ᐃᓄᐃᑦ ᓯᓚᑦᑐᖅᓴᖅᕕᖕᒥ ᐃᓕᓐᓂᐊᖅᑐᓄᑦ
ᐃᓄᐃᑦ ᓯᓚᑦᑐᖅᓴᖅᕕᖕᒥ ᐃᓕᓐᓂᐊᖅᑐᓄᑦ ᐸᕐᓇᐅᑎᖏᑦ ᑐᖖᒐᕝᕕᖁᑎᓕᐊᖑᓯᒪᕗᑦ ᐊᔾᔨᒋᒋᔭᖏᓂᒃ ᓯᓚᑦᑐᖅᓴᖅᕕᖕᒥ ᐃᓕᓐᓂᐊᕌᓂᒍᑎᖃᖅᓯᒪᓕᕈᑎᒃᓴᓄᑦ (PSE) ᐃᓄᓐᓄᑦ ᐱᑕᖃᓕᖅᑎᑦᑎᓯᒪᓂᖅᑎᒍᑦ ᑕᐃᒪᐅᔭᕆᐊᖃᖅᑐᓂᒃ ᐱᐅᓯᒋᐊᕈᑎᐅᓂᐊᕐᓗᑎᒃ ᐱᓯᒪᓕᖅᐸᓐᓂᕐᓄᑦ ᖁᑦᑎᖕᓂᕆᔭᐅᕙᒃᑐᓄᑦ. ᐋᖅᑮᓯᒪᕗᑦ ᑐᕌᕐᕕᒃᓴᖃᖅᑎᑕᐅᓂᖏᓄᑦ ᒪᕐᕈᐃᕈᓐᓇᖅᓯᑎᑕᐅᔪᓐᓇᖁᓪᓗᒋᑦ ᐃᓄᐃᑦ ᖃᔅᓯᐅᔪᑦ ᐃᓕᓐᓂᐊᕌᓂᒍᑎᖃᖅᓯᒪᓕᖅᑐᓄᑦ PSE-ᑎᒍᑦ ᐱᓕᕆᐊᑎᒍᑦ ᐅᑭᐅᑦ ᖁᓖᑦ (10) ᐊᑐᖅᐸᓪᓕᐊᑎᓪᓗᒋᑦ.
ᐊᒥᓱᖖᒍᕆᐊᖅᑎᓪᓗᒋᑦ ᑮᓇᐅᔭᑎᒍᑦ ᐃᑲᔪᕈᑎᒃᓴᕆᔭᐅᕙᑦᑐᑦ ᐃᓄᓐᓄᑦ ᐃᓕᓐᓂᐊᖅᑐᓄᑦ.
ᐊᒥᓱᖖᒍᕆᐊᖅᑎᓪᓗᒋᑦ ᐃᑲᔪᕈᑎᒃᓴᐅᕙᑦᑐᑦ ᐃᓄᓐᓄᑦ ᐃᓕᓐᓂᐊᖅᑐᓄᑦ (ᐱᖃᓯᐅᑎᓗᒋᑦ ᐱᔨᑦᓯᕋᕈᑎᒃᓴᐃᑦ ᓲᕐᓗ ᓯᓚᑦᑐᖅᓴᖅᕕᖕᒥ ᐱᓕᒻᒪᒃᓴᐃᓂᐅᔪᑦ, ᐃᑲᔪᖅᑎᖃᕐᓃᑦ, ᐋᓐᓂᐊᖃᓕᖅᑕᐃᓕᒪᓂᖅ, ᐊᒻᒪᓗ ᐃᓅᓯᕐᒧᑦ ᐃᑲᔪᖅᑎᖃᖅᑎᑦᑎᓂᐅᕙᒃᑐᑦ).
ᐊᒥᓱᖖᒍᕆᐊᖅᑎᓪᓗᒋᑦ ᓄᓇᖅᑲᑎᒌᒃᑐᑦ ᐱᓕᕆᓂᖃᖃᑕᐅᓕᕐᑐᑦ ᐃᑲᔪᖅᑐᐃᕙᓐᓂᕐᒥ ᐃᓄᐃᑦ ᐊᒥᓲᓂᖅᓴᐃᑦ ᐃᓚᒋᔭᐅᖃᑕᐅᓕᖁᓗᒋᑦ PSE-ᑎᒍᑦ ᐱᓕᕆᐊᑎᒍᑦ ᐃᓕᓐᓂᐊᕆᐊᕈᑎᖃᕈᓐᓇᕐᓂᖏᓐᓄᑦ.
ᑲᓇᑕᒥ ᐋᖅᑭᒃᓱᐊᖑᓯᒪᔪᑦ ᐱᓕᕆᔾᔪᑎᒃᓴᐅᓕᕐᓂᐊᖅᑐᓂᒃ, ᐃᑲᔪᖅᑐᐃᔾᔪᑎᒃᓴᓂᒃ, ᐊᒻᒪᓗ ᓇᐅᑦᓯᖅᑐᕈᑎᒃᓴᐅᓂᐊᖅᑐᓂᒃ ᐃᓕᓐᓂᐊᖅᑐᑦ ᐃᓕᓐᓂᐊᕈᑎᒥᓐᓂᒃ ᐃᖏᕐᕋᑦᑎᐊᖅᑎᑦᑎᓯᒪᓂᖏᓄᑦ.
ᐊᑐᕐᓂᖃᖅᑑᓂᖏᑦ
ᐃᓄᓐᓂᑦ ᐱᓕᕆᐊᖑᓕᖅᑎᑕᐅᓂᖓ, ᐃᓕᓐᓂᐊᖅᑐᓄᑦ ᑐᕌᖓᑎᑕᐅᓪᓗᑎᒃ ᐱᓕᕆᐊᖑᓂᖓ
ᐊᔾᔨᒌᒃᑎᑦᓯᓂᖅᑎᒍᑦ ᐊᑐᐃᓐᓇᐅᑎᑕᐅᓯᒪᓂᖏᑦ ᐃᓕᓐᓂᐊᖅᑐᓄᑦ, ᓇᓂᕐᒥᐅᑕᐅᒐᓗᐊᖅᐸᑕᓘᓐᓃᑦ
ᐱᐅᓯᑐᖃᒃᑯᑦ ᓈᒻᒪᒃᑑᓪᓗᑎᒃ ᐱᓕᕆᐊᖑᕙᓪᓕᐊᓂᖏᑦ
ᐃᓄᐃᑦ ᓯᓚᑦᑐᖅᓴᕐᕕᓐᓂ ᐃᓕᓐᓂᐊᕆᐊᕈᑎᒃᓴᓕᕆᔨᑦ ᐃᖅᑲᓇᐃᔭᕐᕕᖓᑦ
ᑲᓇᑕᒥ ᐋᖅᑭᒃᓱᐃᔨᒋᔭᐅᔪᖅ ᐃᓄᐃᑦ ᓯᓚᑦᑐᖅᓴᕐᕕᓐᓂ ᐃᓕᓐᓂᐊᕆᐊᕈᑎᒃᓴᓕᕆᔨᖏᓂ
ᖃᐅᔨᒋᐊᕕᒋᓗᒋᑦ ᐃᓄᐃᑦ ᓯᓚᑦᑐᖅᓴᕐᕕᓐᓂ ᐃᓕᓐᓂᐊᕆᐊᕈᑎᒃᓴᓕᕆᔨᑦ ᐃᖅᑲᓇᐃᔭᕐᕕᖓᑦ ᑐᓴᒐᔅᓴᖁᑎᖏᓂᒃ ᐱᓕᕆᐊᒧᑦ ᐱᑎᑕᐅᔪᒪᓗᑎᑦ ᐅᕙᓂ [email protected].