Inuit Tapiriit Kanatami arraagumi tisamairaqtiqq qaujisarnirmut tukisigiaqtittigutingit qaujisasuunguvut kinguvanngittukkut atuagalirinirmuungajunit turaanganiqauttiaqtunik inungnut. Tukisigiaqtittigutiit upalungaijaqtausuunguvut Inuit qaujisarvinganut, Inuit Tapiriit Kanatami qaujisaqtulirijikkut pilirivvinga, ajjiqainnaqtuni pilirivvip pinasuaganganik qaujisaqattasuut ammalu qimirrullutit qaujisaarijaullutit atuqtaugunnarajarmata ikajuqtuqtaulutit sivumuattitauningit Inuit sivulliutiqujangit. Inuit Tapiriit Kanatami arraagumi tisamairaqtiqq qaujisarnirmut tukisigiaqtittigutingit aulatauqattasuut Inuit Tapiriit Kanatami 2020-2023 qanuqtuurutingatigut ammalu qanuiliurutiqarniarnirmut parnautingatigut. Taanna arraagumi avittuqsimajutigut uqalimaagat saqqiqtitausuut qaujisarnirmut tukisitittigiarutingit
nalunaijaisimavut qanuittullattaangungmangaata ikiaqqijjutinit aturunnarningit Inuit Nunangangni ammalu qaujisaqsimalluni sivuniksami piqutirjuat nappaqtaujariaqarajaqtut nalimugiiliqtitauqullugit qaritaujakkut ikiaqqijjutitigut nalimugiinnginninga Inuit Nunangan -gnimiut ammalu Kanatamiutaujut. Nunarjuarmi atuqtausuut aturaksaugajaqtut uqautausimavut ammalu ajjigiinnginningit qaujisaqtausimaningitta uqaqsimallutit Kanatap ullumiujuq ikiaqqijjutinut kasuqtarutingitta qanuqtuurutinganik.
Atuinnaumaningit sukattukkut ikiaqqijjutiit Inuit Nunangangni kinguvasijummariuvuq Kanatamiutait asingit sivuvasinniqsautillugit ammaluttauq kinguvasittummariulluni amisunit asingingnit ukiuqtaqtumi Gavamaqarviit avittuqsimaurningingnik. Akituluanngittumik, sukattumik ikiaqqijjutiqariaqallarittut Inuit ilauqatauqullugit nalimugiittukkut inuuqatauttiarniarmata ammalu kiinaujaliurutiqarasuaqattarlutit. Nuvagjuarnaq-19 aittuutaaluuqattatillugu ikiaqqijjutilirijjutiit atuqtausuunguningit nalimugiinngiluar ningingnik qaujinaqtummariusimaliqpuq taakkununga Inuit Nunangannimiutanut ammalu Kanatamiutarnut asingingnut. Inuit Nunangangni atuqattarnikuviningit Inuit ilinniarningit ammalu inuunasuarutingit tatiqalualiqsimaliqtut ikiaqqijjutinik aturia qarniqsaulirningingnut aittuutaaluuqattaliqtillugu nuvagjuarnaq sukattukkut ikiaqqij –
jutiqanngitummariuningingnik avittuqsimajumik qaujinaqsimajummariuliqpuq inuqutittinnik aturunnaqtaraluarmingnik aturunnaqattanngimmata ikiaqqijjutinik sukattunit pitaqanngiluamut. Ikiaqqijjutinut kasuqsimaniq ikajuqtuiniqasuungungmat ilinniariirutaujunnasuungulluni, kiinaujaliurasuaqtittigutaujunnammarihhluni, ammalu piusivaalliqtittisimasuuq pijittirarutinit aturlutit suurluk aanniaqtailimaniq, avittuqsimajumik pijittirarutiit aksururnatummariutillugit piluaqtumik.
