Nanilaurlavut
Nanilavut saqqitaulauqtuq 2019-mit ikajuqullugu Inungnik ilagiinik nanisiqullugit nagligijamitta iluvinginnik – tavvanissainnaq arraagumit gavamatuqakkut mamialauqtut Inungnut pilirinirilauqtanginnut puvaglungnami nunarjuamit qanimanarjuaqtaqaqtillugu. Nanilavut tukiqaqtut “let’s find them” Inuktitut. Taanna pigiaqtaulauqtuq piliriqatigiigutaulluni taakkunani gavamatuqakkunnit, Inuit Tapiriit Kanatamiikkunnit tisamaniglu nunagijaujut aviktuqsimajunit Inuit timiqutinginnik, taakkualu atuni kamallutik nangminiq ikajuqsuutiksamingnik.
Taanna Nanilavut pigiaqtausimajuq miksausaisimajuq ungataanit 850 Inuit tuqulauqtut iluaqsaqtautillungit puvaglungnamut qallunaanit aanniarvingnit, ammalu qaujisaqtiit niriuktut taakkua naisautiit unuqsivallianiarninginnit ilittivalliatilluta. Taanna Nanilavut titiqqirivvinga iluliqaqtuq tusaumajjutinik ungataanit 4,500 kamagijaulauqtunik akunninganit 1940 ammalu 1960.
Qanuq Ikajurunnaqpita
Nanilavut pijittirautiujuq aktuaqattautiliqtittiluni Inungnik asiusimajunik ilanginnik ammaluttauq atuinnaruilutik ikajuqsuutinik ilagiinut qiksaangnikkuuqtillugit, piqasiutillugit isumamut qanuinngittiarnirmut pijittirautinut ammalu iqqaumanirmut piliriaksanut. Gavamatuqakkut angiqsisaalauqtut $19.4 miliannik ungavariaqtauqullugu nanilavut pigiaqtaujuq taikungasungaq 2026mut.
Taanna titiqqirivvingat maana iniqaqtut gavamatuqakkunnut Kuinmut-Nunaqaqqaaqsimajulirijikkunnit ammalu takujaujunnarnatik kinakkutuinnarnut. Inuit Tapiriit Kanatami (ITK) pilirijut titiqqirivvik aulatauluni Inuit timiqutaanit.
Qinirumaguvit nagligijarnik asiujisimajarnik, uqaqatigiktit naammalaat Inuit timiujuqutingit ataanit.
Qinirluni asiujisimajamik nagligijamik ajurnaqtuujunnarmat ammalu quaqsaarnaqtukkuurnaqluni. Ikajuqtaujumaguvit, uqaalalutit akiqanngittumut Niriungniq Qanuinngittiarnirmut iqajuqtauvik uvuuna 1-855-242-3310 uvvaluunniit qarisaujakkut ikiaqqivingat takujaqturlugu uvuuna www.hopeforwellness.ca.
Qiniruvit tusaumajjutiksanik ilinniariaqtitauvalauqtut ilinniarvingita iluviqarvinginnit, takujaqturlugu Sulijumik Isumagijunnaiqatigiingnirmullu Kiglisiniaqtiit qarisaujakkut ikiaqvingagut uvuuna https://nctr.ca/records/reports/ uvvaluunniit Silattuqsarvingat Puritis Kalampiap Allanut Ilinniariaqtitauvalauqtut Qanuiliuqtauvalauqtunut Uqaqatigiingnirmullu Inigijaujuq https://irshdc.ubc.ca/