ᐃᓄᕕᐊᓗᒃᑐᓐ (ᖃᓕᐅᔮᖅᐸᐃᑦ)
ᐃᓄᐃᓐᓇᖅᑐᓐ (ᖃᓕᐅᔮᖅᐸᐃᑦ)
ᐅᐊᓕᓂᐊᓂ ᓄᓇᕗᑦ ᖃᓂᐅᔮᖅᐸᐃᑦ
ᕿᑭᖅᑖᓘᑉ ᒥᒃᓵᓂ ᓄᓇᕗᑦ ᖃᓂᐅᔮᖅᐸᐃᑦ
ᐃᓄᒻᒪᕆᓕᕆᔨᒃᑯᑦ (ICI) ᖃᓕᐅᔮᖅᐸᐃᑦ
ᓄᓇᕕᒃ ᖃᓂᐅᔮᖅᐸᐃᑦ
ᓄᓇᑦᓯᐊᕗᑦ (ᖃᓕᐅᔮᖅᐸᐃᑦ)ᐱᑦᔪᑎᒋᓪᓗᒋᑦ ᐃᓄᒃᑐᑦ ᖃᓕᐅᔮᖅᐸᐃᑦ
ᐃᓄᒃᑐᑦ ᖃᓕᐅᔮᖅᐸᐃᑦ ᐊᑕᐅᓯᖅ ᐃᓄᒃᑐᑦ ᑎᑎᕋᕈᓯᐅᒻᒪᑦ: ᐊᑐᖅᑕᐅᒐᔪᒃᑐᑦ ᖃᓂᐅᔮᖅᐸᐃᑎᑐᑦ ᐃᐅᐊ-ᓂᑦ ᓇᓕᑐᐃᓐᓇᖏᑦ ᐅᖃᐅᓯᖅᑕᐃᑦ ᐃᓄᒃᑐᑦ ᐊᑐᖅᑕᐅᔪᓐᓇᖅᐳᑦ, ᐃᓄᐃᑦ ᐅᖃᐅᓯᖓᑎᑐᑦ ᐃᓄᒃᑐᑦ. ᖃᓕᐅᔮᖅᐸᐃᑦ ᐱᔾᔪᑎᖃᕐᒪᑕ ᑎᑎᕋᖅᑕᐅᕙᓐᓂᖏᑦ ᐃᓄᒃᑐᑦ ᓂᓪᓕᐊᓗᓂ ᐅᖃᖅᑕᐅᕙᒃᑐᓄᑦ. ᑕᐃᒪᓐᓇ ᐅᖃᓪᓚᒃᐸᑦᑐᑦ ᓇᓕᑐᐃᓐᓇᕐᒥᒃ ᐅᖃᐅᓯᖅᑕᒥᒃ ᐊᑐᕐᓗᑎᒃ ᑎᑎᕋᕈᓐᓇᕐᒪᑕ ᐃᓄᒃᑐᑦ ᖃᓕᐅᔮᖅᐸᐃᑎᑐᑦ ᒪᓕᑐᐃᓐᓇᑎᓪᓗᒋᑦ ᐅᖃᐅᓯᖅᑕᒥᒃ ᓇᖕᒥᓂᖅ ᐊᑐᖅᐸᒃᑕᒥᓐᓂᒃ. ᖃᓕᐅᔮᖅᐸᐃᑦ ᐋᖅᑭᒃᓱᐊᖑᓚᐅᖅᑐᑦ ᐃᓄᐃᑦ ᑕᐱᕇᑦ ᐊᑕᐅᓯᖅ ᐃᓄᒃᑐᑦ ᑎᑎᕋᐅᓯᖅ ᐱᓕᕆᐊᖃᖃᑎᒌᖏᓐᓂᑦ ᐃᑲᔪᕈᑎᒃᓴᓕᐊᕆᓪᓗᒋᑦ ᑎᑎᕋᖅᓯᒪᔪᑎᒍᑦ ᐃᓄᒃᑐᑦ ᑐᑭᓯᓇᖅᓯᕚᓪᓕᖁᓪᓗᒋᑦ ᑐᓴᐅᒪᖃᑦᑕᐅᑎᓕᕆᕙᓐᓂᖏᓐᓂ ᐊᔾᔨᒌᖖᒋᐅᖅᑐᓂᑦ ᐊᕕᒃᑐᖅᓯᒪᓂᐅᔪᓂᑦ ᐃᓄᐃᑦ ᓄᓇᖓᓐᓂ.
ᖃᓄᖅ ᑭᐳᑦᑎᔾᔪᑦ ᐱᓕᕆᔾᔪᑎᐅᕙᒻᒪᑦ?
ᐃᓄᒃᑐᑦ ᖃᓕᐅᔮᖅᐸᐃᑦ ᑭᐳᑦᑎᔾᔪᑦ ᑕᕝᕙᑲᐅᑎᒋ ᑎᑎᕋᐅᓯᕐᓂᑦ ᑭᐳᑦᑎᕆᔪᓐᓇᖅᑐᖅ ᓇᕿᑦᑕᕐᓗᒋᑦ ᐅᕝᕙᓘᓐᓃᑦ ᐃᔾᔪᐊᕐᓗᒋᑦ ᐃᓕᐅᖅᑲᕇᖅᓯᒪᔪᑦ ᖃᕆᓴᐅᔭᒃᑯᑦ ᐃᓄᒃᑐᑦ ᖃᓕᐅᔮᖅᐸᐃᑎᑑᖅᑐᑦ ᐋᖅᑭᒃᓱᖅᓱᒋᑦ, ᐅᕝᕙᓘᓐᓃᑦ ᐃᒡᓗᐊᒍᖔᖅ. ᑖᓐᓇ ᑭᐳᑦᑎᔾᔪᑦ ᐅᖃᐅᓯᖅᑕᓂᒃ ᐅᕝᕙᓘᓐᓃᑦ ᐅᖃᐅᓰᑦ ᑐᑭᖏᓂᒃ ᓇᓗᓇᐃᖅᓯᔾᔪᑎᐅᔪᓐᓇᖖᖏᑦᑐᖅ, ᑎᑎᕋᖅᑕᐅᓯᒪᔪᓂᒃ ᐊᔾᔨᒌᖖᒋᑦᑐᓂᒃ ᑎᑎᕋᐅᓯᕐᓂᒃ ᑭᐳᑦᑎᕆᑐᐃᓐᓇᕐᓂᐅᓴᔪᖅ ᐅᖃᓕᒫᕆᐊᒥᒃ ᐊᔪᕐᓇᐃᓕᒋᐊᖅᑎᑦᓯᓪᓗᓂ. ᐅᖃᐅᓰᑦ ᖃᓄᕐᓗ ᐅᖃᖅᑕᐅᕙᓐᓂᖏᑦ ᒪᓕᑦᑐᒋᑦ ᑕᑯᒃᓴᐅᑎᑦᑎᕙᓐᓂᐊᖅᑐᖅ ᑎᑎᕋᐅᓯᕐᓂᓗ ᓇᕿᑦᑕᕇᖅᓯᒪᔪᓂᑦ ᐊᑐᐊᖅᓯᓗᓂ.