakkua Inuit piqasiutiqujangit piqujaksami, ammaluttauq titiraqsimagillutit niriunnirijausimajut piqujaq pivalliagutigijauvallianingata aulaninganik. Tamanna qanuilingaqujinitta titiqqaliarisimajavut marruungnik titiqqaliarijaulauqsimajuungnik 2017-ngutillugu taakkununga Inuit Tapiriit Kanatamikkunnut pivalliagutigigiaqtausimavut qanuilingaqujinitta titiraqsimajut ammalu uqausiqariarutauniaqtunik. Taakkua ilagiarutigijausimajuuk titiqqaak aaqqisuqtaulauqsimammatik ammalu angiqtaulauqsimallutit Inuit Tapiriit Kanatami aulattijingitigut ammalu titiqqaliarijausimajuuk tukisigiaqtittigutaunginnaqput Inuit Tapiriit Kanatami qanuilingaqujiningit piqujaksaliarijaujup miksaanut.
