Tautuqatigiigissi taassuminga tarrijaaksamik, uqaqatigilugillu sivuliuqtisi, qaritaujakkut irngiinnaarunnautikkut titirarvigisiuk Kanatamit Maligaliuqtirjuat ammalu apirilusi gavamatuqakkut piqujaksangit atuliqtitauqulugit Nunarjuamit Piliriqatigiit Uqausirilauqtanginnik tukiqattiaqtumik piliriqatigiiglutik Nunaqaqqaaqsimajut inuit amma ilautittilluni piliriusirnik saqqiiqullugit Nunaqaqqaaqsimajut Inuit Pijunnautinginnut Kamisanmik.

Kanataup Gavamangit angiqsimaliqtut pivalliaqatiqarlutik Inungnik, Nunaqaqqaaqsimajunik ammalu Allangajunik atuliqtittinasuaqtillugit Nunarjuamit Piliriqatigiit Uqausirilauqtanginnik tamatumunga Pijunnautinginnut Nunaqaqqaaqsimajut Inuit Kanatamit.

Inuit ikajuqsuttiaqtut tamatuminga.

Kisianili, isumaaluutiqarjuaqtugut gavamatuqakkut aturasuaqtanginnik tikiutisimaqullugit pimmariujumik turaaqtaujumik.

Taikannganit 2017, Inuit Tapiriit Kanatamit pilirijjujjijumajut maligaksamik atuliqtiritillugit Nunarjuamit Piliriqatigiit Uqausirilauqtanginnik ilautittijariaqarninginnut saqqiilutik immimut Nunaqaqqaaqsimajut Inuit Pijunnautinginnut Kamisankunnut.

Nunaqaqqaaqsimajut Inuit Pijunnautinginnut Kamisan piliriaqarajaqtuq qaujisainnarnirmut gavamatuqakkut malingninginnut pijunnautinik nalunaiqtausimajunik Nunarjuamit Piliriqatigiit Uqausirilauqtanginnik, ammalu kamalutik pijumisailutik taikkuninga pijunnautinik kanataluktaamit.

Ajjipalugilluniuk Kanatamit Inuit Pijunnautinginnut Kamisanngata, pilirijunnariaqarajaqtut qaujisaqattarlutik gavamatuqakkut sanavvinginnik ammalu iqqanaijarvinginnik, amma naksiujjivaglutik ilainnaaqtaunirmut−aktuajut unnirluutaujut taikunga Kanatamit Inuit Pijunnautinginnut Katimajinut qaakkanniagut qaujisaqtauqullugit.