ᑲᓇᑕᒥ ᐃᓄᐃᑦ ᖃᓄᖅᑑᕈᑎᖓ ᖃᐅᔨᓴᕐᓂᕐᒧᑦ ᑲᑐᔾᔭᐅᔪᓂᑦ ᑐᑭᓯᐅᒪᑎᑦᑎᒐᓱᐊᖅᑎᑦᑎᒍᑕᐅᕗᖅ ᐃᖅᑲᐅᒪᔭᐅᓗᓂ ᖃᐅᔨᒪᔭᐅᓂᐊᕐᒪᑦ ᐃᓄᐃᑦ ᓄᓇᖓᓂ ᖃᐅᔨᓴᖅᑐᖃᕈᑕᐅᓂᖓᓂᒃ ᐊᒻᒪᓗ ᑲᓱᖅᑎᑕᐅᓪᓗᓂ ᑕᒪᓐᓇ ᖃᓄᐃᓕᐅᓲᖑᓂᖏᑕ ᖃᐅᔨᒪᔭᐅᓂᕆᔭᖓ ᐅᓪᓗᒥᒧᑦ ᖃᐅᔨᓴᕈᓯᐅᓲᕐᓄᑦ. ᑐᑭᑖᖅᑎᑦᑎᓲᖅ ᐃᓄᐃᑦ ᓂᕆᐅᒋᔭᖏᖕᓂᑦ ᐱᓕᕆᐊᕆᔭᐅᓂᖏᖕᓂᑦ ᖃᐅᔨᓴᖅᐸᑦᑐᑦ ᐊᕕᑦᑐᖅᓯᒪᔪᑦᑎᓐᓂ ᓄᓇᓕᑦᑎᓐᓂᓗ, ᐊᒻᒪᓗ ᓇᓗᓇᐃᖅᓯᕗᖅ ᐃᓚᐅᖃᑕᐅᕝᕕᐅᔪᓐᓇᐅᑎᖏᖕᓂᒃ ᖃᓄᐃᓕᐅᕈᑎᒃᓴᖏᖕᓂᓪᓗ ᐃᓄᐃᑦ ᐊᒻᒪᓗ ᖃᐅᔨᓴᖅᑎᐅᕙᑦᑐᑦ. ᐊᑯᓂᐅᓗᐊᖅᑐᐊᓗᒃ, ᖃᐅᔨᓴᖅᑏᑦ ᐊᒻᒪᓗ ᖃᐅᔨᓴᕐᕖᑦ ᐃᑲᔪᖅᑕᐅᖔᖃᑦᑕᓲᖑᓕᕐᒪᑕ ᐃᓄᐃᑦ ᓄᓇᖓᓂ ᖃᐅᔨᓴᖅᑐᖃᓕᕋᐃᒻᒪᑦ, ᐅᓪᓗᒥᐅᔪᖅ ᐊᒻᒪᓗ ᑲᔪᓯᓂᖃᐃᓐᓇᖅᑐᒥᒃ ᑭᙴᒪᑦᑎᒐᓗᐊᖅᑎᓪᓗᑎᑦ ᐃᓄᖕᓅᖓᔪᓂᑦ ᑭᒡᓕᓯᓂᐊᖅᑕᐅᓯᒪᔪᓂᑦ ᐊᒻᒪᓗ ᑐᑭᓯᒋᐊᕈᑎᓂᑦ ᐊᑐᖅᑕᐅᔪᓐᓇᖅᖢᑎᑦ ᐋᖅᑭᒍᑎᒋᔭᐅᓗᑎᑦ ᐊᒃᓱᕈᕈᑎᒋᓛᑦᑎᓐᓄᑦ.
ᐃᓄᐃᑦ ᓄᓇᖓᓂ ᖃᐅᔨᓴᕐᓂᖅ ᐊᐅᓚᑕᐅᓗᐊᓲᖑᖕᒪᑦ, ᑮᓇᐅᔭᖃᖅᑎᑕᐅᓪᓗᓂ, ᐊᒻᒪᓗ ᑲᔪᓯᑎᑕᐅᓪᓗᓂ ᐃᓄᐃᑦ ᐃᓚᐅᖃᑕᐅᑎᑕᐅᙱᒻᒪᕆᖦᖢᑎᑦ,
ᐃᑲᔫᑎᒋᔭᐅᙲᓐᓇᕈᑎᒋᔭᐅᓕᓲᖑᓪᓗᓂᓗ ᐃᓄᖕᓄᑦ ᖃᐅᔨᓴᕐᓂᕐᓃᙶᖅᑐᓂᑦ. ᑲᓇᑕᒥ ᐃᓄᐃᑦ ᖃᓄᖅᑑᕈᑎᖓ ᖃᐅᔨᓴᕐᓂᕐᒧᑦ ᐋᖅᑮᑎᑦᑎᒍᑎᖃᕋᓱᐊᖅᐳᑦ ᑕᒪᒃᑯᓄᖓ ᐊᑲᐅᙱᓕᐅᕈᑎᐅᔪᓄᑦ. ᓇᓗᓇᐃᖅᓯᓯᒪᕗᖅ ᑕᒪᓐᓇ ᑕᓪᓕᒪᓂᒃ ᓯᕗᓪᓕᐅᔾᔭᐅᖁᔭᐅᔪᓂᑦ ᐋᖅᑭᒃᓱᐃᖃᑎᒌᓪᓗᑎᑦ ᖃᓄᐃᓕᐅᕈᑎᒋᔭᐅᓂᐊᖅᑐᓂᑦ ᐊᐅᓚᑎᑦᑎᒋᐊᓕᕈᓐᓇᖅᑐᑦ ᐃᖃᓄᐃᑦ ᓄᓇᖓᓂ ᖃᐅᔨᓴᕐᓂᐅᖃᑦᑕᖅᑐᖅ ᐊᐅᓚᓂᖃᑦᑎᐊᓕᕐᓗᓂ, ᐊᑦᑐᐃᓂᖃᑦᑎᐊᕈᓐᓇᕐᓗᓂ, ᐊᒻᒪᓗ ᐊᑑᑕᐅᑦᑎᐊᕈᓐᓇᕐᓗᓂ ᐃᓄᖕᓄᑦ. ᓇᓗᓇᐃᕐᓯᔪᑦ ᑕᓪᓕᒪᓂᑦ ᓯᕗᓪᓕᐸᐅᑦᑎᐅᔾᔭᐅᔭᕆᐊᓕᓐᓂᑦ ᑐᑭᒧᐊᑦᑎᑕᐅᓗᑎᒃ ᑲᒪᒋᔭᐅᔭᕆᐊᖃᕐᓂᐊᖅᑐᓂᑦ ᑲᒪᒋᔭᖃᓗᕐᑎᒃ ᐃᓄᐃᑦ ᓄᓇᖓᓐᓂ ᖃᐅᔨᓴᖅᑐᓕᕆᓂᕐᒥᒃ ᐊᑑᑎᓕᒻᒥᒃ, ᐊᑑᑎᓂᖃᕐᓂᐊᖅᑐᒥᒃ, ᐊᒻᒪᓗ ᐊᑑᑎᖃᑦᑎᐊᖅᑐᒥᒃ ᐃᓄᓐᓄᑦ. ᐊᑐᓕᖅᑎᑦᑎᓂᖅ ᑲᓇᑕᒥ ᐃᓄᐃᑦ ᑐᑭᒧᐊᒍᑎᔅᓴᖏᓐᓂᒃ ᖃᐅᔨᓴᖅᑐᓕᕆᓂᕐᒧᑦ (NISR) ᕿᓄᔾᔪᑕᐅᓯᒪᒻᒪᑦ ᑖᒃᑯᓇᓂ ITK’s 2020-2023 Strategy and Action Plan, ᐱᔾᔪᑎᖓ 6—“ᐱᔪᓐᓇᕐᓯᑎᑕᐅᖁᓪᓗᒋᑦ ᐃᓄᐃᑦ ᖃᐅᔨᓴᖅᑐᓕᕆᓂᒃᑯᑦ ᐊᒻᒪᓗ ᑎᑎᖅᑲᑎᒍᑦ ᐊᒻᒪᓗ ᑐᑭᓯᐅᒪᔾᔪᑎᔅᓴᓂᑦ ᑕᑯᖃᑦᑕᕈᓐᓇᓂᕐᒥᒃ, ᓇᒻᒥᓂᖃᕐᓂᕐᒥᒃ ᑕᑯᖅᑯᔾᔨᖃᑦᑕᓂᕐᒥᓪᓗ.”
ᑲᓇᑕᒥ ᐃᓄᐃᑦ ᖃᓄᖅᑑᕈᑎᖓ ᖃᐅᔨᓴᕐᓂᕐᒧᑦ ᐋᖅᑭᒃᑕᐅᓚᐅᖅᓯᒪᕗᖅ ᐱᐅᓯᑎᑕᐅᒋᐊᖁᓪᓗᒍ ᖃᐅᔨᓴᕐᓂᖅ ᐃᓄᖕᓄᑦ, ᖃᐅᔨᓴᕈᓐᓇᖅᓯᓕᕐᓗᑎᑦ ᓄᓇᓕᑦᑎᓐᓂ, ᑲᒪᒋᔭᐅᓗᑎᑦ ᑭᙴᒪᒋᔭᖁᑎᕗᑦ ᐊᒻᒪᓗ ᐃᑲᔪᕐᓗᑎᑦ ᐱᕈᖅᐸᓪᓕᐊᒍᓐᓇᕐᓂᖏᑦ ᐃᓄᐃᑦ, ᑮᓇᐅᔭᓕᐅᑦᑎᐊᕈᓐᓇᕐᓗᑕ ᐅᕙᑦᑎᓐᓄᑦ ᐃᑲᔪᕐᓂᖃᕐᓗᓂ, ᐃᓄᖕᓄᑦ, ᑐᑭᓯᒋᐊᖅᑎᑦᑎᒍᑎᓂᑦ, ᐃᑲᔫᑎᓂᑦ ᐊᑐᕋᒃᓴᓂᑦ ᐊᒻᒪᓗ ᑮᓇᐅᔭᓂᑦ ᐃᓱᒪᓕᐅᑦᑎᐊᕈᓐᓇᖁᓪᓗᑕ ᐊᑑᑕᐅᒐᔭᖅᑐᓂᑦ ᐊᒻᒪᓗ ᑐᑭᓯᒋᐊᖅᑎᑦᑎᓂᖃᓕᕋᔭᖅᑐᓂ ᐊᑐᐊᒐᕐᓄᑦ ᐊᒻᒪᓗ ᐱᓕᕆᐊᕐᓄᑦ ᐃᑲᔪᕋᔭᖅᑐᑦ ᐱᐅᓯᕚᓪᓕᖅᑎᑕᐅᓗᑎᑦ ᐃᓅᓯᑦᑕ ᖃᓄᐃᑦᑕᐃᓕᓂᖏᑦ.
ᑲᓇᑕᒥ ᐃᓄᐃᑦ ᖃᓄᖅᑑᕈᑎᖓ ᖃᐅᔨᓴᕐᓂᕐᒧᑦ ᐋᖅᑭᓱᖅᑕᐅᓚᐅᖅᓯᒪᕗᖅ ᐃᖅᑲᓇᐃᔭᖃᑎᒋᔭᐅᓪᓗᑎᑦ ᐃᓄᐃᑦ ᖃᐅᔨᓴᕐᕕᖓᑦ ᑲᓇᑕᒥ ᑲᑎᒪᔨᕋᓛᖏᖕᓄᑦ, ᑭᒡᒐᖅᑐᐃᔪᑦ ᐊᑐᓂ ᓂᕈᐊᕈᓐᓇᖅᑐᓂᑦ ᐊᒻᒪᓗ ᓂᕈᐊᕈᓐᓇᙱᑦᑐᓂᑦ ᐃᓄᐃᑦ ᑕᐱᕇᑦ ᑲᓇᑕᒥ ᑲᑎᒪᔨᖏᖕᓄᑦ.
ᑐᑭᒧᐊᒍᑎᔅᓴᐃᑦ ᐃᑲᔫᑎᖃᕐᖓᑕ ᑐᑭᒧᐊᑦᑎᑦᑎᓂᕐᒥᒃ ᖃᐅᔨᓴᖅᑐᓕᕆᓂᕐᒥᒃ ᐃᓄᓐᓄᑦ ᑲᒪᒋᔭᐅᔪᓂᑦ, ᐃᓄᓐᓄᑦ ᑐᕌᖓᔪᓂᑦ. ᑖᒃᑯᐊ ᐱᓕᕆᐊᑦ ᓯᕗᒧᐊᑦᑎᑦᑎᕙᓪᓕᐊᔪᑦ ᐃᓄᓐᓂᑦ ᓇᒻᒥᓂᕐᓱᕐᓗᑎᒃ−ᑐᑭᑖᕈᑎᖃᖃᑦᑕᓂᐊᕐᖓᑕ ᖃᐅᔨᓴᖅᑐᓕᕆᖃᑦᑕᓂᕐᒥᒃ.
o ᑭᐅᕋᓐ ᑭᐊᓕ ᐃᓄᐃᑦ ᑕᐱᕇᑦ ᑲᓇᑕᒥ−ᒃᑯᓐᓄᑦ ᖃᐅᔨᒃᑲᖅᑕᐅᔪᓐᓇᖅᐳᖅ ᓯᕗᒃᑲᑕᖅᑎᐅᔪᖅ ᑲᓇᑕᒥ ᐃᓄᐃᑦ ᖃᓄᖅᑑᕈᑎᖓ ᖃᐅᔨᓴᕐᓂᕐᒧᑦ ᐊᑐᓕᖅᑎᑕᐅᓂᖓᓂᒃ.
ᐃᓚᒋᔭᐅᔪᑦ ᐃᓄᐃᑦ ᖃᐅᔨᓴᖃᑎᒌᒃᑎᑦ ᐱᓕᕆᐊᖃᖅᑎᖏᓐᓄᑦ ᐃᓄᐃᑦ ᓄᓇᓕᓕᒫᖏᓐᓂᑦ ᐅᐸᒍᑎᓯᒪᓗᑎᒃ ᓯᕗᓪᓕᖅᐹᒥᒃ ᑕᕝᕙᓂ ᐱᓇᓱᐊᕈᓯᕐᒥ ᑲᑎᖖᒐᓂᖃᕐᓂᐊᖅᐳᑦ ᐱᕈᖅᑎᑦᑎᓯᒪᓕᕆᐊᕐᓗᑎᒃ ᑐᖖᒐᕝᕕᖁᑎᒃᓴᐅᓂᐊᖅᑐᓂᒃ ᐋᖅᑭᒃᓱᐃᕝᕕᒋᕙᓐᓂᐊᖅᑕᒥᓐᓄᑦ ᐊᒻᒪᓗ ᐃᑲᔪᖅᑐᐃᓂᖃᕐᓂᕐᓄᑦ ᐋᓐᓂᐊᖃᕐᓇᖖᒋᑦᑐᓕᕆᓂᕐᒥ ᖃᐅᔨᓴᐃᓂᐅᔪᓄᑦ ᐃᓄᓐᓂᑦ, ᐊᒻᒪᓗ ᖃᐅᔨᓴᕈᑦᔨᓂᐅᔪᓄᑦ, ᐱᔾᔪᑎᒋᓪᓗᒋᑦ ᐃᓄᐃᑦ.
ᐊᕐᕕᓂᓕᖕᓂᒃ (6) ᐅᑭᐅᓂᒃ ᓇᓪᓕᐅᓂᖅᓯᐅᕈᑎᖃᓕᕐᓂᖓᑦ ᓴᖅᑭᑕᐅᓚᐅᖅᓯᒪᕕᖏᓂᑦ ᑲᓇᑕᒥ ᐃᓄᐃᑦ ᐃᒻᒥᓃᖃᑦᑕᖁᔨᖖᒋᓐᓂᓕᕆᓂᕐᒧᑦ ᐸᕐᓇᐅᑏᑦ
The Trudeau government’s summer cabinet shakeup has created challenges when trying to advance Inuit political priorities in Ottawa, says Inuit Tapiriit Kanatami (ITK) President Natan Obed.
Strengthened partnerships between all levels of government, inclusive of Inuit representational organizations, would be a significant legacy of the COVID-19 pandemic, ensuring that we emerge stronger, and better able to face the next one.
ᐊᕐᕕᓂᓕᖕᓂᒃ (6) ᐅᑭᐅᓂᒃ ᓇᓪᓕᐅᓂᖅᓯᐅᕈᑎᖃᓕᕐᓂᖓᑦ ᓴᖅᑭᑕᐅᓚᐅᖅᓯᒪᕕᖏᓂᑦ ᑲᓇᑕᒥ ᐃᓄᐃᑦ ᐃᒻᒥᓃᖃᑦᑕᖁᔨᖖᒋᓐᓂᓕᕆᓂᕐᒧᑦ ᐸᕐᓇᐅᑏᑦ
ArcticNet’s Inuit Research Management Committee honours Jean Allen of Iqaluit in 2022 Inuit Recognition Award for her contributions to Inuit Nunangat research.
