Kanatami Inuit Qanuqtuurutinga Qaujisarnirmut katujjaujunit tukisiumatittigasuaqtittigutauvuq iqqaumajauluni qaujimajauniarmat Inuit Nunangani qaujisaqtuqarutauninganik ammalu kasuqtitaulluni tamanna qanuiliusuunguningita qaujimajaunirijanga ullumimut qaujisarusiusuurnut tukitaaqtittisuuq Inuit niriugijangingnit piliriarijauningingnit qaujisaqpattut avittuqsimajuttinni nunalittinnilu, ammalu nalunaiqsivuq ilauqatauvviujunnautingingnik qanuiliurutiksangingnillu Inuit ammalu qaujisaqtiuvattut Akuniuluaqtualuk, qaujisaqtiit ammalu qaujisarviit ikajuqtaungaaqattasuungulirnikuunngamata Inuit Nunangani qaujisaqtuqaliraimmat, ullumiujuq ammalu kajusiniqainnaqtumik kinnguumattigaluaqtillutit inungnuungajunit kiglisiniaqtausimajunit ammalu tukisigiarutinit atuqtaujunnaqhlutit aaqqigutigijaulutit aksururutigilaattinnut.
Inuit Nunangani qaujisarniq aulatauluasuungungmat, kiinaujaqaqtitaulluni, ammalu kajusititaulluni Inuit
ilauqatautitaunngimmarihhlutit, ikajuutigijaunngiinnarutigijaulisuungullunilu inungnut qaujisarnirniinngaaqtunit. Kanatami Inuit Qanuqtuurutinga Qaujisarnirmut aaqqiitittigutiqarasuaqput tamakkununga akaunngiliurutiujunut. Nalunaiqsisimavuq tamanna tallimanik sivulliujjauqujaujunit aaqqiksuiqatigiillutit qanuiliurutigijauniaqtunit aulatittigialirunnaqtut iqanuit nunangani qaujisarniuqattaqtuq aulaniqattialirluni, attuiniqattiarunnarluni, ammalu atuutauttiarunnarluni inungnut. Nalunairsijut tallimanit sivullipauttiujjaujarialinnit tukimuattitaulutik kamagijaujariaqarniaqtunit kamagijaqalurtik Inuit Nunanganni qaujisaqtulirinirmik atuutilimmik, atuutiniqarniaqtumik, ammalu atuutiqattiaqtumik Inunnut. Atuliqtittiniq Kanatami Inuit Tukimuagutissanginnik Qaujisaqtulirinirmut (NISR) qinujjutausimammat taakkunani ITK’s 2020-2023 Strategy and Action Plan, Pijjutinga 6—“Pijunnarsititauqullugit Inuit qaujisaqtulirinikkut ammalu titiqqatigut ammalu tukisiumajjutissanit takuqattarunnanirmik, namminiqarnirmik takuqqujjiqattanirmillu.”
Kanatami Inuit Qanuqtuurutinga Qaujisarnirmut aaqqiktaulauqsimavuq piusititaugiaqullugu qaujisarniq Inungnut, qaujisarunnaqsilirlutit nunalittinni, kamagijaulutit kinnguumagijavut ammalu ikajurlutit piruqpalliagunnarnngit Inuit, kiinaujaliuttiarunnarluta uvattinnut ikajurniqarluni, Inungnut, tukisigiaqtittigutinit, ikajuutinit aturaksanit ammalu kiinaujanit isumaliuttiarunnaqulluta atuutaugajaqtunit ammalu tukisigiaqtittiniqalirajaqtuni atuagarnut ammalu piliriarnut ikajurajaqtut piusivaalliqtitaulutit inuusitta qanuittailiningit.
Kanatami Inuit Qanuqtuurutinga Qaujisarnirmut aaqqisuqtaulauqsimavuq iqqanaijaqatigijaullutit Inuit Qaujisarvingat Kanatami Katimajiralaangingnut, kiggaqtuijut atuni niruarunnaqtunit ammalu niruarunnanngittunit Inuit Tapiriit Kanatami Katimajingingnut.
Tukimuagutissait ikajuutiqarngata tukimuattittinirmik qaujisaqtulirinirmik Inunnut kamagijaujunit, Inunnut turaangajunit. Taakkua piliriat sivumuattittivalliajut Inunnit namminirsurlutik-tukitaarutiqaqattaniarngata qaujisaqtuliriqattanirmik.
Karen Kelly Inuit Tapiriit Kanatami−kkunnut qaujikkaqtaujunnaqpuq sivukkataqtiujuq Kanatami Inuit Qanuqtuurutinga Qaujisarnirmut Atuliqtitauninganik.
Ilagijaujut Inuit Qaujisaqatigiiktit Piliriaqaqtinginnut Inuit Nunalilimaanginnit upagutisimalutik sivulliqpaamik tavvani pinasuarusirmi katinnganiqarniaqput piruqtittisimaliriarlutik tunngavviqutiksauniaqtunik aaqqiksuivvigivanniaqtaminnut ammalu ikajuqtuiniqarnirnut aanniaqarnanngittulirinirmi qaujisainiujunut Inunnit, ammalu qaujisarutjiniujunut, pijjutigillugit Inuit.
Arvinilingnik (6) Ukiunik Nalliuniqsiurutiqalirningat saqqitaulauqsimavinginit Canadami Inuit Imminiiqattaqujinnginnilirinirmut Parnautiit
Arvinilingnik (6) Ukiunik Nalliuniqsiurutiqalirningat saqqitaulauqsimavinginit Canadami Inuit Imminiiqattaqujinnginnilirinirmut Parnautiit
The Trudeau government’s summer cabinet shakeup has created challenges when trying to advance Inuit political priorities in Ottawa, says Inuit Tapiriit Kanatami (ITK) President Natan Obed.
Strengthened partnerships between all levels of government, inclusive of Inuit representational organizations, would be a significant legacy of the COVID-19 pandemic, ensuring that we emerge stronger, and better able to face the next one.
ArcticNet’s Inuit Research Management Committee honours Jean Allen of Iqaluit in 2022 Inuit Recognition Award for her contributions to Inuit Nunangat research.
